إِرْمِيَ 35 - أَتَّوْرَتْ دَ أَنَّبَاوَا

دَرَسِ دَغَ دَنْ‌غِنْ رٜىٰكَبْ

¹ أَ لُواْكَثِنْ دَ سَرْكِے يٜىٰهُواْيَكِمْ طَنْ يُواْسِيَا يَكٜىٰ مُلْكِ أَ يَهُودَ، سَيْ يَهْوٜىٰهْ يَيِ مَغَنَ دَنِے إِرْمِيَ يَثٜىٰ،

² ‏«‏تَڢِے غِدَنْ عِيَلِنْ رٜىٰكَبْ؞ كَيِ مَغَنَ دَسُو، كَكَٰوُاْسُ ثِكِنْ غِدَنْ يَهْوٜىٰهْ؞ كَسَا سُشِغَ ثِكِنْ طَيَ دَغَ ثِكِنْ طَكُنَنْ، سَعَنً كَبَاسُ ضُوً إِنَبِے سُشَا؞»‏

³ سَيْ نَتَڢِے دَنْ‌غِنْ رٜىٰكَبْ، نَطَوْكِ يَعَظَنِيَ طَنْ إِرْمِيَ جِيكَنْ حَبَظِّنِيَ، تَرٜىٰدَ یَنْعُوَنْسَ دَ دُكَنْ یَیَنْسَ دَ دُكَنْ دَنْ‌غِنْ رٜىٰكَبْ،

⁴ نَكَٰوُاْسُ ثِكِنْ غِدَنْ يَهْوٜىٰهْ؞ مُكَ شِغَ ثِكِنْ طَاكِنْ یَیَ مَظَا نَ هَنَنْ طَنْ إِغْدَلِيَ، مُتُمِنْ اللَّهْ؞ طَاكِنْ يَنَ كُسَدَ نَشُوغَبَنِّ عَثِكِنْ غِدَنْ يَهْوٜىٰهْ، يَنَ كُمَ سَمَ دَ طَاكِنْ مَعَسٜىٰيَ طَنْ شَلُّمْ، مَيْغَادِنْ ڧُواْڢَرْ شِغَ غِدَنْ يَهْوٜىٰهْ؞

⁵ سَعَنً نَسَا تُلُنَ ثِكٜىٰ دَ ضُوً إِنَبِے تَرٜىٰدَ ݣُوڢْ أَغَبَنْ رٜىٰكَبَاوَنْ؞ سَيْ نَثٜىٰمُسُ ‏«‏كُشَا ضُوً إِنَبِے!‏»‏

⁶ سَيْ دَنْ‌غِنْ رٜىٰكَبْ سُكَ أَمْسَ ‏«‏بَذَامُ شَا بَ، غَمَا كَكَنْمُ يُواْنَدَبْ طَنْ رٜىٰكَبْ يَعُمَرْثٜىٰمُ، يَثٜىٰ، ‏‹‏بَذَاكُ شَا ضُوً إِنَبِے بَ، كُواْ كُو، كُواْ یَیَنْكُ حَرْ أَبَدَابَ؞

⁷ بَذَاكُ كُمَ غِنَا غِدَابَ، بَذَاكُ كُمَ شُوكَ إِرِ أَغُواْنَبَ، بَذَاكُ دَسَ إِتَاثٜىٰنْ إِنَبِبَ، بَذَاكُيِ غُواْنَرْ إِنَبِبَ؞ عَمَّا ذَاكُيِ تَذَمَ عَثِكِنْ تٜىٰنْتُنَ دُكَنْ ݣُونَكِنْ رَايُوَرْكُ، دُواْمِنْ كُيِ ڟَوُانْ رَيْ عَڧَسَرْدَ كُكٜىٰ ذَمَنْ بَڧُنْثِ؞›‏

⁸ مُنَ كُوَ يِنْ بِيَيَّ دَ وَنَّنْ عُمَرْنِ نَكَكَنْمُ يُواْنَدَبْ طَنْ رٜىٰكَبْ عَثِكِنْ دُكَنْ أَبُبُوَنْدَ يَعُمَرْثٜىٰمُ؞ يَثٜىٰ كَدَ مُشَا ضُوً إِنَبِے ثِكِنْ دُكَنْ ݣُونَكِنْ رَايُوَرْمُ دَ مُو دَ مَاتَنْمُ دَ یَیَنْمُ مَظَا دَ مَاتَا،

⁹ كَدَ كُمَ مُغِنَ وَكَنْمُ غِدَاجٜىٰنْ ذَمَ؞ بَامُ دَ غُواْنَرْ إِنَبِے كُواْ ڢِيلِ كُواْ إِرِنَّشُوكَ؞

¹⁰ سَبُواْدَ حَكَ مُنَ ذَمَ عَتٜىٰنْتُنَ؞ مُنْ كُوَيِ بِيَيَّ مُنْ عَيْكَتَ دُكَنْ أَبِنْدَ كَكَنْمُ يُواْنَدَبْ يَعُمَرْثٜىٰمُ؞

¹¹ عَمَّا لُواْكَثِنْ دَ سَرْكِے نٜىٰبُكَدْنٜىٰزَّرْ نَ بَابِيلَ يَكَٰوُاْ يَاڧِ عَڧَسَرْ، سَيْ مُكَثٜىٰ وَكَنْمُ، ‏‹‏بَرِ مُشِغَ ثِكِنْ عُرُوشَلِيمَ، غَمَا مُنَ جِنْ ڟُواْرُوانْ سُواْجُواْجِنْ كَلْدِيَاوَا دَ نَ سُرِيَاوَا؞›‏ شِيَسَا يَوْ مُنَ ظَوْنٜىٰ عَثِكِنْ عُرُوشَلِيمَ؞»‏

¹² سَيْ يَهْوٜىٰهْ يَسَاكٜىٰيِنْ مَغَنَ دَ إِرْمِيَ ثٜىٰوَ

¹³ ‏«‏إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، تَڢِے كَڢَطَا وَمُتَنٜىٰنْ يَهُودَ دَ مَذَوْنَنْ عُرُوشَلِيمَ ثٜىٰوَ نِے يَهْوٜىٰهْ إِنَ تَمْبَيَرْسُ، ‏‹‏بَذَاكُ كَسَ كُنّٜىٰ كُيِ بِيَيَّ دَ مَغَنَاتَبَ؟

¹⁴ دَنْ‌غِنْ يُواْنَدَبْ طَنْ رٜىٰكَبْ سُنَ كِيَايٜىٰ أَبِنْدَ كَكَنْسُ يَعُمَرْثٜىٰسُ ثٜىٰوَ كَدَ سُشَا ضُوً إِنَبِے؞ غَمَا حَرْ ذُوَا يَوْ، بَسُ تَٻَ شَنْ ضُوً إِنَبِبَ، سُنَ بِيَيَّ دَ عُمَرْنِنْ كَكَنْسُ؞ عَمَّا نِے نَا يِتَيِ مُكُ مَغَنَ، كُو كُوَ بَكُيِ مِنِ بِيَيَّبَ؞

¹⁵ نَا يِتَأَيْكَ مُكُ دَ بَايِنَ أَنَّبَاوَا إِنَ ثٜىٰوَ ‏«‏كُواْوَ يَجُويَ دَغَ مُوغُوَرْ حَنْيَرْسَ، يَڠَرَ أَيُّكَنْسَ، كَدَ يَيِ وَ وَطَنْسُ أَلُّواْلِ سُجَّدَ يَبَوْتَا مُسُ؞ عِدَنْ كُنْيِ حَكَ، ذَاكُ ذَوْنَ عَڧَسَرْدَ نَبَاكُ، كُو دَ كَاكَنِّنْكُ؞»‏ عَمَّا بَكُ كَسَ كُنّٜىٰ، كُيِ مِنِ بِيَيَّبَ؞

¹⁶ دَنْ‌غِنْ يُواْنَدَبْ طَنْ رٜىٰكَبْ، سُنْ عَيْكَتَ عُمَرْنِنْ دَ كَكَنْسُ يَبَرْ مُسُ، عَمَّا مُتَنٜىٰنَّنْ بَسُيِ مِنِ بِيَيَّبَ؞

¹⁷ ‏«‏ ‏‹‏سَبُواْدَ حَكَ، إِنْجِنِ يَهْوٜىٰهْ، اللَّهْ مَيْ ضُنْدُنَا، اللَّهْ نَ إِسْرَٰٓءِيلَ، ذَنْ كَٰوُاْ وَمُتَنٜىٰنْ يَهُودَ دَ دُكَنْ مَذَوْنَنْ عُرُوشَلِيمَ كُواْوَثٜىٰ مَسِيڢَرْدَ نَڢَطَا ذَنْ كَٰوُاْ عَكَنْسُ، غَمَا نَا يِتَيِنْ مَغَنَ دَسُو عَمَّا بَسُيِ مِنِ بِيَيَّبَ؞ نَكِرَاسُ، عَمَّا بَسُ أَمْسَبَ؞›‏ »‏

¹⁸ غَ دَنْ‌غِنْ رٜىٰكَبْ كُوَ إِرْمِيَ يَثٜىٰ ‏«‏إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ، ‏‹‏تُنْدَيَكٜىٰ كُنْبِے عُمَرْنِنْ كَكَنْكُ يُواْنَدَبْ، كُكَيِ دُكَنْ أَبِنْدَ يَعُمَرْثٜىٰكُ كُيِ،

¹⁹ سَبُواْدَ حَكَ، يُواْنَدَبْ طَنْ رٜىٰكَبْ بَذَيْ تَٻَ رَسَ وَنِ عَثِكِنْ ذُرِيَرْسَ وَنْدَ ذَيْ يِمِنِ حِدِمَبَ؞›‏ »‏