إِرْمِيَ 42 - أَتَّوْرَتْ دَ أَنَّبَاوَا1 سَعَنً دُكَنْ شُوغَبَنِّنْ سُواْجُواْجِ، تَرٜىٰدَ يُواْهَنَنْ طَنْ كَرٜىٰيَ دَ يٜىٰظَنِيَ طَنْ هُواْشَيَ دَ دُكَنْ مُتَنٜىٰنْ دَغَ ڧَرَمِ ذُوَا بَبَّ، سُكَذُواْ 2 سُكَثٜىٰ وَ أَنَّبِے إِرْمِيَ «مُنَ ضُواْڧُوانْكَ، كَضُواْڧِ يَهْوٜىٰهْ اللَّهْ نْكَ دُواْمِنْمُ، دُكَنْمُ دَ مُكَ ضَغٜىٰ؞ كَمَرْ يَدَّ كَكٜىٰ غَنِنْمُ دَ عِدُوانْكَ، مُو دَ مُكَ ضَغٜىٰ كَطَنْ نٜىٰ دَغَ ثِكِنْ جَمَعَ مَيْ يَوَ؞ 3 ضُواْڧَا مَنَ يَهْوٜىٰهْ اللَّهْ نْكَ يَنُونَ مَنَ حَنْيَرْ دَ ذَامُبِے دَ كُمَ أَبِنْدَ ذَامُيِ؞» 4 سَيْ أَنَّبِے إِرْمِيَ يَثٜىٰ مُسُ «نَجِكُ، ذَنْيِ أَدُّعَ غَ يَهْوٜىٰهْ اللَّهْ نْكُ بِسَغَ مَغَنَرْكُ؞ دُكَنْ أَبِنْدَ يَڢَطَا مِنِ كُوَ شِے ذَنْ ڢَطَا مُكُ؞ بَابُ أَبِنْدَ ذَنْ ٻُواْيٜىٰ مُكُ؞» 5 سَيْ سُكَثٜىٰ وَ إِرْمِيَ «بَرِ يَهْوٜىٰهْ يَذَمَ شَيْدَ مَيْ غَسْكِيَ مَيْ أَمِنْثِ عَكَنْمُ عِدَنْ بَمُيِ دَيْدَيْ بِسَغَ أَبِنْدَ يَهْوٜىٰهْ اللَّهْ نْكَ يَعَيْكٜىٰكَ كَڢَطَا مَنَبَ؞ 6 كُواْ دَ سَڧُوانْ مَيْ دَاطِے نٜىٰ، كُواْ بَمَيْ دَاطِے بَ، ذَامُيِ بِيَيَّ دَ مُرْيَرْ يَهْوٜىٰهْ اللَّهْ نْمُ وَنْدَ مُكَ عَيْكٜىٰكَ وُرِنْسَ، دُواْمِنْ مُسَامِ ذَمَنْ لَاڢِيَ سَعَدَّ مُكَيِ بِيَيَّ دَ مُرْيَرْ يَهْوٜىٰهْ اللَّهْ نْمُ؞» 7 بَايَنْ ݣُونَ غُواْمَ سَيْ يَهْوٜىٰهْ يَيِ مَغَنَ دَ إِرْمِيَ؞ 8 سَيْ إِرْمِيَ يَكِرَا يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِنْ دَسُكٜىٰ تَرٜىٰ دَشِ دَ دُكَنْ مُتَنٜىٰ دَغَ ڧَرَمِ ذُوَا بَبَّ؞ 9 يَثٜىٰ مُسُ «غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ، وَنْدَ كُكَ عَيْكٜىٰنِ أَوُرِنْسَ دُواْمِنْ إِنْمِيڧَ مَسَ ضُواْڧُوانْكُ، يَڢَطَا؞ 10 « ‹إِنْ دَيْ ذَاكُ ذَوْنَ عَڧَسَرْ نَنْ، تُواْ، ذَنْ غِنَكُ، بَذَنْ رُشٜىٰكُبَ؞ ذَنْ دَسَكُ، بَذَنْ تُمْٻُكٜىٰكُبَ؞ غَمَا ذُوثِيَاتَ تَٻَثٜىٰ عَكَنْ مَسِيڢَرْدَ نَكَٰوُاْ عَكَنْكُ؞ 11 كَدَ كُجِڟُواْرُوانْ سَرْكِنْ بَابِيلَ، وَنْدَ يَنْذُ شِے كُكٜىٰ جِنْ ڟُواْرُوانْسَ؞ كَدَ ڢَا كُجِڟُواْرُوانْسَ، غَمَا إِنَانَنْ تَرٜىٰ دَكُو، ذَنْ كُٻُتَرْ دَكُو دَغَ حَنُّنْسَ؞ نِے يَهْوٜىٰهْ نَا ڢَطَا؞ 12 ذَنْ كُمَيِ مُكُ جِنْڧَيْ، إِنْسَا يَيِ مُكُ جِنْڧَيْ، يَمَيَرْ مُكُ دَ ڧَسَرْكُ؞ 13 « ‹عَمَّا عِدَنْ كُكَثٜىٰ بَذَاكُ ذَوْنَ أَوَنَّنْ ڧَسَرْ بَ، كُنْيِ رَشِنْ بِيَيَّ دَ مُرْيَرْ يَهْوٜىٰهْ اللَّهْ نْكُ كٜىٰنَنْ؞ 14 عِدَنْ حَرْ كُنْثٜىٰ ذَاكُ تَڢِے كُذَوْنَ عَڧَسَرْ مَصَرْ عِنْدَ بَذَاكُ غَا يَاڧِ، كُواْ كُجِ ڧَهُوانْ كِرَنْ يَاڧِ، كُواْ كُمَ كُجِ يُنْوَ بَ، 15 تُواْ، سَيْ كُجِ مَغَنَرْ يَهْوٜىٰهْ، يَا كُو ضَغُواْوَرْ مُتَنٜىٰنْ يَهُودَ؞ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ يَثٜىٰ «عِدَنْ كُكَ نَاثٜىٰ كُنْسَا كَيْ عَكَنْ تَڢِيَ ذُوَا مَصَرْ دُواْمِنْ كُذَوْنَ أَوُرِنْ، 16 تُواْ، تَكُواْبِنْ دَ كُكٜىٰ جِنْ ڟُواْرُوانْسَ، ذَيْسَامٜىٰكُ عَثَنْ ڧَسَرْ مَصَرْ؞ يُنْوَرْ دَ كُكٜىٰ تَجِنْ ڟُواْرُوانْتَ كُمَ ذَاتَ مَنّٜىٰ مُكُ حَرْ مَصَرْ؞ عَثَنْ مَصَرْ كُوَ ذَاكُ مُتُ؞ 17 غَا يَدَّ ذَيْ كَسَنْثٜىٰ دَ دُكْ وَطَنْدَ سُكَ نَاثٜىٰ سُكَسَاكَيْ عَكَنْ تَڢِيَ ذُوَا مَصَرْ دُواْمِنْ سُذَوْنَ أَوُرِنْ؞ ذَاسُ مُتُ تَوُرِنْ تَكُواْبِے دَ يُنْوَ دَ بَلَعِ؞ بَابُ كُواْ مُتُمْ طَيَ وَنْدَ ذَيْڟِيرَا دَغَ مَسِيڢَرْ دَ ذَنْ كَٰوُاْ عَكَنْسُ؞» 18 « ‹إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ «كَمَرْ يَدَّ نَظُبَ ڢُشِنَ دَ ذَاڢِنْ ڢُشِنَ عَكَنْ مَذَوْنَنْ عُرُوشَلِيمَ، حَكَنَنْ نٜىٰ ذَنْ ظُبَ ذَاڢِنْ ڢُشِنَ عَكَنْكُ عِدَنْ كُكَ تَڢِے مَصَرْ؞ ذَاكُ ذَمَ أَبِنْ بَنْظَ دَ أَبِنْ ڟُواْرُواْ دَ أَبِنْ لَعَنَ دَ أَبِنْ ذَاغِ؞ بَذَاكُ سَاكٜىٰ غَنِنْ وُرِنَّنْبَ؞» › » إِرْمِيَ يَبَادَ غَرْغَطِ 19 «يَا كُو ضَغُواْوَرْ مُتَنٜىٰنْ يَهُودَ، كُجِ أَبِنْدَ يَهْوٜىٰهْ يَڢَطَا غَمٜىٰدَكُو؞ ‹كَدَ كُتَڢِے مَصَرْ!› كُسَنِ ڢَا، لَلَّيْ يَوْ نَا غَرْغَطٜىٰكُ! 20 غَمَا كُنْ رُوطِ كَنْكُ نٜىٰ سَعَدَّ كُو دَكَنْكُ كُكَ عَيْكٜىٰنِ إِنْتَڢِے إِنْمِيڧَ ضُواْڧُوانْكُ غَ يَهْوٜىٰهْ اللَّهْ نْكُ؞ كُنْ كُمَثٜىٰ دُكَنْ أَبِنْدَ يَهْوٜىٰهْ اللَّهْ نْكُ يَثٜىٰ إِنْڢَطَا مُكُ كُيِ، ذَاكُيِ؞ 21 غَاشِ يَوْ نَڢَطَا مُكُ، عَمَّا بَكُيِ بِيَيَّ دَ دُكْ مَغَنَرْ دَ يَهْوٜىٰهْ اللَّهْ نْكُ يَعَيْكٜىٰنِ إِنْڢَطَا مُكُبَ؞ 22 يَنْذُ كُسَنِ ڢَا، لَلَّيْ ذَاكُ مُتُ تَوُرِنْ تَكُواْبِے دَ يُنْوَ دَ بَلَعِ أَ عِنْدَ كُكٜىٰسُواْ كُتَڢِے كُذَوْنَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria