إِرْمِيَ 45 - أَتَّوْرَتْ دَ أَنَّبَاوَا

أَلْڧَوَرِنْ يَهْوٜىٰهْ غَ بَرُكْ

¹ أَ شٜىٰكَرَا تَهُطُ تَمُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ، إِرْمِيَ يَكَٰوُاْوَ بَرُكْ طَنْ نٜىٰرِيَ سَڧُواْ، بَايَنْدَ بَرُكْ يَرُبُوتَ أَ نَطَطّٜىٰنْ لِتَّڢِ وَطَنَّنْ كَلْمُواْمِنْ دَ إِرْمِيَ يَڢَطَا مَسَ؞

² إِرْمِيَ يَثٜىٰ ‏«‏غَا مَغَنَرْ يَهْوٜىٰهْ اللَّهْ نَ إِسْرَٰٓءِيلَ عَكَنْكَ، كَيْ بَرُكْ؞

³ كَيْ كَا ثٜىٰ ‏‹‏كَيْتُواْنَ!‏ يَهْوٜىٰهْ يَا ڧَارَ مِنِ بَڧِنْ ثِكِ عَكَنْ عَذَابَ!‏ نَا غَجِ دَ نِيشِ، بَ نِے دَ هُوتُ!‏›‏

⁴ ‏«‏تُواْ، يَهْوٜىٰهْ يَا ثٜىٰ إِنْ ڢَطَا مَكَ ثٜىٰوَ ذَيْ رُشٜىٰ أَبِنْدَ يَغِنَ، يَكُمَ تُمْٻُكٜىٰ أَبِنْدَ يَدَسَ، ذَيْ يِهَكَ أَدُكَنْ ڧَسَرْ؞

⁵ كَنَ نٜىٰمَنْ وَكَنْكَ مَنْيَنْ أَبُبُوَ نٜىٰ؟ كَدَ كَنٜىٰمٜىٰسُ، غَمَا يَهْوٜىٰهْ ذَيْ كَٰوُاْ مَسِيڢَ عَكَنْ دُكَنْ یَنْ أَدَمْ، عَمَّا ذَيْثٜىٰثِ رَنْكَ كَمَرْ رَبُوانْ يَاڧِ، ذَاكَ كُوَ رَايُ أَدُكْ عِنْدَ كَا تَڢِے؞ يَهْوٜىٰهْ نٜىٰ يَڢَطَا؞»‏