إِرْمِيَ 27 - أَتَّوْرَتْ دَ أَنَّبَاوَاݣُوتَنْثِ نَغُنْغُمٜىٰ نَشَانُنْ نُواْمَ 1 أَ ڢَرْكُوانْ مُلْكٍ سَرْكِے صَدِڧِيَ طَنْ يُواْسِيَا نَ يَهُودَ، يَهْوٜىٰهْ يَڢَطَا وَ إِرْمِيَ وَنَّنْ مَغَنَ؞ 2 يَهْوٜىٰهْ يَا ثٜىٰمِنِ «يِوَكَنْكَ غُنْغُمٜىٰنْ وُيَ نَشَانُنْ نُواْمَ، كَكُمَيِ إِغِيَرْ ڢَتَ، كَطَوْرَ غُنْغُمٜىٰنْ أَوُيَنْكَ؞ 3 سَيْ كَعَيْكَ دَ سَڧُواْ ذُوَا سَرْكِنْ عٜىٰدُوامْ دَ سَرْكِنْ مُواْوَبْ دَ سَرْكِنْ أَمُّوانْ دَ سَرْكِنْ تَيَ دَ كُمَ سَرْكِنْ سِدُوانْ، تَهَنُّنْ وَكِلَنْسُ وَطَنْدَ سُكَذُواْ عُرُوشَلِيمَ دُواْمِنْ سُغَ سَرْكِے صَدِڧِيَ نَ يَهُودَ؞ 4 كَا عُمَرْثٜىٰسُ سُتَڢِے سُڢَطَا وَشُوغَبَنِّنْسُ وَنَّنْ سَڧُواْ دَغَ وُرِنْ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ ثٜىٰوَ 5 ‹نِنٜىٰ تَوُرِنْ هَنُّونَ مَيْ إِيكُواْ دَمَنْيَنْ أَيُّكَنْ بَنْ مَامَاكِ، نَايِ دُونِيَا، دُكْ دَ یَنْ أَدَمْ دَ دَبُّواْبِنْ دَسُكٜىٰ ثِكِنْتَ؞ نَكَنْ كُمَ بَادَ عِتَ غَ دُكْ وَنْدَ نَغَ دَامَ؞ 6 يَنْذُ نَبَادَ دُكَنْ ڧَسَاشٜىٰنَّنْ أَ حَنُّنْ بَاوَنَ سَرْكِے نٜىٰبُكَدْنٜىٰزَّرْ نَ بَابِيلَ، حَرْ مَا نَمُواْمِنْ دَاجِ سُبَوْتَا مَسَ؞ 7 دُكَنْ أَلْعُمَّيْ ذَاسُيِ مَسَ بَوْتَادَشِ دَ طَنْسَ دَ جِيكَنْسَ حَرْ لُواْكَثِنْدَ نَسَا ڧَسَرْسَ تَڢَاطِ؞ سَعَنً أَلْعُمَّيْ دَيَوَ دَ مَنْيَنْ سَرَاكُنَ ذَاسُ مَيْدَشِ بَاوَنْسُ؞ 8 « ‹عَمَّا عِدَنْ وَتَ أَلْعُمَّ كُواْ وَنِ مُلْكِ يَڧِ يَبَوْتَاوَ سَرْكِے نٜىٰبُكَدْنٜىٰزَّرْ نَ بَابِيلَ، كُواْ يَڧِ يَمِيڧَ وُيَنْسَ عَڧَرْڧَشِنْ إِيكُوانْ سَرْكِنْ كَمَرْ يَدَّ سَانِيَرْ نُواْمَ تَكَنْ مِيڧَ وُيَ ڧَرْڧَشِنْ غُنْغُمٜىٰ، ذَنْ حُكُنْتَ أَلْعُمَّرْ نَنْ دَ تَكُواْبِے دَ يُنْوَ دَ بَلَعِ، حَرْ سَيْ نَهَلَّكَ أَلْعُمَّرْ نَنْ تَهَنُّنْ نٜىٰبُكَدْنٜىٰزَّرْ؞ نِے يَهْوٜىٰهْ نَا ڢَطَا؞ 9 سَبُواْدَ حَكَ، كَدَ كُكَسَ كُنّٜىٰ غَ أَنَّبَاوَا دَ مَاسُ دُوبَادَ مَاسُ مَڢَرْكَيْ دَ بُواْكَيٜىٰ دَ مَاسُ سِحِرِ، وَطَنْدَ سُكٜىٰثٜىٰ مُكُ «بَذَاكُ بَوْتَاوَ سَرْكِنْ بَابِيلَ بَ؞» 10 حَڧِيڧَ، سُنَيِ مُكُ أَنَّبْثِنْ ڧَضْيَا نٜىٰ، وَنْدَ ذَيْسَا عَكَيْكُ ذُوَا وَتَ ڧَسَا نٜىٰسَ دَ ڧَسَرْكُ؞ ذَنْ كُواْرٜىٰكُ كُڢِتَ دَغَ ڧَسَرْكُ، ذَاكُ كُوَ مُتُ أَوَتَ ڧَسَا؞ 11 عَمَّا دُكْ أَلْعُمَّرْ دَ تَمِيڧَ وُيَنْتَ عَڧَرْڧَشِنْ غُنْغُمٜىٰنْ إِيكُوانْ سَرْكِنْ بَابِيلَ، ذَنْبَرْتَ عَڧَسَرْتَ دُواْمِنْ تَنُواْمٜىٰتَ، تَكُمَ ذَوْنَ عَثِكِ؞› » 12 نَڢَطَا وَ سَرْكِے صَدِڧِيَ نَ يَهُودَ وَنَّنْ مَغَنَ ثٜىٰوَ «كَمِيڧَ وُيَنْكَ عَڧَرْڧَشِنْ غُنْغُمٜىٰنْ إِيكُوانْ سَرْكِنْ بَابِيلَ، كَبَوْتَا مَسَ دَ مُتَنٜىٰنْسَ، ذَاكَ كُوَ رَايُ؞ 13 دُوانْمٜىٰ كَيْ دَ مُتَنٜىٰنْكَ ذَاكُ مُتُ تَوُرِنْ تَكُواْبِے دَ يُنْوَ دَ بَلَعِ، كَمَرْ يَدَّ يَهْوٜىٰهْ يَڢَطَا ذَيْ ڢَرُ دَ كُواْوَثٜىٰ أَلْعُمَّرْ دَ تَڧِے تَبَوْتَاوَ سَرْكِنْ بَابِيلَ؟ 14 كَدَ كُجِ مَغَنَرْ أَنَّبَاوَنْ دَسُكٜىٰ ڢَطَا مُكُ ثٜىٰوَ ‹بَذَاكُ بَوْتَاوَ سَرْكِنْ بَابِيلَ بَ،› غَمَا أَنَّبْثِنْ ڧَضْيَا نٜىٰ سُكٜىٰيِ مُكُ؞ 15 إِنْجِنِ يَهْوٜىٰهْ، سُنَ أَنَّبْثِنْ ڧَضْيَا دَ سُونَنَ كُواْدَيَكٜىٰ بَنْعَيْكٜىٰسُبَ؞ وَنَّنْ ذَيْسَا إِنْ كُواْرٜىٰكُ دَغَ ڧَسَرْكُ، ذَاكُ كُوَ هَلَّكَ، كُو دَ أَنَّبَاوَا مَاسُ يِمُكُ أَنَّبْثِنْ ڧَضْيَا؞» 16 دَنَ غَمَيِنْ مَغَنَ دَ سَرْكِے، سَيْ نِے إِرْمِيَ نَتَڢِے نَيِ مَغَنَ دَ ڢِرِسْتُواْثِے دَ دُكَنْ جَمَعَ ثٜىٰوَ «إِنْجِنِ يَهْوٜىٰهْ، كَدَ كُسَوْرَرِ أَنَّبَاوَنَّنْ وَطَنْدَ سُكٜىٰثٜىٰوَ ‹بَ دَ جِمَاوَا بَ، ذَاعَ دَاوُاْ دَ دُكَنْ كَايَنْ دَ عَكَ ݣُوشٜىٰ دَغَ غِدَنْ يَهْوٜىٰهْ ذُوَا بَابِيلَ؞› أَنَّبْثِنْ ڧَضْيَانٜىٰ سُكٜىٰيِ مُكُ؞ 17 كَدَ كُسَوْرَرِ أَنَّبَاوَنَّنْ؞ كُبَوْتَا وَسَرْكِنْ بَابِيلَ، ذَاكُ كُوَ رَايُ؞ دُوانْمٜىٰ ذَاكُسَا أَ رُشٜىٰ بِرْنِنَّنْ أَ مَيْدَشِ كُڢَيْ؟ 18 عِدَنْ دَ غَسْكٜىٰنٜىٰ سُو أَنَّبَاوَا مَاسُ سَڧُوانْ يَهْوٜىٰهْ نٜىٰ، تُواْ، بَرِ سُضُواْڧِ يَهْوٜىٰهْ مَيْ ضُنْدُنَا عَكَنْ كَايَنْدَ سُكَ ضَغٜىٰ عَثِكِنْ غِدَنْ يَهْوٜىٰهْ دَ ثِكِنْ غِدَنْ سَرْكِنْ يَهُودَ دَ كُمَ ثِكِنْ بِرْنِنْ عُرُوشَلِيمَ، دُواْمِنْ كَدَ عَتَڢِے دَسُو بَابِيلَ؞ 19 «إِنْجِنِ يَهْوٜىٰهْ، كُتُنَ يَدَّ سَرْكِے نٜىٰبُكَدْنٜىٰزَّرْ نَ بَابِيلَ يَبَرْ غِنْشِڧَنْ هَيْكَلِ دَ ڧَتُوانْ ݣُونُواْ مَيْ سُونَ تٜىٰكُ دَ أَمَلَنْكٜىٰنْ دَ وَطَنْسُ كَايَيَّكِ أَوَنَّنْ وُرِے؞ 20 سَرْكِے نٜىٰبُكَدْنٜىٰزَّرْ بَيْ ݣُوشٜىٰسُبَ، سَعَدَّ يَتَڢِے دَ سَرْكِے يٜىٰكُواْنِيَ طَنْ يٜىٰهُواْيَكِمْ نَ يَهُودَ دَ دُكَنْ مَنْيَنْ مُتَنٜىٰ نَ يَهُودَ دَغَ عُرُوشَلِيمَ ذُوَا بَابِيلَ؞ 21 إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ غَمٜىٰدَ كَايَيَّكِنْ دَ عَكَ ضَغٜىٰ ثِكِنْ غِدَنْ يَهْوٜىٰهْ دَ ثِكِنْ غِدَنْ سَرْكِنْ يَهُودَ دَ عَثِكِنْ عُرُوشَلِيمَ، 22 ‹ذَاعَݣُوشٜىٰسُ ذُوَا بَابِيلَ؞ عَثَنْ ذَاسُ ذَوْنَ، حَرْ سَيْ رَانَرْ دَنِے كَيْنَ نَغَ يَدَاثٜىٰ إِنْ دَاوُاْ دَسُو، إِنْ مَيْدَ كَايَ أَوَنَّنْ وُرِے؞› » |
Hausa Common Language Ajami Bible © The Bible Society of Nigeria, 2020
Bible Society of Nigeria