إِرْمِيَ 41 - أَتَّوْرَتْ دَ أَنَّبَاوَا

¹ أَوَتَنْ بَݣَويْ، إِسْمَٰعِيلُ طَنْ نٜىٰتَنِيَ، جِيكَنْ عٜىٰلِشَمَ، طَيَ دَغَ ثِكِنْ دَنْ‌غِنْ سَرْكِے، شِيكُمَ طَيَ نٜىٰ دَغَ ثِكِنْ مَنْيَنْ دَتَّاوَنْ سَرْكِنْ يَهُودَ، يَذُواْ دَ مُتَنٜىٰ غُواْمَ وُرِنْ غٜىٰدَلِيَ طَنْ أَهِكَمْ أَ مِظْڢَ؞ سَعَدَّ سُكٜىٰ ثِنْ عَبِنْثِ دَ غٜىٰدَلِيَ أَ مِظْڢَ،

² سَيْ إِسْمَٰعِيلُ دَ مُتَنٜىٰنْسَ نَنْ غُواْمَ سُكَتَاشِ سُكَ سَارٜىٰ غٜىٰدَلِيَ دَ تَكُواْبِے يَمُتُ؞ غٜىٰدَلِيَ شِينٜىٰ وَنْدَ سَرْكِنْ بَابِيلَ يَمَيْدَشِ ڠُومْنَنْ ڧَسَرْ؞

³ إِسْمَٰعِيلُ كُمَ يَكَكَّشٜىٰ دُكَنْ مُتَنٜىٰنْ يَهُودَ وَطَنْدَ سُكٜىٰ كٜىٰوَيٜىٰ دَ غٜىٰدَلِيَ دَ كُمَ سُواْجُواْجِنْ كَلْدِيَ وَطَنْدَ سُكٜىٰيِنْ عَيْكِ أَ مِظْڢَ؞

⁴ وَشٜىٰغَرِ بَايَنْدَ عَكَ كَشٜىٰ غٜىٰدَلِيَ، تُنْ كَاڢِنْ وَنِ يَسَنِ،

⁵ سَيْ وَطَنْسُ مُتَنٜىٰ تَمَٰنِنْ سُكَ ڢِتُواْ دَغَ غَرُضُوً شٜىٰكٜىٰمْ دَ شِلُواْ دَ سَمَرِيَ ذُوَا مِظْڢَ دُواْمِنْ سُمِيڧَ هَدَايَ أَ غِدَنْ يَهْوٜىٰهْ؞ سُنَ رِڧٜىٰ دَ هَدَايَرْ حَڟِ دَ هَدَايَرْ تُرَارٜىٰ، كُمَ سُنْ رِغَا سُنْ أَسْكٜىٰ غٜىٰمُنْسُ، سُنْ يَيَّاغٜىٰ رِيغُنَنْسُ، سُكَ كُمَ ڟَڟَّٰغَ جِكُنَنْسُ؞

⁶ سَيْ إِسْمَٰعِيلُ طَنْ نٜىٰتَنِيَ يَڢِتَ دَغَ مِظْڢَ دُواْمِنْ يَسَدُدَسُو، يَنَ تَڢِيَ يَنَ كُوكَا؞ دَ يَسَامٜىٰسُ، سَيْيَثٜىٰ ‏«‏كُبِے نِے ذُوَا وُرِنْ غٜىٰدَلِيَ طَنْ أَهِكَمْ؞»‏

⁷ سَعَدَّ سُكَ كَيْ ڟَكِيَرْ غَرِنْ مِظْڢَ، سَيْ إِسْمَٰعِيلُ طَنْ نٜىٰتَنِيَ دَ مُتَنٜىٰنْسَ سُكَ كَشٜىٰ مُتَنٜىٰ دَغَ غَرُضُوً شٜىٰكٜىٰمْ دَ شِلُواْ دَ سَمَرِيَ، سُكَجٜىٰڢَ غَوَوَّكِنْسُ ثِكِنْ وَتَ رِجِيَ؞

⁸ عَمَّا غُواْمَ دَغَ ثِكِنْ مُتَنٜىٰنْ سُكَثٜىٰ وَ إِسْمَٰعِيلُ ‏«‏كَدَ كَكَشٜىٰمُ!‏ مُنَدَ أَجِيَرْ حَڟِنْ أَلْكَمَ دَ نَبَلٜىٰ دَ مَيْ دَ ظُمَ، دُكْ مُنْ ٻُواْيٜىٰسُ أَدَاجِ؞»‏ سَيْ يَبَرْسُ، بَيْ كَشٜىٰسُ تَرٜىٰدَ أَبُواْكَنْ تَڢِيَرْسُبَ؞

⁹ وَنَّنْ رِجِيَرْ دَ إِسْمَٰعِيلُ يَجٜىٰڢَ جِكُنَنْ مُتَنٜىٰنْدَ يَكَشٜىٰ أَ ذَنْثٜىٰنْ غٜىٰدَلِيَ كُوَ عِتَثٜىٰ رِجِيَرْ دَ سَرْكِے أَسَ يَحَڧَ دُواْمِنْ يَڟَرٜىٰ ضُوً غَرِنْ دَغَ سَرْكِے بَعَشَ نَ إِسْرَٰٓءِيلَ؞ إِسْمَٰعِيلُ طَنْ نٜىٰتَنِيَ كُوَ يَثِكَ رِجِيَرْ دَ غَوَوَّكِنْ مُتَنٜىٰ؞

¹⁰ سَعَنً إِسْمَٰعِيلُ يَݣُوشِ دُكَنْ سَوْرَنْ مُتَنٜىٰنْ دَسُكٜىٰ أَ مِظْڢَ، دُكْ دَ یَیَ مَتَ نَغِدَنْ سَرْكِے دَ سَوْرَنْ مُتَنٜىٰنْ دَ سُكَ ضَغٜىٰ؞ سُونٜىٰ نٜىٰبُظَرَدَنْ شُوغَبَنْ یَنْ غَادِنْ غِدَنْ سَرْكِے يَبَادَسُو أَ حَنُّنْ غٜىٰدَلِيَ طَنْ أَهِكَمْ يَلُورَ دَسُو؞ إِسْمَٰعِيلُ طَنْ نٜىٰتَنِيَ يَݣُوشٜىٰ مُتَنٜىٰنَّنْ، يَكَامَ حَنْيَ يَڧٜىٰتَرٜىٰ ذُوَا ڧَسَرْ أَمُّوانْ؞

¹¹ يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِنْسَ كُوَ سُكَجِ لَابَرِنْ دُكَنْ مُغُنْتَارْ دَ إِسْمَٰعِيلُ طَنْ نٜىٰتَنِيَ يَعَيْكَتَ؞

¹² سَيْ سُكَتَاشِ دَ دُكَنْ سُواْجُواْجِنْسُ سُكَ تَڢِے دُواْمِنْ سُيِ يَاڧِ دَ إِسْمَٰعِيلُ طَنْ نٜىٰتَنِيَ؞ سُكَ سَامٜىٰشِ عَبَبَّنْ تَڢْكِنْ دَيَكٜىٰ أَ غِبٜىٰيُوانْ؞

¹³ سَعَدَّ دُكَنْ مُتَنٜىٰنْ دَ إِسْمَٰعِيلُ يَݣُوشٜىٰ سُكَغَ يُواْهَنَنْ طَنْ كَرٜىٰيَ يَنَ ذُوَا تَرٜىٰدَ دُكَنْ شُوغَبَنِّنْ سُواْجُواْجِنْسَ، سَيْ سُكَيِ مُرْنَ؞

¹⁴ دُكَنْ مُتَنٜىٰنَّنْ دَ إِسْمَٰعِيلُ يَݣُوشٜىٰ دَغَ مِظْڢَ سُكَ جُويَا سُكَ كُواْمَ وُرِنْ يُواْهَنَنْ طَنْ كَرٜىٰيَ؞

¹⁵ عَمَّا إِسْمَٰعِيلُ طَنْ نٜىٰتَنِيَ تَرٜىٰدَ مُتَنٜىٰنْسَ غُدَا تَݣُوسْ سُكَ غُدُ سُكَ ڟِيرَا دَغَ حَنُّنْ يُواْهَنَنْ سُكَ تَڢِے وُرِنْ أَمُّواْنَاوَا؞

¹⁶ سَيْ يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِنْ دَسُكٜىٰ تَرٜىٰ دَشِ، سُكَثٜىٰثِ مُتَنٜىٰنْ دَ إِسْمَٰعِيلُ طَنْ نٜىٰتَنِيَ يَݣُوشٜىٰ دَغَ مِظْڢَ بَايَنْدَ يَكَشٜىٰ غٜىٰدَلِيَ طَنْ أَهِكَمْ؞ عَثِكِنْسُ كُوَ أَݣَويْ سُواْجُواْجِ دَ مَاتَادَ يَارَا دَ بَابَانِّ؞ دُكَنْسُ يُواْهَنَنْ يَدَاوُاْ دَسُو دَغَ غَرِنْ غِبٜىٰيُوانْ؞

يَهُودَاوَا سُنْ غُدُ ذُوَا مَصَرْ

¹⁷ سَيْ سُكَتَاشِ سُكَ كَامَ حَنْيَ ذُوَا مَصَرْ، سُكَيِ ذَنْ‌غُواْ أَ غٜىٰرُتْ كِمْهَمْ كُسَدَ بَيْتَلَحْمِ؞

¹⁸ سُكَ نُڢَ مَصَرْ سَبُواْدَ سُنَ جِنْ ڟُواْرُوانْ سُواْجُواْجِنْ بَابِيلَ، تُنْدَيَكٜىٰ إِسْمَٰعِيلُ طَنْ نٜىٰتَنِيَ يَكَشٜىٰ غٜىٰدَلِيَ طَنْ أَهِكَمْ، وَنْدَ سَرْكِنْ بَابِيلَ يَمَيْدَشِ ڠُومْنَنْ ڧَسَرْ؞