إِرْمِيَ 25 - أَتَّوْرَتْ دَ أَنَّبَاوَاشٜىٰكَرُ سَبَعِنْ نَبَوْتَا 1 غَا مَغَنَرْ دَ يَهْوٜىٰهْ يَيِ وَ إِرْمِيَ غَمٜىٰدَ دُكَنْ مُتَنٜىٰنْ يَهُودَ، أَ شٜىٰكَرَا تَهُطُ تَمُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ؞ وَنَّنْ شٜىٰكَرَا كُوَ عِتَثٜىٰ شٜىٰكَرَا تَڢَرْكُواْ تَمُلْكٍ سَرْكِے نٜىٰبُكَدْنٜىٰزَّرْ نَ بَابِيلَ؞ 2 غَا مَغَنَرْ دَ إِرْمِيَ يَڢَطَا وَدُكَنْ مُتَنٜىٰنْ يَهُودَ دَ دُكَنْ مَذَوْنَنْ عُرُوشَلِيمَ؞ 3 «تُنْدَغَ شٜىٰكَرَا تَغُواْمَشَا عُكُ تَمُلْكٍ سَرْكِے يُواْسِيَا طَنْ أَمُوانْ نَ يَهُودَ، يَهْوٜىٰهْ يَا يِتَيِنْ مَغَنَ دَنِے عَكَيْ عَكَيْ، وَتُواْ شٜىٰكَرَا عَشِرِنْ دَ عُكُ كٜىٰنَنْ؞ نِے ڢَا إِنَ تَڢَطَا مُكُ كُلُّمْ، عَمَّا بَ كُجِبَ؞ 4 «يَهْوٜىٰهْ كُوَ يَايِ تَعَيْكَ مُكُ دَ دُكَنْ بَايِنْسَ أَنَّبَاوَا، عَمَّا بَكُ سَوْرَرٜىٰسُ بَ، بَكُ كَسَ كُنّٜىٰ دُواْمِنْ كُجِبَ؞ 5 سُنْيِ تَثٜىٰمُكُ، « ‹سَيْ كُواْوَنٜىٰ طَيَنْكُ يَجُويُواْ يَبَرْ مُوغُوَرْ حَنْيَرْسَ دَ مُوغَيٜىٰنْ أَيُّكَنْسَ، دُواْمِنْ يَذَوْنَ عَڧَسَرْدَ يَهْوٜىٰهْ يَبَاكُ، كُو دَ كَاكَنِّنْكُ حَرْ أَبَدَا؞ 6 كَدَ كُبِے وَطَنْسُ أَلُّواْلِ دُواْمِنْ كُبَوْتَا مُسُ كُواْ كُيِ مُسُ سُجَّدَ؞ كَدَ كُسَا إِنْيِ ڢُشِے سَبُواْدَ كُكَيِ سُجَّدَ غَ عَيْكِنْ حَنُّوَنْكُ؞ عِدَنْ كُكَبِے مَغَنَاتَ، بَذَنْ حُكُنْتَ كُبَ؞› 7 عَمَّا دُكْدَهَكَ، بَ كُجِنِبَ؞ كُنْ سَا نَيِ ڢُشِے سَبُواْدَ كُكَيِ سُجَّدَ غَ عَيْكِنْ حَنُّوَنْكُ؞ وَنَّنْ كُوَ يَجَٰوُاْ وَكَنْكُ مَسِيڢَ؞ نِے يَهْوٜىٰهْ نَا ڢَطَا؞ 8 «نِے يَهْوٜىٰهْ مَيْ ضُنْدُنَا نَثٜىٰ، تُنْدَيَكٜىٰ بَكُيِ بِيَيَّ دَ مَغَنَاتَبَ، 9 غَاشِ، ذَنْ كِرَا دُكَنْ ڧَبِيلُنْ أَرٜىٰوَ، حَرْ دَ بَاوَنَ سَرْكِے نٜىٰبُكَدْنٜىٰزَّرْ نَ بَابِيلَ؞ ذَنْ كَٰوُاْسُ سُيِ يَاڧِ دَ ڧَسَرْ نَنْ دَ مَذَوْنَنْتَ دَ دُكَنْ أَلْعُمَّنْ دَسُكٜىٰ كٜىٰوَيٜىٰ دَ عِتَ؞ ذَنْ كٜىٰٻٜىٰ ڧَسَرْدَ مَذَوْنَنْتَ دَ دُكَنْ أَلْعُمَّنْ دَسُكٜىٰ كٜىٰوَيٜىٰ دَ عِتَ دُواْمِنْ هَلَّكَرْوَ، إِنْسَا سُذَمَ كُڢَيْ دَ أَبِنْ ڟُواْرُواْ دَ أَبِنْ جَنْ ڟَكِ دَ أَبِنْ ڧَسْڧَنْثِ حَرْ أَبَدَا؞ 10 ذَنْ كَوَرْدَ مُرْيَرْ مُرْنَ دَ تَڢَضٍ ثِكِ دَ كُمَ مُرْيَرْ أَنْغُواْ دَ تَأَمَرْيَ دَغَ ثِكِنْسُ؞ ذَنْسَا بَذَاعَجِ مُواْڟِنْ دُوڟٜىٰنْ نِڧَ بَ، بَذَاعَ كُمَ غَا حَصْكٜىٰنْ ڢِتِلَ عَثِكِيبَ؞ 11 دُكَنْ ڧَسَرْ نَنْ ذَاتَ ذَمَ كُڢَيْ مَرَرْ أَمْڢَانِ؞ سَعَنً وَطَنَّنْ أَلْعُمَّيْ ذَاسُ بَوْتَاوَ سَرْكِنْ بَابِيلَ حَرْ ڟَوُانْ شٜىٰكَرَا سَبَعِنْ؞ 12 بَايَنْدَ شٜىٰكَرُ سَبَعِنْ سُكَ ثِكَ، ذَنْ حُكُنْتَ سَرْكِنْ بَابِيلَ تَرٜىٰدَ دُكَنْ أَلْعُمَّرْ نَنْ، وَتُواْ دُكَنْ ڧَسَرْ كَلْدِيَاوَا، سَبُواْدَ لَيْڢُواْڢِنْسُ؞ ذَنْسَا ڧَسَرْ تَذَمَ كُڢَيْ حَرْ أَبَدَا؞ نِے يَهْوٜىٰهْ نَا ڢَطَا؞ 13 ذَنْ كُمَ كَٰوُاْوَ وَنَّنْ ڧَسَا دُكَنْ أَبِنْدَ عَكَ رُبُوتَ أَوَنَّنْ لِتَّڢِ، وَتُواْ دُكَنْ أَبِنْدَ إِرْمِيَ يَيِ أَنَّبْثِنْسَ غَابَادَ دُكَنْ أَلْعُمَّنَّنْ؞ 14 أَلْعُمَّيْ دَيَوَ دَ مَنْيَنْ سَرَاكُنَ ذَاسُسَا مُتَنٜىٰنْ ڧَسَرْ بَابِيلَ سُبَوْتَا مُسُ؞ ذَنْ سَاكَ مُسُ بِسَغَ أَبُبُوَنْ دَ سُكَ عَيْكَتَ دَ كُمَ أَيُّكَنْ حَنُّنْسُ؞» ݣُوتَنْثِ نَݣُوڢْ نَڢُشِنْ يَهْوٜىٰهْ 15 غَا مَغَنَرْ دَ يَهْوٜىٰهْ اللَّهْ نَ إِسْرَٰٓءِيلَ يَڢَطَا مِنِ «إِرْمِيَ، ڢُشِنَ يَنَ كَمَرْ ضُوً إِنَبِے عَثِكِنْ ݣُوڢْ؞ كَكَرْٻٜىٰشِ دَغَ هَنُّونَ، كَسَا دُكَنْ أَلْعُمَّنْ دَ ذَنْ عَيْكٜىٰكَ وُرِنْسُ، سُشَا ݣُوڢْ نَڢُشِنَ؞ 16 بَرِ سُشَا ڢُشِنَ، سُيِ تَنْغَطِ، سُيِ هَوْكَ سَبُواْدَ تَكُواْبِنْ يَاڧِنْ دَ ذَنْ عَيْكَ عَثِكِنْسُ؞» 17 سَيْ نَكَرْٻِ ݣُوڢْ طِنْ دَغَ حَنُّنْ يَهْوٜىٰهْ؞ نَسَا دُكَنْ أَلْعُمَّنَّنْ دَ يَهْوٜىٰهْ يَعَيْكٜىٰنِ وُرِنْسُ سُشَا دَغَ ثِكِنْسَ؞ 18 نَبَا عُرُوشَلِيمَ دَ غَرُضُوً يَهُودَ، سَرَاكُنَنْسُ دَ دَتَّاوَنْسُ، دُواْمِنْ إِنْ مَيْشٜىٰسُ كُڢَيْ مَرَرْ أَمْڢَانِ، أَبِنْ جَنْ ڟَكِ دَ أَبِنْ لَعَنَ كَمَرْ يَدَّ يَكٜىٰ عَيَوْ؞ 19 نَكُمَبَا سَرْكِے ڢِرْعَوْنَ نَ مَصَرْ دَ مَاسُ يِمَسَ حِدِمَ دَ دَتَّاوَنْسَ دَ دُكَنْ مُتَنٜىٰنْسَ؞ 20 نَبَا دُكَنْ ڧَبِيلُنْ دَسُكٜىٰ ذَمَ عَثَنْ دَ دُكَنْ سَرَاكُنَنْ ڧَسَرْ عُظْ دَ دُكَنْ سَرَاكُنَنْ ڧَسَرْ ڢِلِسْتِيَ، وَتُواْ نَ أَشْكٜىٰلُوانْ دَ نَ غَاظَ دَ نَ عٜىٰكْرُوانْ دَ ضَغُواْوَرْ مُتَنٜىٰ أَعَشْدُوادْ؞ 21 نَبَا عٜىٰدُوامْ دَ مُواْوَبْ دَ أَمُّوانْ، 22 دَ دُكَنْ سَرَاكُنَنْ تَيَ دَ دُكَنْ سَرَاكُنَنْ سِدُوانْ دَ سَرَاكُنَنْ يَنْكُنَنْ بَاكِنْ تٜىٰكُنْ مٜىٰدِتٜىٰرٜىٰنِيَ؞ 23 نَبَا ڧَسَرْ دٜىٰدَنْ دَ تَ تٜىٰمَ دَ تَ بُظْ دَ دُكَنْ وَطَنْدَ سُكٜىٰ أَسْكٜىٰنْ غَاشِنْ غٜىٰڢٜىٰنْ ڢُسْكَرْسُ؞ 24 نَبَا دُكَنْ سَرَاكُنَنْ أَرَبِيَ دَ سَرَاكُنَنْ ڧَبِيلُنْ دَسُكٜىٰ ذَمَ أَ هَمَادَ؞ 25 نَبَا سَرَاكُنَنْ ظِمْرِ دَ دُكَنْ سَرَاكُنَنْ عٜىٰلَمْ دَ دُكَنْ سَرَاكُنَنْ مٜىٰدِيَ؞ 26 نَكُمَبَا دُكَنْ سَرَاكُنَنْ أَرٜىٰوَ، نَنٜىٰسَ دَ نَكُسَ، بِيدَبِے، حَرْ مَا دَ دُكَنْ مُلْكُواْكِنْ دَسُكٜىٰ أَ ڢُسْكَرْ دُونِيَا؞ بَايَنْدَ دُكَنْسُ سُكَشَا، سَرْكِنْ بَابِيلَ شِے مَا ذَيْشَا؞ 27 «إِرْمِيَ، سَيْ كَكُمَثٜىٰ مُسُ، ‹إِنْجِنِ يَهْوٜىٰهْ مَيْ ضُنْدُنَا، اللَّهْ نَ إِسْرَٰٓءِيلَ؞ كُشَا، كُبُغُ، كُيِ أَمَيْ، كُڢَاطِ حَرْ بَذَاكُ سَاكٜىٰ تَاشِبَ، سَبُواْدَ تَكُواْبِنْ يَاڧِنْ دَ ذَنْ كَٰوُاْ مُكُ؞› 28 عِدَنْ سُكَڧِ سُكَرْٻِ ݣُوڢْ دَيَكٜىٰ أَ حَنُّنْكَ سُشَا، سَيْ كَثٜىٰمُسُ يَهْوٜىٰهْ مَيْ ضُنْدُنَا يَثٜىٰ، ‹لَلَّيْ ذَاكُشَا دَغَ وَنَّنْ ݣُوڢْ! 29 غَاشِ، عَبِرْنِنَّنْ دَ عَكٜىٰكِرَا دَ سُونَنَ، أَنَنْ نٜىٰ ذَنْ ڢَارَ كَٰوُاْ مَسِيڢَ؞ تُواْ، أَغَنِنْكُ، بَذَاعَ حُكُنْتَ كُبَ؟ أَيْ، بَذَاكُ كُٻُتَ دَغَ حُكُنْثِنْ بَ! غَمَا ذَنْ كِرَا عَكَٰوُاْ تَكُواْبِنْ يَاڧِ عَكَنْ دُكَنْ مَذَوْنَنْ دُونِيَا؞ نِے يَهْوٜىٰهْ مَيْ ضُنْدُنَا نَا ڢَطَا؞› 30 «كَيْ، إِرْمِيَ، سَيْكَيِ أَنَّبْثِنْ دُكَنْ وَطَنَّنْ كَلْمُواْمِ غَابَادَسُو؞ كَڢَطَا مُسُ، « ‹يَهْوٜىٰهْ ذَيْ يِ رُورِ دَغَ ثَنْ سَمَ، مُرْيَرْسَ ذَاتَ ڢِتُواْ دَغَ وُرِنْ ذَمَنْسَ مَيْ ڟَرْكِے؞ ذَيْ يِ رُورِنْ ڢُشِنْسَ عَكَنْ غَرْكٜىٰنْسَ، ذَيْ يِ إِيهُ كَمَرْ مَاسُ تَتَّاكَ یَیَنْ إِنَبِے دُواْمِنْ سُسَامِ ضُوَنْسُ؞ ذَيْ يِ إِيهُ عَكَنْ دُكَنْ مَذَوْنَنْ دُونِيَا، 31 ڧَارَرْ مُرْيَرْسَ ذَاتَ كَيْ حَرْ إِيَاكَرْ دُونِيَا؞ غَمَا يَهْوٜىٰهْ ذَيْ كَٰوُاْ ڧَارَ عَكَنْ أَلْعُمَّيْ، یَنْ أَدَمْ دُكَ ذَيْ يِمُسُ شَرِيعَ، دُكَنْ مُوغَيٜىٰ كُمَ ذَيْ كَشٜىٰ دَ تَكُواْبِے؞ نِے يَهْوٜىٰهْ نَا ڢَطَا؞› » 32 إِنْجِ يَهْوٜىٰهْ مَيْ ضُنْدُنَا، «غَاشِ، مَسِيڢَ تَنَ بَظُوَ دَغَ أَلْعُمَّ ذُوَا أَلْعُمَّ؞ هَدَرِ مَيْ إِسْكَ كُمَ يَنَ تَاسُواْوَ دَغَ إِيَاكَرْ دُونِيَا! 33 «أَ رَانَرْ نَنْ، يَوَنْ وَطَنْدَ يَهْوٜىٰهْ يَكَشٜىٰ، ذَيْ كَيْ دَغَ وَنَّنْ إِيَاكَرْ دُونِيَا ذُوَا وَنْثَنْ؞ بَذَاعَيِ مَكُواْكِ دُواْمِنْسُبَ؞ بَذَاعَ كُمَ تَتَّارَ غَوَوَّكِنْسُ أَبِنّٜىٰبَ؞ ذَاعَبَرْسُ عَڧَسَا كَمَرْ كَاشِنْ دَبَّ؞ 34 «كُيِ كُوكَا دَ إِيهُ، يَا كُو مَكِيَايَ، كُيِ بِرْغِمَ عَتُواْكَ، يَا كُو شُوغَبَنِّنْ غَرْكٜىٰنَ؞ غَمَا لُواْكَثِنْ دَ ذَاعَ يَنْكَاكُ يَيِ؞ ذَاكُ ڢَاطِ كُڢَرْڢَشٜىٰ كَمَرْ ݣُونُوانْ ڢَاطِكَمُتُ؞ 35 بَابُ حَنْيَرْ غُدُ دُواْمِنْ مَكِيَايَ، بَابُ حَنْيَرْ ڟِيرَا دُواْمِنْ شُوغَبَنِّنْ غَرْكٜىٰنْ؞ 36 جِذَاڢِنْ كُوكَنْ مَكِيَايَ، دَ إِيهٌ شُوغَبَنِّنْ غَرْكٜىٰنْ! غَمَا يَهْوٜىٰهْ يَنَ هَلَّكَ وُرِنْ كِيوُانْسُ؞ 37 غَرْكُنَنْ دَسُكٜىٰ ذَمَنْ لَاڢِيَ، أَنْهَلَكَاسُ سَبُواْدَ ذَاڢِنْ ڢُشِنْ يَهْوٜىٰهْ؞ 38 كَمَرْ يَدَّ ذَاكِ يَبَرْ وُرِنْ ذَمَنْسَ، يَهْوٜىٰهْ مَا يَبَرْ وُرِنْ ذَمَنْسَ عَثِكِنْ جَمَعَرْسَ؞ ڧَسَرْسُ كُوَ تَذَمَ كُڢَيْ، سَبُواْدَ ذَاڢِنْ تَكُواْبِے مَيْ ڟَنَنِ، سَبُواْدَ ذَاڢِنْ ڢُشِنْسَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria