إِرْمِيَ 24 - أَتَّوْرَتْ دَ أَنَّبَاوَا

ݣُوتَنْثِ نَݣُونْدُواْ بِيُ نَٻَوْرٜىٰ

¹ سَرْكِے نٜىٰبُكَدْنٜىٰزَّرْ نَ بَابِيلَ يَكَامَ سَرْكِے يٜىٰكُواْنِيَ طَنْ يٜىٰهُواْيَكِمْ نَ يَهُودَ، تَرٜىٰدَ دَتَّاوَنْسَ دَ دُكَنْ مَاسُ سَنَعَرْ حَنُّ دَ مَاسُ عَيْكِنْ ڧَرْڢٜىٰ نَ يَهُودَ؞ يَݣُوشٜىٰسُ دُكَ دَغَ عُرُوشَلِيمَ يَكَيْسُ بَوْتَا عَ بَابِيلَ؞ بَايَنْ وَنَّنْ يَهْوٜىٰهْ يَا نُونَ مِنِ رُعُيَ نَݣُونْدُواْ بِيُ نَٻَوْرٜىٰ وَطَنْدَ عَكَ أَجِيٜىٰ أَغَبَنْ يَهْوٜىٰهْ أَ هَيْكَلِ؞

² عَثِكِنْ ݣُونْدُواْ طَيَ أَݣَويْ ٻَوْرٜىٰ مَاسُ ݣَوْ، كَمَرْ نَنُونً ڢَارِ؞ عَثِكِنْ طَيَنْ كُوَ مَرَسَ ݣَوْنٜىٰ، وَطَنْدَ بَعَ عِيَ ثِنْسُ سَبُواْدَ رَشِنْ ݣَنْسُ؞

³ سَيْ يَهْوٜىٰهْ يَثٜىٰ مِنِ ‏«‏مٜىٰ كَغَنِ إِرْمِيَ؟»‏ نَا أَمْسَ نَثٜىٰ ‏«‏نَا غَ یَیَنْ ٻَوْرٜىٰ؞ مَاسُ ݣَوْ سُنَدَ ݣَوْ سُواْسَيْ، عَمَّا مَرَسَ ݣَوْ طِنْ سُنْ ضُٻَ يَدَّ بَعَ عِيَ ثِنْسُ سَبُواْدَ رَشِنْ ݣَنْسُ؞»‏

⁴ غَا أَبِنْدَ يَهْوٜىٰهْ يَثٜىٰ مِنِ،

⁵ ‏«‏إِنْجِنِ يَهْوٜىٰهْ اللَّهْ نَ إِسْرَٰٓءِيلَ، كَمَرْ يَدَّ وَطَنَّنْ ٻَوْرٜىٰ مَاسُ ݣَوْ سُكٜىٰ، حَكَ ذَنْ كٜىٰٻٜىٰ مُتَنٜىٰنْ يَهُودَ وَطَنْدَ نَكُواْرٜىٰسُ دَغَ وَنَّنْ وُرِے نَكَيْسُ بَوْتَا عَڧَسَرْ كَلْدِيَاوَا دُواْمِنْ أَبُ مَيْݣَوْ؞

⁶ ذَنْ دُوبٜىٰسُ دَ ڢُسْكَرْ أَلْحٜىٰرِ، إِنْ سَاكٜىٰ كُواْمَرْ دَسُو عَڧَسَرْ يَهُودَ؞ ذَنْ غِنَسُ، بَذَنْ رُشٜىٰسُبَ؞ ذَنْ دَسَسُ، بَذَنْ تُمْٻُكٜىٰسُبَ؞

⁷ ذَنْبَاسُ ذُوثِيَارْدَ ذَاتَ سَنْ نِے، سُسَنِ نِنٜىٰ يَهْوٜىٰهْ؞ ذَاسُ كُوَ ذَمَ جَمَعَتَ، نِے كُوَ ذَنْ ذَمَ اللَّهْ نْسُ، غَمَا ذَاسُ كُواْمُواْ وُرِينَ دَ ذُوثِيَا طَيَ؞

⁸ ‏«‏عَمَّا كَمَرْ يَدَّ ٻَوْرٜىٰ مَرَسَ ݣَوْ سُنْ ضُٻَ يَدَّ بَعَ عِيَ ثِنْسُ سَبُواْدَ رَشِنْ ݣَنْسُ، حَكَ ذَنْ مَيْدَ سَرْكِے صَدِڧِيَ نَ يَهُودَ دَ دَتَّاوَنْسَ دَ ضَغُواْوَرْ مُتَنٜىٰنْ عُرُوشَلِيمَ وَطَنْدَ سُكَ ضَغٜىٰ عَڧَسَرْ نَنْ دَ كُمَ وَطَنْدَ سُكَ تَڢِے ڧَسَرْ مَصَرْ؞ نِے يَهْوٜىٰهْ نَا ڢَطَا؞

⁹ ذَنْ مَيْدَسُو أَبِنْ ڟُواْرُواْ دَ أَبِنْ ڨَمَ غَ دُكَنْ مُلْكُواْكِنْ دُونِيَا؞ ذَاسُ ذَمَ أَبِنْ ڧَسْڧَنْثِ دَ أَبِنْ مِصَالِ دَ أَبِنْ غُواْرِ دَ لَعَنَ أَدُكَنْ وُرَارٜىٰنْ دَ ذَنْ وَرْوَڟَاسُ؞

¹⁰ ذَنْ عَيْكَ مُسُ دَ تَكُواْبِے دَ يُنْوَ دَ بَلَعِ حَرْ سَيْ أَنْهَلَكَاسُ كَكَڢْ دَغَ ثِكِنْ ڧَسَرْدَ نَبَاسُ، سُو دَ كَاكَنِّنْسُ؞»‏