إِرْمِيَ 3 - أَتَّوْرَتْ دَ أَنَّبَاوَا

¹ إِنْجِ يَهْوٜىٰهْ، ‏«‏مَيْ يِوُوَ مُتُمْ ذَيْ سَكِ مَاتَرْسَ تَتَڢِے تَكُمَ ذَمَ مَاتَرْ وَنِ؞ إِنْ يَيِ حَكَ، مُتُمِنْ يَنَ عِيَ دَاوُاْ دَ عِتَ؟ أَشٜىٰ، يِنْ حَكَ بَذَيْ ڧَظَنْتَرْدَ ڧَسَرْ بَ؟ يَا كٜىٰ إِسْرَٰٓءِيلَ، كِنْيِ كَارُوَنْثِنْكِ دَ مَسُواْيَ دَيَوَ؞ يَنْذُ كُمَ كِنَ سُواْ كِدَاوُاْ وُرِينَ؟

² ‏«‏تَادَ عِدَنُونْكِ، يَا كٜىٰ إِسْرَٰٓءِيلَ، كِدُوبَ تُدَّيْ مَرَرْ ثِيَوَ كِغَنِ!‏ أَݣَويْ عِنْدَ بَاكِ ݣُونْتَ كِنْيِ كَارُوَنْثِبَ؟ أَݣَويْ عِنْدَ بَاكِ تَادَ وُرَارٜىٰنْ سُجَّدَبَ؟ كِنْ ذَوْنَ عَبَاكِنْ حَنْيَ كِنَ جِرَا مَسُواْيَنْكِ؞ كَمَرْ مُتُمِنْ أَرَبِيَ، كِنَ ݣُونْتُوانْ ٻَوْنَ أَدَاجِ؞ دَ كَارُوَنْثِنْكِ دَ مُغُنْتَارْكِ، كِنْ ڧَظَنْتَرْدَ ڧَسَرْ؞

³ سَبُواْدَ حَكَ عَكَ حَنَ ضُوً سَمَ، ضُوً ڢَرْكُوانْ دَامِنَ بَيْ ذُوابَ؞ دُكْدَهَكَ كِكَيِ تَوْرِنْ كَيْ إِرِنَّكَارُوَ، كِنْڧِ جِنْ كُنْيَا؞

⁴ بَيَنْظُ نٜىٰ كِنْثٜىٰ مِنِ، ‏‹‏كَيْ بَابَنَ›‏ بَ؟ ‏‹‏بَكَيْنٜىٰ كَا ڧَوْنَثٜىٰنِ تُنْ ڧُرُثِيَتَبَ؟

⁵ ذَاكَ دِنْ‌غَ يِنْ ڢُشِے دَنِے؟ ذَاكَ رِڧٜىٰنِ أَ ذُوثِيَا حَرْ أَبَدَانٜىٰ؟›‏ غَاشِ، حَكَ كِكَيِ مَغَنَ، عَمَّا كِنْيِ دُكَنْ مُغُنْتَارْ دَ كِكَغَ دَامَ!‏»‏

أَنْيِ كِرَا إِسْرَٰٓءِيلَ دَ يَهُودَ سُكُواْمَ

⁶ أَ مُلْكٍ سَرْكِے يُواْسِيَا، يَهْوٜىٰهْ يَايِ مَغَنَ دَنِے ثٜىٰوَ ‏«‏إِرْمِيَ، دُوبِے أَبِنْدَ إِسْرَٰٓءِيلَ مَرَرْ أَمِنْثِنَّنْ تَيِ؞ غَا يَدَّ تَهَوْرَ عَكَنْ كُواْوَنٜىٰ تُدُ تَنَ كَارُوَنْثِ دَ كُمَ عَڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞»‏

⁷ سَيْ يَهْوٜىٰهْ يَثِيغَبَدَ مَغَنَ ثٜىٰوَ ‏«‏نَايِ تُنَانِ ثٜىٰوَ كُواْ بَايَنْ وَطَنَّنْ أَبُبُوَ دُكَ سُنْ إِشٜىٰتَ، ذَاتَ كُواْمُواْ غَرٜىٰنِ؞ عَمَّا بَتَ كُواْمُواْ بَ، كُمَ يَهُودَ یَرْعُوَرْتَ مَيْ ثِنْ أَمَانَ تَغَنِ؞

⁸ يَهُودَ تَغَ ثٜىٰوَ نَسَكِ إِسْرَٰٓءِيلَ مَرَرْ أَمِنْثِنَّنْ نٜىٰ، سَبُواْدَ تَجُويَا دَغَ غَرٜىٰنِ تَيِ كَارُوَنْثِ؞ عَمَّا دُكْدَهَكَ، یَرْعُوَرْتَ يَهُودَ مَيْ ثِنْ أَمَانَرْ نَنْ، بَتَجِڟُواْرُواْ بَ، عِتَمَا تَتَڢِے تَيِ نَاتَ كَارُوَنْثِنْ؞

⁹ دَيَكٜىٰ أَغَرٜىٰتَ كَارُوَنْثِ بَوَنِ أَبُ بَنٜىٰ، تَا ڧَظَنْتَرْ دَكَنْتَ دَ ڧَسَرْ دُكَ، تَنَ كَارُوَنْثِ تَوُرِنْيِ وَدُوَڟُو دَ عِتَتُوَ سُجَّدَ؞

¹⁰ دُكْدَهَكَ، یَرْعُوَرْتَ يَهُودَ مَيْ ثِنْ أَمَانَرْ نَنْ، بَتَ كُواْمَ وُرِينَ دَ ذُوثِيَا طَيَبَ، سَيْدَيْ عَثِكِنْ مُنَاڢُنْثِ؞ نِے يَهْوٜىٰهْ نَا ڢَطَا؞»‏

¹¹ سَيْ يَهْوٜىٰهْ يَڢَطَا مِنِ ثٜىٰوَ كُواْدَيَكٜىٰ إِسْرَٰٓءِيلَ مَرَرْ أَمِنْثِ تَجُويَا مَسَ بَايَ، دُكْدَهَكَ تَنُونَ أَدَلْثِے ڢِيٜىٰدَ يَهُودَ مَيْ ثِنْ أَمَانَرْ نَنْ؞

¹² يَثٜىٰ إِنْتَڢِے إِنْيِ شٜىٰلَرْ وَطَنَّنْ كَلْمُواْمِ إِنَ ڢُسْكَنْتَرْ أَرٜىٰوَ، إِنْثٜىٰ، ‏«‏إِنْجِ يَهْوٜىٰهْ، يَا كٜىٰ إِسْرَٰٓءِيلَ مَرَرْ أَمِنْثِ، كِدَاوُاْ غَرٜىٰنِ، بَذَنْ ثِيغَبَدَ دُوبَنْكِ دَ ڢُسْكَرْ ڢُشِيبَ، غَمَا نِے مَيْ ڧَوْنَ مَرَرْ ثَنْجَاوَانٜىٰ، بَذَنْيِ تَڢُشِے دَكٜىٰ حَرْ أَبَدَابَ؞ نِے يَهْوٜىٰهْ نَا ڢَطَا؞

¹³ كٜىٰ دَيْ كِيَرْدَ دَ لَيْڢِنْكِ ثٜىٰوَ كِنْيِ وَ يَهْوٜىٰهْ اللَّهْ نْكِ ذُنُوبِنْ غَنْ‌غَنْثِ، كِنْ وَاڟَرْدَ مُتُنْثِنْكِ غَ وَطَنْسُ أَلُّواْلِ عَڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞ كِكَڧِ يِنْ بِيَيَّ دَ مُرْيَتَ؞ نِے يَهْوٜىٰهْ نَا ڢَطَا؞»‏

¹⁴ إِنْجِ يَهْوٜىٰهْ، ‏«‏كِدَاوُاْ غَرٜىٰنِ، يَا كٜىٰ مَثٜىٰ مَرَرْ أَمِنْثِ!‏ غَمَا نِے مِجِنٜىٰ أَغَرٜىٰكِ؞ دَغَ ثِكِنْ ذُرِيَرْكِ ذَنْ طَوْكِ مُتُمْ طَيَ دَغَ كُواْوَنٜىٰ غَرِ، مُتُمْ بِيُ كُمَ دَغَ كُواْوَنٜىٰ عِيَلِ، إِنْدَاوُاْ دَسُو تُدُنْ سِهِيُواْنَ؞

¹⁵ ‏«‏ذَنْبَاكُ مَكِيَايَ مَاسُ ذُوثِيَا إِرِنْ تَاوَ، وَطَنْدَ ذَاسُبِے دَكُو ثِكِنْ حِكِمَ دَ ڢَهِمْتَ؞»‏

¹⁶ إِنْجِ يَهْوٜىٰهْ ‏«‏سَعَدَّ كُكَ ڧَارُ كُكَ كُمَ يَلْوَتَ عَڧَسَرْ، عَݣُونَكِنْنَنْ بَذَاعَ ڧَارَيِ مَغَنَ غَمٜىٰدَ عَݣُوتِنْ يَرْجٜىٰجٜىٰنِيَرْ يَهْوٜىٰهْ بَ؞ بَذَاعَ ڧَارَ يِنْ تُنَانِنْسَبَ، بَذَاعَ تُنَ دَشِ، كُواْ أَ نٜىٰمٜىٰشِ، كُواْ كُوَ أَ سَاكٜىٰيِنْ وَنِبَ؞

¹⁷ أَ لُواْكَثِنَّنْ ذَاعَ كِرَا عُرُوشَلِيمَ دَ سُونَ كُجٜىٰرَرْ مُلْكٍ يَهْوٜىٰهْ؞ دُكَنْ أَلْعُمَّيْ نَدُونِيَا ذَاسُ تَارُ أَغَبَنْ يَهْوٜىٰهْ عَثِكِنْ عُرُوشَلِيمَ؞ بَذَاسُ سَاكٜىٰ بِنْ مُوغُوَرْ ذُوثِيَارْسُ تَتَوْرِنْ كَيْبَ؞

¹⁸ عَݣُونَكِنْنَنْ، كُو غِدَنْ يَهُودَ دَ نَ إِسْرَٰٓءِيلَ ذَاكُ حَطُ كُكُواْمُواْ تَرٜىٰ دَغَ ڧَسَرْ أَرٜىٰوَ ذُوَاغَ ڧَسَرْدَ نَبَا كَاكَنِّنْكُ غَادُواْ؞

¹⁹ ‏«‏نِے دَكَيْنَ نَيِ تُنَانِ يَدَّ نَكٜىٰسُواْ إِنْ طَوْكٜىٰكُ كُذَمَ یَیَنَ، إِنْكُمَ بَاكُ ڧَسَا مَيْ دَرَجَ، غَادُواْ مَڢِے ݣَوْ عَثِكِنْ دُكَنْ ڧَسَاشٜىٰنْ دُونِيَا؞ نَيِ تُنَانِ يَدَّ ذَاكُثٜىٰ دَنِے ‏‹‏بَابَنْمُ›‏ بَ كُوَ ذَاكُ ڧَارَ جُويَا مِنِ بَايَبَ؞

²⁰ عَمَّا كَمَرْ يَدَّ مَثٜىٰ مَيْ ثِنْ أَمَانَ تَكَنْ بَرْ مِجِنْتَ، حَكَ كُنْثِ أَمَانَتَ، يَا كُو غِدَنْ إِسْرَٰٓءِيلَ؞ نِے يَهْوٜىٰهْ نَا ڢَطَا؞»‏

²¹ أَنْجِ مُرْيَ دَغَ كَنْ تُدَّيْ مَرَرْ ثِيَوَ، مُرْيَرْ كُوكَا دَ ضُواْڧُواْ نَمُتَنٜىٰنْ إِسْرَٰٓءِيلَ، سَبُواْدَ سُنْ جُجُّويٜىٰ هَنْيُواْيِنْسُ، سُنْ مَنْتَادَ يَهْوٜىٰهْ اللَّهْ نْسُ؞

²² ذَنْ ڢَطَا مُسُ ‏«‏كُجُويُواْ وُرِينَ، يَا كُو یَیَ مَرَسَ أَمِنْثِ، ذَنْ وَرْكَرْدَ رَشِنْ أَمِنْثِنْكُ!‏»‏ ذَاسُ أَمْسَ سُثٜىٰ ‏«‏غَا مُو، مُنْ ذُواْ غَرٜىٰكَ، غَمَا كَيْنٜىٰ يَهْوٜىٰهْ اللَّهْ نْمُ؞

²³ حَڧِيڧَ سُجَّدَ تَكَنْ تُدَّيْ رُوطُنٜىٰ، هَيَانِيَرْ دَ عَكٜىٰيِ عَكَنْ دُوَڟُو بَنْظَنٜىٰ؞ حَڧِيڧَ دَغَ يَهْوٜىٰهْ اللَّهْ نْمُ كَطَيْ ثٜىٰتُوانْ إِسْرَٰٓءِيلَ يَكٜىٰ؞

²⁴ عَمَّا تُنْ مُنَ يَارَا، أَبِنْ كُنْيَرْ نَنْ غُنْكِنْ بَعَلْ يَثِنْيٜىٰ مَنَ أَمْڢَانِنْ وَهَلَرْ دَ كَاكَنِّنْمُ سُكَشَا، وَهَلَ عَكَنْ غَرْكُنَنْ تُمَكِنْسُ، دَ نَأَوَكِنْسُ دَ نَشَانُنْسُ، دَ نَیَیَنْسُ مَظَا دَ مَاتَا؞

²⁵ بَرِ مُݣُونْتَ عَڧَسَا ثِكِنْ كُنْيَرْمُ، بَرِ ڧَسْڧَنْثِنْمُ يَرُڢٜىٰمُ؞ غَمَا مُنْيِ وَ يَهْوٜىٰهْ اللَّهْ نْمُ ذُنُوبِ، مُو دَ كَاكَنِّنْمُ؞ تُنْ مُنَ يَارَا حَرْ ذُوَا يَوْ، بَمُيِ بِيَيَّ دَ مُرْيَرْ يَهْوٜىٰهْ اللَّهْ نْمُ بَ؞»‏