إِرْمِيَ 43 - أَتَّوْرَتْ دَ أَنَّبَاوَا

أَنْ طَوْكِ إِرْمِيَ ذُوَا مَصَرْ

¹ سَعَدَّ إِرْمِيَ يَغَمَ ڢَطَا وَدُكَنْ مُتَنٜىٰنْ دُكَنْ كَلْمُواْمِنَّنْ دَ يَهْوٜىٰهْ اللَّهْ نْسُ يَعَيْكٜىٰشِ يَڢَطَا مُسُ،

² سَيْ أَظَرِيَ طَنْ هُواْشَيَ دَ يُواْهَنَنْ طَنْ كَرٜىٰيَ دَ دُكَنْ مَظَا مَاسُ طَغَ كَيْ سُكَ ڢَطَا وَ إِرْمِيَ ‏«‏ڧَضْيَا كَكٜىٰيِ!‏ يَهْوٜىٰهْ اللَّهْ نْمُ بَيْ عَيْكُواْكَ دَ ثٜىٰوَ كَدَ مُتَڢِے، مُذَوْنَ أَ مَصَرْ بَ!‏

³ بَرُكْ طَنْ نٜىٰرِيَ نٜىٰ يَكٜىٰ ذُغَكَ عَكَنْمُ، دُواْمِنْ يَمِيڧَمُ أَهَنُّنْ مُتَنٜىٰنْ بَابِيلَ سُكَشٜىٰمُ، كُواْ كُوَ سُكَيْمُ بَوْتَا عَ بَابِيلَ؞»‏

⁴ سَيْ يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِ دَ دُكَنْ سَوْرَنْ مُتَنٜىٰنْ بَسُيِ بِيَيَّ دَ مُرْيَرْ يَهْوٜىٰهْ ثٜىٰوَ سُذَوْنَ عَڧَسَرْ يَهُودَ بَ؞

⁵ أَ مَيْمَكُوانْ حَكَ، يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِ سُكَ ݣُوشٜىٰ دُكَنْ ضَغُواْوَرْ مُتَنٜىٰنْ يَهُودَ سُكَ كَامَ حَنْيَ ذُوَا مَصَرْ؞ ضَغُواْوَرْ مُتَنٜىٰنَّنْ سُونٜىٰ وَطَنْدَ سُكَ كُواْمُواْ ڧَسَرْ يَهُودَ دَغَ ڧَسَاشٜىٰنْ أَلْعُمَّيْ، عِنْدَ دَا عَكَ كُواْرٜىٰسُ سُكَ تَڢِے؞

⁶ عَثِكِنْسُ، أَݣَويْ مَظَا دَ مَاتَادَ يَارَا دَ یَنْ مَاتَانْ غِدَنْ سَرْكِے دَ دُكْ وَطَنْدَ نٜىٰبُظَرَدَنْ شُوغَبَنْ یَنْ غَادِنْ سَرْكِے يَدَنْڧَسُ أَ حَنُّنْ غٜىٰدَلِيَ طَنْ أَهِكَمْ جِيكَنْ شَڢَنْ؞ أَݣَويْ كُمَ أَنَّبِے إِرْمِيَ دَ بَرُكْ طَنْ نٜىٰرِيَ؞

⁷ دُكَنْسُ سُكَ إِسُواْ ڧَسَرْ مَصَرْ، غَمَا سُنْڧِے سُيِ بِيَيَّ دَ مُرْيَرْ يَهْوٜىٰهْ؞ سُكَ كُوَ سَوْكَ عَبِرْنِنْ تَكْڢَنْكٜىٰسْ؞

⁸ أَ تَكْڢَنْكٜىٰسْ يَهْوٜىٰهْ يَا يِمَغَنَ دَ إِرْمِيَ ثٜىٰوَ

⁹ ‏«‏ݣُوشٜىٰ مَنْيَنْ دُوَڟُو أَ حَنُّنْكَ، كَٻُواْيٜىٰسُ أَدَٻٜىٰنْ لَكَرْ دَ عَكٜىٰ تَاكَاوَ أَوُرِنْ شِغَ ڧُواْڢَرْ غِدَنْ سَرْكِے ڢِرْعَوْنَ عَبِرْنِنْ تَكْڢَنْكٜىٰسْ؞ كَيِ حَكَ أَعِدُوانْ مُتَنٜىٰنْ يَهُودَ؞

¹⁰ سَيْ كَثٜىٰ مُسُ، ‏‹‏نِے يَهْوٜىٰهْ مَيْ ضُنْدُنَا نَاثٜىٰ ذَنْ عَيْكَ بَاوَنَ سَرْكِے نٜىٰبُكَدْنٜىٰزَّرْ نَ بَابِيلَ يَذُواْ نَنْ؞ ذَنْ كُمَ كَڢَ كُجٜىٰرَرْ مُلْكِنْسَ عَكَنْ دُووَڟُنَّنْ دَ إِرْمِيَ يَٻُواْيٜىٰ؞ نٜىٰبُكَدْنٜىٰزَّرْ ذَيْ كُوَ كَڢَ بَبَّنْ تٜىٰنْتِنْسَ نَمُلْكِ أَوُرِنْ؞

¹¹ ذَيْذُواْ يَهَلَّكَرْ دَ ڧَسَرْ مَصَرْ؞ ‏«‏ ‏‹‏دُكْ وَنْدَ عَكَ ڧَدَّرَ وَمُتُوَ، مُتُوَ ذَيْ يِ!‏ دُكْ وَنْدَ عَكَ ڧَدَّرَ وَبَوْتَا، بَوْتَا ذَيْ يِ!‏ دُكْ وَنْدَ عَكَ ڧَدَّرَ وَتَكُواْبِے، مُتُوَرْ تَكُواْبِے ذَيْ يِ!‏

¹² ‏«‏ ‏‹‏سَعَدَّ يَذُواْ ذَنْسَا يَڧُواْنٜىٰ غِدَاجٜىٰنْ غُمَكَنْ ڧَسَرْ مَصَرْ، ذَيْ ڧُواْنٜىٰ وَطَنْسُ غُمَكَنْسُ يَݣُوشٜىٰ وَطَنْسُ ذُوَا ڧَسَرْسَ؞ ذَيْ كُمَ ڟَبْتَثٜىٰ دُكَنْ ڧَسَرْ مَصَرْ كَمَرْ يَدَّ مَكِيَايِ يَكَنْ كَكَّٻٜىٰ ݣُورْݣُوتَ دَغَ رِيغُنَنْسَ، ذَيْ كُوَ تَاشِ يَتَڢِے غِدَا لَاڢِيَ؞

¹³ سَرْكِنْ بَابِيلَ ذَيْ كُمَ ڢَرْڢَشٜىٰ غِنْشِڧَنْ أَلُّواْلِنْسُ عَبِرْنِنْ رَانَ عَڧَسَرْ مَصَرْ؞ ذَيْ ڧُواْنٜىٰ غِدَاجٜىٰنْ غُمَكَنْ مَصَرْ دَ وُتَا؞›‏ »‏