إِرْمِيَ 52 - أَتَّوْرَتْ دَ أَنَّبَاوَامَيْمَيْتَاوَرْ لَابَرِنْ ڢَاطُوَرْ عُرُوشَلِيمَ ﴿ 2 سَرْ 24.18—25.7 ؛ 2 تَارْ 36.11-16 ، 17-20 ؛ إِرْمِ 39.1-10 ﴾ 1 صَدِڧِيَ يَنَدَ شٜىٰكَرَا عَشِرِنْ دَ طَيَ سَعَدَّ يَڢَارَ مُلْكِ؞ يَيِ مُلْكِ أَ عُرُوشَلِيمَ شٜىٰكَرَا غُواْمَشَا طَيَ؞ سُونَنْ مَامَرْسَ، هَمُتَلْ یَرْ إِرْمِيَ مُتُمِنْ لِبْنَ؞ 2 يَعَيْكَتَ مُغُنْتَا أَغَبَنْ يَهْوٜىٰهْ، كَمَرْ يَدَّ سَرْكِے يٜىٰهُواْيَكِمْ يَيِ؞ 3 حَڧِيڧَ عُرُوشَلِيمَ دَ يَهُودَ سُنْ سَا يَهْوٜىٰهْ يَايِ ڢُشِے حَرْ يَا كَوَرْ دَسُو دَغَ غَبَنْسَ؞ صَدِڧِيَ كُوَ يَيِ وَسَرْكِنْ بَابِيلَ تَاوَيٜىٰ؞ 4 أَ شٜىٰكَرَا تَتَرَ تَمُلْكٍ سَرْكِے صَدِڧِيَ نَ يَهُودَ، عَثِكِنْ وَتَنْ غُواْمَ، أَ رَانَ تَغُواْمَ، سَيْ سَرْكِے نٜىٰبُكَدْنٜىٰزَّرْ نَ بَابِيلَ يَذُواْ دَ دُكَنْ سُواْجُواْجِنْسَ دُواْمِنْ يَيِ يَاڧِ دَ عُرُوشَلِيمَ؞ سُواْجُواْجِنْ بَابِيلَ سُكَ كٜىٰوَيٜىٰ بِرْنِنْ دُواْمِنْ يَاڧِ، سُكَتَادَ أَبُبُوَنْ هَوْرَ كَتَنْغَ دُواْمِنْ سُشِغَ بِرْنِنْ؞ 5 بِرْنِنْ يَكَسَنْثٜىٰ حَكَ دَ سُواْجُواْجِ عَكٜىٰوَيٜىٰ دُواْمِنْ يَاڧِ حَرْ شٜىٰكَرَا تَغُواْمَشَا طَيَ تَمُلْكٍ سَرْكِے صَدِڧِيَ؞ 6 أَ رَانَ تَتَرَ أَوَتَنْ حُطُ، أَ لُواْكَثِنْ دَ يُنْوَ تَيِ ڟَنَنِ عَثِكِنْ بِرْنِنْ حَرْ بَابُ عَبِنْثِنْ دَ مُتَنٜىٰ ذَاسُثِ، 7 سَيْ عَكَ هُودَ بَنْغُوانْ بِرْنِنْ؞ سَيْ دُكَنْ سُواْجُواْجِ سُكَ غُدُ سُكَ ڢِتَ دَغَ بِرْنِنْ دَ دَرٜىٰ؞ سُكَبِے تَڧُواْڢَرْ دَتَكٜىٰ ڟَكَانِنْ بَنْغُواْ بِيُ، وَدَّ تَكٜىٰ كُسَدَ غُواْنَرْ سَرْكِے كُواْدَيَكٜىٰ سُواْجُواْجِنْ بَابِيلَ سُنَانَنْ كٜىٰوَيٜىٰ دَ بِرْنِنْ؞ سَيْ سُكَ غُدُ سُكَ نُڢَ ݣُورِنْ يُواْدَنْ؞ 8 عَمَّا سُواْجُواْجِنْ بَابِيلَ سُكَبِے سَرْكِے صَدِڧِيَ نَ يَهُودَ، سُكَ كَامَ شِ أَ ڢِيلَيٜىٰنْ يٜىٰرِكُواْ؞ دُكَنْ سُواْجُواْجِنْ صَدِڧِيَ كُوَ سُكَ وَڟٜىٰ سُكَ بَرْشِ؞ 9 دَ سُواْجُواْجِنْ بَابِيلَ سُكَ كَامَ صَدِڧِيَ سَيْ سُكَ كَٰوُاْ شِ وُرِنْ سَرْكِے نٜىٰبُكَدْنٜىٰزَّرْ نَ بَابِيلَ أَغَرِنْ رِبْلَ نَيَنْكِنْ هَمَتْ؞ أَوُرِنْ نٜىٰ نٜىٰبُكَدْنٜىٰزَّرْ يَيَنْكٜىٰ مَسَ حُكُنْثِ؞ 10 سَيْ سَرْكِے نٜىٰبُكَدْنٜىٰزَّرْ يَسَا عَكَ كَكَّشٜىٰ یَیَ مَظَا نَ صَدِڧِيَ أَعِدُوانْسَ؞ يَكُمَسَا عَكَ كَكَّشٜىٰ دُكَنْ شُوغَبَنِّنْ يَهُودَ أَغَرِنْ رِبْلَ؞ 11 سَرْكِے نٜىٰبُكَدْنٜىٰزَّرْ يَثِثِّرٜىٰ إِدَانُنْ سَرْكِے صَدِڧِيَ، يَطَوْرَا مَسَ سَرْڧَرْ ڧَرْڢٜىٰ، يَكَيْ شِ بَابِيلَ، يَسَا شِ عَكُرْكُكُ حَرْ رَانَرْ دَ سَرْكِے صَدِڧِيَ يَمُتُ؞ 12 أَ رَانَ تَغُواْمَ أَوَتَ نَبِيَرْ أَ شٜىٰكَرَا تَغُواْمَشَا تَرَ تَمُلْكٍ سَرْكِے نٜىٰبُكَدْنٜىٰزَّرْ نَ بَابِيلَ، سَيْ نٜىٰبُظَرَدَنْ شُوغَبَنْ یَنْ غَادِنْ سَرْكِے يَذُواْ عُرُوشَلِيمَ أَمَڟَيِنْسَ نَوَكِيلِنْ سَرْكِے نٜىٰبُكَدْنٜىٰزَّرْ؞ 13 دَ يَشِغَ غَرِنْ، سَيْ نٜىٰبُظَرَدَنْ يَڧُواْنٜىٰ غِدَنْ يَهْوٜىٰهْ دَ غِدَنْ سَرْكِے دَ دُكَنْ غِدَاجٜىٰنْ مَنْيَنْ مُتَنٜىٰ نَ عُرُوشَلِيمَ؞ 14 سَيْ دُكَنْ سُواْجُواْجِنْ بَابِيلَ وَطَنْدَ سُكٜىٰ تَرٜىٰ دَشِ سُكَ رُشٜىٰ دُكَنْ كَتَنْغَرْ عُرُوشَلِيمَ؞ 15 سَعَنً نٜىٰبُظَرَدَنْ يَݣُوشِ ضَغُواْوَرْ جَمَعَ دَغَ عُرُوشَلِيمَ ذُوَا ذَمَنْ بَوْتَادَ كُمَ وَطَنْسُ مَڢِے تَلَوْثِ دَ وَطَنْدَ دَا سُكَ غُدُ سُكَ بَادَ كَنْسُ أَ حَنُّنْسَ دَ وَطَنْسُ مَاسُ سَنَعَرْ حَنُّ وَطَنْدَ سُكَ ضَغٜىٰ، دُكَنْسُ يَكَيْسُ ذَمَنْ بَوْتَا عَ بَابِيلَ؞ 16 عَمَّا نٜىٰبُظَرَدَنْ يَبَرْ وَطَنْسُ مَڢِے تَلَوْثِ عَڧَسَرْ دُواْمِنْ سُيِ عَيْكِ أَغُواْنَكِنْ إِنَبِے دَ سَوْرَنْ غُواْنَكِ؞ 17 سُواْجُواْجِنْ بَابِيلَ سُكَ ڢَرْڢَسَ غِنْشِڧَنْ تَغُلَّ نَثِكِنْ غِدَنْ يَهْوٜىٰهْ دَ أَمَلَنْكٜىٰنْ دَسُكٜىٰ ثِكِنْ غِدَنْ دَ ڧَتُوانْ ݣُونُوانْ تَغُلَّ وَنْدَ عَكٜىٰ كِرَنْسَ تٜىٰكُ؞ سُواْجُواْجِنْ كُوَ سُكَ ݣُوشٜىٰسُ ذُوَا بَابِيلَ؞ 18 سُكَ ݣُوشِ تُݣُونٜىٰ دَ شٜىٰبُرُواْرِ دَ أَبُبُوَنْ كَشٜىٰ وُتَادَ مَنْيَنْ ݣُونُواْنِ دَ ݣُونُواْنِ دَ دُكَنْ كَايَنْ تَغُلَّ وَطَنْدَ ڢِرِسْتُواْثِے سُكٜىٰ أَمْڢَانِ دَسُو دُواْمِنْ حِدِمَرْ يَهْوٜىٰهْ؞ 19 سُكَ كُمَ ݣُوشٜىٰ مَنْيَنْ ݣُونُواْنِ دَ ݣُونُواْنِ نَݣُوشِ غَرْوَشِنْ وُتَادَ ڧأَنَانً ݣُونُواْنِ دَ تُݣُونٜىٰ دَ سَنْدُنَنْ رِڧٜىٰ ڢِتِلُ دَ تُݣُونٜىٰنْ ڧَرْڢٜىٰ دَ دُكَنْ ݣُوڢُنَ دَ دُكْ دَيْ أَبِنْدَ عَكَيِشِ دَ ظِينَارِيَ ظَلَّ كُواْ أَظُرْڢَا ظَلَّ، نٜىٰبُظَرَدَنْ يَتَڢِدَسُو؞ 20 نَوْيِنْ تَغُلَّرْ دَ سَرْكِے سُلَيْمَٰنُ يَيِ أَمْڢَانِ دَشِ دُواْمِنْ عَڧٜىٰرَ وَطَنَّنْ أَبُبُوَ يَڢِ ڧَرْڢِنْ عَوْنَاوَا، وَتُواْ غِنْشِڧَيْ بِيُ دَ ڧَتُوانْ ݣُونُواْ وَنْدَ عَكٜىٰ كِرَنْسَ تٜىٰكُ دَ بِجِمَيْ غُواْمَشَا بِيُ وَطَنْدَ سُكٜىٰ ڧَرْڧَشِنْ تٜىٰكُنْ دَ كُمَ أَمَلَنْكٜىٰنْ؞ 21 كُواْوَنٜىٰ غِنْشِڧِ كُوَ ڟَيِنْسَ ڧَڢَا عَشِرِنْ دَ بَݣَويْ نٜىٰ، إِغِيَ مَيْ ڧَڢَا غُواْمَشَا تَݣُوسْ نٜىٰ ذَيْ كٜىٰوَيٜىٰ كُواْوَنّٜىٰنْسُ؞ كُواْوَنّٜىٰنْسُ يَنَدَ رَامِ عَثِكِ، كَوْرِنْ جِكِنْسُ كُمَ إِنْثِ عُكُنٜىٰ؞ 22 عَكَنْ كُواْوَنٜىٰ غِنْشِڧِ أَنْيِ مَسَ كَيْ نَتَغُلَّ، كُواْوَنٜىٰ كَيْ ڟَيِنْسَ ڧَڢَا بَݣَويْ دَ رَبِے نٜىٰ، يَنَ كُمَ دَ ذَانِ ذَانِنْ رَاغَرْ سَرْڧَ نَأَدُوانْ صِڢُّواْڢِنْ یَیَنْ رُمَّنْ دُكَ كٜىٰوَيٜىٰ دَكَيْ طِنْ، كُمَ دُكَ نَتَغُلَّ نٜىٰ؞ 23 أَݣَويْ صِڢُّواْڢِنْ رُمَّنْ ثَسَعِنْ دَ شِدَ كٜىٰوَيٜىٰ دَ كَوُنَنْ غِنْشِڧَنْ؞ دُكَنْ صِڢُّواْڢِنْ یَیَنْ رُمَّنْ دَسُكٜىٰ عَكَنْ ذَانِ ذَانِنْ رَاغَرْ سَرْڧَرْ غُدَا طَرِے نٜىٰ؞ 24 بَنْ دَ وَنَّنْ مَا، نٜىٰبُظَرَدَنْ يَطَوْكِ سٜىٰرَيَ بَبَّنْ ڢِرِسْتِ دَ زَڢَنِيَ مَتَيْمَكِنْ ڢِرِسْتِ دَ ڢِرِسْتُواْثِے عُكُنْ دَسُكٜىٰ غَادِنْ ڧُواْڢَرْ شِغَ غِدَنْ يَهْوٜىٰهْ يَكَيْسُ بَابِيلَ؞ 25 دَغَ ثِكِنْ بِرْنِنْ يَطَوْكِ وَنِ بَبَّنْ شُوغَبَنْ سُواْجُواْجِ دَ مُتُمْ بَݣَويْ مَاسُ بَا سَرْكِے شَوَرَا، وَطَنْدَ عَكَ سَامٜىٰسُ عَثِكِنْ بِرْنِنْ؞ يَكُمَ طَوْكِ شُوغَبَنْ سُواْجُواْجِ مَيْ تَتَّارَ سُواْجُواْجِنْ عَڧَسَرْدَ مَنْيَنْ مُتَنٜىٰ سِتِّنْ دَ عَكَ سَامٜىٰسُ عَثِكِنْ بِرْنِنْ؞ 26 نٜىٰبُظَرَدَنْ يَݣُوشِ مُتَنٜىٰنَّنْ يَكَٰوُاْسُ وُرِنْ سَرْكِنْ بَابِيلَ أَ رِبْلَ؞ 27 سَيْ سَرْكِنْ بَابِيلَ يَكَشٜىٰسُ أَنَنْ رِبْلَ ثِكِنْ يَنْكِنْ هَمَتْ؞ تَهَكَنٜىٰ عَكَ ڢِتَرْدَ مُتَنٜىٰنْ يَهُودَ دَغَ ڧَسَرْسُ؞ 28 غَا يَوَنْ مُتَنٜىٰنْ دَ نٜىٰبُكَدْنٜىٰزَّرْ يَكَامَ ذُوَا بَوْتَا؞ أَ شٜىٰكَرَا تَبَݣَويْ تَمُلْكِنْسَ، يَݣُوشِ يَهُودَاوَا دُبُو عُكُ دَ عَشِرِنْ دَ عُكُ؞ 29 أَ شٜىٰكَرَا تَغُواْمَشَا تَݣُوسْ تَمُلْكِنْسَ، يَݣُوشِ مُتُمْ طَرِے تَݣُوسْ دَ تَلَاتِنْ دَ بِيُ دَغَ عُرُوشَلِيمَ؞ 30 أَ شٜىٰكَرَا تَعَشِرِنْ دَ عُكُ تَمُلْكٍ نٜىٰبُكَدْنٜىٰزَّرْ، نٜىٰبُظَرَدَنْ شُوغَبَنْ یَنْ غَادِنْسَ، يَݣُوشِ يَهُودَاوَا طَرِے بَݣَويْ دَ أَرْبَعِنْ دَ بِيَرْ؞ يَوَنْ مُتَنٜىٰنْ دَ عَكَ ݣُوشٜىٰ ذُوَا بَوْتَا تَهَنُّنْ نٜىٰبُكَدْنٜىٰزَّرْ، مُتُمْ دُبُو حُطُ دَ طَرِے شِدَ نٜىٰ؞ أَلْحٜىٰرِنْ يَهْوٜىٰهْ ذُوَاغَ سَرَاكُنَنْ يَهُودَ ﴿ 2 سَرْ 25.26-30 ﴾ 31 سَرْكِے يٜىٰهُواْيَكِنْ نَ يَهُودَ يَيِ شٜىٰكَرَا تَلَاتِنْ دَ بَݣَويْ عَكُرْكُكُ عَ بَابِيلَ؞ أَ رَانَ تَعَشِرِنْ دَ بِيَرْ غَ وَتَنْ غُواْمَشَا بِيُ أَ شٜىٰكَرَرْ دَ عٜىٰبِلْمٜىٰرُواْدَكْ يَذَمَ سَرْكِنْ بَابِيلَ، سَيْيَيِ وَ سَرْكِے يٜىٰهُواْيَكِنْ نَ يَهُودَ أَلْحٜىٰرِ يَڢِتَرْ دَشِ دَغَ كُرْكُكُنْ؞ 32 سَرْكِے عٜىٰبِلْمٜىٰرُواْدَكْ يَيِ مَسَ مَغَنَرْ أَلْحٜىٰرِ، يَبَا شِ مَڟَيِ ڢِيٜىٰدَ سَوْرَنْ سَرَاكُنَنْ دَسُكٜىٰ أَ حَنُّنْسَ عَ بَابِيلَ؞ 33 عَكَ يَرْدَ وَسَرْكِے يٜىٰهُواْيَكِنْ يَتُوٻٜىٰ رِيغُنَنْسَ نَكُرْكُكُ؞ دَغَ لُواْكَثِنَّنْ، يَيِ تَثِنْ عَبِنْثِ عَتٜىٰبُرْ تَرٜىٰدَ سَرْكِے عٜىٰبِلْمٜىٰرُواْدَكْ دُكَنْ سَوْرَنْ ݣُونَكِنْ رَنْسَ؞ 34 سَرْكِے عٜىٰبِلْمٜىٰرُواْدَكْ يَسَا عَكَ تَنَدَوَ يٜىٰهُواْيَكِنْ أَبِنْ بِيَنْ بُڧَاتَ نَيَوْ دَ كُلُّمْ حَرْ دُكَنْ ݣُونَكِنْ رَنْسَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria