إِرْمِيَ 28 - أَتَّوْرَتْ دَ أَنَّبَاوَا

إِرْمِيَ يَظَرْغِ أَنَّبِنْ ڧَضْيَا هَنَنِيَ

¹ أَنَانً أَ شٜىٰكَرَرْ نَنْ، عَثِكِنْ وَتَ نَبِيَرْ أَ شٜىٰكَرَا تَهُطُ تَڢَرْكُوانْ مُلْكٍ سَرْكِے صَدِڧِيَ نَ يَهُودَ، سَيْ أَنَّبِے هَنَنِيَ طَنْ أَظُّرْ مُتُمِنْ غِبٜىٰيُوانْ يَيِ مَغَنَ دَنِے أَ غِدَنْ يَهْوٜىٰهْ؞ يَكُوَ يِمَغَنَرْ أَغَبَنْ ڢِرِسْتُواْثِے دَ دُكَنْ جَمَعَ ثٜىٰوَ

² ‏«‏غَا أَبِنْدَ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ يَثٜىٰ، ‏‹‏غَاشِ، نَا كَرْيَ غُنْ‌غُمٜىٰنْ وُيَ وَنْدَ سَرْكِنْ بَابِيلَ يَطُواْرَ مُكُ؞

³ عَثِكِنْ شٜىٰكَرَا بِيُ، ذَنْ دَاوُاْ دَ دُكَنْ كَايَنْ غِدَنْ يَهْوٜىٰهْ أَوُرِنَّنْ، عِ، دُكَنْ كَايَنْ دَ سَرْكِے نٜىٰبُكَدْنٜىٰزَّرْ نَ بَابِيلَ يَݣُوشٜىٰ دَغَ غِدَنْ يَهْوٜىٰهْ؞

⁴ ذَنْ كُمَ دَاوُاْ دَ سَرْكِے يٜىٰكُواْنِيَ طَنْ سَرْكِے يٜىٰهُواْيَكِمْ نَ يَهُودَ أَوُرِنَّنْ؞ حَكَ مَا ذَنْ دَاوُاْ دَ دُكَنْ وَطَنْدَ عَكَ ݣُوشٜىٰ دَغَ يَهُودَ ذُوَا بَوْتَا عَ بَابِيلَ، غَمَا ذَنْ كَرْيَ غُنْ‌غُمٜىٰنْ وُيَ وَنْدَ سَرْكِنْ بَابِيلَ يَطُواْرَ مُكُ؞ نِے يَهْوٜىٰهْ نَا ڢَطَا؞›‏ »‏

⁵ سَعَنً أَنَّبِے إِرْمِيَ يَيِ مَغَنَ دَ أَنَّبِے هَنَنِيَ أَغَبَنْ ڢِرِسْتُواْثِے دَ دُكَنْ جَمَعَرْ دَسُكٜىٰ ڟَيٜىٰ أَ غِدَنْ يَهْوٜىٰهْ؞

⁶ إِرْمِيَ يَثٜىٰ ‏«‏أَمِينْ، أَمِينْ!‏ يَهْوٜىٰهْ يَسَا يَذَمَ حَكَ!‏ بَرِ يَهْوٜىٰهْ يَسَا أَنَّبْثِنْدَ كَيِ يَثِكَ حَكَ؞ بَرِ يَهْوٜىٰهْ يَدَاوُاْ دَ كَايَيَّكِنْ غِدَنْ يَهْوٜىٰهْ أَوُرِنَّنْ تَرٜىٰدَ دُكَنْ مُتَنٜىٰنْ دَ عَكَ ݣُوشٜىٰ ذُوَا بَوْتَا عَ بَابِيلَ؞

⁷ عَمَّا يَنْذُ، سَيْ كَكَسَ كُنّٜىٰ غَ مَغَنَرْ نَنْ دَ نَكٜىٰ ڢَطَا مَكَ، كَيْ دَ دُكَنْ جَمَعَرْ نَنْ؞

⁸ أَنَّبَاوَنْ دَ سُكَ رِغَامُ، نِے دَكَيْ، أَظَامَانِنْ دَا، سُنْيِ وَڧَسَاشٜىٰ مَاسُيَوَ دَ مَنْيَنْ مُلْكُواْكِ أَنَّبْثِنْ يَاڧِ دَ مَسِيڢَ دَ بَلَعِ؞

⁹ أَنَّبِنْدَ يَيِ أَنَّبْثِنْ سَلَمَ كُوَ، عِدَنْ مَغَنَرْسَ تَثِكَ، ذَاعَ سَنِ ثٜىٰوَ حَڧِيڧَ يَهْوٜىٰهْ نٜىٰ يَعَيْكُواْ شِ؞»‏

¹⁰ دُكْدَهَكَ، أَنَّبِے هَنَنِيَ يَثِرٜىٰ غُنْ‌غُمٜىٰنْ وُيَ دَغَ وُيَنْ أَنَّبِے إِرْمِيَ يَكَرْيَشِ؞

¹¹ سَعَنً هَنَنِيَ يَيِ مَغَنَ أَغَبَنْ دُكَنْ جَمَعَ، يَثٜىٰ ‏«‏إِنْجِ يَهْوٜىٰهْ، حَكَ عَثِكِنْ شٜىٰكَرَا بِيُ ذَنْ كَرْيَ غُنْ‌غُمٜىٰنْ وُيَ نَ سَرْكِے نٜىٰبُكَدْنٜىٰزَّرْ نَ بَابِيلَ دَغَ وُيَنْ دُكَنْ أَلْعُمَّيْ؞»‏ دَغَ نَنْ سَيْ أَنَّبِے إِرْمِيَ يَيِ تَڢِيَرْسَ؞

¹² بَايَنْ طَنْ لُواْكَثِ كَطَنْ دَ أَنَّبِے هَنَنِيَ يَكَرْيَ غُنْ‌غُمٜىٰنْ وُيَنْ دَيَكٜىٰ أَوُيَنْ أَنَّبِے إِرْمِيَ، سَيْ يَهْوٜىٰهْ يَيِ مَغَنَ دَ إِرْمِيَ

¹³ ثٜىٰوَ يَتَڢِے يَڢَطَا وَ هَنَنِيَ مَغَنَرْ نَنْ؞ ‏«‏إِنْجِنِ يَهْوٜىٰهْ، نَغَ كَكَرْيَ غُنْ‌غُمٜىٰنْ وُيَنَّنْ نَ إِتَاثٜىٰ، عَمَّا أَمَيْمَكُوانْسَ ذَنْيِ غُنْ‌غُمٜىٰ نَڧَرْڢٜىٰ؞

¹⁴ غَاشِ، نَسَا غُنْ‌غُمٜىٰنْ ڧَرْڢٜىٰ أَوُيَنْ دُكَنْ وَطَنَّنْ أَلْعُمَّيْ دُواْمِنْ سُبَوْتَاوَ سَرْكِے نٜىٰبُكَدْنٜىٰزَّرْ نَ بَابِيلَ؞ ذَاسُ كُوَ بَوْتَا مَسَ، غَمَا نَا بَادَسُو أَ حَنُّنْسَ، حَرْ مَا دَ نَمُواْمِنْ دَاجِ؞ نِے يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ نَا ڢَطَا؞»‏

¹⁵ سَيْ أَنَّبِے إِرْمِيَ يَثٜىٰ وَ أَنَّبِے هَنَنِيَ ‏«‏جِ، يَا كَيْ هَنَنِيَ، يَهْوٜىٰهْ بَيْ عَيْكٜىٰكَبَ؞ غَاشِ كُوَ كَا سَا مُتَنٜىٰنَّنْ سُدُواْغَرَ غَ ڧَضْيَا؞

¹⁶ إِنْجِ يَهْوٜىٰهْ، ‏‹‏سَبُواْدَ حَكَ، غَاشِ، ذَنْ كَوَرْ دَكَيْ دَغَ ڢُسْكَرْ دُونِيَا؞ لَلَّيْ كُوَ أَوَنَّنْ شٜىٰكَرَا ذَاكَ مُتُ، غَمَا كَايِ مَغَنَرْ تَاوَيٜىٰ عَكَنْ يَهْوٜىٰهْ؞›‏ »‏

¹⁷ أَوَنَّنْ شٜىٰكَرَا أَوَتَنْ بَݣَويْ كُوَ، سَيْ أَنَّبِے هَنَنِيَ يَمُتُ؞