إِرْمِيَ 39 - أَتَّوْرَتْ دَ أَنَّبَاوَا

ڢَاطُوَرْ عُرُوشَلِيمَ

¹ أَوَتَنْ غُواْمَ نَشٜىٰكَرَا تَتَرَ تَمُلْكٍ سَرْكِے صَدِڧِيَ نَ يَهُودَ، سَيْ سَرْكِے نٜىٰبُكَدْنٜىٰزَّرْ نَ بَابِيلَ يَذُواْ دَ دُكَنْ سُواْجُواْجِنْسَ، سُكَ كٜىٰوَيٜىٰ عُرُوشَلِيمَ دَ يَاڧِ؞

² أَ رَانَ تَتَرَ غَ وَتَنْ حُطُ، أَ شٜىٰكَرَا تَغُواْمَشَا طَيَ تَمُلْكٍ سَرْكِے صَدِڧِيَ، سَيْ عَكَ هُودَ كَتَنْ‌غَرْ بِرْنِنْ؞

³ سَعَنً دُكَنْ دَتَّاوَنْ سَرْكِنْ بَابِيلَ سُكَ شِغَ ثِكِنْ عُرُوشَلِيمَ سُكَ ذَوْنَ عَڧُواْڢَرْ ڟَكِيَ دُواْمِنْ سُيِ مُلْكٍ بِرْنِنْ؞ عَثِكِنْسُ أَݣَويْ، نٜىٰرْغَلْ سَرٜىٰظٜىٰرْ دَ سَمْغَرْ نٜىٰبُواْ دَ سَرْسٜىٰكِمْ وَتُواْ رَبْسَرِسْ دَ وَنِ نٜىٰرْغَلْ سَرٜىٰظٜىٰرْ وَتُواْ رَبْمَكْ دَ سَوْرَنْ مَنْيَنْ دَتَّاوَنْ سَرْكِنْ بَابِيلَ؞

⁴ سَعَدَّ سَرْكِے صَدِڧِيَ نَ يَهُودَ دَ دُكَنْ سُواْجُواْجِنْسَ سُكَ غَنْسُ، سُكَ غُدُ سُكَ ڢِتَ دَغَ بِرْنِنْ دَ دَرٜىٰ؞ سُكَبِے تَغُواْنَرْ سَرْكِے وَجٜىٰنْ ڧُواْڢَرْ دَتَكٜىٰ ڟَكَانِنْ كَتَنْ‌غَ بِيُ، سُكَ نُڢَ ݣُورِنْ كُواْغِنْ يُواْدَنْ أَغَبَسْ؞

⁵ عَمَّا سُواْجُواْجِنْ كَلْدِيَ سُكَبِيسُ، سُكَ كَامَ سَرْكِے صَدِڧِيَ أَ ڢِيلَيٜىٰنْ يٜىٰرِكُواْ؞ دَ سُكَ كَامَ شِ سَيْ سُكَ كَٰوُاْ شِ وُرِنْ سَرْكِے نٜىٰبُكَدْنٜىٰزَّرْ نَ بَابِيلَ أَغَرِنْ رِبْلَ نَيَنْكِنْ هَمَتْ؞ أَوُرِنْ نٜىٰبُكَدْنٜىٰزَّرْ يَيَنْكٜىٰ مَسَ حُكُنْثِ؞

⁶ سَيْ سَرْكِے نٜىٰبُكَدْنٜىٰزَّرْ يَكَكَّشٜىٰ یَیَ مَظَا نَ صَدِڧِيَ أَعِدُوانْسَ أَغَرِنْ رِبْلَ؞ يَكُمَ كَكَّشٜىٰ دُكَ مَنْيَنْ مُتَنٜىٰنْ يَهُودَ؞

⁷ يَكُمَ ثِثِّرٜىٰ إِدَانُنْ صَدِڧِيَ، يَطَوْرَا مَسَ سَرْڧَرْ ڧَرْڢٜىٰ، يَكَيْشِ بَابِيلَ؞

⁸ سُواْجُواْجِنْ كَلْدِيَ كُوَ سُكَ ڧُواْنٜىٰ غِدَنْ سَرْكِنْ يَهُودَ دَ سَوْرَنْ غِدَاجٜىٰنْ مُتَنٜىٰ دَ وُتَا، سُكَ رُشٜىٰ كَتَنْ‌غَرْ بِرْنِنْ عُرُوشَلِيمَ؞

⁹ سَعَنً نٜىٰبُظَرَدَنْ، شُوغَبَنْ یَنْ غَادِنْ سَرْكِے يَݣُوشِ سَوْرَنْ مُتَنٜىٰنْ دَ سُكَ ضَغٜىٰ عَبِرْنِنْ دَ وَطَنْدَ دَا سُكَ غُدُ وُرِنْسَ سُنْ ذَمَ نَاسَ دَ سَوْرَنْ مَذَوْنَنْ عُرُوشَلِيمَ، دُكَنْسُ يَݣُوشٜىٰ ذُوَا بَوْتَا عَ بَابِيلَ؞

¹⁰ عَمَّا، نٜىٰبُظَرَدَنْ شُوغَبَنْ یَنْ غَادِنْ سَرْكِے، يَبَرْ وَطَنْسُ تَلَكَاوَا مَرَسَ كُواْمٜىٰ عَڧَسَرْ؞ يَكُمَ بَاسُ غُواْنَكِنْ إِنَبِے دَ وَطَنْسُ غُواْنَكِ أَ لُواْكَثِنْ؞

سَرْكِے نٜىٰبُكَدْنٜىٰزَّرْ يَسَكِ إِرْمِيَ

¹¹ سَيْ سَرْكِے نٜىٰبُكَدْنٜىٰزَّرْ نَ بَابِيلَ يَعُمَرْثِ نٜىٰبُظَرَدَنْ شُوغَبَنْ یَنْ غَادِنْ سَرْكِے ثٜىٰوَ

¹² ‏«‏كَطَوْكِ إِرْمِيَ كَلُورَ دَشِ، كَدَ كَيِ مَسَ وَنِ مُوغُنْ أَبُ، عَمَّا كَيِ مَسَ أَبِنْدَ يَكٜىٰسُواْ؞»‏

¹³ سَيْ نٜىٰبُظَرَدَنْ شُوغَبَنْ یَنْ غَادِنْ سَرْكِے يَعَيْكِ نٜىٰبُشَظْبَنْ وَتُواْ رَبْسَرِسْ دَ نٜىٰرْغَلْ سَرٜىٰظٜىٰرْ وَتُواْ رَبْمَكْ دَ سَوْرَنْ مَنْيَنْ دَتَّاوَنْ بَابِيلَ،

¹⁴ دُواْمِنْ سُكَٰوُاْ إِرْمِيَ دَغَ ڢِيلِ نَغٜىٰڢٜىٰنْ مَاسُ غَادِ؞ سُكَ دَنْڧَ شِ أَ حَنُّنْ غٜىٰدَلِيَ طَنْ أَهِكَمْ، جِيكَنْ شَڢَنْ، دُواْمِنْ يَكَيْ إِرْمِيَ غِدَا؞ تَهَكَ إِرْمِيَ يَذَوْنَ تَرٜىٰدَ ضَغُواْوَرْ مُتَنٜىٰنْ ڧَسَرْ؞

¹⁵ دَا مَا يَهْوٜىٰهْ يَايِ مَغَنَ دَ إِرْمِيَ تُنْيَنَ عَكُلّٜىٰ أَ ڢِيلِ نَغٜىٰڢٜىٰنْ مَاسُ غَادِ ثٜىٰوَ

¹⁶ يَتَڢِے يَيِ مَغَنَ دَ عٜىٰبٜىٰدْمٜىٰلٜىٰكْ مُتُمِنْ إِتِيُواْڢِيَ يَثٜىٰ مَسَ ‏«‏إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، غَاشِ، بَادَ جِمَاوَا بَذَنْ ثِكَ مَغَنَرْدَ نَيِ غَمٜىٰدَ عُرُوشَلِيمَ، مَغَنَرْ مَسِيڢَ بَتَأَلْحٜىٰرِبَ؞ دُكَنْ أَبُبُوَنَّنْ ذَاسُ ثِكَ أَ رَانَرْ نَنْ كُمَ ذَاكَ غَنِ دَ عِدُوانْكَ؞

¹⁷ عَمَّا أَ رَانَرْ نَنْ، ذَنْ كُٻُتَرْ دَكَيْ عٜىٰبٜىٰدْمٜىٰلٜىٰكْ، بَذَاعَ مِيڧَكَ أَ حَنُّنْ وَطَنْدَ كَكٜىٰجِنْ ڟُواْرُوانْسُبَ؞ نِے يَهْوٜىٰهْ نَا ڢَطَا؞

¹⁸ كَيْ عٜىٰبٜىٰدْمٜىٰلٜىٰكْ، لَلَّيْ ذَنْثٜىٰثٜىٰكَ، تَكُواْبِنْ يَاڧِ كُمَ بَذَيْ كَشٜىٰكَبَ؞ ذَاكَ رَايُ كَڟِيرَا دَ رَنْكَ، غَمَا كَا دُواْغَضَ غَرٜىٰنِ؞ نِے يَهْوٜىٰهْ نَا ڢَطَا؞»‏