إِرْمِيَ 6 - أَتَّوْرَتْ دَ أَنَّبَاوَا

غَرْغَطِ غَمٜىٰدَ يَاڧِ أَ عُرُوشَلِيمَ

¹ ‏«‏يَا كُو مُتَنٜىٰنْ ذُرِيَرْ بِلِيَامِنُ، كُغُدُ دُوانْ رَنْكُ!‏ كُغُدُ دَغَ ڟَكِيَرْ عُرُوشَلِيمَ!‏ كُبُوسَ ڧَهُواْ أَ تٜىٰكُواْوَ، كُتَادَ عَلَمَ عَكَنْ بٜىٰتْ هَكّٜىٰرٜىٰمْ، غَمَا مَسِيڢَ تَنَ تَاسُواْوَ دَغَ أَرٜىٰوَ، عِ، بَبَّرْ هَلَّكَ تَنَ ذُوَا!‏

² يَا ذُوثِيَاتَ عُرُوشَلِيمَ، كٜىٰ ثٜىٰ وُرِے مَيْݣَوْ نَكِيوُاْ، عَمَّا ذَنْ هَلَكَاكِ؞

³ كَمَرْ مَكِيَايَ دَ غَرْكُنَنْسُ، سَرَاكُنَ دَ سُواْجُواْجِنْسُ ذَاسُذُواْ وُرِنْكِ؞ ذَاسُ كَكَّڢَ تٜىٰنْتُنَنْسُ كٜىٰوَيٜىٰ دَكٜىٰ، كُواْوَ دَ سَاشٜىٰنْ كِيوُانْسَ؞

⁴ سَرَاكُنَ ذَاسُ ڢَطَا وَسُواْجُواْجِنْسُ، ‏‹‏كُشِرْيَ مُكَيْ مَتَ يَاڧِ!‏ كُتَاشِ، مُو ڢَاطَ مَتَ دَ ڟَكَرْ رَانَ!‏ أَيَّ!‏ غَا رَانَ تَنَ ڢَاطُوَ، دُهُنْ يَمَّ كُمَ يَنَ شِغُواْوَ؞

⁵ كُتَاشِ!‏ مُكَيْ مَتَ هَرِ دَ دَرٜىٰ، مُرُشٜىٰ وُرَارٜىٰنْتَ مَاسُ كَتَنْ‌غَ!‏›‏ »‏

⁶ إِنْجِ يَهْوٜىٰهْ مَيْ ضُنْدُنَا، ‏«‏أَ سَسَّارٜىٰ عِتَتُوَنْ عُرُوشَلِيمَ، عَتَارَ ڧَسَا أَ هَوْ تَكَتَنْ‌غَرْتَ؞ دُواْلٜىٰ أَ حُكُنْتَ بِرْنِنَّنْ سَبُواْدَ بَاكُواْمٜىٰ عَثِكِنْتَ سَيْ دَنِّيَ؞

⁷ كَمَرْ يَدَّ رِجِيَ تَكٜىٰ ٻُلْٻُلُّواْ دَ ضُوَنْتَ، حَكَ عُرُوشَلِيمَ تَكٜىٰ ٻُلْٻُلُّواْ دَ مُغُنْتَارْتَ؞ أَنَ تَجِنْ لَابَرِنْ مُغُنْتَادَ تَادَ حَنْكَلِ عَثِكِنْتَ، كُلُّمْ عِدَنُونَ سُنَ غَنِنْ ثِيوُانْتَ دَ رَوْنِنْتَ؞

⁸ يَا كُو مُتَنٜىٰنْ عُرُوشَلِيمَ، كُجِ غَرْغَطِنَّنْ، دُواْمِنْ كَدَ إِنْجُويَا دَغَ غَرٜىٰكُ سَبُواْدَ ڨَمَرْكُ، دُواْمِنْ كَدَ إِنْمَيْشٜىٰكُ كُڢَيْ، ڧَسَرْدَ بَابُ كُواْوَ عَثِكِ؞»‏

⁹ إِنْجِ يَهْوٜىٰهْ مَيْ ضُنْدُنَا، ‏«‏كَمَرْ يَدَّ عَكٜىٰيِنْ كَالَنْ غُواْنَرْ إِنَبِے، ذَاعَيِ كَالَنْ ضَغُواْوَرْ جَمَعَرْ إِسْرَٰٓءِيلَ؞ كَمَرْ يَدَّ مَيْ كَالَنْ یَیَنْ إِتَاثٜىٰنْ إِنَبِے يَمِيڧَ حَنُّنْسَ عَكَنْ رَسَّنْ إِتَاثٜىٰ، حَكَ سَيْ كَسَاكٜىٰ مِيڧَ حَنُّنْكَ عَكَنْ ضَغُواْوَرْ إِسْرَٰٓءِيلَ؞»‏

ڢُشِنْ إِرْمِيَ

¹⁰ غَ وَنٜىٰنٜىٰ ذَنْيِ مَغَنَ؟ وَ ذَنْ غَرْغَطٜىٰشِ حَرْ يَجِ؟ غَاشِ، كُنُّوَنْسُ سُنْ تُواْشٜىٰ، بَذَاسُ عِيَ جِبَ؞ غَاشِ، مَغَنَرْ يَهْوٜىٰهْ أَوَجٜىٰنْسُ تَذَمَ أَبِنْ ذَاغِ، بَ تَذَمَ أَبِنْ مَرْمَرِبَ؞

¹¹ سَبُواْدَ حَكَ إِنَ ثِكٜىٰ دَ ڢُشِنْ يَهْوٜىٰهْ، حَرْ مَا نَغَاجِ دَ رِڧٜىٰ ڢُشِنْ؞ أَ ظُبَ ڢُشِنْ عَكَنْ يَارَا عَتِيتِ، دَ كُمَ عَكَنْ تَارُوانْ سَمَارِ، عَكَنْ مَظَا دَ مَاتَا، دَ كُمَ عَكَنْ ڟُواْڢَڢِّ دَ دَتَّاوَا؞

ڢُشِنْ يَهْوٜىٰهْ ذَيْ ٻَرْكٜىٰ عَكَنْ كُواْوَ

¹² غِدَاجٜىٰنْسُ ذَاعَ بَا وَطَنْسُ، دُكْ دَ غُواْنَكِنْسُ دَ مَاتَنْسُ؞ غَمَا ذَنْ مِيڧَ هَنُّونَ إِنْيِ غَابَادَ مَذَوْنَنْ ڧَسَرْ؞ نِے يَهْوٜىٰهْ نَا ڢَطَا؞

¹³ غَمَا دَغَ مَڢِے ڧَرَمِ ذُوَا مَڢِے غِرْمَ عَثِكِنْسُ، كُواْوَنّٜىٰنْسُ يَنَ ݣُوطَيِنْ ثِنْ ڧَظَامَرْ رِيبَ؞ عِ، حَرْ مَا دَغَ أَنَّبِے ذُوَا ڢِرِسْتِ، كُواْوَنّٜىٰنْسُ يَنَ يِنْ رَشِنْ غَسْكِيَ؞

¹⁴ سُنْيِ جِنْيَرْ رَوْنِنْ مُتَنٜىٰنَ سَمَ سَمَ، سُنَ ثٜىٰوَ ‏«‏سَلَمَ، سَلَمَ،»‏ غَاشِ كُوَ بَابُ سَلَمَ؞

¹⁵ سُنْيِ أَبِنْ كُنْيَا، سُنْ عَيْكَتَ أَبُبُوَنْ بَنْ ڨَمَ، عَمَّا بَسُجِ كُنْيَابَ كُواْ كَطَنْ؞ بَسُمَا سَنْ يَدَّ ذَاعَ سُنْكُيَرْ دَكَيْ ثِكِنْ كُنْيَابَ؞ سَبُواْدَ حَكَ، ذَاسُ ڢَاطِ عَثِكِنْ مَاسُ ڢَاطُوَ، سَعَدَّ نَحُكُنْتَسُ، ذَاعَ تُمْٻُكٜىٰسُ؞ نِے يَهْوٜىٰهْ نَا ڢَطَا؞

جَمَعَرْ يَهْوٜىٰهْ تَا ڧِ بِنْ حَنْيَرْسَ

¹⁶ إِنْجِ يَهْوٜىٰهْ، ‏«‏كُڟَيَ عِنْدَ هَنْيُواْيِ سُكَ حَطُ، كُدُوبَ، كُيِ تَمْبَيَ عَكَنْ هَنْيُواْيِنْ دَا، كُيِ تَمْبَيَ عَكَنْ حَنْيَ مَيْݣَوْ؞ كُيِ تَڢِيَ أَ حَنْيَرْ نَنْ، كُسَامِ هُوتَوَا دُواْمِنْ رَايُكَنْكُ؞ عَمَّا كُكَثٜىٰ، ‏‹‏بَذَامُيِ تَڢِيَ أَ حَنْيَرْ نَنْبَ؞›‏

¹⁷ نَسَا مُكُ مَاسُ ڟَرُواْ، نَثٜىٰ، ‏‹‏كُكَسَ كُنّٜىٰ كُجِ ڧَارَرْ ڧَهُواْ؞›‏ عَمَّا كُكَثٜىٰ، ‏‹‏بَذَامُجِ غَرْغَطِنْبَ؞›‏

¹⁸ سَبُواْدَ حَكَ كُجِ، يَا كُو أَلْعُمَّيْ، كُسَنِ، يَا كُو تَارُوانْ شَيْدُ، أَبِنْدَ ذَيْ ڢَرُ دَسُو؞

¹⁹ يَا كٜىٰ دُونِيَا، كِكَسَ كُنّٜىٰ!‏ غَاشِ، نِے ذَنْ كَٰوُاْ مَسِيڢَ عَكَنْ جَمَعَرْ نَنْ، سَكَمَكُوانْ ڧُلّٜىٰ ڧُلّٜىٰنْسُ، غَمَا بَسُ كَسَ كُنّٜىٰ غَ مَغَنَاتَبَ، كُواْيَرْوَاتَا كُوَ سُنْڧِے سُبِيتَ؞

²⁰ إِنَا أَمْڢَانِ عَكَٰوُاْ مِنِ تُرَارٜىٰ دَغَ شٜىٰبَ، كُواْ عَكَٰوُاْ رَكٜىٰ دَغَ ڧَسَا مَيْ نِيسَ؟ هَدَايُنْكُ نَڧُواْنَاوَا بَ أَبِنْ كَرْٻَ بَنٜىٰ أَغَرٜىٰنِ، هَدَايُنْكُ كُمَ بَسُ غَمْشٜىٰنِبَ؞»‏

²¹ إِنْجِ يَهْوٜىٰهْ ‏«‏سَبُواْدَ حَكَ، غَاشِ، ذَنْسَا أَبِنْ تُنْتُنْٻٜىٰ أَغَبَنْ جَمَعَرْ نَنْ، وَنْدَ ذَاسُيِ تُنْتُٻٜىٰ عَكَيْ؞ إِيَايٜىٰ دَ یَیَ، مَڨُوبْتَ دَ أَبُواْكَيْ، دُكَ ذَاسُ هَلَّكَ تَرٜىٰ!‏»‏

²² إِنْجِ يَهْوٜىٰهْ، ‏«‏غَاشِ، وَتَ ڧَبِيلَ تَنَ ذُوَا دَغَ أَرٜىٰوَ، ذَاعَ تَادَ بَبَّرْ أَلْعُمَّ دَغَ إِيَاكَرْ دُونِيَا دُواْمِنْ يَاڧِ؞

²³ سُنَ رِڧٜىٰ دَ بَكَ دَ مَاشِ، مُوغَيٜىٰ نٜىٰ مَرَسَ تَوْسَيِ، ڧَارَرْ مُواْڟِنْسُ كَمَرْ ڧَارَرْ ضُوً تٜىٰكُ نٜىٰ؞ سُنَ تَڢِيَ عَكَنْ دَوَكِ، سُنَ أَشِرْيٜىٰ دَ نُڢِ طَيَ، دُواْمِنْ سُيِ يَاڧِ دَكٜىٰ، يَا ذُوثِيَاتَ سِهِيُواْنَ!‏»‏

²⁴ جَمَعَرْ عُرُوشَلِيمَ سُنْثٜىٰ، ‏«‏مُنْجِ رَهُواْتُواْ غَمٜىٰدَ أَبُواْكَنْ غَابَنْمُ، حَنُّوَنْمُ كُوَ سُكَ مُتُ؞ عَذَابَ تَكَامَمُ، ذَاڢِ إِرِنْ نَمَثٜىٰ مَيْ نَڧُدَ؞

²⁵ كَدَ مُڢِتَ ذُوَا غُواْنَ، كُواْ مُيِ تَڢِيَ عَكَنْ حَنْيَ، غَمَا أَبُواْكِنْ غَابَا يَنَدَ تَكُواْبِے أَ حَنُّ، رَظَنَ كُمَ تَرُڢٜىٰمُ عَتَكُواْوَنٜىٰ غٜىٰڢٜىٰ؞»‏

²⁶ إِنْجِ يَهْوٜىٰهْ، ‏«‏يَا كٜىٰ ذُوثِيَاتَ، جَمَعَتَ، كِسَا رِيغُنَنْ نُونَ بَڧِنْ ثِكِ، كِيِ بِرْغِمَ ثِكِنْ تُواْكَ، كِيِ مَكُواْكِ مَيْ ذَاڢِ، إِرِنْ دَ عَكَنْيِ وَطَ طَيَ تَكْ، غَمَا بَا لَابَرِ مَيْ هَلَّكَرْوَ ذَيْ ٻُلُّواْ؞

²⁷ يَا إِرْمِيَ، نَامَيْشٜىٰكَ مَيْ عَوْنَ مُتَنٜىٰنَ دَ مَيْ تَاثٜىٰ دَرَجَرْسُ، دُواْمِنْ كَسَنِ كَأَوْنَ أَلْعَمُرَنْسُ؞

²⁸ دُكَنْسُ مَاسُ تَوْرِنْ كَيْنٜىٰ، یَنْ تَاوَيٜىٰ، سُنَ يَٰوُاْ سُنَ بَظَ مَغَنَرْ ٻَاتَ سُونَ؞ سُنَدَ ڧَرْڢِے كَمَرْ تَغُلَّ دَ بَڧِنْ ڧَرْڢٜىٰ، دُكَنْسُ مَاسُ عَيْكَتَ مُغُنْتَا نٜىٰ؞

²⁹ دُكْ دَ يَوَنْ ذُغَ هَرْشٜىٰنْ وُتَا دُواْمِنْ عَتَاثٜىٰ أَظُرْڢَا عَثِرٜىٰ دَرْمَ، عَيْكِنْ تَاثٜىٰوَرْ يَذَمَ عَيْكِنْ بَنْظَ؞ غَمَا بَعَ عِيَ ثِرٜىٰ مُوغَيٜىٰ دَغَ جَمَعَتَبَ؞

³⁰ أَنَ كِرَنْسُ دَ سُونَ أَظُرْڢَرْ بَنْظَ وَدَّ عَكَ ڧِ، غَمَا نِے يَهْوٜىٰهْ نَڧِيسُ؞»‏