إِرْمِيَ 48 - أَتَّوْرَتْ دَ أَنَّبَاوَاسَڧُواْ غَمٜىٰدَ مُواْوَبْ 1 غَا سَڧُوانْ دَ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ يَڢَطَا غَمٜىٰدَ مُواْوَبْ؞ «كَيْتُوانْ غَرِنْ نٜىٰبُواْ، غَمَا أَنْهَلَّكَتَ! أَنْ كُنْيَتَرْدَ كِرِيَتَيِمْ، أَنْثِتَ دَ يَاڧِ؞ أَنْ رُشٜىٰ بِرْنِ مَيْ كَتَنْغَ، أَنْكُنْيَتَرْدَ عِتَ؞ 2 يَبُوانْ مُواْوَبْ يَڧَارٜىٰ، أَ هٜىٰشْبُوانْ أَنْشِرْيَ مَتَ مُغُنْتَا ثٜىٰوَ ‹ذُواْ مُكَوَرْدَ عِتَ دَغَ ذَمَنْ أَلْعُمَّ!› كُو مَذَوْنَنْ مَدْمٜىٰنْ، ذَاعَ سَا كُيِ شِضُ، تَكُواْبِے يَنَ بِنْكُ؞ 3 جِ! مُرْيَرْ كُوكَا دَغَ حُواْرُواْنَيِمْ، تَنَ ثٜىٰوَ ‹ضِكِثِيوَ دَ بَبَّرْ هَلَّكَ!› 4 أَنْ هَلَّكَرْ دَ مُواْوَبْ! ڧأَنَانً يَارَنْتَ سُنَ تَكُوكَا؞ 5 أَ هَوَنْ لُهِتْ، أَنَ هَوْرُواْوَ أَنَ تَكُوكَا؞ عَكَنْ غَنْغَرَرْ حُواْرُواْنَيِمْ، أَنَ جِنْ كُوكَنْ وَهَلَرْ هَلَّكَرْسُ؞ 6 كُغُدُ دُواْمِنْ ڟِيرَرْ دَ رَنْكُ! كُغُدُ كَمَرْ جَاكِنْ دَاجِ؞ 7 حَڧِيڧَ، سَبُواْدَ كُنْ دُواْغَضَ غَ عَيْكِنْ حَنُّنْكُ دَ كُمَ أَرْزِڧِنْكُ، ذَاعَ ݣُوشٜىٰكُ ذُوَا بَوْتَا؞ غُنْكِنْكُ كٜىٰمُواشْ، ذَاعَ طَوْكَ ذُوَا بَوْتَا، دُكْ دَ ڢِرِسْتُواْثِنْسَ دَ شُوغَبَنِّنْ أَدِّينِنْسَ؞ 8 مَيْ هَلَّكَرْوَ ذَيْ شِغَ كُواْوَنٜىٰ غَرِ، بَا غَرِنْ دَ ذَيْ ڟِيرَا؞ ݣُورِ ذَيْ لَلَثٜىٰ، يَنْكِنْ تُدَّيْ ذَيْ هَلَّكَ، كَمَرْ يَدَّ يَهْوٜىٰهْ يَڢَطَا؞ 9 كُبَا مُواْوَبْ ڢِكَڢِكَيْ، دُواْمِنْ تَتَاشِ تَڟِيرَا؞ غَرُرُوَنْتَ ذَاسُ ذَمَ كُڢَيْ، بَابُ كُواْوَ عَثِكِنْسُ؞ 10 لَعَنَنّٜىٰ نٜىٰ شِ وَنْدَ يَكٜىٰيِنْ عَيْكِنْ يَهْوٜىٰهْ دَ ڧِوِيَ، كُمَ لَعَنَنّٜىٰ نٜىٰ شِ وَنْدَ يَحَنَ وَ تَكُواْبِنْسَ ظُبْدَ جِنِ؞ 11 «تُنْ ڧُرُثِيَرْ مُواْوَبْ، تَنَ ذَمَنْ لَاڢِيَ، بَعَتَٻَ كَيْتَ بَوْتَبَ؞ كَمَرْ ضُوً إِنَبِنْدَ يَكٜىٰ ݣُونْثٜىٰ عَتُلُ، بَعَتَٻَ جُويَا مُواْوَبْ دَغَ تُلُ ذُوَا تُلُبَ؞ دُواْمِنْ حَكَ تأَنَانً دَ دَاطِنْتَ، ذَاڧِنْتَا كُوَ بَيْ ثَنْجَبَ؞ 12 إِنْجِنِ يَهْوٜىٰهْ، غَاشِ ݣُونَكِے سُنَ ذُوَا، دَ ذَنْ عَيْكَ مَتَ دَ مَاسُ يِدَ مُواْوَبْ كَمَرْ مَاسُ ظُبَرْدَ ضُوً إِنَبِے، ذَاسُ جُويَا مُواْوَبْ دَغَ تُلُنْتَ، سُڢَرْڢَسَ تُلُنَنْتَ؞ 13 مُواْوَبْ كُوَ ذَاتَجِ كُنْيَرْ غُنْكِنْتَ كٜىٰمُواشْ يَدَّ غِدَنْ إِسْرَٰٓءِيلَ سُنْ جِ كُنْيَرْ صِڢَّرْ بِجِمِ أَ بٜىٰتٜىٰلْ وَدَّ سُكَ دُواْغَضَ عَكَيْ؞ 14 «يَا كُو مُتَنٜىٰنْ مُواْوَبْ، دُوانْمٜىٰ كُكٜىٰثٜىٰوَ ‹مُو مَاسُ عِيَ يَاڧِنٜىٰ، ڠُونَيٜىٰ نَغَسْكٜىٰ؟› 15 أَنْ هَلَّكَ مُواْوَبْ، أَنْشِغَ غَرُرُوَنْتَ دَ يَاڧِ! مَڢِے ڧَرْڢِے ثِكِنْ سَمَارِنْتَ كُوَ سُنْ غَنْغَرَ ذُوَا وُرِنْ يَنْكَ! نِے سَرْكِے مَيْ سُونَ يَهْوٜىٰهْ مَيْ ضُنْدُنَا نَا ڢَطَا؞ 16 ڧَرْشٜىٰنْ مُواْوَبْ يَذُواْ كُسَ، مَسِيڢَرْتَ تَنَ ذُوَا دَ سَوْرِ! 17 كُو ڧَسَاشٜىٰنْ دَ كُكٜىٰ كٜىٰوَيٜىٰ دَ مُواْوَبْ، كُيِ مَكُواْكِ دُواْمِنْتَ؞ دُكَنْكُ دَ كُكَ سَنْ سُونَنْ دَ تَيِ، كُثٜىٰ، ‹دُوبَ يَدَّ أَنْكَرْيَ سَنْدَنْ مُلْكِ مَيْ إِيكُواْ، سَنْدَا مَيْ دَرَجَ يَكَرْيٜىٰ!› 18 «كُو مَذَوْنَنْ غَرِنْ، يَا ذُوثِيَاتَ دِبُوانْ، كُسَوْكَ دَغَ وُرِنْ ذَمَنْكُ مَيْ دَرَجَ، كُذَوْنَ عَڧُورَرْ ڧَسَا؞ غَمَا مَيْ هَلَّكَرْ دَ مُواْوَبْ يَڢَاطُواْ مُكُ، يَارِغَا يَرُشٜىٰ وُرَارٜىٰنْكُ مَاسُ كَتَنْغَ؞ 19 يَا كُو مَذَوْنَنْ أَرُواْوٜىٰرْ، كُڟَيَ عَكَنْ حَنْيَ كُدُوبَ، كُتَمْبَيِ وَنْدَ يَكٜىٰ غُدُ، كُواْ وَدَّ تَكٜىٰ غُدُنْ ڟِيرَا، كُثٜىٰ، ‹شِنْ، مٜىٰنٜىٰنٜىٰ يَڢَرُ؟› 20 أَنْ كُنْيَتَرْدَ مُواْوَبْ، غَمَا أَنْرُشٜىٰتَ حَرْ ڧَسَا؞ كُتَادَ إِيهُ، كُيِ كُوكَا، كُيِ شٜىٰلَ عَبَاكِنْ كُواْغِنْ أَرْنُوانْ ثٜىٰوَ أَنْهَلَّكَ مُواْوَبْ؞ 21 حُكُنْثِ يَذُواْ كَنْ يَنْكِنْ تُدَّيْ، عَكَنْ غَرُضُوً هُواْلُوانْ دَ يَهَظَ دَ مٜىٰڢَعَتْ، 22 دَ دِبُوانْ دَ نٜىٰبُواْ دَ بٜىٰتْ دِبِلَتَيِمْ، 23 دَ كِرِيَتَيِمْ دَ بٜىٰتْغَمُلْ دَ بٜىٰتْمٜىٰيُوانْ، 24 دَ كٜىٰرِيُواتْ دَ بُواظْرَ، دُكَنْ غَرُضُوً مُواْوَبْ، نَكُسَدَ نَنٜىٰسَ؞ 25 أَنْ كَرْيَ ڧَرْڢِنْ مُواْوَبْ، بَاتَدَ حَنُّنْ يِنْ ڢَطَ كُمَ؞ نِے يَهْوٜىٰهْ نَا ڢَطَا؞ 26 «كُسَا مُواْوَبْ تَبُغُ، غَمَا تَا طَغَ كَيْ نَيِنْ غَابَادَ يَهْوٜىٰهْ؞ بَرِ مُواْوَبْ تَيِ بِرْغِمَ ثِكِنْ أَمَنْتَ، تَذَمَ أَبِنْ دَارِيَا؞ 27 يَا كٜىٰ مُواْوَبْ، كِتُنَ يَدَّ إِسْرَٰٓءِيلَ تَذَمَ مِكِ أَبِنْ دَارِيَا؞ غَاشِ، دُكْ سَعَدَّ كِكٜىٰ مَغَنَ عَكَنْسُ، سَيْ كِكَطَ كَيْ نَرٜىٰنِ، كَمَرْ سُنْ ذَمَ ٻَرَيِنْ دَ عَكَ كَامَ دَ سَاتَا؞ 28 يَا كُو مَذَوْنَنْ مُواْوَبْ، كُبَرْ غَرُرُوَنْكُ؞ كُهَوْ دُوَڟُو كُذَوْنَ؞ كُذَمَ كَمَرْ كُرْثِيَرْ دَ تَكٜىٰدَ غِدَنْتَ عَبَاكِنْ كُواْغُواْ؞ 29 أَيْ، نَاجِ لَابَرِنْ غِرْمَنْ كَيْ نَ مُواْوَبْ، دَ يَوَنْ طَغَ كَيْ وَنْدَ تَكٜىٰدَ شِ؞ نَكُمَجِ غَمٜىٰدَ طَغَ حَنْثِنْتَ، دَ كَلُّوانْ رٜىٰنِنْتَ، دَ يَدَّ تَكٜىٰ طَوْكَكَ كَنْتَ، دَ كُمْبُرِنْتَ نَذُوثِيَا؞ 30 نِے نَا سَنْ غِرْمَنْ كَيْ نَ مُواْوَبْ، بُغُنْ ڧِرْجِنْتَ بَنْظَنٜىٰ، دُكَنْ أَيُّكَنَّنْ بَنْظَنٜىٰ؞ نِے يَهْوٜىٰهْ نَا ڢَطَا؞ 31 «دُواْمِنْ حَكَ، ذَنْ تَادَ إِيهُ دُواْمِنْ مُواْوَبْ، ذَنْيِ كُوكَا مَيْ ذَاڢِ عَكَنْ دُكَنْ مُواْوَبْ، عِ، إِنْيِ نِيشِ دُواْمِنْ مُتَنٜىٰنْ كِرْ هٜىٰرٜىٰسْ؞ 32 يَا كٜىٰ غَرِنْ سِبْمَ، ذَنْيِ كُوكَا دُواْمِنْكِ ڢِيٜىٰدَ يَدَّ نَيِ دُواْمِنْ غَرِنْ يَظٜىٰرْ نَ أَمُّوانْ؞ يَا كٜىٰ سِبْمَ، كِنَ كَمَ دَ إِتَاثٜىٰنْ إِنَبِے وَنْدَ رَسَّنْكِ سُنْ بَظُو حَرْ تٜىٰكُنْ يَظٜىٰرْ؞ عَمَّا يَنْذُ مَيْ هَلَّكَرْوَ يَڢَاطُواْ عَكَنْ غِرْبِے، عَكَنْ یَیَنْ إِتَاثٜىٰنْ ٻَوْرٜىٰنْكِ دَ یَیَنْ إِنَبِنْكِ؞ 33 أَنْ طَوْكٜىٰ مُرْنَ دَ ڢَضٍ ثِكِنْ غِرْبِے دَغَ غُواْنَكِ مَاسُ أَلْبَرْكَ نَڧَسَرْ مُواْوَبْ؞ نَڟَيَرْ دَ سَامُنْ ضُوً إِنَبِے أَوُرَارٜىٰنْ مَڟٜىٰ یَیَنْ إِنَبِے؞ بَابُوَنْدَ يَكٜىٰ مَڟٜىٰ یَیَنْ إِنَبِے يَنَ إِيهُ دَ ڢَضٍ ثِكِ؞ كُواْدَيَكٜىٰ أَݣَويْ إِيهُ، بَ نَڢَارِنْ ثِكِ بَنٜىٰ؞ 34 «سَبُواْدَ ذَاڢِنْ كُوكَا نَمُتَنٜىٰنْ هٜىٰشْبُوانْ، كُوكَنَّنْ أَنَ جِنْسَ حَرْ ثَنْ عٜىٰلٜىٰيَلٜىٰ، مُرْيَرْ كُوكَنْسُ تَكَيْ حَرْ ثَنْ يَهَظَ؞ ذَاڢِنْ كُوكَا نَمُتَنٜىٰنْ ذُواْوَرْ، أَنَ جِنْسَ حَرْ حُواْرُواْنَيِمْ دَ عٜىٰغْلَتْ شٜىٰلِشِيَ، غَمَا حَرْ ضُوَيٜىٰنْ رَاڢِنْ نِمْرِمْ سُنْ بُوشٜىٰ؞ 35 ذَنْ كَٰوُاْ ڧَرْشٜىٰنْ مُتَنٜىٰنْ مُواْوَبْ مَاسُ مِيڧَ هَدَايُ أَوُرَارٜىٰنْ سُجَّدَ عَكَنْ تُدَّيْ، مَاسُ ڧُواْنَ تُرَارٜىٰ غَ أَلُّواْلِنْسُ؞ نِے يَهْوٜىٰهْ نَا ڢَطَا؞ 36 سَبُواْدَ حَكَ، ذُوثِيَاتَ تَنَ مَكُواْكِ دُواْمِنْ مُواْوَبْ دَ مُتَنٜىٰنْ كِرْ هٜىٰرٜىٰسْ، نِيشِنْ ذُوثِيَاتَ كَمَرْ وَاڧَرْ مَكُواْكِ دَ سَرٜىٰوَ نٜىٰ، غَمَا يَوَنْ دُوكِيَرْ دَسُكَ تَارَ يَڧَارٜىٰ؞ 37 كُواْوَنّٜىٰنْسُ يَ أَسْكٜىٰ كَنْسَ ڨُولْڨُولْ، كُواْوَ كُوَ يَ أَسْكٜىٰ غٜىٰمُنْسَ؞ كُواْوَنّٜىٰنْسُ يَڟَڟَّٰغَ حَنُّوَنْسَ، يَسَنْيَ رِيغُنَنْ نُونَ بَڧِنْ ثِكِ؞ 38 عَكَنْ دُكَنْ رُڢِنْ غِدَاجٜىٰنْ مُواْوَبْ، دَ كُمَ ثِكِنْ ڢِيلَيٜىٰنْ غَرُرُوَنْتَ، بَابُوَنِ أَبُ سَيْ كُوكَنْ مُتُوَ؞ غَمَا نَا ڢَرْڢَشٜىٰ مُواْوَبْ كَمَرْ تُلُنْ دَ بَعَسُواْ؞ نِے يَهْوٜىٰهْ نَا ڢَطَا؞ 39 دُوبَ يَدَّ أَنْڢَرْڢَشٜىٰ مُواْوَبْ! مُتَنٜىٰنْتَ سُنَ كُوكَا؞ دُوبَ يَدَّ تَٻُواْيٜىٰ ڢُسْكَرْتَ سَبُواْدَ كُنْيَا! مُتَنٜىٰنْ مُواْوَبْ سُنْ ذَمَ أَبِنْ دَارِيَا دَ أَبِنْ ڟُواْرُواْ غَ دُكَنْ أَلْعُمَّنْ دَسُكٜىٰ كٜىٰوَيٜىٰ دَ عِتَ؞ 40 «إِنْجِنِ يَهْوٜىٰهْ، غَاشِ، وَنِ يَنَ ذُوَا كَمَرْ غَغَّڢَ، ذَيْ بُوطٜىٰ ڢِكَڢِكَنْسَ يَسَوْكَ عَكَنْ مُواْوَبْ؞ 41 ذَاعَ ثِ غَرُضُوً مُواْوَبْ دَ يَاڧِ، عَكَمَ وُرَارٜىٰنْتَ مَاسُ كَتَنْغَ؞ أَ رَانَرْ نَنْ، ظُكَاتَنْ سُواْجُواْجِنْ مُواْوَبْ ذَاسُ ذَمَ، كَمَرْ ذُوثِيَارْ مَثٜىٰنْ دَتَكٜىٰ ثِكِنْ ذَاڢِنْ نَڧُدَ؞ 42 ذَاعَكُوَ هَلَّكَ مُواْوَبْ، غَمَا تَا طَغَ كَيْ نَيِنْ غَابَادَ يَهْوٜىٰهْ؞ 43 يَا كُو مَذَوْنَنْ مُواْوَبْ، أَبِنْدَ يَكٜىٰ أَغَبَنْكُ شِينٜىٰ ڟُواْرُواْ دَ ڢَاطُوَ ثِكِنْ رَامِ دَ تَرْكُواْ؞ نِے يَهْوٜىٰهْ نَا ڢَطَا؞ 44 وَنْدَ يَكٜىٰ غُدُ سَبُواْدَ ڟُواْرُواْ، ذَيْ ڢَاطِ أَ رَامِ؞ وَنْدَ كُمَ يَ عِيَ ڢِتَ دَغَ رَامِ، ذَيْ ڢَاطِ عَتَرْكُواْ، غَمَا نَا سَا وَ مُواْوَبْ لُواْكَثِنْ حُكُنْثِ؞ نِے يَهْوٜىٰهْ نَا ڢَطَا؞ 45 وَطَنْدَ سُكَ غُدُ سُنَ نٜىٰمَنْ مَڢَكَا عَبِرْنِنْ هٜىٰشْبُوانْ، دُكَنْسُ سُنْ غَجِ، بَابُ ڧَرْڢِے؞ عَمَّا وُتَا تَا ٻَرْكٜىٰ دَغَ بِرْنِنْ هٜىٰشْبُوانْ، عِ، هَرْشٜىٰنْ وُتَادَغَ بَبَّنْ بِرْنِنْ سَرْكِے سِهُوانْ، تَنَ ڧُواْنٜىٰ شُوغَبَنِّنْ مُواْوَبْ، تَنَ هَلَّكَ یَنْ تَاوَيٜىٰنَّنْ؞ 46 كَيْتُوانْكِ يَا مُواْوَبْ! مَاسُ بَوْتَرْ كٜىٰمُواشْ سُنْ هَلَّكَ! یَیَنْكِ مَظَا دَ مَاتَا، أَنْݣُوشٜىٰسُ ذُوَا بَوْتَا؞ 47 دُكْدَهَكَ، عَكْوَانَكِے مَاسُ ذُوَا ذَنْ مَيَرْوَ مُواْوَبْ دَ أَلْبَرْكُنْتَ؞ نِے يَهْوٜىٰهْ نَا ڢَطَا؞» وَنَّنْ شِينٜىٰ ڧَرْشٜىٰنْ سَڧُوانْ حُكُنْثِ عَكَنْ مُواْوَبْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria