إِرْمِيَ 33 - أَتَّوْرَتْ دَ أَنَّبَاوَا

أَلْكَوَرَنْ يَهْوٜىٰهْ نَمَيَرْ دَ أَلْبَرْكُ

¹ أَنَانً سَيْ يَهْوٜىٰهْ يَسَاكٜىٰيِنْ مَغَنَ دَ إِرْمِيَ سَوْ نَبِيُ، سَعَدَّ يَكٜىٰ عَكُلّٜىٰ أَ ڢِيلِ نَغٜىٰڢٜىٰنْ مَاسُ غَادِ، يَثٜىٰ،

² ‏«‏إِنْجِنِ يَهْوٜىٰهْ، وَنْدَ نَيِ دُونِيَا، نَصِڢَّتَاتَ، نَكَڢَتَ، إِنْجِنِ وَنْدَ سُونَنَ يَهْوٜىٰهْ نٜىٰ؞

³ كُكِرَا غَرٜىٰنِ، نِے كُوَ ذَنْ أَمْسَ مُكُ، إِنْكُمَ ڢَطَا مُكُ مَنْيَنْ أَبُبُوَ مَاسُ وُيَرْ غَانٜىٰوَ، وَطَنْدَ بَكُ تَٻَ سَنِبَ؞

⁴ ‏«‏غَمَا غَ أَبِنْدَ نِے يَهْوٜىٰهْ اللَّهْ نَ إِسْرَٰٓءِيلَ نَا ڢَطَا غَمٜىٰدَ غِدَاجٜىٰنْ بِرْنِنَّنْ دَ كُمَ غِدَاجٜىٰنْ سَرَاكُنَنْ يَهُودَ وَطَنْدَ عَكَ رُشٜىٰ دُواْمِنْ عَتَارَ ڧَسَا أَ حَنَ سُواْجُواْجِنْ كَلْدِيَاوَا سُهَوْ تَكَتَنْ‌غَ،

⁵ غَمٜىٰدَ غِدَاجٜىٰنَّنْ دَ عَكَ ثِكَ دَ غَوَوَّكِنْ مُتَنٜىٰنْدَ نَسَا عَكَشٜىٰ ثِكِنْ ڢُشِنَ دَ ڢُشِنَ مَيْ ذَاڢِ؞ غَمَا نَا ٻُواْيٜىٰ ڢُسْكَتَ دَغَ مُتَنٜىٰنْ وَنَّنْ بِرْنِ سَبُواْدَ دُكَنْ مُغُنْتَارْسُ؞

⁶ دُكْدَهَكَ، ذَنْ كَٰوُاْ وَ بِرْنِنَّنْ لَاڢِيَ دَ وَرْكٜىٰوَ؞ ذَنْ وَرْكَرْ دَسُو إِنْ نُونَ مُسُ سَلَمَ دَ ذَمَنْ لَاڢِيَ عَيَلْوَثٜىٰ؞

⁷ ذَنْ كُمَ مَيَرْوَ إِسْرَٰٓءِيلَ دَ يَهُودَ دَ أَلْبَرْكُنْسُ؞ ذَنْ سَاكٜىٰ كَڢَسُ كَمَرْ يَدَّ سُكٜىٰ أَدَا؞

⁸ ذَنْ ڟَبْتَثٜىٰسُ دَغَ دُكَنْ لَيْڢُواْڢِنْ دَ سُكَيِ مِنِ، ذَنْ كُوَ غَاڢَرْتَا مُسُ دُكَنْ ذُنُبَنْسُ دَ تَيَرْوَرْ دَسُكَيِ مِنِ؞

⁹ بِرْنِنَّنْ كُوَ ذَيْسَاكٜىٰ سَامُنْ سُنَ مَيْغِرْمَ تَوُرِينَ؞ ذَيْ ذَمَ أَبِنْ مُرْنَ دَ أَبِنْ يَبُواْ دَ دَرَجَ غَ دُكَنْ أَلْعُمَّنْ دُونِيَا؞ سَعَدَّ سُكَجِ لَابَرِنْ دُكَنْ أَلْحٜىٰرِنْدَ نَيِ وَبِرْنِنْ، ذَاسُجِ سُيِ ڟُواْرُواْ، سُڢِرْغِتَ سَبُواْدَ دُكَنْ يَوَنْ أَلْحٜىٰرِ دَ ذَمَنْ لَاڢِيَ وَنْدَ نَتَنَدَوَ بِرْنِنْ؞

¹⁰ ‏«‏غَا أَبِنْدَ نِے يَهْوٜىٰهْ نَا ڢَطَا غَمٜىٰدَ وَنَّنْ وُرِنْ دَ كُكٜىٰثٜىٰوَ ‏‹‏وَنَّنْ كُڢَيْ نٜىٰ بَابُ مُتُمْ كُواْ دَبَّ؞›‏ غَرُضُوً يَهُودَ دَ تِيتُنَنْ عُرُوشَلِيمَ سُنَ ذَمَنْ كُڢَيْ يَنْذُ، بَابُ مُتُمْ كُواْ دَبَّ عَثِكِ؞ عَمَّا إِنَ ڢَطَا مُكُ ذَاعَ سَاكٜىٰ جِنْ

¹¹ مُرْيَرْ مُرْنَ دَ تَڢَضٍ ثِكِ دَ مُرْيَرْ أَنْ‌غُواْ دَ تَأَمَرْيَ، دَ مُرْيُواْيِنْ مَاسُ رٜىٰرَ وَاڧَا يَايِنْ دَسُكٜىٰ كَٰوُاْ ݣَوْتَيْ نَنُونَ غُواْدِيَ سُنَ ثٜىٰوَ ‏«‏ ‏‹‏كُيِ غُواْدِيَ غَ يَهْوٜىٰهْ مَيْ ضُنْدُنَا، غَمَا يَهْوٜىٰهْ مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏›‏ ‏«‏ذَاسُ ڢَطِ حَكَ غَمَا ذَنْ مَيَرْ وَ ڧَسَرْدَ أَلْبَرْكُنْتَ كَمَرْ يَدَّ تَكٜىٰ أَدَا؞ نِے يَهْوٜىٰهْ نَا ڢَطَا؞»‏

¹² إِنْجِ يَهْوٜىٰهْ مَيْ ضُنْدُنَا ‏«‏يَنْذُ وَنَّنْ وُرِے يَذَمَ كُڢَيْ، بَابُ مُتُمْ كُواْ دَبَّ عَثِكِ؞ عَمَّا أَوُرِنَّنْ دَ كُمَ ثِكِنْ دُكَنْ غَرُرُوَنْسَ، ذَاعَ سَاكٜىٰ سَامُنْ ڢِيلَيٜىٰنْ كِيوُاْ عِنْدَ مَكِيَايَ ذَاسُ ذَوْنَ تَرٜىٰدَ غَرْكُنَنْسُ؞

¹³ أَغَرُرُوَ نَيَنْكِنْ تُدَّيْ دَ نَڧأَنَانً تُدَّيْ دَ نَ نٜىٰغٜىٰبْ دَ نَڧَسَرْ بِلِيَامِنُ دَ نَوُرَارٜىٰنْ دَسُكٜىٰ كٜىٰوَيٜىٰ دَ عُرُوشَلِيمَ دَ سَوْرَنْ غَرُضُوً يَهُودَ، مَاسُ كِيوُاْ ذَاسُ سَاكٜىٰ ڟَيَاوَا سُمِيڧَ حَنُّوَنْسُ سُنَ ڧِرْغٜىٰنْ دَبُّواْبِنْسُ يَايِنْ دَسُكٜىٰ وُثٜىٰوَ؞»‏

¹⁴ إِنْجِ يَهْوٜىٰهْ ‏«‏غَاشِ ݣُونَكِے سُنَ ذُوَا عِنْدَ ذَنْ ثِكَ أَلْڧَوَرِنْدَ نَيِ دَ غِدَنْ إِسْرَٰٓءِيلَ دَ نَ يَهُودَ؞

¹⁵ ‏«‏عَكْوَانَكِے دَ لُواْكَثِنَّنْ، ذَنْسَا رٜىٰشٜىٰ مَيْ أَدَلْثِے يَڟِرُواْ دَغَ ذُرِيَرْ دَاوُدَ، ذَيْ كُوَيِ شَرِيعَرْ غَسْكِيَ يَكُمَ عَيْكَتَ أَدَلْثِے عَڧَسَرْ؞

¹⁶ عَݣُونَكِنْنَنْ ذَاعَ ثٜىٰثِ يَهُودَ، عُرُوشَلِيمَ كُمَ ذَاتَيِ ذَمَنْ لَاڢِيَ؞ غَا سُونَنْ دَ ذَاعَ كِرَتَ، يَهْوٜىٰهْ أَدَلْثِنْمُ؞»‏

¹⁷ إِنْجِ يَهْوٜىٰهْ ‏«‏ذُرِيَرْ دَاوُدَ بَذَاتَ تَٻَ رَسَ وَنْدَ ذَيْ ذَوْنَ عَكُجٜىٰرَرْ مُلْكٍ غِدَنْ إِسْرَٰٓءِيلَ بَ؞

¹⁸ ذُرِيَرْ لَوِ كُمَ بَذَاتَ تَٻَ رَسَ ڢِرِسْتُواْثِنْ دَ ذَاسُ ڟَيَ أَغَبَنَ، سُنَ مِيڧَ هَدَايُنْ ڧُواْنَاوَابَ، دَ هَدَايُ نَهَڟِ دَ كُمَ سَوْرَنْ هَدَايُ حَرْ أَبَدَا؞»‏

¹⁹ غَا مَغَنَرْ دَ يَهْوٜىٰهْ يَيِ وَ إِرْمِيَ،

²⁰ ‏«‏إِنْجِنِ يَهْوٜىٰهْ، نَا كَڢَ يَرْجٜىٰجٜىٰنِيَ تَرٜىٰدَ رَانَ دَ دَرٜىٰ ثٜىٰوَ ذَاسُدِنْ‌غَ بَيَّنَ أَدَيْدَيْ لُواْكَثِنْدَ نَشِرْيَ مُسُ؞ عِدَنْ كَا عِيَ كَرْيَ يَرْجٜىٰجٜىٰنِيَرْ نَنْ،

²¹ تُواْ، ذَاعَ عِيَ كَرْيَ يَرْجٜىٰجٜىٰنِيَتَ دَ بَاوَنَ دَاوُدَ، حَرْ ذُرِيَرْ دَاوُدَ ذَاتَ عِيَ رَسَ طَا وَنْدَ ذَيْ ذَوْنَ عَكُجٜىٰرَرْ مُلْكِنْسَ؞ ذَاعَكُمَ عِيَ كَرْيَ يَرْجٜىٰجٜىٰنِيَتَ دَ ذُرِيَرْ لَوِ، حَرْ ذَاتَ رَسَ ڢِرِسْتُواْثِے مَاسُ يِمِنِ حِدِمَ؞

²² كَمَرْ يَدَّ بَعَ عِيَ ڧِرْغَ دُكَنْ تَوْرَرِنْ سَمَ كُواْ كُمَ أَعَوْنَ يَشِ نَبَاكِنْ تٜىٰكُبَ، حَكَنَنْ ذَنْ ڧَارَ يَوَنْ ذُرِيَرْ بَاوَنَ دَاوُدَ دَ تَ لَوِ، ذُرِيَرْ ڢِرِسْتُواْثِے مَاسُ يِمِنِ حِدِمَ، حَرْ بَذَاعَ عِيَ ڧِرْغَسُبَ؞»‏

²³ سَيْ يَهْوٜىٰهْ يَسَاكٜىٰيِنْ مَغَنَ دَ إِرْمِيَ ثٜىٰوَ

²⁴ ‏«‏بَكَجِ أَبِنْدَ جَمَعَرْ نَنْ سُكٜىٰ ڢَطِ بَ؟ سُنَ ثٜىٰوَ ‏‹‏غِدَنَّنْ بِيُ إِسْرَٰٓءِيلَ دَ يَهُودَ وَطَنْدَ يَهْوٜىٰهْ يَذَاٻَا، أَيْ، يَڧِسُ!‏›‏ تَهَكَ سُكَ رٜىٰنَ جَمَعَتَ، بَسُ طَوْكٜىٰسُ أَلْعُمَّبَ كُمَ؞

²⁵ إِنْجِنِ يَهْوٜىٰهْ، نِنٜىٰ نَا كَڢَ يَرْجٜىٰجٜىٰنِيَ تَرٜىٰدَ رَانَ دَ دَرٜىٰ، نِنٜىٰ كُمَ نَا كَڢَ ڧَٰعِدُواْدِنْ دَ سَمَ دَ ڧَسَا سُكٜىٰبِے؞

²⁶ كَمَرْ يَدَّ نَكِيَايٜىٰ يَرْجٜىٰجٜىٰنِيَرْ نَنْ، حَكَكُمَ ذَنْ كِيَايٜىٰ يَرْجٜىٰجٜىٰنِيَرْدَ نَيِ دَ ذُرِيَرْ يَعْڧُوبَ دَ بَاوَنَ دَاوُدَ؞ ذَنْ كُمَ ذَاٻِ وَنِ دَغَ ثِكِنْ ذُرِيَرْ دَاوُدَ يَيِ مُلْكٍ ذُرِيَرْ إِبْرَٰهِيمْ دَ إِسْحَٰڧَ دَ يَعْڧُوبَ؞ غَمَا ذَنْ مَيَرْ مُسُ دَ أَلْبَرْكُنْسُ، إِنْ نُونَ مُسُ جِنْڧَيْ؞»‏