إِرْمِيَ 38 - أَتَّوْرَتْ دَ أَنَّبَاوَاأَنْ سَا إِرْمِيَ أَ رِجِيَ مَرَرْ ضُوَ 1 أَنَانً سَيْ شٜىٰڢَتِيَ طَنْ مَتَّنْ دَ غٜىٰدَلِيَ طَنْ ڢَشُرْ دَ يٜىٰهُكَلْ طَنْ شٜىٰلٜىٰمِيَ دَ ڢَشُرْ طَنْ مَلْكِيَ، دُكَنْسُ سُكَجِ مَغَنَرْ دَ إِرْمِيَ يَيِ أَغَبَنْ جَمَعَ ثٜىٰوَ 2 «إِنْجِنِ يَهْوٜىٰهْ، دُكْ وَنْدَ يَذَوْنَ أَوَنَّنْ بِرْنِ ذَيْ مُتُ تَوُرِنْ تَكُواْبِے دَ يُنْوَ دَ بَلَعِ؞ عَمَّا دُكْ وَنْدَ يَڢِتَ يَبَادَ كَنْسَ غَ سُواْجُواْجِنْ كَلْدِيَ ذَيْ رَايُ؞ عِ، ذَيْ ڟِيرَرْ دَ رَنْسَ يَكُوَ رَايُ؞ 3 بَاشَكَّ، ذَاعَ بَادَ وَنَّنْ بِرْنِ أَ حَنُّنْ سُواْجُواْجِنْ سَرْكِنْ بَابِيلَ سُثِ شِ دَ يَاڧِ؞ نِے يَهْوٜىٰهْ نَا ڢَطَا؞» 4 سَيْ دَتَّاوَنْ سُكَثٜىٰ وَسَرْكِے «رَنْكَيَدَطٜىٰ! يَا كَمَاتَ عَكَشٜىٰ مُتُمِنَّنْ إِرْمِيَ غَمَا إِرِنْ مَغَنَرْسَ نَنْ يَنَ سَا سُواْجُواْجِنْ دَ سُكَ ضَغٜىٰ عَبِرْنِنْ سُڢِدَّ ذُوثِيَا، حَرْ مَا دَ دُكَنْ سَوْرَنْ جَمَعَ؞ غَمَا مُتُمِنَّنْ بَايَ نٜىٰمَنْ لَاڢِيَرْ جَمَعَرْ نَنْ، سَيْدَيْ وَهَلَ يَكٜىٰ نٜىٰمَ تَڢَاطُواْ مُسُ؞» 5 سَيْ سَرْكِے صَدِڧِيَ يَثٜىٰ «أَيْ، غَاشِ نَنْ أَهَنُّنْكُ، نِے سَرْكِے بَذَنِيَ هَنَكُبَ؞» 6 سُكَ طَوْكِ إِرْمِيَ سُكَسَاشِ عَثِكِنْ رِجِيَ أَغِدَنْ مَلْكِيَ طَنْ سَرْكِے؞ عَثِكِنْ ڢِيلِ نَمَاسُ غَادِ؞ سُكَ سَوْكَرْ دَشِ ثِكِنْ رِجِيَرْ دَ إِغِيَ؞ رِجِيَرْ كُوَ بَابُ ضُوَ سَيْدَيْ لَاكَ؞ إِرْمِيَ كُمَ يَنُڟٜىٰ ثِكِنْ لَكَرْ؞ عٜىٰبٜىٰدْمٜىٰلٜىٰكْ يَثٜىٰثِ إِرْمِيَ 7 عٜىٰبٜىٰدْمٜىٰلٜىٰكْ مُتُمِنْ إِتِيُواْڢِيَ، بَابَا نَغِدَنْ سَرْكِے، يَجِ ثٜىٰوَ أَنْسَا إِرْمِيَ ثِكِنْ رِجِيَرْ؞ أَ لُواْكَثِنْ دَ سَرْكِے يَكٜىٰ ظَوْنٜىٰ أَوُرِنْ شَرِيعَ عَڧُواْڢَرْ بِلِيَامِنُ، 8 سَيْ عٜىٰبٜىٰدْمٜىٰلٜىٰكْ يَڢِتَ دَغَ غِدَنْ سَرْكِے يَتَڢِے يَيِ مَغَنَ دَ سَرْكِنْ، يَثٜىٰ، 9 «رَنْكَيَدَطٜىٰ، يَا مَيْغِرْمَ! مُتَنٜىٰنَّنْ سُنْ عَيْكَتَ مُغُنْتَا ثِكِنْ دُكَنْ أَبِنْدَ سُكَيِ وَ أَنَّبِے إِرْمِيَ، وَنْدَ سُكَسَاشِ أَ رِجِيَ؞ ذَيْ عِيَ مُتُوَ أَوُرِنْ سَبُواْدَ يُنْوَ؞ غَمَا عَبِنْثِ يَنَدَ وُيَرْ سَامُوَ عَبِرْنِنْ؞» 10 سَعَنً سَرْكِے يَثٜىٰ وَ عٜىٰبٜىٰدْمٜىٰلٜىٰكْ مُتُمِنْ إِتِيُواْڢِيَ «طَوْكِ مُتَنٜىٰ تَلَاتِنْ دَغَ نَنْ، كُتَڢِے كُڢِتَرْدَ أَنَّبِے إِرْمِيَ دَغَ رِجِيَرْ كَاڢِنْ يَمُتُ؞» 11 سَيْ عٜىٰبٜىٰدْمٜىٰلٜىٰكْ يَطَوْكِ مُتَنٜىٰنْ يَتَڢِدَسُو غِدَنْ سَرْكِے؞ يَشِغَ طَاكِنْ أَجِيَ نَغِدَنْ سَرْكِے، يَݣُوسُواْ ڟُواْڢَڢِّنْ رِيغُنَ دَ ڟُمُّواْكِ؞ دَ إِغِيُواْيِ يَسَوْكَرْ دَسُو ذُوَا وُرِنْ إِرْمِيَ عَثِكِنْ رِجِيَرْ؞ 12 سَيْ عٜىٰبٜىٰدْمٜىٰلٜىٰكْ مُتُمِنْ إِتِيُواْڢِيَ يَثٜىٰ وَ إِرْمِيَ، يَسَا ڟُمُّواْكِنْ دَ ڟُواْڢَڢِّنْ رِيغُنَنْ أَ هَمَّاتَرْسَ دُواْمِنْ كَدَ إِغِيُواْيِنْ سُيِ مَسَ رَوْنِ؞ 13 دَ إِغِيُواْيِنْ، مُتَنٜىٰنْ سُكَجَا إِرْمِيَ سُكَ ڢِتَرْدَشِ دَغَ رِجِيَرْ؞ إِرْمِيَ كُوَ يَذَوْنَ أَ ڢِيلِ نَغٜىٰڢٜىٰنْ مَاسُ غَادِ؞ سَرْكِے صَدِڧِيَ يَسَاكٜىٰ نٜىٰمَنْ شَوَرَرْ إِرْمِيَ 14 سَرْكِے صَدِڧِيَ يَسَاكٜىٰ عَيْكَ عَكَٰوُاْ إِرْمِيَ وُرِنْسَ عَڧُواْڢَ تَ عُكُ تَغِدَنْ يَهْوٜىٰهْ؞ سَيْ سَرْكِے يَثٜىٰ وَ إِرْمِيَ «إِنَدَ تَمْبَيَرْدَ ذَنْيِ مَكَ، كَدَ كَٻُواْيٜىٰ مِنِ كُواْمٜىٰ؞» 15 إِرْمِيَ يَأَمْسَا وَ سَرْكِے يَثٜىٰ «عِدَنْ نَا ڢَطَا مَكَ غَسْكِيَ، بَذَاكَ كَشٜىٰنِ بَ كُواْ؟ كُواْ مَا نَبَاكَ شَوَرَا، بَذَاكَجِينِ بَ!» 16 عَمَّا سَرْكِے صَدِڧِيَ يَرَنْڟٜىٰوَ إِرْمِيَ عَٻُواْيٜىٰ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، اللَّهْ وَنْدَ يَكٜىٰ بَامُ رَيْ، بَذَنْ كَشٜىٰكَبَ، كُواْ إِنْمِيڧَكَ غَ حَنُّنْ وَطَنْدَ سُكٜىٰسُواْ سُكَشٜىٰكَبَ؞» 17 سَعَنً إِرْمِيَ يَثٜىٰ وَ سَرْكِے صَدِڧِيَ «إِنْجِ يَهْوٜىٰهْ، اللَّهْ مَيْ ضُنْدُنَا، اللَّهْ نَ إِسْرَٰٓءِيلَ، عَتَهَنْيَ طَيَ كَطَيْ ذَاكَ رَايُ، عِتَثٜىٰ سَيْ كَمِيڧَ كَنْكَ غَ دَتَّاوَنْ سَرْكِنْ بَابِيلَ؞ إِنْ كَيِ حَكَ، بَذَاعَ ڧُواْنٜىٰ وَنَّنْ بِرْنِ دَ وُتَابَ، كَيْ دَ عِيَلِنْكَ كُمَ ذَاكُ رَايُ؞ 18 عَمَّا عِدَنْ كَاڧِ كَمِيڧَ كَنْكَ غَ دَتَّاوَنْ سَرْكِنْ بَابِيلَ، تُواْ، ذَاعَ بَادَ بِرْنِنَّنْ أَ حَنُّنْسُ؞ ذَاسُ ڧُواْنٜىٰشِ دَ وُتَا، بَذَاكَ كُمَ ڟِيرَا دَغَ حَنُّنْسُبَ؞» 19 سَيْ سَرْكِے صَدِڧِيَ يَثٜىٰ وَ إِرْمِيَ «إِنَ ڟُواْرُوانْ يَهُودَاوَنْ دَ سُكَ غُدُ سُكَ بَادَ كَنْسُ غَ سُواْجُواْجِنْ بَابِيلَ؞ بَانَسُواْ سُواْجُواْجِنْ كَلْدِيَ سُبَادَنِ أَ حَنُّنْ وَطَنَّنْ يَهُودَاوَا سُوُلَڧَنْتَانِ؞» 20 إِرْمِيَ يَأَمْسَ «بَذَاسُ مِيڧَكَ غَرٜىٰسُبَ؞ كَيْ دَيْ كَيِ بِيَيَّ دَ مَغَنَرْ يَهْوٜىٰهْ وَدَّ نَكٜىٰ ڢَطَا مَكَ؞ كَيْ ذَاكَسَامِ ذَمَنْ لَاڢِيَ، كَكُمَ ڟِيرَرْ دَ رَنْكَ؞ 21 عَمَّا عِدَنْ كَاڧِ كَمِيڧَ كَنْكَ، تُواْ، يَهْوٜىٰهْ يَا نُونَ مِنِ 22 دُكَنْ مَاتَانْدَ عَكَ بَرِ أَغِدَنْ سَرْكِنْ يَهُودَ؞ أَنَ ڢِتَرْ دَسُو دُواْمِنْ عَبَادَتَّاوَنْ سَرْكِنْ بَابِيلَ، سُنَ ثٜىٰوَ « ‹أَبُواْكَنْكَ نَكُرْكُسَ سُنْ رُوطٜىٰكَ، سُنْشَا ڧَرْڢِنْكَ؞ سَعَدَّ ڧَڢَاڢُنْكَ سُكَ نُڟٜىٰ ثِكِنْ لَاكَ، سَيْ سُكَ كَوْ دَ ڢُسْكَ كَمَرْ بَسُغَنِبَ؞› 23 «أَنَ ڢِتَرْدَ دُكَنْ مَاتَنْكَ دَ یَیَنْكَ عَبَا سُواْجُواْجِنْ كَلْدِيَ؞ كَيْ كَنْكَ كُمَ بَكَ عِيَ ڟِيرَا دَغَ حَنُّنْسُبَ؞ «غَمَا سَرْكِنْ بَابِيلَ ذَيْ كَامَكَ أَ حَنُّنْسَ، بِرْنِنَّنْ كُمَ ذَاعَ ڧُواْنٜىٰ دَ وُتَا؞» 24 سَيْ صَدِڧِيَ يَثٜىٰ وَ إِرْمِيَ «كَدَ كَبَرْ وَنِ يَسَنْ وَنَّنْ مَغَنَ، عِدَنْ وَنِ يَسَنِ، كَيْ كُوَ ذَاكَ مُتُ؞ 25 عِدَنْ دَتَّاوَنَ سُكَجِ نَيِ مَغَنَ دَكَيْ، سُكَذُواْ وُرِنْكَ سُكَ كُمَثٜىٰ، ‹يَنْذُ كَڢَطَا مَنَ أَبِنْدَ كَڢَطَا وَسَرْكِے دَ أَبِنْدَ سَرْكِے يَڢَطَا مَكَ، كَدَ كَٻُواْيٜىٰ مَنَ، مُو كُوَ بَذَامُ كَشٜىٰكَبَ؞› 26 سَيْكَثٜىٰ مُسُ، ‹نَا ضُواْڧِ سَرْكِے نٜىٰ، كَدَ يَسَا عَكُواْمَرْ دَنِے عَكُرْكُكُ أَغِدَنْ يُواْنَتَنْ، دُواْمِنْ كَدَ إِنْمُتُ عَثَنْ؞› » 27 سَيْ دُكَنْ دَتَّاوَنْ سَرْكِے سُكَ تَڢِے وُرِنْ إِرْمِيَ سُكَ تَمْبَيٜىٰشِ؞ إِرْمِيَ كُوَ يَيِ مَغَنَ دَسُو بِسَغَ يَدَّ سَرْكِے يَعُمَرْثٜىٰشِ يَيِ؞ سَيْ سُكَ دَيْنَ مَغَنَ دَشِ، تُنْدَيَكٜىٰ بَا وَنْدَ يَجِ مَغَنَرْ دَ يَيِ دَسَرْكِے؞ 28 إِرْمِيَ كُوَ يَذَوْنَ أَ ڢِيلِ نَغٜىٰڢٜىٰنْ مَاسُ غَادِ حَرْ رَانَرْ دَ عَكَثِ عُرُوشَلِيمَ دَ يَاڧِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria