إِرْمِيَ 30 - أَتَّوْرَتْ دَ أَنَّبَاوَا

ذَاعَ سَابُنْتَا إِسْرَٰٓءِيلَ دَ يَهُودَ

¹ أَنَانً سَيْ يَهْوٜىٰهْ يَيِ مَغَنَ دَ إِرْمِيَ ثٜىٰوَ

² ‏«‏إِنْجِنِ يَهْوٜىٰهْ اللَّهْ نَ إِسْرَٰٓءِيلَ، ‏‹‏كَرُبُوتَ دُكَنْ مَغَنَرْدَ نَڢَطَا مَكَ عَثِكِنْ لِتَّڢِ؞

³ غَمَا غَاشِ، ݣُونَكِے سُنَ ذُوَا عِنْدَ ذَنْ مَيَرْوَ مُتَنٜىٰنَ إِسْرَٰٓءِيلَ دَ يَهُودَ دَ أَلْبَرْكُنْسُ؞ ذَنْ دَاوُاْ دَسُو ذُوَا ڧَسَرْدَ نَبَا كَاكَنِّنْسُ، ذَاسُ كُوَ مَلَّكٜىٰتَ؞ نِے يَهْوٜىٰهْ نَا ڢَطَا؞›‏ »‏

⁴ وَطَنَّنْ نٜىٰ مَغَنَرْ دَ يَهْوٜىٰهْ يَڢَطَا غَمٜىٰدَ إِسْرَٰٓءِيلَ دَ يَهُودَ؞

⁵ إِنْجِ يَهْوٜىٰهْ، ‏«‏أَنْجِ كُوكَا نَڢِرْغِتَ، دَ نَڟُواْرُواْ، بَابُ ذَمَنْ لَاڢِيَ؞

⁶ يَنْذُ ڢَا كُيِ تَمْبَيَ كُجِ، نَمِجِ ذَيْ عِيَ حَيْڢُوَ نٜىٰ؟ تُواْ، مٜىٰيَسَا إِنَ غَنِنْ كُواْوَنٜىٰ نَمِجِ يَنَ رِڧُوانْ ثِكِنْسَ كَمَرْ مَثٜىٰ مَيْ نَڧُدَ؟ مٜىٰيَسَا ڢُسْكَرْ كُواْوَ تَكٜىٰ أَطَوْرٜىٰ دَ ڟُواْرُواْ؟

⁷ كَيْتُواْ!‏ غَمَا وَنَّنْ بَبَّرْ رَانَ ثٜىٰ، بَابُ كُمَ كَمَرْتَ؞ لُواْكَثِ نٜىٰ نَوَهَلَ غَ ذُرِيَرْ يَعْڧُوبَ، عَمَّا دُكْدَهَكَ، ذَاعَ ثٜىٰثٜىٰتَ دَغَ وَهَلَرْتَ؞»‏

⁸ إِنْجِ يَهْوٜىٰهْ مَيْ ضُنْدُنَا، ‏«‏أَ رَانَرْ نَنْ، ذَنْ كَرْيَ غُنْ‌غُمٜىٰنْ دَنِّيَ دَغَ وُيَنْسُ، إِنْ ڟِنْڟِنْكٜىٰ سَرْڧَرْسُ، بَاڧِ بَذَاسُ كُمَ مَيْدَسُو بَيِبَ؞

⁹ عَمَّا ذَاسُيِ وَ يَهْوٜىٰهْ اللَّهْ نْسُ بَوْتَا، دَ كُمَ دَاوُدَ سَرْكِنْسُ، سَرْكِنْ دَ ذَنْتَادَشِ دُواْمِنْسُ؞

¹⁰ يَنْذُ ڢَا، يَا ذُرِيَرْ بَاوَنَ يَعْڧُوبَ، كَدَ كُجِڟُواْرُواْ، يَا إِسْرَٰٓءِيلَ، كَدَ كُڢِرْغِتَ!‏ غَمَا غَاشِ، ذَنْثٜىٰثٜىٰكُ دَغَ ڧَسَا مَيْ نِيسَ، ذَنْثٜىٰثِ یَیَنْكُ دَغَ ڧَسَرْ بَوْتَا؞ ذُرِيَرْ يَعْڧُوبَ ذَاسُ دَاوُاْ، ذَاسُ كَسَنْثٜىٰ دَ لَاڢِيَ دَ رَيْ عَݣُونْثٜىٰ، بَابُوَنْدَ ذَيْسَاكٜىٰ ڟُواْرَتَرْ دَسُو؞ نِے يَهْوٜىٰهْ نَا ڢَطَا؞

¹¹ إِنْجِنِ يَهْوٜىٰهْ، إِنَ تَرٜىٰدَكُو دُواْمِنْ إِنْثٜىٰثٜىٰكُ؞ ذَنْ كَٰوُاْ دُكَنْ أَلْعُمَّيْ غَ ثِكَكّٜىٰنْ ڧَرْشٜىٰ، أَلْعُمَّنْدَ نَوَرْوَاڟَرْ دَكُو عَثِكِ؞ عَمَّا كُو كَمْ، بَذَنْ كَٰوُاْكُ غَ ثِكَكّٜىٰنْ ڧَرْشٜىٰبَ، ذَنْ حُكُنْتَكُ دَ شَرِيعَرْ غَسْكِيَ، حَڧِيڧَ، بَذَنْ كَاسَ حُكُنْتَكُبَ؞»‏

يَهْوٜىٰهْ دَ كَنْسَ ذَيْ وَرْكَرْ دَ رَوْنِنْ

¹² إِنْجِ يَهْوٜىٰهْ، ‏«‏رَوْنِنْكِ بَنَوَرْكٜىٰوَ بَنٜىٰ، مِكِنْكِ مَيْ ڟَنَنِنٜىٰ ڨُورَيْ؞

¹³ بَابُ مَيْ ضُواْڧَا دُواْمِنْ وَرْكٜىٰوَرْ رَوْنِنْكِ، بَابُ مَاغَنِ، بَابُ وَرْكٜىٰوَ دُواْمِنْكِ؞

¹⁴ دُكَنْ مَسُواْيَنْكِ سُنْ مَنْتَادَكٜىٰ، بَسُدَامُ دَكٜىٰبَ؞ غَمَا بُغُنْدَ نَيِ مِكِ، إِرِنَّعَبُواْكِنْ غَابَنٜىٰ، حُكُنْثِنْدَ نَيِ مِكِ كُمَ، إِرِنَّمُوغُنْ مَڧِيِ مَرَرْ تَوْسَيِ نٜىٰ، سَبُواْدَ لَيْڢِنْكِ بَبَّنٜىٰ، ذُنُبَنْكِ كُمَ سُنْيِيَوَ؞

¹⁵ دُوانْمٜىٰ كِكٜىٰ كُوكَا سَبُواْدَ رَوْنِنْكِ؟ أَيْ، مِيكِنْكِ بَنَوَرْكٜىٰوَ بَنٜىٰ؞ سَبُواْدَ لَيْڢِنْكِ بَبَّنٜىٰ، ذُنُبَنْكِ كُمَ سُنْيِيَوَ؞ شِيَسَا نَيِ مِكِ أَبُبُوَنَّنْ؞

¹⁶ ‏«‏عَمَّا دُكْ وَطَنْدَ سُكَ ثِنْيٜىٰكِ، سُو مَا ذَاعَ ثِنْيٜىٰسُ؞ دُكَنْ مَاسُ ڧِنْكِ، كُواْوَنّٜىٰنْسُ ذَاسُ تَڢِے بَوْتَا، دُكْ وَطَنْدَ سُكَ ڨُوثٜىٰ كَايَنْكِ، سُو مَا ذَاعَ ڨُوثٜىٰ نَاسُ؞ دُكْ وَطَنْدَ سُكَ ڢَرَوْثٜىٰكِ، سُو مَا ذَاعَ ڢَرَوْثٜىٰسُ؞

¹⁷ إِنْجِنِ يَهْوٜىٰهْ، ذَنْ مَيَرْ مِكِ دَ لَاڢِيَرْكِ، ذَنْ وَرْكَرْدَ رَوْنُكَنْكِ، كُواْدَيَكٜىٰ مَاسُ ڧِنْكِ سُنَثٜىٰ دَكٜىٰ، ‏‹‏أَبِنْ دَ عَكَ كُواْرَ، أَيْ، سِهِيُواْنَ ثٜىٰ، بَاوَنْدَ يَكُلَ دَ عِتَ!‏›‏

¹⁸ ‏«‏إِنْجِنِ يَهْوٜىٰهْ، غَاشِ، ذَنْ مَيَرْوَ ذُرِيَرْ يَعْڧُوبَ دَ أَلْبَرْكُنْتَ، إِنْجِ تَوْسَيِنْ وُرَارٜىٰنْ ذَمَنْتَ؞ ذَاعَ سَاكٜىٰ غِنَا بِرْنِنْ أَوُرِنْسَ نَدَا، عَكُمَ كَڢَ غِدَنْ سَرْكِے أَ عِنْدَ يَكٜىٰ أَدَا؞

¹⁹ دَغَ ثِكِنْسُ ذَاعَ جِ وَاڧُواْڧِنْ غُواْدِيَ، دَ مُرْيُواْيِ نَمَاسُ ڢَضٍ ثِكِ؞ ذَنْ ڧَارَ يَوَنْسُ، بَذَاسُ كُوَ ذَمَ كَطَنْبَ، ذَنْ كُمَ طَوْكَكَسُ، بَذَاعَ رٜىٰنَسُبَ؞

²⁰ یَیَنْسُ ذَاسُيِيَوَ كَمَرْ دَا، جَمَعَرْسُ ذَاسُ كَڢُ أَغَبَنَ؞ ذَنْ كُوَ حُكُنْتَ دُكَنْ مَاسُ يِمُسُ دَنِّيَ؞

²¹ شُوغَبَنْسُ ذَيْڢِتُواْ دَغَ ثِكِنْسُ، مَيْ مُلْكِنْسُ كُمَ دَغَ غَرٜىٰسُ؞ ذَنْ كُوَ سَا يَيِ كُسَدَنِے، شِيكُوَ ذَيْذُواْ وُرِينَ، غَمَا وَنٜىٰنٜىٰ ذَيْ يِڧَرْڢِنْ حَلِ حَرْ يَذُواْ كُسَدَنِے إِنْ بَنْ كِرَا شِيبَ؟ نِے يَهْوٜىٰهْ نَا ڢَطَا؞

²² ذَاكُ ذَمَ جَمَعَتَ، نِے كُوَ ذَنْ ذَمَ اللَّهْ نْكُ؞»‏

²³ غَاشِ، هَدَرِنْ ڢُشِنْ يَهْوٜىٰهْ يَٻَرْكٜىٰ يَڢِتُواْ، كَمَرْ إِسْكَرْ غُوغُوَ مَيْ هَلَّكَرْوَ ذَيْ ڢَاطُواْ عَكَنْ مُوغَيٜىٰ؞

²⁴ ڢُشِنْ يَهْوٜىٰهْ بَذَيْ جُويَا بَ سَيْ يَعَيْكَتَ يَثِكَ نُڢِنْ ذُوثِيَارْ يَهْوٜىٰهْ؞ عَكْوَانَكِے مَاسُ ذُوَا، ذَاكُ غَانٜىٰ وَنَّنْ سُواْسَيْ؞