يَحْيَى 3 - أَتَّوْرَتْ دَ أَنَّبَاوَانِكُواْدِمُسْ يَذُواْ وُرِنْ عِيسَىٰ 1 أَݣَويْ وَنِ مُتُمْ مَيْ سُونَ نِكُواْدِمُسْ، وَنْدَ يَكٜىٰ عَڧُنْغِيَرْ ڢَرِسِيَاوَا، وَنِ شُوغَبَنْ يَهُودَاوَا؞ 2 وَنَّنْ مُتُمْ يَا ذُواْ وُرِنْ عِيسَىٰ دَ دَرٜىٰ، يَثٜىٰ مَسَ «مَلَمْ، مُنْ سَنْ ثٜىٰوَ كَيْ مَلَمِ نٜىٰ وَنْدَ اللَّهْ يَعَيْكُواْ، دُواْمِنْ بَابُوَنْدَ ذَيْ عِيَيِنْ وَطَنَّنْ عَلَمُنْ بَنْ مَامَاكِ سَيْدَيْ وَنْدَ اللَّهْ يَنَ تَرٜىٰ دَشِ؞» 3 سَيْ عِيسَىٰ يَأَمْسَ مَسَ يَثٜىٰ «حَڧِيڧَ، إِنَ غَيَ مَكَ، بَابُوَنْدَ ذَيْ عِيَ غَنِنْ مُلْكٍ اللَّهْ، سَيْدَيْ أَنْسَاكٜىٰ حَيْڢَرْسَ؞» 4 نِكُواْدِمُسْ يَيِ تَمْبَيَ يَثٜىٰ «تَيَيَا ذَاعَ حَيْڢِ مُتُمْ بَايَنْدَ يَا ڟُوڢَ؟ ذَيْسَاكٜىٰ كُواْمَاوَ ثِكِنْ مَامَرْسَ نٜىٰ أَ سَاكٜىٰ حَيْڢُوَرْسَ سَوْ نَبِيُ؟» 5 عِيسَىٰ يَأَمْسَ مَسَ يَثٜىٰ «حَڧِيڧَ، إِنَ غَيَ مَكَ، إِنْ بَ أَنْحَيْڢِ مُتُمْ تَضُوَ دَ رُوحُ بَ، بَذَيْ عِيَ شِغَ مُلْكٍ اللَّهْ بَ؞ 6 أَبِنْ دَ مُتُمْ يَحَيْڢَ مُتُمْ نٜىٰ، عَمَّا أَبِنْدَ رُوحُ يَحَيْڢَ رُوحُ نٜىٰ؞ 7 كَدَ ڢَا كَيِ مَامَاكِ دُواْمِنْ نَثٜىٰمَكَ، ‹دُواْلٜىٰ أَ سَاكٜىٰ حَيْڢَرْكُ›؞ 8 إِسْكَ تَنَ بُوسَوَ عِنْدَ تَغَ دَامَ؞ كَكَنْ جِ مُواْڟِنْتَ، عَمَّا بَكَ سَنْ وُرِنْ دَتَكٜىٰ ڢِتُواْوَبَ، بَكَكُمَ سَنْ عِنْدَ ذَاتَبَ؞ حَكَ يَكٜىٰ دَيْدَيْ دَ دُكَنْ مُتُمِنْ دَ رُوحُ يَحَيْڢَ؞» 9 سَيْ نِكُواْدِمُسْ يَتَمْبَيِ عِيسَىٰ يَثٜىٰ «تَيَيَا وَنَّنْ ذَيْ يِوُ؟» 10 سَيْ عِيسَىٰ يَأَمْسَ مَسَ يَثٜىٰ «كَيْ بَبَّنْ مَلَمِ نٜىٰ عَ إِسْرَٰٓءِيلَ، عَمَّا دُكْدَهَكَ بَكَ غَانٜىٰ وَطَنَّنْ أَبُبُوَبَ؟ 11 حَڧِيڧَ، إِنَ غَيَ مَكَ، مُنَ مَغَنَرْ أَبِنْدَ مُكَ سَنِ نٜىٰ، مُنَ كُمَ شَيْدَ مُكُ أَبِنْدَ مُكَ غَنِ، عَمَّا دُكْدَهَكَ كُنْڧِ كَرْٻَرْ أَبِنْدَ مُكَ غَيَ مُكُ؞ 12 إِنَ يِمُكُ مَغَنَ غَمٜىٰدَ أَبُبُوَنْ دَسُكٜىٰ أَنَنْ دُونِيَا، عَمَّا بَكُ بَادَ غَسْكِيَابَ، يَيَ ذَاكُ بَادَ غَسْكِيَ عِدَنْ نَا غَيَ مُكُ أَبُبُوَنْ دَسُكٜىٰ نَسَمَ؟ 13 بَاوَنْدَ يَتَٻَ هَوَ ذُوَا ثِكِنْ سَمَ سَيْدَيْ شِے طَنْ مُتُمْ كَطَيْ دَ يَسَوْكُواْ دَغَثَنْ؞ 14 «كَمَرْ دَيْ يَدَّ مُوسَٰى يَطَغَ مَثِيجِ نَتَغُلَّ أَدَاجِ، حَكَكُمَ دُواْلٜىٰنٜىٰ أَطَغَ طَنْ مُتُمْ، 15 دُواْمِنْ دُكْ وَنْدَ يَبَادَ غَسْكِيَ غَرٜىٰشِ، ذَيْسَامِ رَيْ نَهَرْ أَبَدَا؞ 16 «غَمَا اللَّهْ يَڧَوْنَثِ دُونِيَا سُواْسَيْ حَرْ يَبَادَ مَكَطَيْثِنْ طَنْسَ، دُواْمِنْ دُكَنْ وَنْدَ يَبَادَ غَسْكِيَ غَرٜىٰشِ كَدَ يَهَلَّكَ، عَمَّا يَسَامِ رَيْ نَهَرْ أَبَدَا؞ 17 غَمَا اللَّهْ بَيْ عَيْكُواْ طَنْسَ دُونِيَا دُواْمِنْ يَحُكُنْتَ دُونِيَابَ، عَمَّا دُواْمِنْ دُونِيَا تَسَامِ ثٜىٰتُواْ تَوُرِنْسَ؞ 18 «دُكْ وَنْدَ يَبَادَ غَسْكِيَ غَ طَنْ اللَّهْ، بَذَاعَ حُكُنْتَ شِيبَ؞ عَمَّا دُكْ وَنْدَ بَيْ بَادَ غَسْكِيَ غَرٜىٰشِ بَ، أَنْرِغَا أَنْحُكُنْتَ شِ كٜىٰنَنْ دُواْمِنْ بَيْ بَادَ غَسْكِيَ غَ سُونَنْ مَكَطَيْثِنْ طَنْ اللَّهْ بَ؞ 19 غَا يَدَّ حُكُنْثِنْ يَكٜىٰ، حَصْكٜىٰ يَشِغُواْ دُونِيَا، عَمَّا مُتَنٜىٰ سُكَڢِے ڧَوْنَرْ دُهُ ڢِيٜىٰدَ حَصْكٜىٰنْ، غَمَا أَيُّكَنْسُ مُوغَيٜىٰنٜىٰ؞ 20 دُكْ وَنْدَ يَكٜىٰ عَيْكَتَ رَشِنْ غَسْكِيَ يَكَنْڧِ حَصْكٜىٰنْ، بَذَيْ مَا ذُواْ وُرِنْ حَصْكٜىٰنْبَ، دُواْمِنْ كَدَ أَيُّكَنْسَ سُتُواْنُ؞ 21 عَمَّا مَيْ عَيْكَتَ غَسْكِيَ كُوَ يَكَنْ ذُواْ وَجٜىٰنْ حَصْكٜىٰنْ، دُواْمِنْ أَغَنِ أَڢِيلِ ثٜىٰوَ أَبِنْدَ يَكٜىٰيِ يَنَيِنٜىٰ دَ تَيْمَكُوانْ اللَّهْ؞» شَيْدَرْ يَحْيَى مَيْ بَڢْتِسْمَ عَكَنْ عِيسَىٰ 22 بَايَنْ حَكَ عِيسَىٰ دَ أَلْمَجِرَنْسَ سُكَ تَڢِے يَنْكِنْ يَهُودِيَ؞ أَ نَنْ يَجِمَ دَسُو، يَنَيِ وَمُتَنٜىٰ بَڢْتِسْمَ؞ 23 يَحْيَى كُمَ يَنَيِنْ بَڢْتِسْمَ أَعَيْنُوانْ كُسَدَ سَلِمْ، دُواْمِنْ أَݣَويْ ضُوَ مَيْ يَوَ عَثَنْ؞ مُتَنٜىٰ سُكَيِ تَظُوَ أَنَيِمُسُ بَڢْتِسْمَ؞ 24 وَنَّنْ يَڢَرُنٜىٰ كَاڢِنْ عَكُلّٜىٰ يَحْيَى ثِكِنْ كُرْكُكُ؞ 25 سَيْ أَلْمَجِرَنْ يَحْيَى سُكَ شِغَ غَرْدَمَ دَ وَنِ بَيَهُودٜىٰ عَكَنْ أَلْعَادَرْ وَنْكٜىٰ وَنْكٜىٰ دُواْمِنْ ڟَبْتَثٜىٰوَ بِسَغَ دُواْكَا؞ 26 سَيْ أَلْمَجِرَنْ سُكَجٜىٰ وُرِنْ يَحْيَى سُكَثٜىٰمَسَ «مَلَمْ، مُتُمِنْ دَ كُكٜىٰ تَرٜىٰدَشِ أَدَا عَڧٜىٰتَرٜىٰنْ كُواْغِنْ يُواْدَنْ، وَنْدَ كَيْ دَكَنْكَ مَا كَبَادَ شَيْدَ عَكَنْسَ، غَاشِ ثَنْ يَنَ يِنْ بَڢْتِسْمَ، حَرْ كُواْوَ دَ كُواْوَ يَنَ ذُوَا وُرِنْسَ؞» 27 سَيْ يَحْيَى يَأَمْسَ يَثٜىٰ «بَا مَيْ عِيَ سَامُنْ كُواْمٜىٰ سَيْ كُواْ أَنْبَاشِ دَغَ سَمَ؞ 28 كُو دَ كَنْكُ مَا شَيْدُنَ نٜىٰ دُواْمِنْ نَثٜىٰ، ‹بَ نِنٜىٰ أَلْمَسِيحُنْ بَ، عَمَّا أَنْعَيْكٜىٰنِنٜىٰ إِنْ رِغَا شِ ذُوَا؞› 29 عَبِكٍ عَوْرٜىٰ، أَنْغُواْ نٜىٰ مَيْ أَمَرْيَ؞ أَبُواْكِنْ أَنْغُواْ وَنْدَ يَجٜىٰ عَوْرٜىٰنْ كُوَ يَكَنْ جِرَا نٜىٰ كُرُمْ يَجِ مُرْيَرْ أَنْغُواْ؞ يَكَنْ كُمَ ثِكَ دَ ڢَضٍ ثِكِ عِدَنْ يَا جِ أَنْغُواْ يَيِ مَغَنَ؞ عَتَهَكَنٜىٰ ڢَضٍ ثِكِ نَوَ يَثِكَ؞ 30 دُواْلٜىٰنٜىٰ مُتُمِنَّنْ يَيِ تَڧَارُوَ، نِے كُمَ إِنْيِ تَرَغُوَ؞ وَنْدَ يَذُواْ دَغَ سَمَ 31 «شِ وَنْدَ يَذُواْ دَغَ سَمَ يَڢِ كُواْوَ؞ دُكَنْ وَنْدَ يَڢِتُواْ دَغَ دُونِيَا كُوَ نَدُونِيَا نٜىٰ، كُمَ يَكَنْيِ مَغَنَرْ أَبُبُوَنْ دُونِيَا نٜىٰ؞ وَنْدَ كُمَ يَذُواْ دَغَ سَمَ يَڢِ كُواْوَ دُكَ؞ 32 يَنَ شَيْدَرْ أَبِنْدَ يَجِ يَكُمَ غَنِ نٜىٰ، دُكْدَهَكَ بَاوَنْدَ يَيَرْدَ دَ شَيْدَرْسَ؞ 33 عَمَّا دُكْ وَنْدَ يَيَرْدَ دَ عَلَمَرْ شَيْدَرْسَ، يَتَبَّتَرْ كٜىٰنَنْ ثٜىٰوَ لَلَّيْ اللَّهْ مَيْ غَسْكِيَ نٜىٰ؞ 34 غَمَا شِے وَنْدَ اللَّهْ يَعَيْكُواْ، كَلْمَرْ اللَّهْ نٜىٰ يَكٜىٰ ڢَطِ، دُواْمِنْ اللَّهْ يَبَا شِ رُوحُنْسَ بَابُ إِيَاكَ؞ 35 عُبَنْ يَنَ ڧَوْنَرْ طَنْ، يَكُمَسَا كُواْمٜىٰ أَ حَنُّنْسَ؞ 36 دُكَنْ وَنْدَ يَكٜىٰ بَادَ غَسْكِيَ غَ طَنْ، يَنَدَ رَيْ نَهَرْ أَبَدَا؞ عَمَّا دُكْ وَنْدَ يَڧِ طَنْ، بَذَيْسَامِ رَيْ بَ، سَيْدَيْ ڢُشِنْ اللَّهْ يَكَسَنْثٜىٰ عَكَنْسَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria