إِرْمِيَ 21 - أَتَّوْرَتْ دَ أَنَّبَاوَا

سَڧُواْ غَابَادَ صَدِڧِيَ دَ عُرُوشَلِيمَ

¹ غَا مَغَنَرْ دَ يَهْوٜىٰهْ يَيِ وَ إِرْمِيَ، لُواْكَثِنْ دَ سَرْكِے صَدِڧِيَ يَعَيْكَ ڢَشُرْ طَنْ مَلْكِيَ وُرِنْسَ، تَرٜىٰدَ زَڢَنِيَ ڢِرِسْتِ، طَنْ مَعَسٜىٰيَ دُواْمِنْ سُثٜىٰ،

² ‏«‏إِرْمِيَ، كَنٜىٰمُواْ مَنَ نُڢِنْ يَهْوٜىٰهْ، تُنْدَيَكٜىٰ سَرْكِے نٜىٰبُكَدْنٜىٰزَّرْ نَ بَابِيلَ يَنَ كَٰوُاْ مَنَ يَاڧِ؞ كَجِ، وَتَڧِيلَ يَهْوٜىٰهْ ذَيْ يِمَنَ وَنِ عَيْكِنْ بَنْ مَامَاكِ كَمَرْ يَدَّ يَسَابَا يِ، وَنْدَ ذَيْسَا نٜىٰبُكَدْنٜىٰزَّرْ يَجَنْيٜىٰ يَرَبُ دَمُو؞»‏

³ سَيْ إِرْمِيَ يَثٜىٰ مُسُ

⁴ سُڢَطَا وَ سَرْكِے صَدِڧِيَ سُثٜىٰ ‏«‏غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَثٜىٰ؞ ‏‹‏غَاشِ، ذَنْ جُويَا كَايَنْ يَاڧِنْ دَسُكٜىٰ أَ حَنُّنْكُ، وَطَنْدَ كُكٜىٰ أَمْڢَانِ دَسُو كُنَ يَاڧِ دَ سَرْكِنْ بَابِيلَ دَ كَلْدِيَاوَا، مُتَنٜىٰنْ دَ سُكَ كٜىٰوَيٜىٰ كَتَنْ‌غَرْ بِرْنِنْكُ؞ ذَنْ مَيْدَ كَايَنْ يَاڧِنَّنْ سُذَمَ بَنْظَ أَ حَنُّنْكُ، إِنْ تَتَّرَاسُ أَڟَكِيَرْ بِرْنِنْكُ؞

⁵ نِے كَيْنَ ذَنْيِ يَاڧِ غَابَادَكُو دَ هَنُّونَ مَيْ إِيكُواْ دَ أَيُّكَنْ بَنْ مَامَاكِ دَ ڢُشِے دَ ٻَثِنْ رَيْ دَ كُمَ ذَاڢِنْ ڢُشِے؞

⁶ ذَنْ بُغِ دُكَنْ مَذَوْنَنْ بِرْنِنَّنْ، مُتُمْ دَ دَبَّ؞ ذَاسُ مُتُ دَيَوَ تَوُرِنْ بَبَّنْ بَلَعِ؞

⁷ بَايَنْ وَنَّنْ، ذَنْ طَوْكِ سَرْكِے صَدِڧِيَ نَ يَهُودَ دَ دَتَّاوَنْسَ دَ مُتَنٜىٰنْسَ، وَطَنْدَ سُكَ كُٻُتَ دَغَ بَلَعِنْ دَ تَكُواْبِے دَ يُنْوَ، إِنْ بَادَسُو أَ حَنُّنْ سَرْكِے نٜىٰبُكَدْنٜىٰزَّرْ نَ بَابِيلَ دَ كُمَ أَ حَنُّنْ أَبُواْكَنْ غَابَنْسُ وَطَنْدَ سُكٜىٰ نٜىٰمَنْ رَايُكَنْسُ؞ سَرْكِنْ ذَيْ كَشٜىٰسُ دَ تَكُواْبِے؞ بَذَيْ بَرْسُبَ، بَذَيْ كُوَجِ تَوْسَيِنْسُ كُواْ يَيِ مُسُ جِنْڧَيْبَ؞›‏

⁸ ‏«‏سَيْ يَهْوٜىٰهْ يَڢَطَا مِنِ إِنْثٜىٰ وَجَمَعَرْ نَنْ، ‏‹‏إِنْجِنِ يَهْوٜىٰهْ، غَاشِ نَشِمْڢِطَا حَنْيَ بِيُ أَغَبَنْكُ، وَتُواْ حَنْيَرْ رَيْ دَ حَنْيَرْ مُتُوَ؞ سَيْ كُذَاٻَا؞

⁹ دُكْ وَنْدَ يَذَوْنَ عَثِكِنْ بِرْنِنَّنْ، ذَيْ مُتُ تَوُرِنْ تَكُواْبِے دَ يُنْوَ دَ بَلَعِ؞ عَمَّا دُكْ وَنْدَ يَڢِتَ يَبَادَ كَنْسَ غَ كَلْدِيَاوَنْ دَ سُكَ كٜىٰوَيٜىٰكُ دَ يَاڧِ، ذَيْ رَايُ يَڟِيرَا دَ رَنْسَ؞

¹⁰ غَمَا نِے يَهْوٜىٰهْ نَا طَوْرَ ڢُسْكَ تَيِنْ غَابَادَ بِرْنِنَّنْ دُواْمِنْ إِنْكَٰوُاْ مَسَ مَسِيڢَ بَ أَلْحٜىٰرِبَ؞ ذَنْ بَادَشِ غَ سَرْكِنْ بَابِيلَ، شِيكُوَ ذَيْ ڧُواْنَشِ دَ وُتَا؞ نِے يَهْوٜىٰهْ نَا ڢَطَا؞›‏ »‏

سَڧُواْ غَابَادَ سَرَاكُنَنْ يَهُودَ

¹¹ ‏«‏سَيْ يَهْوٜىٰهْ يَڢَطَا مِنِ إِنْثٜىٰ وَغِدَنْ سَرْكِنْ يَهُودَ، ‏‹‏جِمَغَنَرْ يَهْوٜىٰهْ،

¹² يَا كُو غِدَنْ دَاوُدَ!‏ ‏«‏ ‏‹‏كُعَيْكَتَ غَسْكِيَ كُواْوَثٜىٰ سَاڢِيَ، كُكُٻُتَرْ دَ وَنْدَ عَكَيِ مَسَ ڨُوثٜىٰ، دَغَ كُمَ حَنُّنْ مَاسُ يِمَسَ دَنِّيَ، دُواْمِنْ كَدَ ڢُشِنَ يَٻَرْكٜىٰ كَمَرْ وُتَا، يَيِ تَثِ بَابُ مَيْ كَشٜىٰوَ، سَبُواْدَ مُوغَيٜىٰنْ أَيُّكَنْكُ؞

¹³ غَاشِ، إِنَ غَابَادَكُو، يَا كُو مَذَوْنَنْ ݣُورِ، كُو مَذَوْنَ أَ ڢِيلِنْ دُوَڟُو، كُو دَ كُكٜىٰثٜىٰوَ ‏«‏وَ ذَيْ عِيَ غَنْ‌غَرُواْوَ وُرِنْمُ، وَ مَا ذَيْ عِيَ شِغَ وُرَارٜىٰنْ ٻُيَنْمُ؟»‏ نِے يَهْوٜىٰهْ نَا ڢَطَا؞

¹⁴ ذَنْ حُكُنْتَكُ بِسَغَ أَيُّكَنْكُ، ذَنْ كُنَّ وُتَا عَكُرْمِنْكُ، وُتَرْ دَ ذَاتَثِ دُكَنْ أَبِنْدَ يَكٜىٰ كٜىٰوَيٜىٰ دَ عِتَ؞ نِے يَهْوٜىٰهْ نَا ڢَطَا؞›‏ »‏