إِرْمِيَ 49 - أَتَّوْرَتْ دَ أَنَّبَاوَا

سَڧُواْ غَمٜىٰدَ أَمُّواْنَاوَا

¹ غَا سَڧُوانْ دَ يَهْوٜىٰهْ يَڢَطَا غَمٜىٰدَ مُتَنٜىٰنْ أَمُّوانْ؞ إِنْجِ يَهْوٜىٰهْ، ‏«‏أَغَنِنْكُ، إِسْرَٰٓءِيلَ بَاشِ دَ یَیَ نٜىٰ؟ كُواْ بَاشِ دَ وَنْدَ ذَيْثِ غَادُوانْسَ نٜىٰ؟ تُواْ، مٜىٰيَسَا كُو مَاسُ بَوْتَاوَ مُواْلٜىٰكْ كُكَ كَرْٻِ ڧَسَرْ غَدْ نَمُتَنٜىٰنْ إِسْرَٰٓءِيلَ؟ مٜىٰيَسَا كُو مُتَنٜىٰنْ مُواْلٜىٰكْ كُكَ مَلَّكِ غَرُضُوً غَدْ؟

² حَڧِيڧَ، ݣُونَكِے سُنَ ذُوَا دَ ذَنْسَا رَبَّهْ، بَبَّنْ بِرْنِنْ أَمُّوانْ، تَجِ بُوسَرْ ڧَهُوانْ يَاڧِ؞ رَبَّهْ ذَاتَ ذَمَ كُڢَيْ، ذَاعَ ڧُواْنٜىٰ ڧَوْيُكَنْتَ دَ وُتَا؞ سَعَنً إِسْرَٰٓءِيلَاوَا ذَاسُ مَلَّكِ وُرَارٜىٰنْ دَ أَمُّواْنَاوَا سُكَ ڨُوثٜىٰ سُكَ مَلَّكٜىٰسُ؞ نِے يَهْوٜىٰهْ نَا ڢَطَا؞

³ يِ إِيهُ، يَا كُو مُتَنٜىٰنْ هٜىٰشْبُوانْ، غَمَا أَنْهَلَّكَ بِرْنِنْ أَيْ!‏ يِكُوكَا، يَا كُو مَتَنْ رَبَّهْ، كُسَا كَايَنْ نُونَ بَڧِنْ ثِكِ، كُيِ مَكُواْكِ؞ كُيِ غُدُ، كُنَ كَيْ دَ كَٰوُاْوَ ثِكِنْ كَتَنْ‌غَرْ بِرْنِ؞ غَمَا غُنْكِنْكُ مُواْلٜىٰكْ ذَاعَ كَيْ شِ بَوْتَا أَوَتَ ڧَسَا، دُكْ دَ ڢِرِسْتُواْثِنْسَ دَ شُوغَبَنِّنْ أَدِّينِنْسَ؞

⁴ ‏«‏دُوانْمٜىٰ كُكٜىٰ تَاڧَمَ دَ ڧَرْڢِنْكُ، ڧَرْڢِنْكُ دَيَكٜىٰ ڧَارٜىٰوَ، يَا كٜىٰ یَ مَرَرْ أَمِنْثِ؟ كِنْ دُواْغَضَ غَ دُوكِيَرْكِ، كِنَ ثٜىٰوَ ‏‹‏وَنٜىٰنٜىٰ ذَيْ عِيَ يَاڧٜىٰنِ؟›‏

⁵ إِنْجِنِ عُبَنْ‌غِجِ يَهْوٜىٰهْ مَيْ ضُنْدُنَا، غَاشِ، ذَنْ كَٰوُاْ مُكُ أَبِنْ ڟُواْرُواْ دَغَ دُكَنْ وَطَنْدَ سُكٜىٰ كٜىٰوَيٜىٰ دَكُو؞ ذَاعَكُواْرٜىٰكُ، كُواْوَنّٜىٰنْكُ ذَيْبِے تَاسَ حَنْيَ، بَابُوَنْدَ ذَيْ تَتَّارَ یَنْ غُدُنْ نٜىٰمَنْ ڟِيرَا؞

⁶ دُكْدَهَكَ، نَنْ غَبَ ذَنْ مَيَرْوَ أَمُّواْنَاوَا دَ أَلْبَرْكُنْتَ؞ نِے يَهْوٜىٰهْ نَا ڢَطَا؞»‏

سَڧُواْ غَمٜىٰدَ عٜىٰدُوامْ

⁷ غَا سَڧُوانْ دَ يَهْوٜىٰهْ يَڢَطَا غَمٜىٰدَ عٜىٰدُوامْ؞ إِنْجِ يَهْوٜىٰهْ مَيْ ضُنْدُنَا، ‏«‏بَابُ حِكِمَ كُمَ عَيَنْكِنْ تٜىٰمَنْ نٜىٰ؟ شَوَرَا تَلَلَثٜىٰ أَوُرِنْ مَاسُ غَانٜىٰوَنٜىٰ؟ حِكِمَرْسُ تَا ٻَتَ نٜىٰ؟

⁸ يَا كُو مَذَوْنَنْ دٜىٰدَنْ، كُجُويَا، كُغُدُ، كُٻُيَ عَكُواْغُواْ!‏ غَمَا ذَنْ كَٰوُاْوَ ذُرِيَرْ إِسُوَ مَسِيڢَ، أَلُواْكَثِنْ دَ ذَنْ حُكُنْتَتَ؞

⁹ عِدَنْ مَاسُ غِرْبِنْ یَیَنْ إِنَبِے سُنْ ذُواْ وُرِنْكِ، أَيْ، سُكَنْ بَرْ وَطَنْسُ دُواْمِنْ مَتَلَوْتَ؞ عِدَنْ ٻَرَيِ سُنْ ذُواْ مِكِ دَ دَرٜىٰ، أَيْ، سُكَنْ طَوْكِ أَبِنْدَ سُكٜىٰسُواْ نٜىٰ كَوَيْ؞

¹⁰ عَمَّا نِے نَا تُوٻٜىٰ ذُرِيَرْ إِسُوَ ڟِرَرَ، نَا بُوطٜىٰ وُرَارٜىٰنْ ٻُيَنْتَ، حَرْ بَذَاتَ عِيَ ٻُواْيٜىٰ كَنْتَبَ!‏ أَنْ هَلَّكَرْ دَ ذُرِيَرْ إِسُوَ، أَنْهَلَّكَرْ دَ یَنْعُوَنْسُ دَ مَڨُوبْتَنْسُ، بَابُ وَنْدَ يَرَغُ وَنْدَ ذَيْثٜىٰ،

¹¹ ‏‹‏بَا نِے یَیَنْكَ مَرَسَ إِيَايٜىٰ، ذَنْ كِيَايٜىٰسُ دَ رَيْ؞ مَتَنْ دَ مَذَنْسُ سُكَ مُتُ، بَرِ سُدُواْغَرَ غَرٜىٰنِ؞›‏ »‏

¹² إِنْجِ يَهْوٜىٰهْ ‏«‏عِدَنْ وَطَنْدَ بَسُ ثَنْثَنْثِ حُكُنْثِبَ سُنْ شَا ݣُوڢْ نَحُكُنْثِ، دُوانْمٜىٰ كُو بَذَاكُ شَا ݣُوڢْ نَحُكُنْثِبَ؟ بَذَاكُ كُٻُتَبَ، لَلَّيْ ذَاكُشَا حُكُنْثِ!‏

¹³ نِے نَا ضَنْڟٜىٰ دَ سُونَنَ ثٜىٰوَ بُواظْرَ ذَاتَذَمَ كُڢَيْ دَ أَبِنْ كُنْيَا دَ أَبِنْ ڟُواْرُواْ دَ أَبِنْ لَعَنَ؞ دُكَنْ غَرُرُوَنْتَ ذَاسُ ذَمَ كُڢَيْ حَرْ أَبَدَا؞ نِے يَهْوٜىٰهْ نَا ڢَطَا؞»‏

¹⁴ إِرْمِيَ يَثٜىٰ، ‏«‏نَكَرْٻِ سَڧُواْ دَغَ وُرِنْ يَهْوٜىٰهْ، أَنْعَيْكِ طَنْ سَڧُواْ عَثِكِنْ أَلْعُمَّيْ ثٜىٰوَ ‏‹‏كُتَتَّارَ سُواْجُواْجِنْكُ، كُذُواْ كُيَاڧِ عٜىٰدُوامْ!‏ كُتَاشِ، كُيِ يَاڧِ!‏›‏

¹⁵ يَا كٜىٰ عٜىٰدُوامْ، ذَنْ مَيْدَكٜىٰ ڧَنْڧَنُوَ عَثِكِنْ أَلْعُمَّيْ، أَبِنْ رٜىٰنِ غَ یَنْ أَدَمْ؞

¹⁶ عٜىٰدُوامْ، كِنَدَ يَوَنْ غِرْمَنْ كَيْ دُواْمِنْ كِنَ تُنَانِ ثٜىٰوَ كُواْوَ يَنَ ڟُواْرُوانْكِ، أَيْ، رُوطِنْ كَنْكِ كِكٜىٰيِ!‏ كٜىٰ دَ كِكٜىٰ ظَوْنٜىٰ ثَنْ ثِكِنْ كُواْغُوانْ دُوڟٜىٰ، كُواْدَيَكٜىٰ كِنْيِ غِدَنْكِ ثَنْ كَنْ تُدُ كَمَرْ غَغَّڢَ، دُكْدَهَكَ دَغَ وُرِنْ ذَنْجٜىٰڢَرْ دَكٜىٰ ڧَسَا؞ نِے يَهْوٜىٰهْ نَا ڢَطَا؞

¹⁷ ‏«‏عٜىٰدُوامْ ذَاتَذَمَ أَبِنْ ڟُواْرُواْ؞ دُكْ وَنْدَ يَوُثٜىٰ تَوُرِنْ ذَيْ رَسَ أَبِنْ ڢَطَا، يَجَا ڟَكِ، سَبُواْدَ يَوَنْ مَسِيڢَرْ دَ تَسَامٜىٰتَ؞

¹⁸ كَمَرْ يَدَّ عَكَ هَلَّكَرْ دَ سُواْدُوامْ دَ غُواْمُواْرَ دَ غَرُضُوً دَسُكٜىٰ كُسَدَسُو، حَكَ ذَاعَ كَوَرْدَ عٜىٰدُوامْ؞ بَابُوَنْدَ ذَيْ ذَوْنَ عَثِكِنْتَ، كُمَ بَابُ طَنْ أَدَمْ وَنْدَ ذَيْ ضَغٜىٰ أَوُرِنْ؞ نِے يَهْوٜىٰهْ نَا ڢَطَا؞

¹⁹ كَمَرْ يَدَّ ذَاكِ يَكَنْ ٻُلُّواْ دَغَ ثِكِنْ كُرْمِ نَبَاكِنْ كُواْغِنْ يُواْدَنْ يَكُمَ كُواْرِ غَرْكٜىٰنْ تُمَكِ دَغَ ڢِيلِنْ كِيوُاْ، حَكَ ذَنْ كُواْرِ عٜىٰدُوامْ ڢَرَتْ طَيَ دَغَ ڧَسَرْتَ؞ شُوغَبَنْدَ ذَنْ ذَاٻَا، شِے ذَيْ يِمُلْكِنْتَ؞ غَمَا وَنٜىٰنٜىٰ كَمَرْنِ؟ وَ كُمَ ذَيْ عِيَيِنْ ڧَارَتَ؟ إِنَا مَكِيَايِنْ دَ ذَيْ عِيَ ڟَيَاوَا يَيِ غَابَادَنِے؟

²⁰ سَبُواْدَ حَكَ، كُجِ شِرِنْ دَنِے يَهْوٜىٰهْ نَيِ غَمٜىٰدَ عٜىٰدُوامْ دَ أَبِنْدَ نَكٜىٰ نُڢِ عَكَنْ مَذَوْنَنْ تٜىٰمَنْ؞ ‏«‏لَلَّيْ ذَاعَ تَڢِے دَ ڧَنَانَا نَغَرْكٜىٰنْ تُمَكِ، لَلَّيْ وُرِنْ كِيوُانْسُ ذَيْ ذَمَ أَبِنْ ڟُواْرُواْ، سَبُواْدَ ذَاعَ ݣُوشِ مُتَنٜىٰ كَمَرْ تُمَكِ؞

²¹ ڧَارَرْ ڢَاطُوَرْ عٜىٰدُوامْ ذَاتَسَا ڧَسَا تَغِرْغِظَ، ذَاعَ كُمَجِ إِيهُنْتَ حَرْ تٜىٰكُنْ ثِيَوَرْ إِوَ؞

²² غَاشِ، وَنِ ذَيْ تَاشِ سَمَ كَمَرْ غَغَّڢَ، ذَيْ بُوطٜىٰ ڢِكَڢِكَنْسَ يَسَوْكَ عَكَنْ بُواظْرَ؞ أَ رَانَرْ نَنْ ظُكَاتَنْ سُواْجُواْجِنْ عٜىٰدُوامْ ذَاسُ ذَمَ كَمَرْ ذُوثِيَارْ مَثٜىٰنْ دَتَكٜىٰ ثِكِنْ ذَاڢِنْ نَڧُدَ؞»‏

سَڧُواْ غَمٜىٰدَ دِمَشْڧُ

²³ غَا سَڧُوانْ دَ يَهْوٜىٰهْ يَڢَطَا غَمٜىٰدَ دِمَشْڧُ؞ إِنْجِ يَهْوٜىٰهْ، ‏«‏غَرُضُوً هَمَتْ دَ أَرْڢَدْ سُنْ ضِكِثِے، غَمَا سُنْجِ لَابَرِ مَرَرْ دَاطِے؞ سُنْ نَرْكٜىٰ سَبُواْدَ ڟُواْرُواْ، سُنْيِ ضَوَرْ جِكِے كَمَرْ تٜىٰكُنْ دَ بَيْ عِيَ ݣُونْتَ شِضُبَ؞

²⁴ دِمَشْڧُ تَذَمَ مَرَرْ ڧَرْڢِے، تَجُويَا دُواْمِنْ تَغُدُ؞ ڟُواْرُواْ يَكَامَتَ، عَذَابَ دَ بَڧِنْ ثِكِ سُنْ كَمَاتَ، كَمَرْ مَثٜىٰنْ دَتَكٜىٰ ثِكِنْ ذَاڢِنْ نَڧُدَ؞

²⁵ مُتَنٜىٰنْ دِمَشْڧُ سُنْثٜىٰ وَجُونَ، ‏‹‏دُوبَ يَدَّ بِرْنِنْمُ دَ يَيِ سُونَ، وَنْدَ يَكَنْسَامُ ڢَضٍ ثِكِ، يَذَمَ كُڢَيْ!‏›‏

²⁶ حَڧِيڧَ، سَمَارِنْسَ ذَاسُ مُتُ أَ ڢِيلِنْ بِرْنِنْ، دُكَنْ سُواْجُواْجِنْسَ كُمَ ذَاعَ كَشٜىٰسُ أَ رَانَرْ نَنْ؞ نِے يَهْوٜىٰهْ مَيْ ضُنْدُنَا نَا ڢَطَا؞

²⁷ ذَنْسَا وُتَا عَكَنْ كَتَنْ‌غَرْ بِرْنِنْ دِمَشْڧُ، ذَيْثِنْيٜىٰ وُرَارٜىٰنْ كَتَنْ‌غَ نَ سَرْكِے بٜىٰنْهَدَدْ؞»‏

سَڧُواْ غَمٜىٰدَ كٜىٰدَرْ دَ حَزُوارْ

²⁸ غَا سَڧُوانْ دَ يَهْوٜىٰهْ يَڢَطَا غَمٜىٰدَ مُتَنٜىٰنْ كٜىٰدَرْ دَ سَرَاكُنَنْ يَنْكِنْ حَزُوارْ، وَطَنْدَ سَرْكِے نٜىٰبُكَدْنٜىٰزَّرْ نَ بَابِيلَ يَثِ دَ يَاڧِ؞ إِنْجِ يَهْوٜىٰهْ، ‏«‏كُو سُواْجُواْجِنْ بَابِيلَ، تَاشِ، كُتَڢِے كٜىٰدَرْ، كُهَلَّكَ مُتَنٜىٰنْ يَنْكِنْ غَبَسْ؞

²⁹ كُڨُوثٜىٰ تٜىٰنْتُنَنْسُ دَ غَرْكٜىٰنْسُ، دَ لَبُلٜىٰنْ تٜىٰنْتُنَنْسُ دَ كَايَنْسُ، كُتَڢِے دَ رَاڧُمَنْسُ؞ مُتَنٜىٰ ذَاسُيِ إِيهُ سُثٜىٰ، ‏‹‏رَظَنَ تَرُڢٜىٰمُ عَتَكُواْوَنٜىٰ غٜىٰڢٜىٰ!‏›‏

³⁰ كُو مَذَوْنَنْ حَزُوارْ، كُغُدُ ذُوَا نٜىٰسَ، كُٻُيَ!‏ نِے يَهْوٜىٰهْ نَا ڢَطَا؞ غَمَا سَرْكِے نٜىٰبُكَدْنٜىٰزَّرْ نَ بَابِيلَ يَغَمَ شِرِنْسَ عَكَنْكُ، شِرِنْ يِنْ غَابَادَكُو؞

³¹ ‏«‏سُواْجُواْجِنْ بَابِيلَ، تَاشِ كُڢَاطَ وَ أَلْعُمَّرْ دَتَكٜىٰ غَنِ تَنَ ذَمَنْ لَاڢِيَ، أَلْعُمَّرْ دَتَكٜىٰ ذَمَ رَيْ عَݣُونْثٜىٰ، وَدَّ بِرْنِنْتَ بَاشِ دَ ڧُواْڢُواْڢِ مَاسُ سَنْدَنْ ڧَرْڢٜىٰ، أَلْعُمَّرْ دَتَكٜىٰ ذَمَ عِتَ كَطَيْ؞ نِے يَهْوٜىٰهْ نَا ڢَطَا؞

³² رَاڧُمَنْسُ دَ غَرْكُنَنْ شَانُنْسُ مَاسُيَوَ ذَاسُ ذَمَ كَايَنْ دَ عَكَ ڨُوثٜىٰ عَيَاڧِ؞ مُتَنٜىٰنَّنْ دَسُكٜىٰ أَسْكٜىٰ غَاشِنْ غٜىٰڢٜىٰنْ ڢُسْكَرْسُ، ذَنْوَاڟَرْ دَسُو عَتَكُواْوَنٜىٰ غٜىٰڢٜىٰ، ذَنْكَٰوُاْ مُسُ مَسِيڢَ دَغَ كُواْوَثٜىٰ ڢُسْكَ؞ نِے يَهْوٜىٰهْ نَا ڢَطَا؞

³³ حَزُوارْ ذَاتَ ذَمَ كُڢَيْ حَرْ أَبَدَا، وُرِنْ ذَمَنْ كَرْنُكَنْ دَاجِ؞ بَاوَنْدَ ذَيْ ذَوْنَ عَثِكِ، بَابُ طَنْ أَدَمْ دَ ذَيْ ذَوْنَ أَوُرِنْ؞»‏

سَڧُواْ غَمٜىٰدَ عٜىٰلَمْ

³⁴ غَا سَڧُوانْ دَ يَهْوٜىٰهْ يَڢَطَا وَ أَنَّبِے إِرْمِيَ غَمٜىٰدَ عٜىٰلَمْ أَ ڢَرْكُوانْ مُلْكٍ سَرْكِے صَدِڧِيَ نَ يَهُودَ؞

³⁵ إِنْجِ يَهْوٜىٰهْ مَيْ ضُنْدُنَا، ‏«‏غَاشِ، ذَنْهَلَّكَ دُكَنْ مَاسُ يَاڧِ دَ بَكَ نَ عٜىٰلَمْ وَطَنْدَ سُونٜىٰ ڧَرْڢِنْ سُواْجُواْجِنْتَ؞

³⁶ ذَنْسَا إِسْكَ دَغَ ݣُونَ حُطُ نَدُونِيَا، تَهُورَ عٜىٰلَمْ دَغَ كُواْوَنٜىٰ غٜىٰڢٜىٰ؞ ذَنْ وَاڟَرْدَ مُتَنٜىٰنْ ذُوَا دُكَنْ ݣُونَ حُطُنْ، حَرْ بَابُوَتَ أَلْعُمَّرْ دَ ذَاعَ رَسَ مَاسُ غُدُنْ ڟِيرَا دَغَ عٜىٰلَمْ عَثِكِ؞

³⁷ ذَنْسَا مُتَنٜىٰنْ عٜىٰلَمْ سُڢِرْغِتَ أَغَبَنْ أَبُواْكَنْ غَابَنْسُ وَطَنْدَ سُكٜىٰ نٜىٰمَنْ رَنْسُ؞ دَ ذَاڢِنْ ڢُشِنَ ذَنْ كَٰوُاْ مُسُ مَسِيڢَ، إِنْسَا عَبِيسُ دَ تَكُواْبِے حَرْ سَيْ أَنْكَوَرْدَسُ؞

³⁸ ذَنْكَڢَ كُجٜىٰرَرْ مُلْكِنَ أَ عٜىٰلَمْ، ذَنْهَلَّكَرْ دَ سَرْكِنْتَ دَ شُوغَبَنِّنْتَ؞

³⁹ دُكْدَهَكَ عَكْوَانَكِے مَاسُ ذُوَا، ذَنْمَيَرْ وَمُتَنٜىٰنْ عٜىٰلَمْ دَ أَلْبَرْكُنْسُ؞ نِے يَهْوٜىٰهْ نَا ڢَطَا؞»‏