إِرْمِيَ 22 - أَتَّوْرَتْ دَ أَنَّبَاوَا

¹ إِنْجِ يَهْوٜىٰهْ ‏«‏إِرْمِيَ، تَڢِے كَغَنْ‌غَرَ ذُوَا غِدَنْ سَرْكِنْ يَهُودَ، كَڢَطِ وَنَّنْ مَغَنَ عَثَنْ

² كَثٜىٰ، ‏‹‏جِ مَغَنَرْ يَهْوٜىٰهْ، يَا سَرْكِنْ يَهُودَ، كَيْ دَ كَكٜىٰ ظَوْنٜىٰ عَكُجٜىٰرَرْ مُلْكٍ ذُرِيَرْ دَاوُدَ، كَيْ دَ دَتَّاوَنْكَ دَ مُتَنٜىٰنْكَ وَطَنْدَ سُكٜىٰ شِغَ تَڧُواْڢُواْڢِنَّنْ؞›‏

³ إِنْجِ يَهْوٜىٰهْ، ‏‹‏يِ غَسْكِيَ دَ أَدَلْثِے، كُكُٻُتَرْ دَ وَنْدَ عَكَيِ مَسَ ڨُوثٜىٰ دَغَ كُمَ حَنُّنْ مَاسُ يِمَسَ دَنِّيَ؞ كَدَ كُوُلَڧَنْتَ بَڧُواْ، كُواْ كُثُوثٜىٰشِ، كُواْ مَرَايُ، كُواْ مَاتَرْ دَ مِجِنْتَ يَمُتُ؞ كَدَ كُمَ كُظُبْدَ جِنِنْ مَرَسَ لَيْڢِے أَوَنَّنْ وُرِے؞

⁴ حَڧِيڧَ عِدَنْ كُنْيِ بِيَيَّ دَ مَغَنَرْ نَنْ، تُواْ، سَرَاكُنَنْ دَسُكٜىٰ ظَوْنٜىٰ عَكُجٜىٰرَرْ مُلْكِ نَظُرِيَرْ دَاوُدَ ذَاسُ شِغَ تَڧُواْڢُواْڢِنْ غِدَنْ سَرْكِنَّنْ، عَكَنْ كٜىٰكُنَنْ دُواْكِ دَ دَوَكِ، كُواْوَنّٜىٰنْسُ دَ دَتَّاوَنْسَ دَ مُتَنٜىٰنْسَ؞

⁵ عَمَّا عِدَنْ بَكُيِ بِيَيَّ دَ وَنَّنْ مَغَنَبَ، نَارَنْڟٜىٰ دَ رَيْنَ، وَنَّنْ غِدَنْ سَرْكِے ذَيْذَمَ كُڢَيْ؞ نِے يَهْوٜىٰهْ نَا ڢَطَا؞›‏ »‏

⁶ غَا أَبِنْدَ يَهْوٜىٰهْ يَڢَطَا غَمٜىٰدَ غِدَنْ سَرْكِنْ يَهُودَ، ‏«‏ݣَنْسَ كَمَرْ نَ غِلٜىٰيَدْ يَكٜىٰ أَغَرٜىٰنِ، كَمَرْ كُمَ نَبَبَّنْ تُدَّنْ لٜىٰبَنُوانْ نٜىٰ؞ عَمَّا حَڧِيڧَ ذَنْ مَيْشٜىٰشِ كَمَرْ هَمَادَ، بِرْنِنْ دَ بَا كُواْوَ عَثِكِ؞

⁷ ذَنْ شِرْيَ وَطَنْدَ ذَاسُ هَلَكَاشِ، كُواْوَنّٜىٰنْسُ دَ كَايَنْ يَاڧِنْسَ؞ ذَاسُ سَسَّارٜىٰ غِنْشِڧَنْسَ نَ إِتَاثٜىٰنْ سٜىٰدَ، أَ جٜىٰڢَسُ أَوُتَا؞

⁸ ‏«‏مُتَنٜىٰنْ أَلْعُمَّيْ مَاسُيَوَ ذَاسُ وُثٜىٰ تَغٜىٰڢٜىٰنْ وَنَّنْ بِرْنِ، كُواْوَنٜىٰ مُتُمْ ذَيْثٜىٰ وَمَڨُوبْثِنْسَ، ‏‹‏مٜىٰيَسَا يَهْوٜىٰهْ يَيِ حَكَ دَ وَنَّنْ بَبَّنْ بِرْنِ؟›‏

⁹ ذَاسُ أَمْسَ سُثٜىٰ، ‏‹‏دَلِيلِنْ شِينٜىٰ سُنْ كَرْيَ يَرْجٜىٰجٜىٰنِيَرْ يَهْوٜىٰهْ اللَّهْ نْسُ، سُكَيِ وَ وَطَنْسُ أَلُّواْلِ سُجَّدَ، سُكَ بَوْتَا مُسُ؞›‏ »‏

¹⁰ كُو جَمَعَرْ يَهُودَ، كَدَ كُيِ كُوكَا سَبُواْدَ سَرْكِے يُواْسِيَا، كَدَ كُيِ مَكُواْكِنْ مُتُوَرْسَ؞ عَمَّا كُيِ كُوكَا ڨُورَيْ سَبُواْدَ طَنْسَ، سَبُواْدَ شَلُّمْ وَنْدَ ذَاعَ كَيْ شِ بَوْتَا، غَمَا بَذَيْسَاكٜىٰ دَاوُاْوَبَ، بَذَيْ ڧَارَ غَنِنْ ڧَسَرْدَ عَكَ حَيْڢٜىٰشِبَ؞

¹¹ غَا أَبِنْدَ يَهْوٜىٰهْ يَڢَطَا غَمٜىٰدَ شَلُّمْ طَنْ يُواْسِيَا، سَرْكِنْ يَهُودَ، وَنْدَ يَغَاجِ كُجٜىٰرَرْ مُلْكٍ بَابَنْسَ يُواْسِيَا، شَلُّمْ نٜىٰ وَنْدَ عَكَتَڢِے دَشِ دَغَ وُرِنَّنْ؞ ‏«‏بَذَيْ ڧَارَ كُواْمُواْوَ نَنْبَ؞

¹² عَمَّا أَوُرِنْ دَ سُكَ كَيْشِ بَوْتَا، عَثَنْ ذَيْمُتُ، بَذَيْ ڧَارَ غَنِنْ وَنَّنْ ڧَسَرْبَ؞»‏

¹³ ‏«‏كَيْتُوانْ وَنْدَ يَغِنَ غِدَنْسَ تَهَنْيَرْ رَشِنْ أَدَلْثِے، طَكُنَنْسَ نَسَمَ كُمَ تَهَنْيَرْ رَشِنْ غَسْكِيَ، وَنْدَ يَسَا مَڨُوبْثِنْسَ عَيْكِ عَمَّا بَايَ بِيَنْسَ، بَايَ كُمَ بَاشِ حَكِّنْ عَيْكِنْسَ؞

¹⁴ كَيْتُوانْ وَنْدَ يَثٜىٰ، ‏‹‏ذَنْ غِنَاوَا كَيْنَ بَبَّنْ غِدَا دَ مَنْيَنْ طَكُنَنْ غِدَنْ سَمَ؞›‏ يَيِ مَسَ تَغُواْغِ، يَرُڢٜىٰ بَنْ‌غُوانْسَ دَ إِتَاثٜىٰنْ سٜىٰدَ، سَعَنً يَيِ مَسَ أَدُواْ دَ جَرْ كَلَ؞

¹⁵ ‏«‏كَنَ ڟَمَّنِ كَيْ بَبَّنْ سَرْكِے نٜىٰ، سَبُواْدَ كَرُڢٜىٰ غِدَنْكَ دَ إِتَاثٜىٰنْ سٜىٰدَ؟ أَيْ، بَابَنْكَ يَثِ يَشَا يَجِ دَاطِنْ رَايُوَا؞ يَكُوَ يِ غَسْكِيَ، يَعَيْكَتَ أَدَلْثِے، شِے يَسَا يَيَلْوَتَ؞

¹⁶ يَڟَرٜىٰ مُتُنْثِنْ مَتَلَوْتَ دَ مَاسُ بُڧَاتَ، شِے يَسَا يَيَلْوَتَ؞ بَ وَنَّنْ شِينٜىٰ أَبِنْدَ عَكٜىٰ نُڢِ دَ سَنِنَ بَ؟ نِے يَهْوٜىٰهْ نَا ڢَطَا؞

¹⁷ عَمَّا كَيْ، كَسَا عِدُوانْكَ دَ ذُوثِيَارْكَ غَ نٜىٰمَنْ مُوغُوَرْ رِيبَ، دَ ظُبْدَ جِنِنْ مَرَرْ لَيْڢِے، دَ يِنْ دَنِّيَ دَ تَاشِنْ حَنْكَلِ؞»‏

¹⁸ سَبُواْدَ حَكَ غَ أَبِنْدَ يَهْوٜىٰهْ يَڢَطَا غَمٜىٰدَ سَرْكِے يٜىٰهُواْيَكِمْ طَنْ يُواْسِيَا نَ يَهُودَ، ‏«‏بَذَاسُيِ كُوكَا دُواْمِنْسَبَ سُثٜىٰ، ‏‹‏وَيُّواْ طَنْعُوَنْمُ!‏›‏ ‏‹‏وَيُّواْ یَرْعُوَرْمُ!‏›‏ بَذَاسُيِ كُوكَا دُواْمِنْسَبَ سُثٜىٰ، ‏‹‏وَيُّواْ شُوغَبَنْمُ!‏›‏ ‏‹‏وَيُّواْ مَيْغِرْمَ!‏›‏

¹⁹ ذَاعَ بِنّٜىٰشِ كَمَرْ جَاكِ، ذَاعَ جَا شِ أَ جٜىٰڢَرْ عَبَايَنْ ڧُواْڢُواْڢِنْ عُرُوشَلِيمَ؞»‏

²⁰ ‏«‏يَا كٜىٰ عُرُوشَلِيمَ، كِهَوْ تُدَّنْ لٜىٰبَنُوانْ كِيِ كُوكَا، كِتَادَ مُرْيَرْكِ عَبَشَنْ، كِٻَرْكٜىٰ دَ كُوكَا أَعَبَرِمْ، غَمَا أَنْهَلَّكَرْ دَ دُكَنْ مَسُواْيَنْكِ؞

²¹ نِے يَهْوٜىٰهْ نَا يِمِكِ مَغَنَ أَ لُواْكَثِنْ يَلْوَتَرْكِ؞ عَمَّا كِنْثٜىٰ، ‏‹‏بَذَنْ جِيكَبَ!‏›‏ وَنَّنْ شِينٜىٰ حَلِنْكِ تُنْدَغَ ڧُرُثِيَرْكِ، كِنْ كُوَ ڧِيِنْ بِيَيَّ دَ مُرْيَتَ؞

²² كَمَرْ دَ إِسْكَ، ذَاعَ ݣُوشِ مَكِيَايَنْكِ، مَسُواْيَنْكِ كُمَ ذَاعَ كَيْسُ بَوْتَا؞ ذَاكِ كُوَ شَا كُنْيَا دَ ڧَسْڧَنْثِ سَبُواْدَ دُكَنْ مُغُنْتَارْكِ؞

²³ يَا كٜىٰ دَ كِكٜىٰ ذَمَ أَغِدَنْ سَرْكِے، غِدَنْ دَ عَكَيِ دَ إِتَاثٜىٰنْ سٜىٰدَ دَغَ لٜىٰبَنُوانْ، إِنَا مِصَالِنْ نِيشِنْ عَذَابَرْ دَ ذَاتَ سَامٜىٰكِ، عَذَابَ إِرِنْ تَمَثٜىٰ مَيْ نَڧُدَ!‏

²⁴ ‏«‏إِنْجِ نِے يَهْوٜىٰهْ، ‏‹‏حَڧِيڧَ نَا ضَنْڟٜىٰ دَ رَيْنَ، كُواْ دَاعَثٜىٰ كَيْ سَرْكِے يٜىٰكُواْنِيَ طَنْ يٜىٰهُواْيَكِمْ نَ يَهُودَ، ذُواْبٜىٰنْ هَاتِمِ نٜىٰ عَيَڟَرْ حَنُّنْ دَامَنَ، دُكْدَهَكَ ذَنْظَارٜىٰكَ؞

²⁵ ذَنْبَادَكَيْ أَ حَنُّنْ وَطَنْدَ سُكٜىٰ نٜىٰمَنْ رَنْكَ، أَ حَنُّنْ وَطَنْدَ كَكٜىٰجِنْ ڟُواْرُوانْسُ، وَتُواْ أَ حَنُّنْ سَرْكِے نٜىٰبُكَدْنٜىٰزَّرْ نَ بَابِيلَ دَ كُمَ أَ حَنُّنْ كَلْدِيَاوَا؞

²⁶ ذَنْ جٜىٰڢَرْ دَكَيْ دَ مَامَرْكَ وَدَّ تَحَيْڢٜىٰكَ أَوَتَ ڧَسَا عِنْدَ بَعَحَيْڢٜىٰكَ بَ، عَثَنْ ذَاكَمُتُ؞

²⁷ ڧَسَرْ نَنْ كُوَ دَ كَكٜىٰ مَرْمَرِنْ كُواْمُواْوَ ثِكِنْتَ، بَذَاكَ تَٻَ كُواْمَاوَا ثِكِنْتَبَ؞›‏ »‏

²⁸ يَيَ كُواْنِيَ يَذَمَ كَمَرْ ڢَسَشّٜىٰنْ تُلُ، تُلُنْ دَ بَاوَنْدَ يَكٜىٰسُوانْسَ؟ مٜىٰيَسَا عَكَ جٜىٰڢَرْ دَشِ دَ یَیَنْسَ عَڧَسَرْدَ بَسُ سَنِبَ؟

²⁹ يَا كٜىٰ ڧَسَا، يَا ڧَسَا، يَا ڧَسَا!‏ كِجِ مَغَنَرْ يَهْوٜىٰهْ!‏

³⁰ إِنْجِ يَهْوٜىٰهْ، ‏«‏رُبُوتَ وَنَّنْ غَمٜىٰدَ كُواْنِيَ، ‏‹‏مُتُمِنَّنْ مَرَرْ یَیَ نٜىٰ، مُتُمِنْ دَ بَذَيْ يِنَصَرَا عَݣُونَكِنْسَبَ؞ غَمَا بَاوَنِ دَغَ ذُرِيَرْسَ دَ ذَيْثِ نَصَرَا يَغَاجِ كُجٜىٰرَرْ مُلْكٍ ذُرِيَرْ دَاوُدَ، كُواْ يَيِ مُلْكِ عَڧَسَرْ يَهُودَ؞›‏ »‏