إِرْمِيَ 18 - أَتَّوْرَتْ دَ أَنَّبَاوَا

ݣُوتَنْثِ نَمَيْ غِنِنْ تُݣُونٜىٰ

¹ غَا مَغَنَرْ دَ يَهْوٜىٰهْ يَڢَطَا وَ إِرْمِيَ،

² ‏«‏تَاشِ كَغَنْ‌غَرَ ذُوَا غِدَنْ مَيْ غِنِنْ تُݣُونٜىٰ؞ أَوُرِنْ ذَنْيِ مَكَ مَغَنَ؞»‏

³ سَيْ نَغَنْ‌غَرَ ذُوَا غِدَنْ مَيْ غِنِنْ تُݣُونٜىٰ، نَتَرَرْ دَشِ يَنَ يِنْ عَيْكِنْسَ عَكٜىٰكٜىٰنْ يِنْ تُݣُونٜىٰ؞

⁴ أَبِنْ دَيَكٜىٰ غِنَاوَا دَ لَاكَ يَلَلَثٜىٰ أَ حَنُّنْسَ، سَيْ يَسَاكٜىٰ غِنَا وَنِ أَبُ دَبَمْ دَ لَكَرْ، يَدَّ يَغَ دَامَ؞

⁵ سَيْ يَهْوٜىٰهْ يَيِ مَغَنَ دَنِے ثٜىٰوَ

⁶ ‏«‏يَا كُو غِدَنْ إِسْرَٰٓءِيلَ، أَشٜىٰ، بَذَنْ عِيَيِ دَكُو كَمَرْ يَدَّ مَيْ غِنِنْ تُݣُونٜىٰنَّنْ يَيِبَ؟ غَاشِ، كَمَرْ يَدَّ لَاكَ تَكٜىٰ أَ حَنُّنْ مَيْ غِنِ، حَكَكُمَ كُكٜىٰ أَ هَنُّونَ، يَا كُو غِدَنْ إِسْرَٰٓءِيلَ؞

⁷ أَ دُكْ لُواْكَثِنْدَ نَيِ مَغَنَ غَمٜىٰدَ وَتَ أَلْعُمَّ كُواْ وَنِ مُلْكِ ثٜىٰوَ ذَنْتُمْٻُكٜىٰ، إِنْرُشٜىٰ، إِنْهَلَّكَرْ،

⁸ عِدَنْ وَنَّنْ أَلْعُمَّرْدَ نَيِ مَغَنَ عَكَنْتَ تَجُويَا دَغَ مُغُنْتَارْتَ، تُواْ، ذَنْثَنْجَ نِيَّتَ إِنْجَنْيٜىٰ مَسِيڢَرْدَ نَشِرْيَ إِنْكَٰوُاْ عَكَنْتَ؞

⁹ أَ دُكْ لُواْكَثِنْدَ نَيِ مَغَنَ غَمٜىٰدَ وَتَ أَلْعُمَّ كُواْ مُلْكِ ثٜىٰوَ ذَنْ غِنَا إِنْكُمَ دَسَ،

¹⁰ عِدَنْ تَا يِمُغُنْتَا أَغَبَنَ تَا كُوَڧِ تَجِ مَغَنَاتَ، تُواْ، ذَنْ ثَنْجَ نِيَّتَ إِنْ جَنْيٜىٰ دَغَ أَلْحٜىٰرِنْدَ نَشِرْيَ إِنْكَٰوُاْ مَتَ؞

¹¹ ‏«‏يَنْذُ كَيِ مَغَنَ دَ مُتَنٜىٰنْ يَهُودَ دَ مَذَوْنَنْ عُرُوشَلِيمَ، كَثٜىٰ مُسُ، ‏‹‏إِنْجِنِ يَهْوٜىٰهْ، غَاشِ، إِنَ شِرِ إِنْ عَيْكَ مُكُ مَسِيڢَ، نَكُمَ ڧَدَّرَ مُوغُنْ أَبُ دُواْمِنْكُ؞ سَيْ كُواْوَ يَجُويَ دَغَ مُوغُوَرْ حَنْيَرْسَ، يَڠَرَ حَنْيَرْسَ دَ أَيُّكَنْسَ؞›‏

¹² عَمَّا ذَاسُثٜىٰ، ‏‹‏بَا أَمْڢَانِ مُڠَرَ حَنْيَرْمُ!‏ ذَامُثِيغَبَ دَ بِنْ رَعَيِنْمُ، كُواْوَنّٜىٰنْمُ ذَيْبِے تَوْرِنْ ذُوثِيَارْسَ تَمُغُنْتَا؞›‏

¹³ ‏«‏دُواْمِنْ حَكَ، إِنْجِنِ يَهْوٜىٰهْ، يِ تَمْبَيَ عَثِكِنْ أَلْعُمَّيْ، وَ يَتَٻَ جِنْ إِرِنْ وَنَّنْ؟ بُدُرْوَ إِسْرَٰٓءِيلَ تَايِ مُوغُنْ أَبُ ڨُورَيْ!‏

¹⁴ ڧَنْڧَرَ عَتُدَّنْ لٜىٰبَنُوانْ تَا تَٻَ رَبُوَ دَ كَنْ تُدَّنْ نٜىٰ؟ كُواْ ضُوً سَنْيِ مَيْ غَنْ‌غَرُواْوَ دَغَ كَنْسُ يَتَٻَ يَنْكٜىٰوَ نٜىٰ؟

¹⁵ عَمَّا مُتَنٜىٰنَ سُنْ مَنْتَادَنِے، سُنْ ڧُواْنَاوَا بَنْظَنْ غُمَكَ تُرَارٜىٰ؞ وَنَّنْ يَسَا مُتَنٜىٰنْ سُكَيِ تُنْتُٻٜىٰ أَ حَنْيَرْسُ، أَ هَنْيُواْيِنْ دَا، سُنْبِے هَنْيُواْيِنْ دَاجِ، بَسُبِے بَبَّرْ حَنْيَرْ دَ عَكَ شِرْيَبَ؞

¹⁶ سُنْ مَيْدَ ڧَسَرْسُ أَبِنْ ڟُواْرُواْ، أَبِنْ جَنْ ڟَكِ حَرْ أَبَدَا؞ دُكْ وَنْدَ يَوُثٜىٰ تَوُرِنْ ذَيْ رَسَ أَبِنْ ڢَطَا يَكَطَ كَنْسَ؞

¹⁷ كَمَرْ يَدَّ إِسْكَرْ غَبَسْ تَكَنْ هُورَ ڧُورَا، حَكَ ذَنْ وَرْوَڟَاسُ أَغَبَنْ أَبُواْكَنْ غَابَنْسُ؞ أَ رَانَرْ مَسِيڢَرْسُ، ذَنْ جُويَا مُسُ بَايَ، بَذَنْبَاسُ ڢُسْكَتَبَ؞»‏

ڧُلّٜىٰ ڧُلّٜىٰ دُواْمِنْ عَكَشٜىٰ إِرْمِيَ

¹⁸ سَيْ وَطَنْسُ مُتَنٜىٰ سُكَثٜىٰ وَجُونَ ‏«‏كُذُواْ مُيِ ڧُلّٜىٰ ڧُلّٜىٰ عَكَنْ إِرْمِيَ!‏ أَيْ، كُواْيَرْوَرْ مُوسَٰى بَذَاتَ ٻَثٜىٰ دَغَ ڢِرِسْتُواْثِے بَ، كُواْ شَوَرَا دَغَ وُرِنْ مَاسُ حِكِمَ، كُواْ مَغَنَرْ يَهْوٜىٰهْ دَغَ وُرِنْ أَنَّبَاوَا؞ كُذُواْ مُرُشٜىٰشِ دَ هَرْشٜىٰ، كَدَ مُكُلَ دَ أَبِنْدَ يَكٜىٰ ڢَطَا؞»‏

¹⁹ نِے إِرْمِيَ نَيِ أَدُّعَ نَثٜىٰ، ‏«‏يَا يَهْوٜىٰهْ، كَكَسَ كُنّٜىٰ غَرٜىٰنِ، كَجِ أَبِنْدَ أَبُواْكَنْ غَابَنَ سُكٜىٰ ڢَطَا!‏

²⁰ دَيْدَيْ نٜىٰ أَ سَاكَ أَلْحٜىٰرِ دَ مُغُنْتَا؟ دُكْدَهَكَ سُنْ شِرْيَ وَرَيْنَ رَامِ؞ تُنَ يَدَّ نَڟَيَ أَغَبَنْكَ نَيِ مَغَنَرْ أَلْحٜىٰرِ أَمَدَدِنْسُ، دُواْمِنْ كَجَنْيٜىٰ ڢُشِنْكَ دَغَ غَرٜىٰسُ؞

²¹ سَبُواْدَ حَكَ، كَبَادَ یَیَنْسُ غَ يُنْوَ، كَبَادَسُو غَ تَكُواْبِے يَكَشٜىٰ، بَرِ مَاتَنْسُ سُرَسَ یَیَنْسُ، بَرِ سُكُمَ رَسَ مَذَنْسُ؞ بَرِ بَلَعِ يَكَشٜىٰ مَذَنْسُ، تَكُواْبِے كُمَ يَكَشٜىٰ سَمَارِنْسُ عَيَاڧِ؞

²² بَرِ أَجِ كُوكَا أَغِدَاجٜىٰنْسُ سَبُواْدَ یَنْ هَرِ سُنْ ڢَاطَ مُسُ بَا لَابَرِ؞ غَمَا سُنْ شِرْيَ وَرَيْنَ رَامِ دُواْمِنْ سُكَامَنِ، سُنْ كَڢَ وَ ڧَڢَاڢُنَ تَرْكُواْ؞

²³ عَمَّا كَيْ، يَا يَهْوٜىٰهْ، كَسَنْ ڧُلّٜىٰ ڧُلّٜىٰنْسُ نَكَشٜىٰنِ؞ كَدَ كَيَاڢٜىٰ لَيْڢُواْڢِنْسُ، كُواْ كَكَوَرْدَ ذُنُبَنْسُ دَغَ غَبَنْكَ؞ بَرِ عَتُمْٻُكٜىٰسُ أَغَبَنْكَ، كَحُكُنْتَسُ سَعَدَّ كَكٜىٰ ثِكِنْ ڢُشِنْكَ!‏»‏