إِرْمِيَ 4 - أَتَّوْرَتْ دَ أَنَّبَاوَا

¹ إِنْجِ يَهْوٜىٰهْ، ‏«‏عِدَنْ ذَاكُ جُويُواْ، يَا إِسْرَٰٓءِيلَ، تُواْ، كُجُويُواْ غَرٜىٰنِ؞ عِدَنْ ذَاكُ كَوَرْدَ غُمَكَ، أَبُبُوَنْ ڧَظَنْتَرْ نَنْ دَغَ غَبَنَ، كُدَيْنَ يَٰوُاْ دَ حَنْكَلِنْكُ،

² عِدَنْ ذَاكُيِ ضَنْڟُوَا دَ سُونَنَ ثِكِنْ غَسْكِيَ دَ أَمِنْثِ دَ أَدَلْثِے، كُثٜىٰ، ‏‹‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ،›‏ تُواْ، ذَاكُ ذَمَ حَنْيَرْ أَلْبَرْكَ غَ أَلْعُمَّيْ، عَثِكِنْ سُونَنَ كُوَ ذَاسُيِ تَاڧَمَ؞»‏

³ يَهْوٜىٰهْ يَثٜىٰ وَمَذَوْنَنْ عُرُوشَلِيمَ دَ سَوْرَنْ مُتَنٜىٰنْ يَهُودَ، ‏«‏كُنُواْمٜىٰ ڢِيلِنْ نُواْمَنْكُ دَ بَعَنُواْمٜىٰ بَ، كَدَ كُيِ شُوكَ ثِكِنْ ڧَيُواْيِ؞

⁴ كُيِ كَاثِيَرْ كٜىٰٻٜىٰ كَنْكُ غَ يَهْوٜىٰهْ، كُكَوَرْدَ تَوْرِنْ ذُوثِيَارْكُ، يَا كُو مَذَوْنَنْ عُرُوشَلِيمَ دَ نَ يَهُودَ؞ عِدَنْ كُكَڧِ، ڢُشِنَ ذَيْ ٻَرْكٜىٰ مُكُ كَمَرْ هَرْشٜىٰنْ وُتَا، ذَيْ يِتَڧُواْنٜىٰ بَابُ مَيْ عِيَ كَشٜىٰوَ، سَبُواْدَ مُغُنْتَارْ أَيُّكَنْكُ؞»‏

مَسِيڢَ ذَاتَ ذُواْ دَغَ أَرٜىٰوَ

⁵ إِنْجِ يَهْوٜىٰهْ، ‏«‏عَيِ شٜىٰلَ أَ يَهُودَ، أَ سَنَرْ أَ عُرُوشَلِيمَ ثٜىٰوَ ‏‹‏عَبُوسَ ڧَهُواْ ثِكِنْ دُكَنْ ڧَسَرْ!‏ عَتَادَ مُرْيَ عَثٜىٰ، ‏«‏كُتَتَّارُ، مُغُدُ ذُوَا ثِكِنْ بِرَنٜىٰ مَاسُ كَتَنْ‌غَ!‏»‏

⁶ عَتَادَ تُوتَ عِنْدَ ذَاعَ شِغَ سِهِيُواْنَ!‏ يِ غُدُ نَنٜىٰمَنْ مَڢَكَا!‏ كَدَ عَٻَاتَ لُواْكَثِ!‏ غَمَا إِنَ كَٰوُاْ مَسِيڢَ دَغَ أَرٜىٰوَ، كُمَ بَبَّرْ هَلَّكَثٜىٰ؞›‏ »‏

⁷ كَمَرْ ذَاكِ مَيْ ڢِتُواْوَ دَغَ وُرِنْ ذَمَنْسَ، حَكَمَا مَيْ هَلَّكَرْ دَ أَلْعُمَّيْ يَڢِتُواْ؞ يَتَاسُواْ دَغَ وُرِنْ ذَمَنْسَ دُواْمِنْ يَلَلَتَرْ دَ ڧَسَرْكُ؞ بِرَنٜىٰنْكُ ذَاسُ ذَمَ كُڢَيْ، بَابُ كُواْوَ عَثِكِ؞

⁸ دُواْمِنْ حَكَ سَيْ كُسَا رِيغُنَنْ نُونَ بَڧِنْ ثِكِ، كُيِ مَكُواْكِ كُيِ كُوكَا؞ غَمَا ڟَنَنِنْ ڢُشِنْ يَهْوٜىٰهْ بَذَيْ جُويَا دَغَ غَرٜىٰمُبَ؞

⁹ إِنْجِ يَهْوٜىٰهْ، ‏«‏أَ رَانَرْ نَنْ، سَرْكِے دَ دَتَّاوَنْسَ ذَاسُ رَسَ ڧَرْڢِنْ ذُوثِيَا؞ ڢِرِسْتُواْثِے ذَاسُ رَسَ أَبِنْ ڢَطَا، أَنَّبَاوَا كُمَ ذَاسُيِ مَامَاكِ؞»‏

¹⁰ سَيْ نَثٜىٰ ‏«‏أَيَّ، عُبَنْ‌غِجِ يَهْوٜىٰهْ، دُوانْمٜىٰ كَرُوطِ مُتَنٜىٰنَّنْ دَ عُرُوشَلِيمَ غَبَاطَيَ ثٜىٰوَ ‏‹‏ذَاكُ كَسَنْثٜىٰ ثِكِنْ ذَمَنْ لَاڢِيَ،›‏ يَايِنْ دَ تَكُواْبِے يَنَ أَ مَڧُواْڠُورُوانْمُ؟»‏

¹¹ أَ لُواْكَثِنَّنْ ذَاعَ ثٜىٰ وَمُتَنٜىٰنَّنْ دَ عُرُوشَلِيمَ ‏«‏يَا كُو ذُوثِيَاتَ جَمَعَتَ، وَتَ إِسْكَ مَيْ ذَاڢِ دَغَ تُدَّيْ نَهَامَدَ تَنَ بُوسَوَ ذُوَا وُرِنْكُ، عَمَّا بَ دُواْمِنْ تَنْكَطٜىٰوَ كُواْ رَيْرَايَوَ بَ؞

¹² وَنَّنْ إِسْكَ، إِسْكَثٜىٰ مَيْ ڧَرْڢِے دَغَ وُرِينَ؞ تُواْ، يَنْذُ نِے ذَنْ سَنَرْدَ شَرِيعَتَ عَكَنْكُ؞»‏

¹³ غَاشِ، مَيْ هَلَّكَرْوَ يَنَ ذُوَا كَمَرْ غِرْغِجٜىٰ، كٜىٰكُنَنْ دُواْكِنْسَ سُنَ تَڢِيَ كَمَرْ غُوغُوَ؞ دَوَكِنْسَ سُنَ سَوْرِ ڢِيٜىٰدَ غَغَّڢَ؞ كَيْتُوانْمُ!‏ مُنْ شِغَ عُكُ!‏

¹⁴ يَا عُرُوشَلِيمَ، كِوَنْكٜىٰ مُغُنْتَارْ دَتَكٜىٰ أَ ذُوثِيَارْكِ، دُواْمِنْ كِسَامِ ثٜىٰتُواْ؞ حَرْ يَوْشٜىٰ ذَاكِ رِڧٜىٰ مُوغَيٜىٰنْ تُنَانِ أَ ذُوثِيَارْكِ؟

¹⁵ غَا مُرْيَ تَنَ سَنَرْوَ دَغَ دَنْ، تَنَ شٜىٰلَرْ مَسِيڢَ دَغَ يَنْكِنْ تُدَّيْ نَ إِڢْرَيِمْ؞

¹⁶ ‏«‏عَثٜىٰ وَ أَلْعُمَّيْ، ‏‹‏غَاسُ نَنْ!‏›‏ أَ سَنَرْ غَمٜىٰدَ عُرُوشَلِيمَ ثٜىٰوَ ‏‹‏غَا سُواْجُواْجِ سُنَ ذُوَا دَغَ ڧَسَا مَيْ نِيسَ، سُنَيِ وَغَرُضُوً يَهُودَ إِيهُ؞

¹⁷ سُنَ كٜىٰوَيٜىٰتَ كَمَرْ مَاسُ غَادِنْ ڢِيلِ، سَبُواْدَ تَيِ مِنِ تَاوَيٜىٰ؞›‏ نِے يَهْوٜىٰهْ نَا ڢَطَا؞

¹⁸ هَنْيُواْيِنْكِ دَ أَيُّكَنْكِ سُنْ كَٰوُاْ مِكِ وَنَّنْ هَلَّكَ؞ وَنَّنْ ڧَرْشٜىٰنْكِ كٜىٰنَنْ، لَلَّيْ تَنَدَ طَاثِ!‏ تَا شِغَ حَرْ ثِكِنْ ذُوثِيَارْكِ؞»‏

إِرْمِيَ يَيِ كُوكَا دُواْمِنْ مُتَنٜىٰنْسَ

¹⁹ عَذَابَتَ!‏ أَيَّ عَذَابَتَ!‏ إِنَ بِرْغِمَ ثِكِنْ بَڧِنْ عَذَابَ!‏ ذُوثِيَاتَ تَنَ تَبُغَوَ دَ ڧَرْڢِے، بَذَنْ عِيَيِنْ شِضُبَ، غَمَا نَا جِ ڧَارَرْ ڧَهُواْ، عَلَمَثٜىٰ تَيَاڧِ؞

²⁰ مَسِيڢَ عَكَنْ مَسِيڢَ، أَنْهَلَّكَ ڧَسَا دُكَ، بَا لَابَرِ أَنْهَلَّكَ تٜىٰنْتُنَنَ، لَبُلٜىٰنَ كُوَ ثِكِنْ ڨِڢْتَوَرْ عِدُواْ؞

²¹ أَيَّ!‏ حَرْ يَوْشٜىٰ ذَنْيِ تَغَنِنْ تُوتَرْ يَاڧِ، كُواْ إِنْجِ ڧَارَرْ ڧَهُواْ؟

²² إِنْجِ يَهْوٜىٰهْ، ‏«‏مُتَنٜىٰنَ وَوَيٜىٰ نٜىٰ، بَسُ سَنْ نِبَ؞ یَیَ نٜىٰ مَاسُ حَلِنْ دَبَّ، بَسُ دَ غَانٜىٰوَ؞ سُنْ ڠُونِنْتَ ثِكِنْ عَيْكَتَ مُغُنْتَا، عَمَّا بَسُ سَنْ يِنْ أَلْحٜىٰرِبَ؞»‏

²³ نَدُوبَ ڧَسَا، غَاشِ، بَاتَدَ صِڢَّ بَاتَدَ كُواْمٜىٰ، نَكُمَ دُوبَ سَمَّيْ، غَاشِ، بَابُ حَصْكٜىٰ؞

²⁴ نَدُوبَ مَنْيَنْ تُدَّيْ، غَاشِ، سُنَ غِرْغِظَاوَا، دُكَنْ تُدَّيْ كُمَ سُنَ ضَوَرْ جِكِے؞

²⁵ نَدُوبَ، غَاشِ، بَابُ طَنْ أَدَمْ، دُكَنْ ڟُنْڟَيٜىٰنْ سَرَرِنْ سَمَ كُمَ سُنْ غُدُ؞

²⁶ نَدُوبَ، غَاشِ، ڧَسَا مَيْ أَمْڢَانِ تَذَمَ هَمَادَ، دُكَنْ غَرُرُوَنْتَ كُمَ سُنْ ذَمَ كُڢَيْ أَغَبَنْ يَهْوٜىٰهْ دَ ذَاڢِنْ ڢُشِنْسَ؞

²⁷ إِنْجِ يَهْوٜىٰهْ، ‏«‏دُكَنْ ڧَسَرْ ذَاتَ ذَمَ كُڢَيْ، عَمَّا بَنْ كَٰوُاْ ثِكَكّٜىٰنْ ڧَرْشٜىٰبَ؞

²⁸ سَبُواْدَ وَنَّنْ، ڧَسَا ذَاتَيِ مَكُواْكِ، سَمَّيْ ذَاسُ دُهُنْتَ؞ غَمَا نَا يِمَغَنَ، نَا يَنْكٜىٰ شَوَرَا، بَذَنْ ثَنْجَ بَاكِبَ، بَذَنْ جُويَا بَايَبَ؞»‏

²⁹ دَجِنْ مُواْڟِنْ مَاسُ هَوَنْ دَوَكِ دَ مَاسُ هَرْبِے، مُتَنٜىٰنْ كُواْوَنٜىٰ غَرِ ذَاسُ غُدُ؞ وَطَنْسُ ذَاسُ شِغَ كُرْمِ، وَطَنْسُ ذَاسُ هَوْ مَنْيَنْ دُوَڟُو؞ ذَاعَبَرْ دُكَنْ غَرُرُوَ كُڢَيْ، بَابُ مَيْ ذَمَ عَثِكِنْسُ؞

³⁰ يَا كٜىٰ وَدَّ عَكَ هَلَكَاكِ، مٜىٰكِكٜىٰ نُڢِ دَ كِكَسَا جَرْ رِغَا مَيْ ڟَادَ؟ مٜىٰيَسَا كِكَثِ ݣُولِّيَ دَ كَايَنْ ظِينَارِيَ؟ مٜىٰيَسَا كِكَيِ شَاڢٜىٰ شَاڢٜىٰ أَ ڢُسْكَرْكِ؟ تُواْ، عَبَنْظَنٜىٰ كِكٜىٰ ڠَرَنْ جِكِنْكِ، مَسُواْيَنْكِ سُنَ ڨَمَرْكِ، رَنْكِ سُكٜىٰ نٜىٰمَ؞

³¹ غَمَا نَاجِ كُوكَا كَمَرْ نَمَثٜىٰنْ دَتَكٜىٰ ثِكِنْ ذَاڢِنْ نَڧُدَ، نَجِ نِيشِ كَمَرْ نَمَثٜىٰ أَ لُواْكَثِنْ حَيْڢُوَرْتَ تَڢَارِ؞ نَجِ كُوكَنْ ذُوثِيَاتَ عُرُوشَلِيمَ تَنَ نُمْڢَشِ دَݣَرْ، تَنَ تَادَ حَنُّوَنْتَ سَمَ تَنَ إِيهُ تَنَثٜىٰوَ ‏«‏كَيْتُواْنَ!‏ إِنَ سُومَ أَغَبَنْ مَاسُ كِسَنْ كَيْ!‏»‏