إِرْمِيَ 47 - أَتَّوْرَتْ دَ أَنَّبَاوَا

سَڧُواْ غَمٜىٰدَ ڢِلِسْتِيَ

¹ غَا سَڧُوانْ دَ يَهْوٜىٰهْ يَڢَطَا وَ أَنَّبِے إِرْمِيَ غَمٜىٰدَ ڢِلِسْتِيَاوَا، كَاڢِنْ ڢِرْعَوْنَ يَكَٰوُاْ مُسُ يَاڧِ عَبِرْنِنْ غَاظَ؞

² إِنْجِنِ يَهْوٜىٰهْ، ‏«‏غَاشِ، أَبُواْكَنْ غَابَا سُنَ تَاسُواْوَ دَغَ أَرٜىٰوَ، كَمَرْ تَاسُواْوَرْ ضُوً كُواْغِ؞ ذَاسُ ذُواْ كَمَرْ أَمْبَلِيَرْ ضُوَ، سُرُڢٜىٰ ڧَسَرْدَ دُكَنْ كُواْمٜىٰ عَثِكِنْتَ، سُرُڢٜىٰ دُكَنْ غَرُرُوَ دَ مَذَوْنَنْسُ؞ جَمَعَرْ ڧَسَرْ ذَاسُيِ كُوكَنْ نٜىٰمَنْ تَيْمَكُواْ، دُكَنْ مَذَوْنَنْ ڧَسَرْ ذَاسُيِ تَ إِيهُ؞

³ دَجِنْ تَاكَاوَرْ ڧَڢَاڢُنْ دَوَكِنْسُ، دَ مُواْڟِنْ كٜىٰكُنَنْ دُواْكِنْسُ، دَ ڧَارَرْ ضَوَنْ ڧَڢَاڢُنْ كٜىٰكُنَنْسُ، إِيَايٜىٰ مَظَا بَذَاسُ كُواْ جُويَا سُدُوبِے یَیَنْسُبَ، غَمَا حَنُّوَنْسُ سُنْ مُتُ؞

⁴ غَمَا رَانَرْ هَلَّكَرْ دُكَنْ ڢِلِسْتِيَاوَا تَذُواْ، رَانَرْ دَ ذَاعَ كَوَرْدَ كُواْوَنٜىٰ مَيْ تَيْمَكُوانْ تَيَ دَ سِدُوانْ؞ يَهْوٜىٰهْ يَنَ هَلَّكَرْ دَ ڢِلِسْتِيَاوَا، ضَغُواْوَرْ وَطَنْدَ سُكَذُواْ دَغَ ڟِبِرِنْ كِرِتْ؞

⁵ مُتَنٜىٰنْ غَاظَ سُنْ أَسْكٜىٰ كَنْسُ دُواْمِنْ نُونَ بَڧِنْ ثِكِ؞ أَنْ هَلَّكَ بِرْنِنْ أَشْكٜىٰلُوانْ، بِرْنِنْ ڧَتِّنْ مُتَنٜىٰ؞ يَا كُو ضَغُواْوَرْ ڧَتِّنْ مُتَنٜىٰنَّنْ، يَوْشٜىٰ ذَاكُ دَيْنَ ڟَڟَّٰغَ جِكُنَنْكُ؟

⁶ يَا تَكُواْبِنْ يَهْوٜىٰهْ، يَوْشٜىٰ ذَاكَ هُوتَ؟ كُواْمَ ثِكِنْ غِدَنْكَ، كَهُوتَ، كَيِ شِضُ!‏

⁷ عَمَّا يَيَ ذَيْ هُوتَ، تُنْدَ نِے يَهْوٜىٰهْ نٜىٰ نَا عَيْكٜىٰشِ؟ نَا عُمَرْثٜىٰشِ يَيِ يَاڧِ دَ أَشْكٜىٰلُوانْ، دَ مَذَوْنَنْ بَاكِنْ تٜىٰكُ؞»‏