إِرْمِيَ 31 - أَتَّوْرَتْ دَ أَنَّبَاوَا

ثِكِنْ ڧَوْنَ ذَاعَ سَاكٜىٰ غِنَ إِسْرَٰٓءِيلَ

¹ إِنْجِ يَهْوٜىٰهْ ‏«‏أَ لُواْكَثِنَّنْ، ذَنْ ذَمَ اللَّهْ نَدُكَنْ عِيَلَنْ إِسْرَٰٓءِيلَ، ذَاسُ كُوَ ذَمَ جَمَعَتَ؞»‏

² إِنْجِ يَهْوٜىٰهْ، ‏«‏جَمَعَرْ دَسُكَ كُٻُتَ دَغَ تَكُواْبِنْ يَاڧِ، سُكَ سَامِ أَلْحٜىٰرِ أَدَاجِ؞ سَعَدَّ إِسْرَٰٓءِيلَ سُكَ نٜىٰمِ هُوتَوَا،

³ دَغَ نٜىٰسَ نِے يَهْوٜىٰهْ نَا بَيَّنَ غَرٜىٰسُ؞ نَثٜىٰمُسُ، ‏‹‏حَڧِيڧَ، نَڧَوْنَثٜىٰكِ دَ ڧَوْنَ مَرَرْ ڧَارٜىٰوَ، نَجَٰوُاْكِ وُرِينَ دَ ڧَوْنَ مَرَرْ ثَنْجَاوَا؞

⁴ ذَنْ سَاكٜىٰ غِنَكِ، يَا كٜىٰ ذُوثِيَاتَ إِسْرَٰٓءِيلَ، ذَاكِ كُوَ غِنُ؞ ذَاكِ سَاكٜىٰ طَوْكَرْ كَايَنْ كَطٜىٰ كَطٜىٰنْكِ، كِشِغَ ضَوَرْ مَاسُ ڢَضٍ ثِكِ؞

⁵ ذَاكِ سَاكٜىٰ دَسَ غُواْنَكِنْ إِنَبِے، عَكَنْ مَنْيَنْ تُدَّنْ سَمَرِيَ؞ مَاسُ دَشٜىٰ دَشٜىٰ ذَاسُ دَسَ، سُجِ دَاطِنْ یَیَنْ إِنَبِنْ؞

⁶ غَمَا رَانَ تَنَ ذُوَا سَعَدَّ یَنْ سِنْتِرِ عَكَنْ كَتَنْ‌غَ، ذَاسُ تَادَ مُرْيَ سُيِ كِرَا عَيَنْكِنْ تُدَّنْ إِڢْرَيِمْ سُثٜىٰ، ‏«‏كُتَاشِ مُهَوْرَ ذُوَا سِهِيُواْنَ، ذُوَا وُرِنْ يَهْوٜىٰهْ اللَّهْ نْمُ؞»‏ ›‏

⁷ ‏«‏إِنْجِنِ يَهْوٜىٰهْ، كُرٜىٰرَ وَاڧُواْڧِنْ ڢَضٍ ثِكِ سَبُواْدَ ذُرِيَرْ يَعْڧُوبَ!‏ كُطَغَ مُرْيَ، سَبُواْدَ مَڢِے غِرْمَ ثِكِنْ أَلْعُمَّيْ!‏ كُيِ شٜىٰلَ، كُيِ يَبُواْ، كُثٜىٰ، ‏‹‏يَا يَهْوٜىٰهْ، ثٜىٰثِ مُتَنٜىٰنْكَ، ثٜىٰثِ ضَغُواْوَرْ جَمَعَرْكَ إِسْرَٰٓءِيلَ!‏›‏

⁸ غَاشِ، ذَنْ كَٰوُاْسُ دَغَ ڧَسَرْ أَرٜىٰوَ، ذَنْ تَتَّرَاسُ دَغَ إِيَاكَرْ دُونِيَا، دُكْ تَرٜىٰدَ مَكَڢِ دَ غُرَغُ، دَ مَثٜىٰ مَيْ ثِكِ، دَ مَثٜىٰنْ دَتَكٜىٰ ثِكِنْ نَڧُدَ، دُكَ ثِكِنْ بَبَّرْ ڧُنْ‌غِيَ، ذَاسُ دَاوُاْ؞

⁹ ثِكِنْ كُوكَا ذَاسُذُواْ، سُنَ أَدُّعَ سَعَدَّ نَكٜىٰبِشٜىٰسُ؞ تَغٜىٰڢٜىٰنْ رَاڢُڢُّكَ، ذَنْ بِيدَسُو ذُوَا غِدَا، عَكَنْ حَنْيَ أَ مِيڧٜىٰ، ذَنْبِيدَسُو، بَذَاسُ كُوَيِ تُنْتُٻٜىٰبَ؞ غَمَا نِے نَا ذَمَ بَابَ غَ إِسْرَٰٓءِيلَ، إِڢْرَيِمْ كُمَ طَنْ ڢَارِنَ نٜىٰ؞

¹⁰ ‏«‏كُجِ مَغَنَرْ يَهْوٜىٰهْ، يَا كُو أَلْعُمَّيْ، كُيِ شٜىٰلَرْتَ أَدُكَنْ يَنْكُنَنْ بَاكِنْ تٜىٰكُ؞ كُثٜىٰ، ‏‹‏شِے وَنْدَ يَوَاڟَرْدَ إِسْرَٰٓءِيلَ، شِے ذَيْ تَتَّرَاسُ، ذَيْ كِيَايٜىٰسُ كَمَرْ يَدَّ مَكِيَايِ يَكَنْ كِيَايٜىٰ غَرْكٜىٰنْ تُمَكِنْسَ؞›‏

¹¹ غَمَا يَهْوٜىٰهْ يَاڢَنْشِ ذُرِيَرْ يَعْڧُوبَ، يَڢَنْشٜىٰتَ دَغَ حَنُّوَنْ وَطَنْدَ سُكَڢِتَ ڧَرْڢِے؞

¹² ذَاسُذُواْ سُرٜىٰرَ وَاڧَا دَ ڧَرْڢِے، عَكَنْ بَبَّنْ تُدُنْ سِهِيُواْنَ، ڢُسْكَرْسُ ذَاسُيِ حَصْكٜىٰ سَبُواْدَ ڢَضٍ ثِكِ، سَبُواْدَ يَوَنْ أَلْحٜىٰرِنْ يَهْوٜىٰهْ، أَلْحٜىٰرِ نَݣَوْتَرْ حَڟِ، دَ نَضُوً إِنَبِے دَ نَمَنْ ظَيْتُنْ، دَ نَیَیَنْ تُمَكِ دَ نَیَیَنْ شَانُو؞ رَايُوَرْسُ ذَاتَ ذَمَ كَمَرْ غُواْنَ مَيْ سَامُنْ إِسَشّٜىٰنْ ضُوَ، بَذَاسُ ڧَارَ يَنْڨُونٜىٰبَ؞

¹³ أَ لُواْكَثِنَّنْ، یَنْ مَاتَا ذَاسُيِ ضَوَ دَ ڢَضٍ ثِكِ، سَمَارِ دَ ڟُواْڢَڢِّ كُمَ ذَاسُيِ مُرْنَ؞ ذَنْ جُويَا مَكُواْكِنْسُ ذُوَا ڢَضٍ ثِكِ، إِنْكُمَ تَعَظَنْتَرْ دَسُو، إِنْبَاسُ ڢَضٍ ثِكِ مَيْمَكُوانْ بَڧِنْ ثِكِ؞

¹⁴ ذَنْ ڧُواْسَرْدَ ڢِرِسْتُواْثِے دَ إِسَشّٜىٰنْ عَبِنْثِ، جَمَعَتَ ذَاسُ ڧُواْشِ دَ أَلْحٜىٰرِنَ عَيَلْوَثٜىٰ؞ نِے يَهْوٜىٰهْ نَا ڢَطَا؞»‏

¹⁵ إِنْجِ يَهْوٜىٰهْ، ‏«‏أَنْ جِ مُرْيَ أَ رَمَ، مُرْيَرْ بَڧِنْ ثِكِ دَ تَكُوكَا مَيْ ذَاڢِ، رَحِيلَةُ ثٜىٰ تَكٜىٰ كُكَ دُواْمِنْ یَیَنْتَ، تَكُمَڧِ كَرْٻَرْ تَعَظِيَّ غَمَا یَیَنْتَ بَاسَ نَنْ؞

¹⁶ إِنْجِنِ يَهْوٜىٰهْ، كِدَيْنَ كُوكَا، كِشَرٜىٰ هَوَيٜىٰ دَغَ عِدَنُونْكِ؞ غَمَا أَݣَويْ لَادَ دُواْمِنْ دُكَنْ أَبِنْدَ كِكَيِ دُواْمِنْ یَیَنْكِ، ذَاسُ دَاوُاْ دَغَ ڧَسَرْ أَبُواْكَنْ غَابَنْكِ؞

¹⁷ أَݣَويْ سَا ذُوثِيَا دُواْمِنْ رَايُوَرْكِ تَنَنْ غَبَ، یَیَنْكِ ذَاسُ دَاوُاْ ڧَسَرْسُ؞ نِے يَهْوٜىٰهْ نَا ڢَطَا؞

¹⁸ ‏«‏حَڧِيڧَ نَجِ مُتَنٜىٰنْ إِڢْرَيِمْ سُنَ بَڧِنْ ثِكِ سُنَ ثٜىٰوَ ‏‹‏كَارِغَا كَايِ مَنَ حُواْرُواْ، مُنْ كُوَ كَرْٻِ حُواْرُوانْ؞ دَا مُنْ ذَمَ كَمَرْ طَنْ سَانِيَ وَنْدَ بَعَهُواْرَرْ دَشِيبَ؞ كُواْمُواْ دَمُو، ذَامُ كُوَ كُواْمَ، غَمَا كَيْ يَهْوٜىٰهْ، كَيْنٜىٰ اللَّهْ نْمُ؞

¹⁹ غَمَا دَا مُنْ جُويَا مَكَ بَايَ، يَنْذُ مُنْ تُوبَ؞ بَايَنْدَ عَكَسَا مُكَ غَانٜىٰ، سَيْ مُنْ سُنْكُيَرْ دَكَيْ، مُنْ جِ كُنْيَا دَ ڧَسْڧَنْثِ، سَبُواْدَ مُنَ طَوْكٜىٰدَ ڧَسْڧَنْثِ نَڧُرُثِيَرْمُ؞›‏

²⁰ ‏«‏أَشٜىٰ، إِڢْرَيِمْ بَڧَوْنَتَثّٜىٰنْ طَا أَغَرٜىٰنِبَ؟ أَشٜىٰ، بَشِ نَكٜىٰجِنْ دَاطِنْسَبَ؟ كُواْدَيَكٜىٰ نَيِ تَيِنْ مَغَنَ غَابَادَشِ، دُكْدَهَكَ، ثِكِنْ ڧَوْنَ نَكَنْ تُنَ دَشِ؞ سَبُواْدَ حَكَ ذُوثِيَاتَ تَنَ مَرْمَرِنْسَ كُلُّمْ، حَڧِيڧَ ذَنْجِے تَوْسَيِنْسَ؞ نِے يَهْوٜىٰهْ نَا ڢَطَا؞

²¹ ‏«‏كَڢَ وَكَنْكِ عَلَمُ أَ حَنْيَ، كَڢَ وَكَنْكِ شَيْدَ تَنُونَ حَنْيَ؞ كِلُورَ دَ بَبَّرْ حَنْيَ حَنْيَرْدَ دَا كِكَبِے كِنْ تَڢِے؞ كِدَاوُاْ، يَا كٜىٰ بُدُرْوَتَ إِسْرَٰٓءِيلَ، كِكُواْمَ ذُوَا بِرَنٜىٰنَّنْ نَاكِ؞

²² يَا كٜىٰ ذُوثِيَاتَ، حَرْ يَوْشٜىٰ ذَاكِيِ يَٰوُاْ دَ حَنْكَلِنْكِ، يَا كٜىٰ یَ مَرَرْ أَمِنْثِ؟ غَمَا غَاشِ يَهْوٜىٰهْ يَنَ حَلِتَّرْ سَابُوانْ أَبُ، عَثٜىٰ مَثٜىٰ ذَاتَ نٜىٰمِ نَمِجِ، كَمَرْ حَكَ، جَمَعَرْسَ ذَاتَ نٜىٰمِ يَهْوٜىٰهْ؞»‏

سَابُوَرْ يَرْجٜىٰجٜىٰنِيَ دَ وَطَنْسُ أَلْكَوَرَيْ

²³ إِنْجِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ ‏«‏نَنْ غَبَ، ذَاعَ سَاكٜىٰيِنْ أَمْڢَانِ دَ كَلْمُواْمِنَّنْ عَڧَسَرْ يَهُودَ دَ ثِكِنْ غَرُرُوَنْتَ، سَعَدَّ نَمَيَرْ مُسُ دَ أَلْبَرْكُنْسُ؞ ‏«‏ ‏‹‏بَرِ يَهْوٜىٰهْ يَسَا مَكَ أَلْبَرْكَ، يَا كَيْ وُرِنْ ذَمَنْ أَدَلْثِے، يَا كَيْ تُدُ مَيْ ڟَرْكِے!‏›‏

²⁴ ‏«‏عَثِكِنْ يَهُودَ دَ دُكَنْ غَرُرُوَنْتَ كُوَ مَاسُ يِنْ نُواْمَ دَ مَاسُ يَٰوُاْ سُنَ كِيوُانْ غَرْكُنَنْسُ ذَاسُيِ ذَمَنْ لَاڢِيَ تَرٜىٰ؞

²⁵ غَمَا ذَنْ بِيَ بُڧَاتَرْ كُواْوَنٜىٰ رَيْ مَيْ غَاجِيَ، إِنْكُمَ سَابُنْتَا ڧَرْڢِنْ كُواْوَنٜىٰ رَيْ مَيْ يَنْڨُونٜىٰوَ؞»‏

²⁶ عَكَنْ وَنَّنْ، نِے إِرْمِيَ نَڢَرْكَ نَثٜىٰ ‏«‏كَيْ، بَرْثِنَّنْ يَيِ مِنِ دَاطِے!‏»‏

²⁷ ‏«‏إِنْجِنِ يَهْوٜىٰهْ، غَاشِ، ݣُونَكِے سُنَ ذُوَا عِنْدَ ذَنْ دَسَ غِدَنْ إِسْرَٰٓءِيلَ دَ نَ يَهُودَ دَ مُتَنٜىٰ دَ دَبُّواْبِے مَاسُ حَيْڢُوَ؞

²⁸ ذَيْ ذَمَ كَمَرْ يَدَّ دَا نَلُورَ دَسُو دُواْمِنْ إِنْتُمْٻُكٜىٰسُ، إِنْرُشٜىٰسُ، إِنْكَوَرْدَسُو، إِنْهَلَّكَرْ دَسُو، إِنْكَٰوُاْ مُسُ مَسِيڢَ، حَكَ ذَنْ لُورَ دَسُو دُواْمِنْ إِنْ‌غِنَسُ إِنْكُمَ دَسَسُ؞ نِے يَهْوٜىٰهْ نَا ڢَطَا؞

²⁹ عَݣُونَكِنْنَنْ بَذَاسُ سَاكٜىٰيِنْ مَغَنَ حَكَبَ، ‏«‏ ‏‹‏إِيَايٜىٰ نٜىٰ سُكَثِ یَیَنْ إِنَبِے مَاسُ ڟَامِ، عَمَّا هَڧُواْرَنْ یَیَنْ نٜىٰ سُكَ مُتُ؞›‏

³⁰ ‏«‏أَ مَيْمَكُوانْ حَكَ، كُواْوَ ذَيْ مُتُ دُواْمِنْ لَيْڢِنْ كَنْسَ؞ وَنْدَ يَثِ إِنَبِے مَيْ ڟَامِ، شِينٜىٰ هَڧُواْرَنْسَ ذَاسُ مُتُ؞

³¹ ‏«‏إِنْجِنِ يَهْوٜىٰهْ، غَاشِ، ݣُونَكِے سُنَ ذُوَا عِنْدَ ذَنْيِ سَابُوَرْ يَرْجٜىٰجٜىٰنِيَ دَ غِدَنْ إِسْرَٰٓءِيلَ دَ نَ يَهُودَ؞

³² بَ ذَاتَ ذَمَ كَمَرْ يَرْجٜىٰجٜىٰنِيَرْ دَ دَا نَيِ دَ كَاكَنِّنْسُ سَعَدَّ نَڢِتَرْدَسُو دَغَ ڧَسَرْ مَصَرْ بَ؞ وَنَّنْ يَرْجٜىٰجٜىٰنِيَ سُنْ كَرْيَ، كُواْدَيَكٜىٰ نِے كَمَرْ مِجِنٜىٰ أَغَرٜىٰسُ؞ نِے يَهْوٜىٰهْ نَا ڢَطَا؞

³³ يَنْذُ غَا يَرْجٜىٰجٜىٰنِيَرْ دَ ذَنْيِ دَ غِدَنْ إِسْرَٰٓءِيلَ بَايَنْ وَطَنَّنْ ݣُونَكِے؞ ‏«‏ذَنْسَا كُواْيَرْوَاتَا عَثِكِنْسُ، إِنْكُمَ رُبُوتَتَ عَ أَلُّوانْ ذُوثِيَارْسُ؞ ذَنْ ذَمَ اللَّهْ نْسُ، سُو كُوَ سُذَمَ جَمَعَتَ؞ نِے يَهْوٜىٰهْ نَا ڢَطَا؞

³⁴ مُتُمْ بَذَيْسَاكٜىٰ كُواْيَوَ مَڨُوبْثِنْسَ، كُواْ يَكُواْيَاوَ طَنْعُوَنْسَ ثٜىٰوَ ‏‹‏كُسَنْ يَهْوٜىٰهْ›‏ بَ، غَمَا دُكَنْسُ ذَاسُسَنِّ، دَغَ مَڢِے ڧَرَمِ ذُوَا مَڢِے غِرْمَ عَثِكِنْسُ؞ ذَنْ غَاڢَرْتَا مُسُ لَيْڢُواْڢِنْسُ، بَكُوَ ذَنْ سَاكٜىٰ تُنَاوَا دَ ذُنُبَنْسُبَ؞ نِے يَهْوٜىٰهْ نَا ڢَطَا؞»‏

³⁵ إِنْجِ يَهْوٜىٰهْ، شِے وَنْدَ يَكَڢَ رَانَ دُواْمِنْ تَذَمَ حَصْكٜىٰ غَ يِنِ، شِے وَنْدَ يَسَا وَتَ دَ تَوْرَرِ دُواْمِنْ سُذَمَ حَصْكٜىٰ غَ دَرٜىٰ، شِے وَنْدَ يَكَنْ تَادَ تٜىٰكُ حَرْ رَاڧُمَنْ ضُوَ سُيِ هَوْكَ سُيِ رُورِ، شِے وَنْدَ سُونَنْسَ يَهْوٜىٰهْ مَيْ ضُنْدُنَا نٜىٰ؞

³⁶ ‏«‏عِدَنْ يَا يِوُ ڧَٰعِدَرْ حَلِتَّرْ نَنْ وَدَّ نَكَڢَ تَدَيْنَ عَيْكِ أَغَرٜىٰنِ، تُواْ، ذَيْ يِوُ ذُرِيَرْ إِسْرَٰٓءِيلَ تَدَيْنَ ذَمَ أَلْعُمَّ أَغَرٜىٰنِ كٜىٰنَنْ حَرْ أَبَدَا؞ نِے يَهْوٜىٰهْ نَا ڢَطَا؞

³⁷ ‏«‏إِنْجِنِ يَهْوٜىٰهْ، عِدَنْ ذَاعَ عِيَ عَوْنَ سَمَّيْ، عَكُمَ بِنْثِكٜىٰ تُوشٜىٰنْ دُونِيَا ثَنْ ڧَرْڧَشِنْ ڧَسَا، تُواْ، ذَنْعِيَ بَرِنْ ذُرِيَرْ إِسْرَٰٓءِيلَ، سَبُواْدَ دُكَنْ أَبِنْدَ سُكَيِ؞ نِے يَهْوٜىٰهْ نَا ڢَطَا؞

³⁸ ‏«‏إِنْجِنِ يَهْوٜىٰهْ، غَاشِ ݣُونَكِے سُنَ ذُوَا عِنْدَ ذَاعَ سَاكٜىٰ غِنَا بِرْنِنَّنْ دُواْمِنَ دَغَ حَصُومِيَا تَ هَنَنٜىٰلْ حَرْ ذُوَا ڧُواْڢَرْ ݣُونَ؞

³⁹ إِغِيَرْ أَوُانْ كُوَ ذَاتَ مِيڧٜىٰ دَغَ تُدُنْ غَرٜىٰبْ، سَعَنً يَجُويَ ذُوَا غُواْوَ؞

⁴⁰ دُكَنْ ݣُورِنَّنْ نَظُبَرْدَ غَوَوَّكِ دَ تُواْكَ دَ دُكَنْ ڢِيلَيٜىٰ حَرْ ذُوَا ݣُورِنْ كِدْرُوانْ، حَرْ ذُوَا ݣُونَرْ ڧُواْڢَرْ دُواْكِ أَغَبَسْ ذَيْ ذَمَ أَبِنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ؞ بَذَاعَ سَاكٜىٰ تُمْٻُكٜىٰ وُرِنْ، كُواْ أَ رُشٜىٰشِيبَ حَرْ أَبَدَا؞»‏