إِرْمِيَ 40 - أَتَّوْرَتْ دَ أَنَّبَاوَا

إِرْمِيَ يَا ذَاٻَا يَذَوْنَ أَ يَهُودَ

¹ يَهْوٜىٰهْ يَا يِمَغَنَ دَ إِرْمِيَ بَايَنْدَ نٜىٰبُظَرَدَنْ شُوغَبَنْ یَنْ غَادِنْ سَرْكِے يَسَكِ إِرْمِيَ أَ رَمَ؞ دَا مَا نٜىٰبُظَرَدَنْ يَكَيْ إِرْمِيَ أَوُرِنْ أَطَوْرٜىٰ دَ سَرْڧَ، تَرٜىٰدَ مُتَنٜىٰنْ عُرُوشَلِيمَ دَ يَهُودَ وَطَنْدَ ذَاعَ كَيْسُ بَوْتَا عَ بَابِيلَ؞

² أَ رَمَ سَيْ شُوغَبَنْ یَنْ غَادِنْ سَرْكِے يَكِرَا إِرْمِيَ أَغٜىٰڢٜىٰ يَثٜىٰ مَسَ ‏«‏يَهْوٜىٰهْ اللَّهْ نْكَ يَسَنَرْدَ وَنَّنْ مَسِيڢَرْ دَ تَڢَاطُواْ وَوُرِنَّنْ؞

³ غَاشِ، يَهْوٜىٰهْ يَا عَيْكَتَ دَيْدَيْ يَدَّ يَڢَطَا؞ غَمَا كُنْيِ وَ يَهْوٜىٰهْ ذُنُوبِ، كُنْڧِ يِنْ بِيَيَّ دَ مَغَنَرْسَ، سَبُواْدَ حَكَنٜىٰ وَنَّنْ مَسِيڢَ تَڢَاطُواْ مُكُ؞

⁴ عَمَّا كَيْ إِرْمِيَ، يَوْ نَكُنْثٜىٰ سَرْڧَرْ دَتَكٜىٰ أَ حَنُّنْكَ؞ عِدَنْ كَا غَ يَڢِ مَكَ ݣَوْ كَبِينِ ذُوَا بَابِيلَ، سَيْ كَذُواْ، ذَنْ كُمَ لُورَ دَكَيْ؞ عِدَنْ كُمَ كَا ڢِے سُواْ كَذَوْنَ عَڧَسَرْ نَنْ، سَيْ كَذَوْنَ؞ غَ ڧَسَرْ دُكَ أَغَبَنْكَ، سَيْ كَتَڢِے دُكْ عِنْدَ كَكٜىٰسُواْ؞»‏

⁵ إِرْمِيَ يَنَ شِرِنْ تَڢِيَ كٜىٰنَنْ، سَيْ نٜىٰبُظَرَدَنْ يَڧَارَ ثٜىٰمَسَ ‏«‏كَكُواْمَ وُرِنْ غٜىٰدَلِيَ، طَنْ أَهِكَمْ، جِيكَنْ شَڢَنْ، وَنْدَ سَرْكِنْ بَابِيلَ يَمَيْدَشِ ڠُومْنَنْ غَرُضُوً يَهُودَ؞ كَذَوْنَ تَرٜىٰ دَشِ عَثِكِنْ مُتَنٜىٰنْكَ؞»‏ سَيْ نٜىٰبُظَرَدَنْ يَبَاشِ عَبِنْثِ دَ ݣَوْتَا، يَسَلَّمٜىٰشِ يَتَڢِے؞

⁶ إِرْمِيَ كُوَ يَتَڢِے وُرِنْ غٜىٰدَلِيَ طَنْ أَهِكَمْ أَغَرِنْ مِظْڢَ، يَذَوْنَ تَرٜىٰ دَشِ ثِكِنْ مُتَنٜىٰنْ دَ سُكَ رَغُ عَڧَسَرْ؞

غٜىٰدَلِيَ ڠُومْنَنْ يَهُودَ

⁷ دُكَنْ شُوغَبَنِّنْ سُواْجُواْجِ وَطَنْدَ سُكٜىٰ أَدَاجِنْ يَهُودَ تَرٜىٰدَ مُتَنٜىٰنْسُ سُكَجِ لَابَرِ ثٜىٰوَ سَرْكِنْ بَابِيلَ يَسَا غٜىٰدَلِيَ طَنْ أَهِكَمْ يَذَمَ ڠُومْنَنْ ڧَسَرْ، يَكُمَسَا يَلُورَ دَ مَڢِے تَلَوْثِ عَڧَسَرْ، وَتُواْ مَظَا دَ مَاتَادَ يَارَا، وَطَنْدَ بَعَݣُوشٜىٰسُ ذُوَا بَوْتَا عَ بَابِيلَ بَ؞

⁸ وَطَنَّنْ شُوغَبَنِّنْ سُواْجُواْجِ نٜىٰ سُكَ تَڢِے وُرِنْ غٜىٰدَلِيَ أَ مِظْڢَ؞ سُونَيٜىٰنْسُ كٜىٰنَنْ، إِسْمَٰعِيلُ طَنْ نٜىٰتَنِيَ، دَ يُواْهَنَنْ دَ يُواْنَتَنْ یَیَنْ كَرٜىٰيَ دَ سٜىٰرَيَ طَنْ تَنْهُمٜىٰتْ دَ یَیَنْ عٜىٰڢَيْ مُتُمِنْ نٜىٰتُواْڢَ دَ يٜىٰظَنِيَ طَنْ مُتُمِنْ مَعَكَ دَ سُواْجُواْجِنْسُ؞

⁹ غٜىٰدَلِيَ طَنْ أَهِكَمْ جِيكَنْ شَڢَنْ يَيِ مُسُ ضَنْڟُوَا، سُو دَ سُواْجُواْجِنْسُ يَثٜىٰ ‏«‏كَدَ كُجِڟُواْرُوانْ ذَمَ عَڧَرْڧَشِنْ مُتَنٜىٰنْ بَابِيلَ؞ كُذَوْنَ عَڧَسَرْ كُيِ وَسَرْكِنْ بَابِيلَ بِيَيَّ، ذَاكُ كُوَ سَامِ ذَمَنْ لَاڢِيَ؞

¹⁰ نِے دَيْ ذَنْ ذَوْنَ أَ مِظْڢَ دُواْمِنْ إِنْ ذَمَ وَكِيلِنْكُ أَوُرِنْ دَتَّاوَنْ بَابِيلَ وَطَنْدَ سُكٜىٰ ذُوَا وُرِنْمُ؞ كُو سَيْ كُيِ غِرْبِے، كُ أَجِيٜىٰ ضُوً إِنَبِے دَ یَیَنْ إِتَاثٜىٰ دَ مَنْ ظَيْتُنْ أَوُرَارٜىٰنْ أَجِيَ أَغِدَاجٜىٰنْكُ، كُذَوْنَ أَغَرُضُوً دَ كُكَثِ؞»‏

¹¹ دُكَنْ يَهُودَاوَنْ دَسُكٜىٰ أَ مُواْوَبْ دَ أَمُّوانْ دَ عٜىٰدُوامْ دَ سَوْرَنْ ڧَسَاشٜىٰ كُمَ سُنْجِ ثٜىٰوَ سَرْكِنْ بَابِيلَ يَبَرْ ضَغُواْوَرْ يَهُودَاوَا سُذَوْنَ عَڧَسَرْ يَهُودَ، سُنْ كُمَجِ ثٜىٰوَ يَمَيْدَ غٜىٰدَلِيَ طَنْ أَهِكَمْ جِيكَنْ شَڢَنْ ڠُومْنَنْسُ؞

¹² سَعَدَّ دُكَنْ يَهُودَاوَنَّنْ سُكَجِ وَنَّنْ لَابَرِ، سَيْ سُكَ دَاوُاْ دَغَ دُكَنْ ڧَسَاشٜىٰنْ دَ عَكَ كُواْرٜىٰسُ؞ سُكَ دَاوُاْ ڧَسَرْ يَهُودَ سُكَذُواْ وُرِنْ غٜىٰدَلِيَ أَ مِظْڢَ، سُكَ كُوَيِ غِرْبِے، سُكَ أَجِيٜىٰ ضُوً إِنَبِے دَ یَیَنْ إِتَاثٜىٰ عَيَلْوَثٜىٰ؞

أَنْكَشٜىٰ غٜىٰدَلِيَ

¹³ وَتَرَانَ سَيْ يُواْهَنَنْ طَنْ كَرٜىٰيَ دَ دُكَنْ شُوغَبَنِّنْ سُواْجُواْجِنْ دَسُكٜىٰ أَدَاجِ، سُكَذُواْ وُرِنْ غٜىٰدَلِيَ أَ مِظْڢَ؞

¹⁴ سَيْ سُكَثٜىٰ مَسَ ‏«‏كُواْ كَسَنِ ثٜىٰوَ سَرْكِے بَعَلِسْ نَ أَمُّوانْ يَعَيْكِ إِسْمَٰعِيلُ طَنْ نٜىٰتَنِيَ دُواْمِنْ يَذُواْ يَكَشٜىٰكَ؟»‏ عَمَّا غٜىٰدَلِيَ طَنْ أَهِكَمْ بَيْ غَسْكَتَسُبَ؞

¹⁵ سَيْ يُواْهَنَنْ طَنْ كَرٜىٰيَ يَيِ مَغَنَ دَ غٜىٰدَلِيَ أَ مِظْڢَ عَٻُواْيٜىٰ يَثٜىٰ ‏«‏بَرِ إِنْتَڢِے إِنْكَشٜىٰ إِسْمَٰعِيلُ طَنْ نٜىٰتَنِيَ، بَابُوَنْدَ ذَيْ سَنِ؞ إِنَا أَمْڢَانِ عَبَرْشِ يَكَشٜىٰكَ، أَوَاڟَرْدَ مُتَنٜىٰنْ يَهُودَ وَطَنْدَ سُكٜىٰ كٜىٰوَيٜىٰ دَكَيْ، ضَغُواْوَرْ يَهُودَاوَا كُمَ سُهَلَّكَ؟»‏

¹⁶ عَمَّا غٜىٰدَلِيَ طَنْ أَهِكَمْ يَثٜىٰ وَ يُواْهَنَنْ طَنْ كَرٜىٰيَ ‏«‏كَدَ كَكُسْكُرَ كَيِ وَنَّنْ أَبُ، غَمَا وَنَّنْ لَابَرِنْ إِسْمَٰعِيلُ بَغَسْكِيَ بَنٜىٰ؞»‏