إِرْمِيَ 32 - أَتَّوْرَتْ دَ أَنَّبَاوَا

ݣُوتَنْثِ نَسَيٜىٰنْ غُواْنَ

¹ غَا مَغَنَرْ دَ يَهْوٜىٰهْ يَڢَطَا وَ إِرْمِيَ عَثِكِنْ شٜىٰكَرَا تَغُواْمَ تَمُلْكٍ سَرْكِے صَدِڧِيَ نَ يَهُودَ؞ عِتَ ثٜىٰ كُمَ شٜىٰكَرَا تَغُواْمَشَا تَݣُوسْ تَمُلْكٍ سَرْكِے نٜىٰبُكَدْنٜىٰزَّرْ نَ بَابِيلَ؞

² أَ لُواْكَثِنَّنْ كُوَ سُواْجُواْجِنْ سَرْكِنْ بَابِيلَ سُنْ كٜىٰوَيٜىٰ عُرُوشَلِيمَ دَ يَاڧِ، أَنَّبِے إِرْمِيَ كُمَ يَنَ عَكُلّٜىٰ أَ ڢِيلِ نَغٜىٰڢٜىٰنْ مَاسُ غَادِ نَثِكِنْ غِدَنْ سَرْكِنْ يَهُودَ؞

³ سَرْكِے صَدِڧِيَ نَ يَهُودَ نٜىٰ يَكُلّٜىٰ إِرْمِيَ يَثٜىٰ مَسَ ‏«‏دُوانْمٜىٰ كَكٜىٰيِنْ إِرِنْ وَنَّنْ أَنَّبْثِ؟ كَنَ أَنَّبْثِ ثٜىٰوَ يَهْوٜىٰهْ يَا ثٜىٰ، ‏‹‏غَاشِ، ذَنْبَادَ بِرْنِنَّنْ أَ حَنُّنْ سَرْكِنْ بَابِيلَ، ذَيْ كُوَ ثِنْيٜىٰ بِرْنِنْ دَ يَاڧِ؞

⁴ سَرْكِے صَدِڧِيَ نَ يَهُودَ بَذَيْ ڟِيرَا دَغَ حَنُّنْ كَلْدِيَاوَا بَ، عَمَّا لَلَّيْ ذَاعَ بَادَشِ أَ حَنُّنْ سَرْكِنْ بَابِيلَ؞ ذَيْ يِمَغَنَ دَ سَرْكِنْ بَابِيلَ ڢُسْكَ دَ ڢُسْكَ، يَكُمَ غَنْشِ عِدُواْ دَ عِدُواْ؞

⁵ ذَاعَ طَوْكِ صَدِڧِيَ ذُوَا بَابِيلَ؞ عَثَنْ ذَيْ ذَوْنَ سَيْ لُواْكَثِنْدَ نَظِيَرْثٜىٰشِ؞ كُو مُتَنٜىٰنْ يَهُودَ، كُواْ دَ كُنْيِ يَاڧِ دَ كَلْدِيَاوَا، بَذَاكُيِ نَصَرَبَ؞›‏ دُوانْمٜىٰ كَنَ يِنْ أَنَّبْثِ حَكَ؟»‏

⁶ سَيْ إِرْمِيَ يَأَمْسَ يَثٜىٰ ‏«‏غَا مَغَنَرْ دَ يَهْوٜىٰهْ يَڢَطَا مِنِ؞

⁷ غَاشِ، هَنَمٜىٰلْ طَنْ شَلُّمْ، طَنْعُوَنْ بَابَنْكَ، يَنَ ذُوَا وُرِنْكَ؞ ذَيْذُواْ يَثٜىٰ مَكَ، ‏‹‏سَيَ وَكَنْكَ غُواْنَتَ وَدَّ تَكٜىٰ أَعَنَتُواتْ، غَمَا تُنْدَيَكٜىٰ كَيْنٜىٰ مَڢِے كُسَ ثِكِنْ دَنْ‌غِ كَنَدَ حَكِّ كَڢَنْشِ غُواْنَرْ سَيْ كَسَيَ؞›‏

⁸ بِسَغَ مَغَنَرْ يَهْوٜىٰهْ، سَيْ هَنَمٜىٰلْ، طَنْ طَنْعُوَنْ بَابَنَ، يَذُواْ وُرِينَ أَ عِنْدَ عَكَ كُلّٜىٰنِ أَ ڢِيلِ نَغٜىٰڢٜىٰنْ مَاسُ غَادِ؞ يَثٜىٰ مِنِ، ‏‹‏سَيِ غُواْنَتَ وَدَّ تَكٜىٰ أَعَنَتُواتْ عَيَنْكِنْ بِلِيَامِنُ، غَمَا كَيْنٜىٰ مَڢِے كُسَ ثِكِ دَنْ‌غِ كَنَ كُمَ دَ حَكِّ كَڢَنْشِ غُواْنَرْ؞ سَيِ غُواْنَرْ دُواْمِنْ كَنْكَ؞›‏ تَهَكَ نَسَنِ وَنَّنْ مَغَنَرْ يَهْوٜىٰهْ ثٜىٰ؞

⁹ ‏«‏سَيْ نَسَيِ غُواْنَرْ دَتَكٜىٰ أَعَنَتُواتْ دَغَ حَنُّنْ هَنَمٜىٰلْ، طَنْ طَنْعُوَنْ بَابَنَ؞ نَا كُوَ بِيَشِ أَظُرْڢَا غُواْمَشَا بَݣَويْ؞

¹⁰ نَسَا حَنُّ عَتَكَرْدَرْ شَيْدَرْ سَيَ، نَمَنّٜىٰتَ دَ هَاتِمِ، نَسَامِ شَيْدُ، نَكُوَ عَوْنَ كُطِنْ دَ مَعَوْنِ، نَبَاشِ؞

¹¹ نَطَوْكِ تَكَرْدَرْ شَيْدَرْ سَيَ وَدَّ عَكَ رُبُوتَ ڧَٰعِدُواْدِنْ سَيَ بِسَغَ دُواْكَا عَثِكِ وَدَّ كُمَ عَكَ مَنّٜىٰ دَ هَاتِمِ دَ وَدَّ بَعَمَنّٜىٰ دَ هَاتِمِبَ،

¹² نَبَا بَرُكْ طَنْ نٜىٰرِيَ جِيكَنْ مَعَسٜىٰيَ؞ نَبَاشِ تَكَرْدَرْ أَغَبَنْ هَنَمٜىٰلْ دَ أَغَبَنْ شَيْدُنْ دَ سُكَسَا حَنُّ عَتَكَرْدَرْ دَ كُمَ أَغَبَنْ دُكَنْ يَهُودَاوَا وَطَنْدَ سُكٜىٰ ظَوْنٜىٰ أَ ڢِيلِ نَغٜىٰڢٜىٰنْ مَاسُ غَادِ؞

¹³ أَغَبَنْسُ نَعُمَرْثِ بَرُكْ ثٜىٰوَ

¹⁴ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ يَڢَطَا مِنِ، ‏‹‏طَوْكِ وَطَنَّنْ تَكَرْدُنْ شَيْدَ، وَدَّ عَكَ مَنّٜىٰ دَ هَاتِمِ دَ وَدَّ بَعَمَنّٜىٰبَ، كَسَاسُ ثِكِنْ تُكُنْيَرْ لَاكَ دُواْمِنْ سُدَطٜىٰ سُواْسَيْ؞›‏

¹⁵ دَلِيلِنْ دَ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ يَڢَطِ وَنَّنْ شِينٜىٰ، ‏‹‏ذَاعَ سَاكٜىٰ سَيٜىٰنْ غِدَاجٜىٰ دَ ڢِيلَيٜىٰ دَ غُواْنَكِنْ إِنَبِے عَڧَسَرْ نَنْ؞›‏ »‏

إِرْمِيَ يَيِ أَدُّعَرْ نٜىٰمَنْ غَانٜىٰوَ

¹⁶ أَنَانً بَايَنْدَ نِے إِرْمِيَ نَبَا بَرُكْ، طَنْ نٜىٰرِيَ، تَكَرْدَرْ شَيْدَرْ سَيٜىٰنْ غُواْنَ، سَيْ نَيِ أَدُّعَ غَ يَهْوٜىٰهْ نَثٜىٰ،

¹⁷ ‏«‏يَا عُبَنْ‌غِجِ يَهْوٜىٰهْ، كَيْنٜىٰ كَيِ سَمَ دَ دُونِيَا تَوُرِنْ حَنُّنْكَ مَيْ إِيكُواْ دَ كُمَ أَيُّكَنْ بَنْ مَامَاكِ!‏ بَا أَبِنْدَ يَڢِ ڧَرْڢِنْكَ؞

¹⁸ كَكَنْ نُونَ ڧَوْنَ مَرَرْ ثَنْجَاوَا غَ دُبَّيْ، عَمَّا كَكَنْ بَرْ سَكَمَكُوانْ لَيْڢِنْ إِيَايٜىٰ يَشَاڢِ یَیَ؞ يَا كَيْ مَيْغِرْمَ، اللَّهْ مَيْ إِيكُواْ، سُونَنْكَ نٜىٰ يَهْوٜىٰهْ مَيْ ضُنْدُنَا؞

¹⁹ كُواْوَثٜىٰ مَنُڢَرْكَ دَ غِرْمَ تَكٜىٰ، أَيُّكَنْكَ كُمَ مَاسُ غِرْمَ نٜىٰ؞ عِدَنُونْكَ سُنَ غَنِنْ دُكَنْ أَيُّكَنْ یَنْ أَدَمْ، كَنَ كُمَ سَاكَ وَ كُواْوَ بِسَغَ هَنْيُواْيِنْ رَايُوَرْسَ دَ أَيُّكَنْسَ؞

²⁰ كَيْ كَا عَيْكَتَ عَلَمُ دَ أَيُّكَنْ بَنْ مَامَاكِ عَڧَسَرْ مَصَرْ؞ هَرْوَيَوْ كُمَ كَنَ عَيْكَتَاسُ عَثِكِنْ إِسْرَٰٓءِيلَ دَ كُمَ ثِكِنْ دُكَنْ یَنْ أَدَمْ؞ كَا كُوَ يِسُونَ وَنْدَ عَكٜىٰ تُنَ دَشِ حَرْ يَوْ؞

²¹ كَا ڢِتَرْدَ جَمَعَرْكَ إِسْرَٰٓءِيلَ دَغَ مَصَرْ تَوُرِنْ عَلَمُ، أَيُّكَنْ بَنْ مَامَاكِ دَ حَنُّ مَيْ إِيكُواْ دَ كُمَ مَيْ ڧَرْڢِے سُواْسَيْ دَ كُمَ بَنْ رَظَنَ؞

²² كَا كُوَبَاسُ وَنَّنْ ڧَسَا وَدَّ كَرَنْڟٜىٰوَ كَاكَنِّنْسُ ذَاكَبَاسُ؞ ڧَسَاثٜىٰ مَيْ أَمْڢَانِ سُواْسَيْ؞

²³ سَيْ كَاكَنِّنْسُ سُكَ شِغَ سُكَ كَرْٻِ ڧَسَرْ؞ عَمَّا بَسُيِ بِيَيَّ دَ مُرْيَرْكَبَ، بَسُ كُوَ يِتَڢِيَ عَبِسَغَ كُواْيَرْوَرْكَبَ؞ عَثِكِنْ دُكَنْ أَبِنْدَ كَاعُمَرْثٜىٰسُ سُيِ، بَسُيِ كُواْمٜىٰبَ؞ دُواْمِنْ حَكَ، كَسَا دُكَنْ وَنَّنْ مَسِيڢَ تَڢَاطُواْ عَكَنْسُ؞

²⁴ غَاشِ، أَنْرِغَا أَنْتَارَ ڧَسَا دُواْمِنْ أَ هَوْ تَكَتَنْ‌غَرْ بِرْنِنْ دُواْمِنْ يَاڧِ؞ تَوُرِنْ تَكُواْبِے دَ يُنْوَ دَ بَلَعِ أَنْبَادَ بِرْنِنْ عُرُوشَلِيمَ أَ حَنُّنْ كَلْدِيَاوَا وَطَنْدَ سُكٜىٰ يَاڧِ دَ عِتَ يَنْذُ؞ أَبِنْدَ كَڢَطَا يَڢَرُ، كَيْ مَا دَ كَنْكَ كَغَنِ؞

²⁵ عَمَّا دُكْدَهَكَ، يَا عُبَنْ‌غِجِ يَهْوٜىٰهْ، كَثٜىٰ مِنِ إِنْ سَيَ غُواْنَ دَ كُطِ أَغَبَنْ شَيْدُ، كُواْدَيَكٜىٰ أَنْبَادَ بِرْنِنْ أَ حَنُّنْ كَلْدِيَاوَا؞»‏

بَيَانِ غَمٜىٰدَ ݣُوتَنْثِ نَسَيٜىٰنْ غُواْنَرْ

²⁶ سَيْ يَهْوٜىٰهْ يَيِ مَغَنَ دَ إِرْمِيَ ثٜىٰوَ

²⁷ ‏«‏غَاشِ، نِنٜىٰ يَهْوٜىٰهْ، اللَّهْ نَدُكَنْ یَنْ أَدَمْ؞ كُواْ أَݣَويْ وَنِ أَبِنْدَ يَڢِ ڧَرْڢِينَ؟

²⁸ سَبُواْدَ حَكَ، نِے يَهْوٜىٰهْ نَثٜىٰ ذَنْبَادَ بِرْنِنَّنْ أَ حَنُّنْ كَلْدِيَاوَا؞ سَرْكِے نٜىٰبُكَدْنٜىٰزَّرْ نَ بَابِيلَ ذَيْثِ بِرْنِنْ دَ يَاڧِ؞

²⁹ كَلْدِيَاوَنْ دَسُكٜىٰ يَاڧِ دَ بِرْنِنَّنْ ذَاسُذُواْ سُسَا مَسَ وُتَا سُڧُواْنٜىٰشِ، تَرٜىٰدَ دُكَنْ غِدَاجٜىٰ أَ عِنْدَ سُكَيِ أَبِنْدَ يَسَا نَيِ ڢُشِے، وَتُواْ وَطَنْدَ عَكَنْ رُڢِنْسُ نٜىٰ عَكٜىٰ ڧُواْنَ وَ بَعَلْ هَدَايُنْ تُرَارٜىٰ، عَكٜىٰ كُمَ مِيڧَ هَدَايُ نَشَا غَ وَطَنْسُ أَلُّواْلِ؞

³⁰ حَڧِيڧَ، تُنْ عَڧُرُثِيَرْسُ، مُتَنٜىٰنْ إِسْرَٰٓءِيلَ دَ نَ يَهُودَ بَسُ عَيْكَتَ كُواْمٜىٰ أَغَبَنَبَ سَيْ مُغُنْتَا؞ بَا أَبِنْدَ سُكَيِ، سَيْدَيْ سُنْسَا نَيِ ڢُشِے تَوُرِنْ أَيُّكَنْ حَنُّوَنْسُ؞ نِے يَهْوٜىٰهْ نَا ڢَطَا؞

³¹ غَمَا تُنْ كَڢَاوَرْ وَنَّنْ بِرْنِ حَرْ ذُوَا يَوْ، مَذَوْنَنْسَ سُنْيِ تَسَا نَيِڢُشِے، ڢُشِے مَيْ ذَاڢِ؞ سَبُواْدَ حَكَ ذَنْكَوَرْدَ بِرْنِنَّنْ دَغَ ڢُسْكَتَ؞

³² مُتَنٜىٰنْ يَهُودَ دَ نَ إِسْرَٰٓءِيلَ سُنْسَا نَيِڢُشِے تَوُرِنْ مُغُنْتَارْسُ؞ دُكَنْسُ تَرٜىٰدَ سَرَاكُنَنْسُ دَ شُوغَبَنِّنْسُ دَ ڢِرِسْتُواْثِنْسُ دَ أَنَّبَاوَنْسُ، دُكَنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ سُنْ عَيْكَتَ مُغُنْتَا؞

³³ سُنْ جُويَا مِنِ بَايَ، بَسُ بَانِ ڢُسْكَرْسُبَ؞ كُواْدَيَكٜىٰ نَيِ تَكُواْيَ مُسُ عَكَيْ عَكَيْ، دُكْدَهَكَ بَسُ سَوْرَرَتَبَ، بَسُ كُمَ كَرْٻِ هُواْرَرْوَتَبَ؞

³⁴ سُكَ كَڢَ غُمَكَنْسُ أَبِنْ ڧَظَنْتَرْ نَنْ عَثِكِنْ غِدَنْ دَ عَكٜىٰ كِرَا دَ سُونَنَ؞ تَهَكَ سُكَ ڧَظَنْتَرْدَ غِدَنْ؞

³⁵ سُكَ كُمَ غِغِّنَ وُرَارٜىٰنْ سُجَّدَ دُواْمِنْ بَعَلْ أَ ݣُورِنْ طَنْ هِنُّوامْ، دُواْمِنْ سُمِيڧَ یَیَنْسُ مَظَا دَ مَاتَا هَدَايَ غَ غُنْكِنَّنْ مُواْلٜىٰكْ؞ نِے كُوَ بَنْ عُمَرْثٜىٰسُ سُيِ حَكَبَ، بَنْ مَا يِتُنَانِنْ إِرِنْ وَنَّنْ أَبِنْ بَنْ ڨَمَبَ؞ تَهَكَ يَهُودَ تَيِ ذُنُوبِ؞

³⁶ ‏«‏يَنْذُ ڢَا، غَا أَبِنْدَنِے يَهْوٜىٰهْ، اللَّهْ نَ إِسْرَٰٓءِيلَ، نَاڢَطَا غَمٜىٰدَ وَنَّنْ بِرْنِ وَنْدَ كُكٜىٰثٜىٰوَ ‏‹‏أَنْ بَادَشِ أَ حَنُّنْ سَرْكِنْ بَابِيلَ تَوُرِنْ تَكُواْبِے دَ يُنْوَ دَ بَلَعِ؞›‏

³⁷ غَاشِ، إِنَ شِرِ إِنْتَتَّارُواْسُ دَغَ دُكَنْ ڧَسَاشٜىٰ عِنْدَ نَكُواْرٜىٰسُ ثِكِنْ ڢُشِنَ دَ هَوْشِنَ دَ ڢُشِنَ مَيْ ذَاڢِ؞ ذَنْ دَاوُاْ دَسُو أَوُرِنَّنْ، إِنْكُمَ سَاسُذَوْنَ لَاڢِيَ؞

³⁸ ذَاسُ كُوَ ذَمَ جَمَعَتَ، نِے ذَنْ ذَمَ اللَّهْ نْسُ؞

³⁹ ذَنْبَاسُ ذُوثِيَا طَيَ دَ تُنَانِ إِرِ طَيَ، دُواْمِنْ كُلُّمْ سُدِنْ‌غَ جِنْ ڟُواْرُواْنَ، دُواْمِنْ أَمْڢَانِنْ كَنْسُ دَ نَیَیَنْسُ وَطَنْدَ ذَاعَ حَيْڢَ عَبَايَنْسُ؞

⁴⁰ ذَنْيِ يَرْجٜىٰجٜىٰنِيَ تَهَرْ أَبَدَا دَسُو ثٜىٰوَ بَذَنْ تَٻَ جَنْيٜىٰوَ دَغَ يِمُسُ أَلْحٜىٰرِبَ؞ ذَنْ كُمَسَا ڟُواْرُواْنَ أَ ذُوثِيَارْسُ، دُواْمِنْ كَدَ سُجُويَ دَغَ بِنَ؞

⁴¹ ذَنْجِے دَاطِنْ يِمُسُ أَلْحٜىٰرِ دَ دُكَنْ ذُوثِيَاتَ دَ دُكَنْ رَيْنَ، ذَنْ كُوَ دَسَسُ عَڧَسَرْ نَنْ ثِكِنْ أَمِنْثِ؞

⁴² ‏«‏إِنْجِنِ يَهْوٜىٰهْ دَيْدَيْ كَمَرْ يَدَّ نَكَٰوُاْ وَنَّنْ بَبَّرْ مَسِيڢَ عَكَنْ جَمَعَرْ نَنْ، حَكَمَا ذَنْ كَٰوُاْ مُسُ دُكَنْ أَلْحٜىٰرِنْدَ نَيِ مُسُ أَلْڧَوَرِ؞

⁴³ ذَاعَ سَاكٜىٰ سَيٜىٰنْ ڢِيلَيٜىٰنْ غُواْنَ أَوَنَّنْ ڧَسَرْدَ كُكٜىٰثٜىٰوَ ‏‹‏تَا ذَمَ كُڢَيْ، بَابُ مُتُمْ كُواْ دَبَّ عَثِكِ، غَمَا أَنْبَادَ عِتَ أَ حَنُّنْ كَلْدِيَاوَا؞›‏

⁴⁴ أَوَنَّنْ ڧَسَا، ذَاعَ سَاكٜىٰ سَيٜىٰنْ ڢِيلَيٜىٰنْ غُواْنَ دَ كُطِ، أَسَا حَنُّ عَكَنْ تَكَرْدُنْ شَيْدَرْ سَيَ، أَ مَنَّا مُسُ هَاتِمِ أَغَبَنْ شَيْدُ عَيَنْكِنْ ڧَسَرْ بِلِيَامِنُ دَ وُرَارٜىٰنْ دَسُكٜىٰ كٜىٰوَيٜىٰ دَ عُرُوشَلِيمَ دَ ثِكِنْ غَرُضُوً يَهُودَ دَ غَرُضُوً يَنْكِنْ تُدَّيْ دَ غَرُضُوً دَسُكٜىٰ عَڧأَنَانً تُدَّيْ دَ غَرُضُوً دَسُكٜىٰ أَ نٜىٰغٜىٰبْ؞ غَمَا ذَنْ مَيَرْ مُسُ دَ أَلْبَرْكُنْسُ؞ نِے يَهْوٜىٰهْ نَا ڢَطَا؞»‏