إِرْمِيَ 37 - أَتَّوْرَتْ دَ أَنَّبَاوَاسَرْكِے صَدِڧِيَ يَكِرَا أَنَّبِے إِرْمِيَ 1 سَرْكِے نٜىٰبُكَدْنٜىٰزَّرْ نَ بَابِيلَ يَنَطَ صَدِڧِيَ طَنْ يُواْسِيَا يَذَمَ سَرْكِے أَ يَهُودَ أَمَيْمَكُوانْ سَرْكِے يٜىٰكُواْنِيَ طَنْ يٜىٰهُواْيَكِمْ؞ 2 عَمَّا كُواْ صَدِڧِيَ، كُواْ دَتَّاوَنْسَ، كُواْ مُتَنٜىٰنْ ڧَسَرْ، بَاوَنْدَ يَكَسَ كُنّٜىٰ غَ مَغَنَرْ يَهْوٜىٰهْ وَدَّ يَيِ مُسُ تَبَاكِنْ أَنَّبِے إِرْمِيَ؞ 3 دُكْدَهَكَ، سَرْكِے صَدِڧِيَ يَعَيْكِ يٜىٰهُكَلْ طَنْ شٜىٰلٜىٰمِيَ دَ زَڢَنِيَ ڢِرِسْتِ طَنْ مَعَسٜىٰيَ ذُوَا وُرِنْ أَنَّبِے إِرْمِيَ دَ ثٜىٰوَ «مُنَ ضُواْڧُوانْكَ كَيِ أَدُّعَ غَ يَهْوٜىٰهْ اللَّهْ نْمُ أَمَدَدِنْمُ؞» 4 أَ لُواْكَثِنَّنْ كُوَ بَعَسَا إِرْمِيَ عَثِكِنْ كُرْكُكُ بَ تُكُنَ؞ يَنَ دَ یَنْثِنْ شِغَ ثِكِنْ جَمَعَ يَدَّ يَغَ دَامَ؞ 5 أَنَانً كُمَ سُواْجُواْجِنْ سَرْكِے ڢِرْعَوْنَ نَ مَصَرْ سُكَ ڢِتَ دَغَ مَصَرْ سُكَ نُڢَ عُرُوشَلِيمَ؞ دَ سُواْجُواْجِنْ كَلْدِيَ وَطَنْدَ سُكَ كٜىٰوَيٜىٰ عُرُوشَلِيمَ دَ يَاڧِ سُكَ سَامِ لَابَرِنْسُ، سَيْ سُكَ جَنْيٜىٰ دَغَ عُرُوشَلِيمَ؞ 6 سَعَنً يَهْوٜىٰهْ يَيِ مَغَنَ دَ أَنَّبِے إِرْمِيَ ثٜىٰوَ 7 يَڢَطَا وَ يٜىٰهُكَلْ دَ زَڢَنِيَ وَطَنْدَ سَرْكِے صَدِڧِيَ نَ يَهُودَ يَعَيْكٜىٰسُ سُيِ وَ يَهْوٜىٰهْ تَمْبَيَ، يَثٜىٰ «إِنْجِنِ يَهْوٜىٰهْ اللَّهْ نَ إِسْرَٰٓءِيلَ، كُواْدَيَكٜىٰ سُواْجُواْجِنْ سَرْكِے ڢِرْعَوْنَ نَ مَصَرْ سُنْذُواْ سُتَيْمَكٜىٰكُ، ذَاسُ كُواْمَ ڧَسَرْسُ مَصَرْ؞ 8 سُواْجُواْجِنْ كَلْدِيَ كُوَ ذَاسُ دَاوُاْ سُيِ يَاڧِ دَ بِرْنِنَّنْ؞ ذَاسُثِ نَصَرَا عَكَنْتَ سُكُمَ ڧُواْنٜىٰتَ دَوُتَ؞» 9 إِنْجِ يَهْوٜىٰهْ «كَدَ كُرُوطِ كَنْكُ دَ ثٜىٰوَ ‹حَڧِيڧَ، سُواْجُواْجِنْ كَلْدِيَنْ نَنْ ذَاسُ تَڢِے سُبَرْمُ كَمَرْ يَدَّ سُكَيِ!› غَمَا بَذَاسُ رَبُ دَكُوبَ؞ 10 كُواْ دَا عَثٜىٰ ذَاكُثِ دُكَنْ ڧُنْغِيَرْ سُواْجُواْجِنْ كَلْدِيَ وَطَنْدَ سُكٜىٰيِنْ يَاڧِ دَكُو، سَوْرَنْ دَ سُكَجِ رَوْنِ سُنَ ݣُونْثٜىٰ عَثِكِنْ تٜىٰنْتُنَنْسُ، ذَاسُ تَاشِ سُڧُواْنٜىٰ بِرْنِنْ دَ وُتَا؞» أَنْ سَا أَنَّبِے إِرْمِيَ أَ كُرْكُكُ 11 أَنَانً سَيْ ڧُنْغِيَرْ سُواْجُواْجِنْ كَلْدِيَ سُكَ جَنْيٜىٰ دَغَ عُرُوشَلِيمَ سَبُواْدَ ذُوَانْ سُواْجُواْجِنْ سَرْكِے ڢِرْعَوْنَ نَ مَصَرْ؞ 12 إِرْمِيَ كُوَ يَتَاشِ دَغَ عُرُوشَلِيمَ دُواْمِنْ يَتَڢِے يَنْكِنْ ڧَسَرْ بِلِيَامِنُ دُواْمِنْ يَكَرْٻِ رَبُوانْ غَادُوانْسَ عَثِكِنْ دَنْغِنْسَ؞ 13 عَمَّا سَعَدَّ يَكَيْ ڧُواْڢَرْ بِلِيَامِنُ، سَيْ يَتَرَرْ دَ وَنِ بَبَّنْ سُواْجَ نَمَاسُ غَادِ أَوُرِنْ، مَيْ سُونَ إِرِجَ طَنْ شٜىٰلٜىٰمِيَ، جِيكَنْ هَنَنِيَ؞ سَيْ إِرِجَ يَكَامَ إِرْمِيَ يَثٜىٰ «أَيْ! كَنَ غُدُ دُواْمِنْ كَبَادَ كَنْكَ غَ سُواْجُواْجِنْ كَلْدِيَ!» 14 سَيْ إِرْمِيَ يَثٜىٰ «كَرْيَ كَكٜىٰيِ! بَانَ غُدُ ذُوَا وُرِنْ سُواْجُواْجِنْ كَلْدِيَ!» عَمَّا إِرِجَ بَيْ سَوْرَرِ إِرْمِيَ بَ، سَيْ يَكَامَ إِرْمِيَ يَكَيْ شِ وُرِنْ دَتَّاوَنْ سَرْكِے؞ 15 دَتَّاوَنْ سَرْكِے سُكَيِ ڢُشِے دَ إِرْمِيَ، سُكَيِ مَسَ دُوكَ، سُكَ طَوْرَ شِ أَغِدَنْ يُواْنَتَنْ، مَرُبُوثِنْ سَرْكِے؞ غِدَنْ كُوَ أَنْمَيْدَشِ كُرْكُكُ؞ 16 سَيْ سُكَسَا إِرْمِيَ أَ رِجِيَ عَثِكِنْ كُرْكُكُنْ، يَكُمَيِ ݣُونَكِے دَيَوَ أَوُرِنْ؞ 17 سَيْ سَرْكِے صَدِڧِيَ يَعَيْكَ عَكَٰوُاْ مَسَ إِرْمِيَ؞ سَرْكِے كُوَ يَتَمْبَيٜىٰشِ عَٻُواْيٜىٰ عَثِكِنْ غِدَنْسَ يَثٜىٰ «كُواْ أَݣَويْ مَغَنَ دَغَ وُرِنْ يَهْوٜىٰهْ؟» سَيْ إِرْمِيَ يَأَمْسَ «عِ، أَݣَويْ!» يَثِيغَبَدَ مَغَنَ يَثٜىٰ «ذَاعَ بَادَكَيْ أَ حَنُّنْ سَرْكِنْ بَابِيلَ!» 18 سَعَنً إِرْمِيَ يَثٜىٰ وَسَرْكِے «وَنٜىٰ لَيْڢِے نَيِ مَكَ كُواْ دَتَّاوَنْكَ كُواْ جَمَعَرْ نَنْ دَ كُكَسَا نِے عَكُرْكُكُ؟ 19 إِنَا أَنَّبَاوَنْكُ سُكٜىٰ، وَطَنْدَ سُكَ يِتَيِ مُكُ أَنَّبْثِ ثٜىٰوَ سَرْكِنْ بَابِيلَ بَذَيْ كَٰوُاْ مَكَ يَاڧِ عَڧَسَرْ نَنْبَ؟ 20 يَنْذُ، يَا مَيْغِرْمَ سَرْكِے، إِنَ سُواْ كَجِ ضُواْڧُواْنَ؞ كَدَ كَكُواْمَرْ دَنِے ذُوَا غِدَنْ يُواْنَتَنْ مَرُبُوثِ؞ إِنْ كُوَ كَا كُواْمَرْ دَنِے أَوُرِنْ، لَلَّيْ ذَنْمُتُ؞» 21 سَيْ سَرْكِے صَدِڧِيَ يَبَادَ عُمَرْنِ ثٜىٰوَ عَكُلّٜىٰ إِرْمِيَ أَ ڢِيلِ نَغٜىٰڢٜىٰنْ مَاسُ غَادِ؞ عَكَ دِنْغَ بَاشِ دُنْڧُلٜىٰنْ غُرَاسَ دَغَ عُنْغُوَرْ یَنْ تُواْيَ غُرَاسَ كُواْوَثٜىٰ رَانَ، حَرْ لُواْكَثِنْ دَ عَبِنْثِ يَڧَارٜىٰ غَبَاطَيَ دَغَ بِرْنِنْ؞ حَكَ كُوَ عَكَبَرْ إِرْمِيَ عَثِكِنْ كُرْكُكُ أَ ڢِيلِ نَغٜىٰڢٜىٰنْ مَاسُ غَادِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria