يَحْيَى 15 - أَتَّوْرَتْ دَ أَنَّبَاوَا

عِيسَىٰ نٜىٰ إِتَاثٜىٰنْ إِنَبِے نَ عَيْنِحِ

¹ ‏«‏نِنٜىٰ إِتَاثٜىٰنْ إِنَبِے نَعَّيْنِحِ، عُبَانَ كُوَ شِينٜىٰ مَنُواْمِنْ؞

² كُواْوَنٜىٰ رٜىٰشٜىٰ عَثِكِنَ دَ بَايَ بَادَ یَیَ، سَيْ يَيَنْكٜىٰشِ؞ كُواْوَنٜىٰ رٜىٰشٜىٰ مَيْيِنْ یَیَ كُوَ يَكَنْ ڧَارَ ڠَرَشِ دُواْمِنْ يَڧَارَ حَيْڢُوَ؞

³ كُواْ يَنْذُ مَا كُنَدَ ڟَبْتَ سَبُواْدَ مَغَنَرْدَ نَڢَطَا مُكُ؞

⁴ كُذَوْنَ عَثِكِنَ، نِے كُمَ عَثِكِنْكُ؞ كَمَرْ يَدَّ رٜىٰشٜىٰنْ إِتَاثٜىٰنْ إِنَبِے بَايَ عِيَ بَادَ یَیَ دَكَنْسَ، سَيْ كُواْ يَكَسَنْثٜىٰ حَطٜىٰ دَ إِتَاثٜىٰنْ إِنَبِنْ، حَكَ كُو مَا بَذَاكُ عِيَبَ، سَيْ كُنْ كَسَنْثٜىٰ حَطٜىٰ دَنِے؞

⁵ ‏«‏نِنٜىٰ إِتَاثٜىٰنْ إِنَبِے، كُو كُوَ رَسَّنْ؞ وَنْدَ يَذَوْنَ عَثِكِنَ، نِے كُمَ عَثِكِنْسَ، شِينٜىٰ مَيْيِنْ یَیَ دَيَوَ؞ غَمَا إِنْ بَتَرٜىٰ دَنِے بَ، بَذَاكُ عِيَيِنْ كُواْمٜىٰبَ؞

⁶ دُكْ وَنْدَ بَيْ ذَوْنَ عَثِكِنَبَ، يَنَ كَمَ دَ رٜىٰشٜىٰنْ دَ عَكَ جٜىٰڢَرْ دَشِ يَبُوشٜىٰ؞ مُتَنٜىٰ سُكَنْ تَتَّارَ إِرِنْسُ نٜىٰ سُجٜىٰڢَ أَوُتَا، عَڧُواْنٜىٰسُ؞

⁷ إِنْ كُنْ ذَوْنَ عَثِكِنَ، مَغَنَاتَ كُمَ تَذَوْنَ عَثِكِنْكُ، ذَاكُ ضُواْڧِ دُكْ أَبِنْدَ كُكٜىٰسُواْ، ذَاعَ كُوَ يِمُكُ؞

⁸ كُحَيْڢَرْ دَ حَلِنْ رَايُوَا مَيْݣَوْ وَدَّ ذَاتَ نُونَ ثٜىٰوَ كُو أَلْمَجِرَيْنَ نٜىٰ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ، غَمَا وَنَّنْ نٜىٰ يَكٜىٰ طَوْكَكَ عُبَانَ؞

⁹ كَمَرْ يَدَّ عُبَا يَڧَوْنَثٜىٰنِ، حَكَ نِے مَا إِنَ ڧَوْنَرْكُ؞ تُواْ، كُذَوْنَ عَثِكِنْ ڧَوْنَرْ دَ نَكٜىٰ نُونَ مُكُ؞

¹⁰ نِے نَبِے عُمَرْنَنْ عُبَانَ، نَكُمَ ذَوْنَ عَثِكِنْ ڧَوْنَرْسَ؞ حَكَ كُو كُمَ، إِنْ كُنْبِے عُمَرْنَيْنَ ذَاكُ ذَوْنَ عَثِكِنْ ڧَوْنَتَ؞

¹¹ ‏«‏نَغَيَ مُكُ حَكَ دُواْمِنْ ڢَضٍ ثِكِنَ يَكَسَنْثٜىٰ عَثِكِنْكُ، ڢَضٍ ثِكِنْكُ كُمَ يَذَمَ ثِكَكّٜىٰ؞

¹² عُمَرْنِنَ، شِينٜىٰ، كُڧَوْنَثِ جُونَ كَمَرْ يَدَّ نَڧَوْنَثٜىٰكُ؞

¹³ بَا ڧَوْنَرْ دَ تَڢِے وَنَّنْ، وَتُواْ مُتُمْ يَبَادَ رَنْسَ سَبُواْدَ أَبُواْكَنْسَ؞

¹⁴ كُو أَبُواْكَيْنَ نٜىٰ إِنْ كُنْيِ أَبِنْدَ نَثٜىٰ كُيِ؞

¹⁵ بَذَنْ ڧَارَثٜىٰ دَكُو بَيِبَ كُمَ، دُوانْ بَاوَ بَيْ سَنْ أَبِنْدَ مَيْغِدَنْسَ يَكٜىٰيِبَ؞ عَمَّا إِنَثٜىٰ دَكُو أَبُواْكَيْ غَمَا نَا غَيَ مُكُ دُكَنْ أَبِنْدَ نَجِ دَغَ وُرِنْ عُبَانَ؞

¹⁶ بَكُو كُكَ ذَاٻٜىٰنِبَ، نِنٜىٰ نَا ذَاٻٜىٰكُ، نَكُمَ سَاكُ كُجٜىٰ كُحَيْڢَرْ دَ هَلَيٜىٰنْ رَايُوَا مَيْݣَوْ كَمَرْ إِتَاثٜىٰ مَيْ حَيْڢَرْ دَ یَیَ، هَلَيٜىٰنْ دَ ذَاسُ دَوَّمَ؞ سَعَنً عُبَا ذَيْبَاكُ دُكَنْ أَبِنْدَ كُكَ ضُواْڧَا عَثِكِنْ سُونَنَ؞

¹⁷ عُمَرْنِنْدَ نَبَاكُ شِينٜىٰ كُڧَوْنَثِ جُونَ؞»‏

ڧِيَيَّرْ دُونِيَا

¹⁸ ‏«‏عِدَنْ دَيْ دُونِيَا تَڧِيكُ، كُسَنِ ثٜىٰوَ تَڧِينِ كَاڢِنْ تَڧِيكُ؞

¹⁹ دَكُو نَدُونِيَا نٜىٰ دَدُونِيَا تَاسُواْ أَبِنْتَ، عَمَّا سَبُواْدَ كُو بَ نَدُونِيَا بَنٜىٰ، نَكُمَ ذَاٻٜىٰكُ دَغَ دُونِيَا، شِيَسَا دُونِيَا تَكٜىٰ ڧِنْكُ؞

²⁰ كُتُنَ دَ أَبِنْدَ نَڢَطَا مُكُ ثٜىٰوَ ‏‹‏بَاوَ بَايَڢِنْ مَيْغِدَنْسَ؞›‏ إِنْ سُنْ ڟَنَنْتَ مِنِ، كُو مَا ذَاسُ ڟَنَنْتَ مُكُ؞ دَ سُنْيِ بِيَيَّ دَ مَغَنَاتَ دَ ذَاسُيِ بِيَيَّ دَ تَاكُ كُو مَا؞

²¹ ذَاسُيِ مُكُ دُكَنْ وَطَنَّنْ نٜىٰ سَبُواْدَ سُونَنَ، دُوانْ بَسُ سَنْ وَنْدَ يَعَيْكُواْنِبَ؞

²² دَبَدُواْمِنْ نَذُواْ نَيِ مُسُ مَغَنَ بَ، دَبَاسُ دَ ذُنُوبِ؞ عَمَّا يَنْذُ كَمْ، بَاسُدَ وَتَ حُجَّ عَكَنْ ذُنُوبِنْسُ؞

²³ وَنْدَ يَڧِنِ يَڧِ عُبَانَ مَا؞

²⁴ نَيِ أَيُّكَ دَيَوَ عَثِكِنْسُ وَطَنْدَ بَاوَنْدَ يَتَٻَيِ؞ دَاعَثٜىٰ بَنْيِ أَيُّكَنَّنْبَ دَ بَاسُ دَ ذُنُوبِ؞ عَمَّا يَنْذُ سُنْ غَا أَبِنْدَ نَيِ، عَمَّا دُكْدَهَكَ سُنْڧِينِ، سُنْ كُمَڧِ عُبَانَ؞

²⁵ وَنَّنْ يَڢَرُ نٜىٰ كُوَ دُواْمِنْ عَثِكَ مَغَنَرْ دَتَكٜىٰ أَرُبُوثٜىٰ أَ كُواْيَرْوَرْسُ ثٜىٰوَ ‏‹‏سُنْڧِينِ بَادَلِيلِ؞›‏

²⁶ ‏«‏ذَنْسَا مَيْ تَيْمَكُواْ يَذُواْ وُرِنْكُ دَغَ وُرِنْ عُبَا؞ شِينٜىٰ رُوحُ نَغَسْكِيَ، مَيْ ڢِتُواْوَ دَغَ وُرِنْ عُبَا، شِينٜىٰ ذَيْ يِشَيْدَ عَكَيْنَ؞

²⁷ كُو مَا شَيْدُ نٜىٰ، دُواْمِنْ تُنْڢَرْكُواْ كُنَ تَرٜىٰدَنِ؞