إِرْمِيَ 44 - أَتَّوْرَتْ دَ أَنَّبَاوَاذَاعَ حُكُنْتَ يَهُودَاوَا عَڧَسَرْ مَصَرْ 1 غَا مَغَنَرْ دَ يَهْوٜىٰهْ يَڢَطَا وَ إِرْمِيَ دُواْمِنْ دُكَنْ يَهُودَاوَنْ دَسُكٜىٰ ذَمَ عَڧَسَرْ مَصَرْ، أَ مِغْدُوالْ دَ تَكْڢَنْكٜىٰسْ دَ مٜىٰمْڢِسْ دَ دُكَنْ يَنْكِنْ ڢَتْرُواسْ عَكُدُ؞ 2 «إِنْجِنِ يَهْوٜىٰهْ اللَّهْ مَيْ ضُنْدُنَا، اللَّهْ نَ إِسْرَٰٓءِيلَ، كُنْ غَ دُكَنْ مَسِيڢَرْدَ نَكَٰوُاْ عَكَنْ عُرُوشَلِيمَ دَ دُكَنْ غَرُضُوً يَهُودَ؞ غَاشِ، يَنْذُ سُنْ ذَمَ كُڢَيْ كُمَ بَابُ مَيْ ذَمَ عَثِكِنْسُ، 3 سَبُواْدَ مُغُنْتَارْسُ؞ سُنْ سَا نَيِ ڢُشِے تَوُرِنْ مِيڧَ هَدَايُنْ ڧُواْنَ تُرَارٜىٰ نَسُجَّدَ غَ وَطَنْسُ أَلُّواْلِ، أَلُّواْلِنْ دَسُو، كُواْ كَاكَنِّنْسُ، كُواْ كُو بَكُتَٻَ سَنِنْسُبَ؞ 4 نَيِ تَعَيْكَ مُسُ دَ بَايِنَ أَنَّبَاوَا عَكَيْ عَكَيْ دَ سَڧُواْ ثٜىٰوَ ‹كَدَ كُيِ أَبِنْ بَنْ ڨَمَرْ نَنْ دَ يَهْوٜىٰهْ بَايَسُواْ!› 5 عَمَّا بَسُجِبَ، كُواْ سُكَسَ كُنّٜىٰ سُجُويَا دَغَ مُغُنْتَارْسُبَ؞ بَسُ كُمَ بَرْ ڧُواْنَ تُرَارٜىٰ غَ وَطَنْسُ أَلُّواْلِبَ؞ 6 سَبُواْدَ حَكَ نَظُبَ ڢُشِنَ دَ ذَاڢِنْ ڢُشِنَ عَكَنْ غَرُضُوً يَهُودَ دَ كُمَ عَكَنْ تِيتُنَنْ عُرُوشَلِيمَ؞ شِيَسَا سُنْ لَلَثٜىٰ سُنْ ذَمَ كُڢَيْ يَدَّ سُكٜىٰ عَيَوْ؞ 7 «سَبُواْدَ حَكَ، إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، دُوانْمٜىٰ كُكٜىٰ جَٰوُاْ وَكَنْكُ وَنَّنْ بَبَّرْ مَسِيڢَ؟ كُنَ سُواْ كُكَوَرْدَ مَظَا دَ مَاتَا، يَارَا دَ جَرِرَيْ دَغَ ثِكِنْ يَهُودَ، حَرْ كُكَسَنْثٜىٰ بَابُوَنْدَ يَضَغٜىٰ؟ 8 مٜىٰيَسَا كُكٜىٰ سَا إِنْيِ ڢُشِے تَوُرِنْ أَيُّكَنْ حَنُّوَنْكُ؟ مٜىٰيَسَا كُكٜىٰ مِيڧَا وَغُمَكَ هَدَايُ عَڧَسَرْ مَصَرْ عِنْدَ كُكَذُواْ دُواْمِنْ كُذَوْنَ؟ كُسَنِ ڢَا يِنْ حَكَ ذَيْسَا عَكَوَرْ دَكُو، كُذَمَ أَبِنْ لَعَنَ دَ ذَاغِ عَثِكِنْ دُكَنْ أَلْعُمَّنْ دُونِيَا؞ 9 كُواْ كُنْ مَنْتَادَ مُوغَيٜىٰنْ أَيُّكَنْ كَاكَنِّنْكُ دَ نَسَرَاكُنَنْ يَهُودَ دَ كُمَ مُغُنْتَارْ مَاتَنْسُ دَ مُغُنْتَارْكُ دَ مُغُنْتَارْ مَاتَنْكُ، وَدَّ سُكَ عَيْكَتَ عَڧَسَرْ يَهُودَ دَ كُمَ عَتِيتُنَنْ عُرُوشَلِيمَ؟ 10 حَرْ ذُوَا يَوْ بَكُ ڧَسْڧَنْتَرْ دَكَنْكُبَ، كُواْ كُوَ كُجِڟُواْرُواْنَبَ؞ بَكُ كُوَيِ تَڢِيَ بِسَغَ كُواْيَرْوَاتَادَ ڧَٰعِدُواْدِنَ وَطَنْدَ نَبَاكُ، كُو دَ كَاكَنِّنْكُبَ؞» 11 «دُواْمِنْ حَكَ، إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، نَطَوْرَ ڢُسْكَ تَيِنْ غَابَادَكُو دُواْمِنْ إِنْكَٰوُاْ مُكُ مَسِيڢَ؞ ذَنْ كَوَرْدَ دُكَنْ مُتَنٜىٰنْ يَهُودَ؞ 12 ذَنْ كَوَرْدَ ضَغُواْوَرْ مُتَنٜىٰنْ يَهُودَ، سُو دَ سُكَسَاكَيْ غَ ذَمَ عَڧَسَرْ مَصَرْ، ذَاسُ كُوَ هَلَّكَ أَ مَصَرْ؞ دَغَ ڧَرَمِ ذُوَا بَبَّ ذَاسُ مُتُ تَوُرِنْ تَكُواْبِے دَ يُنْوَ؞ ذَاسُ ذَمَ كَمَرْ أَبِنْ بَنْظَ دَ أَبِنْ ڟُواْرُواْ دَ أَبِنْ لَعَنَ دَ أَبِنْ ذَاغِ؞ 13 غَمَا ذَنْ حُكُنْتَ وَطَنْدَ سُكٜىٰ ذَمَ عَڧَسَرْ مَصَرْ، كَمَرْ يَدَّ نَحُكُنْتَ عُرُوشَلِيمَ دَ تَكُواْبِے دَ يُنْوَ دَ بَلَعِ؞ 14 دَغَ ثِكِنْ ضَغُواْوَرْ مُتَنٜىٰنْ يَهُودَ وَطَنْدَ سُكَ غُدُ ذُوَا مَصَرْ دُواْمِنْ سُذَوْنَ أَوُرِنْ، بَابُ مُتُمِنْ دَ ذَيْ ڟِيرَا يَدَاوُاْ ڧَسَرْ يَهُودَ؞ كُواْدَيَكٜىٰ سُنَ مَرْمَرِ سُدَاوُاْ سُيِذَمَ أَنَنْ، بَابُوَنْدَ ذَيْ دَاوُاْ سَيْدَيْ كَطَنْ دَ سُكَ ڟِيرَا؞» مُتَنٜىٰ بَسُ كَسَ كُنّٜىٰ غَ سَڧُوانْ يَهْوٜىٰهْ بَ 15 سَعَنً بَبَّنْ تَارُوانْ جَمَعَ سُكَجِ مَغَنَرْ إِرْمِيَ، وَتُواْ، دُكَنْ مَذَنْ دَ سُكَ سَنِ ثٜىٰوَ مَاتَنْسُ سُنَ مِيڧَ هَدَايُ ذُوَاغَ وَطَنْسُ أَلُّواْلِ دَ دُكَنْ مَتَنْ دَسُكٜىٰ أَڟَيٜىٰ أَوُرِنْ، تَرٜىٰدَ دُكَنْ يَهُودَاوَنْ دَسُكٜىٰ ذَمَ أَ ڢَتْرُواسْ أَ مَصَرْ؞ سَيْ دُكَنْسُ سُكَ أَمْسَ وَ إِرْمِيَ سُكَثٜىٰ، 16 «سَڧُوانْدَ كَڢَطَا مَنَ عَثِكِنْ سُونَنْ يَهْوٜىٰهْ، بَذَامُ كَسَ كُنّٜىٰ غَ سَڧُوانْ بَ؞ 17 حَڧِيڧَ، ذَامُ عَيْكَتَ دُكَنْ أَبِنْدَ مُكَيِ ضَنْڟُوَا ذَامُيِ؞ ذَامُ مِيڧَ هَدَايُ غَ صِڢَّرْ أَلِّيَرْ نَنْ سَرَوْنِيَرْ سَمَ؞ ذَامُ مِيڧَ مَتَ هَدَايُ نَأَبِنْ شَا كَمَرْ يَدَّ مُكَ سَابَايِ أَغَرُضُوً يَهُودَ دَ عَتِيتُنَنْ عُرُوشَلِيمَ، مُو دَ كَاكَنِّنْمُ دَ سَرَاكُنَنْمُ دَ شُوغَبَنِّنْمُ؞ أَ لُواْكَثِنْ كُوَ مُنَدَ عَبِنْثِ عَيَلْوَثٜىٰ، مُكَيِ أَرْزِڧِ، بَابُوَتَ وَهَلَ؞ 18 عَمَّا تُنْدَغَ لُواْكَثِنْ دَ مُكَبَرْ مِيڧَا وَ سَرَوْنِيَرْ سَمَ هَدَايُ دَ هَدَايُ نَأَبِنْ شَا، مُنْ رَسَ كُواْمٜىٰ، مُنْ كُمَ هَلَّكَ تَوُرِنْ تَكُواْبِے دَ يُنْوَ؞» 19 سَيْ مَاتَانْ سُكَڧَارَ ثٜىٰوَ «سَعَدَّ مُكَ مِيڧَ هَدَايُ غَ صِڢَّرْ سَرَوْنِيَرْ سَمَ، مُكَ كُمَ مِيڧَ مَتَ هَدَايُ نَأَبِنْ شَا، بَ مَذَنْمُ سُنْ غُواْيِ بَايَنْ أَبِنْدَ مُكَيِبَ؟ بَ دَ يَرْدَرْسُ مُكَيِ وَيْنَ ثِكِنْ صِڢَّرْتَ مُكَ كُمَ مِيڧَ مَتَ هَدَايُ نَأَبِنْ شَابَ؟» 20 سَيْ إِرْمِيَ يَثٜىٰ وَدُكَنْ مُتَنٜىٰنْ، مَظَا دَ مَاتَا، وَتُواْ دُكَنْ مُتَنٜىٰنْ دَ سُكَ بَاشِ أَمْسَرْ نَنْ، يَثٜىٰ مُسُ، 21 «أَغَنِنْكُ، يَهْوٜىٰهْ بَيْسَنِبَ كُواْ كُمَ يَتُنَ دَ هَدَايُنْ دَ كُكَ مِيڧَ أَغَرُضُوً يَهُودَ دَ عَتِيتُنَنْ عُرُوشَلِيمَ بَ؟ أَغَنِنْكُ يَهْوٜىٰهْ بَيْ تُنَ دَ هَدَايُنْدَ كُو دَ كَاكَنِّنْكُ دَ سَرَاكُنَنْكُ دَ شُوغَبَنِّنْكُ دَ كُو مُتَنٜىٰنْ ڧَسَرْ كُكَ مِيڧَبَ؟ 22 يَهْوٜىٰهْ بَيْ عِيَ ڧَارَ جِمْرٜىٰوَبَ سَبُواْدَ مُوغَيٜىٰنْ أَيُّكَنْكُ دَ أَيُّكَنْ بَنْ ڨَمَرْ دَ كُكَ عَيْكَتَ؞ سَبُواْدَ حَكَنٜىٰ ڧَسَرْكُ تَذَمَ كُڢَيْ، مَرَرْ أَمْڢَانِ دَ أَبِنْ لَعَنَ، بَابُ كُواْوَ عَثِكِنْتَ، كَمَرْ يَدَّ تَكٜىٰ عَيَوْ؞ 23 دُكَنْ أَبُبُوَنَّنْ سُنْ ڢَرُ دَكُو سَبُواْدَ كُنْ مِيڧَ هَدَايُ غَ وَطَنْسُ أَلُّواْلِ؞ كُنْيِ وَ يَهْوٜىٰهْ ذُنُوبِ، بَكُيِ بِيَيَّ دَ مُرْيَرْسَبَ؞ بَكُيِ تَڢِيَ بِسَغَ كُواْيَرْوَرْسَ دَ ڧَٰعِدُواْدِنْسَ دَ عُمَرْنَنْسَبَ؞ شِيَسَا عَيَوْ طِنَّنْ كُنَ ثِكِنْ مَسِيڢَ؞» 24 سَيْ إِرْمِيَ يَثٜىٰ وَدُكَنْ جَمَعَ، دُكْ دَ مَاتَانْدَ سُكٜىٰ أَوُرِنْ «كُجِ مَغَنَرْ يَهْوٜىٰهْ، يَا كُو دُكَنْ مُتَنٜىٰنْ يَهُودَ وَطَنْدَ كُكٜىٰ عَڧَسَرْ مَصَرْ؞ 25 إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، ‹كُو دَ مَاتَنْكُ، تَوُرِنْ أَيُّكَنْكُ كُنْ تَبَّتَرْ دَ أَبِنْدَ كُكَ ڢَطَا دَ بَاكِ؞ غَمَا كُنْثٜىٰ ذَاكُ ثِكَ ضَنْڟُوَارْ دَ كُكَيِ نَثِيغَبَدَ مِيڧَ هَدَايُ دَ هَدَايُ نَأَبِنْ شَا غَ سَرَوْنِيَرْ سَمَ؞› تُواْ، سَيْ كُثِكَ ضَنْڟُوَارْكُ، كُتَبَّتَرْ دَ أَبِنْدَ كُكَ ڢَطَا! 26 «عَمَّا كُجِ أَبِنْدَ يَهْوٜىٰهْ يَڢَطَا وَدُكَنْ مُتَنٜىٰنْ يَهُودَ وَطَنْدَ سُكٜىٰ ذَمَ عَڧَسَرْ مَصَرْ؞ نَا ضَنْڟٜىٰ دَ سُونَنَ مَيْغِرْمَ، بَا كُواْ طَيَ دَغَ ثِكِنْ يَهُودَاوَا أَ مَصَرْ دَ ذَيْسَاكٜىٰ عَمْبَتَرْ سُونَنَ؞ بَاوَنْدَ ذَيْ ڢَطَا، ‹نَا ضَنْڟٜىٰ دَ سُونَنْ عُبَنْغِجِ يَهْوٜىٰهْ مَيْ رَيْ؞› نِے يَهْوٜىٰهْ نَا ڢَطَا؞ 27 غَاشِ، نَا سَا مُسُ عِدُواْ، دُواْمِنْ مَسِيڢَ، بَدُواْمِنْ أَلْحٜىٰرِبَ؞ دُكَ مُتَنٜىٰنْ يَهُودَ وَطَنْدَ سُكٜىٰ عَڧَسَرْ مَصَرْ ذَاسُ مُتُ تَوُرِنْ تَكُواْبِے دَ يُنْوَ، حَرْ سَيْ بَابُوَنْدَ يَضَغٜىٰ عَثِكِنْسُ؞ 28 یَنْ كَطَنْ نٜىٰ دَغَ ثِكِنْسُ ذَاسُ ڟِيرَا دَغَ مُتُوَرْ تَكُواْبِے عَڧَسَرْ مَصَرْ سُكُواْمَ ڧَسَرْ يَهُودَ؞ سَعَنً دُكَنْ ضَغُواْوَرْ يَهُودَاوَا وَطَنْدَ سُكَ تَڢِے سُذَوْنَ أَ مَصَرْ ذَاسُسَنِ كُواْ مَغَنَرْ وَنٜىٰنٜىٰ ذَاتَثِكَ، كُواْ تَاوَ كُواْ تَاسُ! 29 إِنْجِنِ يَهْوٜىٰهْ، ذَنْ حُكُنْتَكُ أَوَنَّنْ وُرِے؞ ذَنْيِ حَكَ دُواْمِنْ كُسَنِ ثٜىٰوَ لَلَّيْ مَغَنَاتَ تَكَٰوُاْ مُكُ مَسِيڢَ ذَاتَثِكَ؞ غَا أَبِنْدَ ذَيْذَمَ مُكُ عَلَمَ؞ 30 ذَنْ بَادَ سَرْكِے ڢِرْعَوْنَ هُواڢْرَ نَ مَصَرْ أَ حَنُّنْ أَبُواْكَنْ غَابَنْسَ وَطَنْدَ سُكٜىٰ نٜىٰمَنْ رَنْسَ؞ ذَنْ بَادَشِ كَمَرْ يَدَّ نَبَادَ سَرْكِے صَدِڧِيَ نَ يَهُودَ أَ حَنُّنْ أَبُواْكِنْ غَابَنْسَ سَرْكِے نٜىٰبُكَدْنٜىٰزَّرْ نَ بَابِيلَ، وَنْدَ يَنٜىٰمِ رَنْسَ؞ نِے يَهْوٜىٰهْ نَا ڢَطَا؞» |
Hausa Common Language Ajami Bible © The Bible Society of Nigeria, 2020
Bible Society of Nigeria