إِرْمِيَ 20 - أَتَّوْرَتْ دَ أَنَّبَاوَا

ڢَشُرْ ڢِرِسْتِ يَڟَنَنْتَا وَ إِرْمِيَ

¹ أَنَانً سَيْ ڢَشُرْ ڢِرِسْتِ طَنْ إِمّٜىٰرْ، وَنْدَ يَكٜىٰ شُوغَبَنْ مَعَيْكَتَ أَ غِدَنْ يَهْوٜىٰهْ، يَجِ إِرْمِيَ يَنَ أَنَّبْثِنْ وَطَنَّنْ أَبُبُوَ؞

² سَيْ ڢَشُرْ يَسَا عَكَيِ وَ أَنَّبِے إِرْمِيَ دُوكَ، يَكَڢَشِ عَثِكِنْ كَتَكُوانْ رِڧٜىٰ ڧَڢَاڢُ، عَكَسَا شِ عَڧُواْڢَرْ بِلِيَامِنُ تَغِدَنْ يَهْوٜىٰهْ وَدَّ تَكٜىٰ أَوُرِے مَڢِے ڟَيِ؞

³ دَ غَرِ يَوَايٜىٰ، سَعَدَّ ڢَشُرْ يَثِرٜىٰ إِرْمِيَ دَغَ كَتَكُوانْ رِڧٜىٰ ڧَڢَاڢُ، سَيْ إِرْمِيَ يَثٜىٰ مَسَ ‏«‏يَهْوٜىٰهْ بَايَ كِرَنْكَ دَ سُونَنْكَ ڢَشُرْ، عَمَّا دَ سُونَ مَغُوارْمِسَّبِبْ، وَتُواْ، رَظَنَ عَتَ كُواْوَنٜىٰ غٜىٰڢٜىٰ؞

⁴ غَمَا إِنْجِ يَهْوٜىٰهْ، ‏‹‏غَاشِ، ذَنْ مَيْشٜىٰكَ أَبِنْ ڟُواْرُواْ غَ كَنْكَ دَ دُكَنْ أَبُواْكَنْكَ؞ أَعِدُوانْكَ، أَبُواْكَنْ غَابَا ذَاسُ كَشٜىٰ أَبُواْكَنْكَ دَ تَكُواْبِے؞ ذَنْ بَادَ مُتَنٜىٰنْ يَهُودَ أَ حَنُّنْ سَرْكِنْ بَابِيلَ، ذَيْ كُوَ ݣُوشٜىٰسُ ذُوَا بَوْتَا عَ بَابِيلَ عِنْدَ ذَيْ كَشٜىٰسُ دَ تَكُواْبِے؞

⁵ ذَنْ بَادَ دُكَنْ أَرْزِڧِنْ بِرْنِنَّنْ دَ دُكَنْ كَايَنْ ثِنِكِنْسُ دَ دُكَنْ كَايَنْسُ مَاسُ دَرَجَ دَ دُكَنْ دُوكِيَرْ سَرَاكُنَنْ يَهُودَ أَ حَنُّنْ أَبُواْكَنْ غَابَنْسُ؞ سُواْجُواْجِنْ بَابِيلَ ذَاسُ ڨُوثٜىٰ كَايَنْسُ، سُكَامَسُ، سُكَيْسُ بَوْتَا عَ بَابِيلَ؞

⁶ كَيْ كُوَ ڢَشُرْ دَ دُكَنْ مُتَنٜىٰنْ غِدَنْكَ، ذَاعَ كَيْكُ بَوْتَا؞ عِ، ذَاعَ كَيْكُ بَابِيلَ؞ عَثَنْ ذَاكَ مُتُ، عَثَنْ كُمَ ذَاعَ بِنّٜىٰكَ دَكَيْ دَ دُكَنْ أَبُواْكَنْكَ، وَطَنْدَ كَكٜىٰيِ مُسُ أَنَّبْثِنْ ڧَضْيَا؞›‏ »‏

إِرْمِيَ يَكَيْ ڧَارَرْسَ غَ يَهْوٜىٰهْ

⁷ يَا يَهْوٜىٰهْ، كَرُوطٜىٰنِ، نَاكُوَ رُوطُ؞ كَڢِينِ ڧَرْڢِے، كَكُوَ شَا كَيْنَ؞ نَذَمَ أَبِنْ دَارِيَا دُكَنْ يِنِ، كُواْوَ يَنَ تَيِمِنِ بَعَ؞

⁸ دُكْ لُواْكَثِنْ دَ ذَنْيِ مَغَنَ، نَكَنْ تَادَ مُرْيَ إِنْيِ مَغَنَ دَ ڧَرْڢِے إِنْثٜىٰ، ‏«‏تَاشِنْ حَنْكَلِ دَ هَلَّكَرْوَ!‏»‏ شِيَسَا مَغَنَرْ يَهْوٜىٰهْ تَكَٰوُاْ مِنِ ڧَسْڧَنْثِ دَ بَعَ دُكَنْ يِنِ؞

⁹ عَمَّا عِدَنْ نَثٜىٰ، ‏«‏بَذَنْ عَمْبَثِ سُونَنْ يَهْوٜىٰهْ بَ، كُواْ إِنْ سَاكٜىٰيِ مَغَنَ دَ سُونَنْسَبَ،»‏ سَيْ مَغَنَرْسَ تَذَمَ كَمَرْ وُتَرْ دَتَكٜىٰ ثِ أَ ذُوثِيَاتَ، كَمَرْ وُتَرْ دَتَكٜىٰ ثِكِنْ ڧَسُسُوَنَ؞ نَغَاجِ دَ رِڧٜىٰتَ، بَذَنْ كُمَ عِيَ جِمْرٜىٰوَبَ؞

¹⁰ نَجِ مُتَنٜىٰ دَيَوَ سُنَيِنْ مَغَنْ‌غَنُ عَكَيْنَ ثٜىٰوَ ‏«‏رَظَنَ عَتَكُواْوَنٜىٰ غٜىٰڢٜىٰ!‏»‏ سُنَ ثٜىٰوَ ‏«‏كَيْ ڧَارَرْسَ!‏ عِ، مُكَيْ ڧَارَرْسَ!‏»‏ دُكَنْ أَبُواْكَيْنَ سُنَ جِرَا إِنْڢَاطِ؞ سُنَ ثٜىٰوَ ‏«‏وَتَڧِيلَ أَ رُوطٜىٰشِ، دُوانْ مُشَا كَنْسَ، مُرَامَ؞»‏

¹¹ عَمَّا يَهْوٜىٰهْ يَنَ تَرٜىٰدَنِ، كَمَرْ ڠُونِنْ يَاڧِ؞ دُواْمِنْ حَكَ مَاسُ ڟَنَنْتَ مِنِ ذَاسُيِ تُنْتُٻٜىٰ، بَذَاسُ شَا كَيْنَبَ؞ ذَاسُ شَا كُنْيَا سُواْسَيْ، غَمَا بَذَاسُيِ نَصَرَبَ؞ ڧَسْڧَنْثِ ذَاسُ شَا حَرْ أَبَدَا، أَبِنْدَ بَذَاعَ مَنْتَبَ؞

¹² يَا يَهْوٜىٰهْ مَيْ ضُنْدُنَا، مَيْ ڠُودَ مَاسُ أَدَلْثِے، مَيْ غَنِنْ ذُوثِيَا دَ تُنَانِنْ مُتُمْ، بَرِ إِنْ غَا رَامُوَرْكَ عَكَنْسُ، غَمَا أَغَرٜىٰكَ نَكَٰوُاْ ڧَارَتَ؞

¹³ رٜىٰرَ وَاڧَا غَ يَهْوٜىٰهْ!‏ كُيَبِے يَهْوٜىٰهْ!‏ غَمَا يَكُٻُتَرْ دَ رَنْ مَاسُ بُڧَاتَ دَغَ حَنُّنْ مَاسُ عَيْكَتَ مُغُنْتَا؞

¹⁴ لَعَنَنِّيَثٜىٰ رَانَرْ دَعَكَ حَيْڢٜىٰنِ!‏ كَدَ رَانَرْ دَ مَامَاتَ تَحَيْڢٜىٰنِ تَكَسَنْثٜىٰ دَ أَلْبَرْكَ!‏

¹⁵ لَعَنَنّٜىٰ نٜىٰ مُتُمِنْ دَ يَكَيْ لَابَرِنْ حَيْڢُوَتَ غَ بَابَنَ، وَنْدَ يَسَا بَابَنَ يَيِ مُرْنَ دَ ثٜىٰوَ ‏«‏أَنْ حَيْڢَ مَكَ طَا!‏»‏

¹⁶ بَرِ وَنَّنْ مُتُمْ يَذَمَ كَمَرْ بِرَنٜىٰنْ دَ يَهْوٜىٰهْ يَتُمْٻُكٜىٰ بَابُ تَوْسَيِ؞ بَرِ يَجِ كُوكَا دَسَڢٜىٰ، يَكُمَ جِ إِيهٌ يَاڧِ دَ رَانَ،

¹⁷ دَيَكٜىٰ بَيْ كَشٜىٰنِ تُنْ إِنَ ثِكِنْ ثِكِيبَ؞ أَيْ دَمَا ثِكِنْ مَامَاتَ يَذَمَ كَبَرِنَ، دَ ثِكِنْتَ يَكَسَنْثٜىٰ دَ غِرْمَ حَرْ أَبَدَا!‏

¹⁸ دُوانْمٜىٰ نَڢِتَ دَغَ ثِكِنْ ثِكِنْ مَامَاتَ إِنْ غَا وَهَلَ دَ بَڧِنْ ثِكِ، إِنْيِ ݣُونَكِنَ عَثِكِنْ كُنْيَا؟