إِرْمِيَ 15 - أَتَّوْرَتْ دَ أَنَّبَاوَا

أَنْ يَنْكٜىٰ حُكُنْثِ دُواْمِنْ جَمَعَرْ يَهُودَ

¹ سَيْ يَهْوٜىٰهْ يَثٜىٰ مِنِ ‏«‏كُواْ دَ مُوسَٰى دَ سَمَٰعِيلَ سُنْ ڟَيَ أَغَبَنَ سُنَ ضُواْڧُواْ دُواْمِنْ ذُوثِيَاتَ، بَذَاتَ جُويَا وُرِنْسُبَ؞ كُواْرِ جَمَعَرْ نَنْ دَغَ غَبَنَ، سُتَڢِے!‏

² عِدَنْ كُمَ سُكَ تَمْبَيٜىٰكَ، ‏‹‏إِنَا ذَامُ تَڢِے؟›‏ كَثٜىٰ مُسُ، ‏‹‏غَا أَبِنْدَ نِے يَهْوٜىٰهْ نَثٜىٰ؞›‏ ‏«‏ ‏‹‏دُكْ وَنْدَ عَكَ ڧَدَّرَ وَبَلَعِ، مُتُوَرْ بَلَعِ ذَيْ يِ!‏ دُكْ وَنْدَ عَكَ ڧَدَّرَ وَتَكُواْبِے، مُتُوَرْ تَكُواْبِے ذَيْ يِ!‏ دُكْ وَنْدَ عَكَ ڧَدَّرَ وَيُنْوَ، مُتُوَرْ يُنْوَ ذَيْ يِ؞ دُكْ وَنْدَ عَكَ ڧَدَّرَ وَبَوْتَا، بَوْتَا ذَيْ يِ!‏›‏

³ ‏«‏نِے يَهْوٜىٰهْ ذَنْ ڧَدَّرَ مُسُ هَنْيُواْيِ حُطُ مَاسُ كَٰوُاْ هَلَّكَ؞ سُونٜىٰ، تَكُواْبِے دُواْمِنْ كَشٜىٰوَ دَ كَرْنُكَ دُواْمِنْ يَيَّاغٜىٰ غَوَوَّكِ دَ ڟُنْڟَيٜىٰنْ سَرَرِنْ سَمَ دَ نَمُواْمِنْ دَاجِ دُواْمِنْ ثِنْيٜىٰوَ دَ هَلَّكَرْوَ؞

⁴ ذَنْسَا سُذَمَ أَبِنْ ڟُواْرُواْ غَ دُكَنْ مُلْكُواْكِنْ دُونِيَا، سَبُواْدَ أَبِنْدَ سَرْكِے مَنَسّٜىٰ طَنْ هٜىٰزٜىٰكِيَ نَ يَهُودَ، يَعَيْكَتَ أَ عُرُوشَلِيمَ؞

⁵ ‏«‏يَا عُرُوشَلِيمَ، وَنٜىٰنٜىٰ ذَيْجِے تَوْسَيِنْكِ؟ وَنٜىٰنٜىٰ ذَيْ يِكُوكَا دُواْمِنْكِ؟ وَنٜىٰنٜىٰ ذَيْ وَيْوَيَ يَتَمْبَيَ لَاڢِيَرْكِ؟

⁶ كٜىٰثٜىٰ كِنْ ڧِينِ، كِنَ تَجَنْ بَايَ، سَبُواْدَ حَكَ نَا مِيڧَ هَنُّونَ نَغَابَادَكٜىٰ نَا هَلَكَاكِ؞ نَا غَجِ دَ يِنْ حَڧُرِ دَكٜىٰ؞ نِے يَهْوٜىٰهْ نَا ڢَطَا؞

⁷ نَا وَرْوَاڟَرْدَ مُتَنٜىٰنْكِ كَمَرْ دَ مَتَنْكَطِ ثِكِنْ ڧُواْڢُواْڢِنْ غَرُضُوً ڧَسَرْ؞ نَا سَا یَیَنْكِ سُمُتُ، نَا هَلَّكَ مُتَنٜىٰنَ، غَمَا بَاكِ جُويَا دَغَ مُغُنْتَارْكِبَ؞

⁸ مَتَنْ دَ مَذَنْسُ سُكَ مُتُ سُنْيِيَوَ ڢِيٜىٰدَ يَشِ عَبَاكِنْ تٜىٰكُ؞ نَا كَٰوُاْ مَيْ هَلَّكَرْوَ أَڟَكَرْ رَانَ، يَهَلَّكَرْ دَ سَمَارِ، يَسَا عُوَيٜىٰنْسُ عَثِكِنْ وَهَلَ؞ نَا سَا عَذَابَ دَ رَظَنَ سُڢَاطُواْ مُسُ بَا لَابَرِ؞

⁹ مَثٜىٰ وَدَّ تَحَيْڢِ یَیَ بَݣَويْ تَبُوشٜىٰ، تَسُومَ، رَانَرْتَ تَڢَاطِ تُنْ لُواْكَثِ بَيْيِبَ؞ أَنْ كُنْيَتَرْدَ عِتَ، أَنْوُلَڧَنْتَتَ؞ ضَغُواْوَرْ یَیَنْتَ كُوَ ذَنْبَادَسُو غَ تَكُواْبِنْ أَبُواْكَنْ غَابَنْسُ؞ نِے يَهْوٜىٰهْ نَا ڢَطَا؞»‏

غُنَغُنِنْ إِرْمِيَ دَ أَمْسَرْ يَهْوٜىٰهْ

¹⁰ كَيْتُواْنَ، يَمَمَتَ!‏ دُوانْمٜىٰ كِكَ حَيْڢٜىٰنِ؟ كُلُّمْ أَنَ جَيَيَّ دَنِے، أَنَ غَرْدَمَ دَنِے أَدُكَنْ ڧَسَرْ!‏ نِے، بَانَ بَادَ رَنْثٜىٰ كُواْ إِنْ كَرْٻِ بَاشِ، عَمَّا دُكْدَهَكَ، كُواْوَ يَنَ لَعَنْتَ نِے؞

¹¹ سَيْ يَهْوٜىٰهْ يَأَمْسَ يَثٜىٰ، ‏«‏حَڧِيڧَ، ذَنْ كُٻُتَرْ دَكَيْ دُواْمِنْ مَنُڢَ مَيْݣَوْ، حَڧِيڧَ، ذَنْسَا أَبُواْكَنْ غَابَنْكَ سُيِ ضُواْڧُواْ أَغَرٜىٰكَ، أَ لُواْكَثِنْ وَهَلَ دَ لُواْكَثِنْ عَذَابَ؞

¹² أَنَ عِيَ كَرْيَ ڧَرْڢٜىٰ؟ أَنَ عِيَ كَرْيَ ڧَرْڢٜىٰ دَغَ أَرٜىٰوَ، كُواْ عَكَرْيَ ڧَرْڢٜىٰنْ دَ عَكَ حَطَ دَ تَغُلَّ؟

¹³ أَرْزِڧِنْكُ دَ دُوكِيَرْكُ ذَنْبَادَسُو رَبُوانْ يَاڧِ عَݣَوْتَا، سَبُواْدَ دُكَنْ ذُنُبَنْكُ، ذُنُبَنْدَ كُكَ عَيْكَتَ كُواْعِنَ عَثِكِنْ ڧَسَرْكُ؞

¹⁴ ذَنْسَا كُبَوْتَا وَ أَبُواْكَنْ غَابَنْكُ عَڧَسَرْدَ بَكُسَنْ تَبَ؞ غَمَا ڢُشِنَ يَٻَرْكٜىٰ كَمَرْ وُتَا، ڢُشِنْ دَ ذَيْ يِتَثِ عَكَنْكُ؞»‏

¹⁵ سَيْ إِرْمِيَ يَسَاكٜىٰ ثٜىٰوَ ‏«‏يَا يَهْوٜىٰهْ، كَاسَنْ كُواْمٜىٰ، بَرِ كَتُنَ دَنِے، كَظِيَرْثٜىٰنِ، كَرَامَ مِنِ عَكَنْ مَاسُ ڟَنَنْتَ مِنِ؞ كَدَ كَبَرْ يَوَنْ حَڧُرِنْكَ يَسَا سُسَامِ ظَرَڢِ سُكَشٜىٰنِ، كَسَنِ ڢَا سَبُواْدَكَيْنٜىٰ نَكٜىٰ شَنْ ڧَسْڧَنْثِ؞

¹⁶ دَنَسَامِ مَغَنَرْكَ، سَيْ نَثِ؞ غَ ذُوثِيَاتَ، مَغَنَرْكَ كُوَ تَذَمَ أَبِنْ ڢَضٍ ثِكِ دَ مُرْنَ؞ غَمَا أَنَ كِرَنَ دَ سُونَنْكَ، يَا يَهْوٜىٰهْ اللَّهْ مَيْ ضُنْدُنَا؞

¹⁷ بَنْ ذَوْنَ ثِكِنْ مَاسُيَوَنْ سُوانْ جِنْ دَاطِے بَ، بَنْ كُوَيِ رَايُوَرْ مُرْنَ تَرٜىٰدَسُوبَ؞ نَا ذَوْنَ نِے كَطَيْ، غَمَا حَنُّنْكَ مَيْ بِدَنِ يَنَ عَكَيْنَ، كَسَا نَثِكَ دَ ڢُشِے؞

¹⁸ دُوانْمٜىٰ ذَاڢِنْ جِكِينَ بَايَ ڧَارٜىٰوَ، رَوْنِنَ كُمَ بَاشِ دَ مَاغَنِ، يَنَ ڧِنْ وَرْكٜىٰوَ؟ ذَاكَ رُوطٜىٰنِ كَمَرْ رَاڢِ مَيْ بُوشٜىٰوَ نٜىٰ، كَمَرْ رِجِيَرْ دَ بَعَ عِيَ دُواْغَضَ عَكَيْ؟»‏

¹⁹ غَا أَمْسَرْ دَ يَهْوٜىٰهْ يَبَا إِرْمِيَ، ‏«‏حَڧِيڧَ، عِدَنْ كَجُويَا غَرٜىٰنِ، ذَنْ كَرْٻٜىٰكَ، ذَاكَ كُمَ سَاكٜىٰيِ مِنِ حِدِمَ؞ عِدَنْ كَيِ مَغَنَ مَيْݣَوْ، بَ مَغَنَرْ بَنْظَ بَ، ذَاكَ ذَمَ كَمَرْ بَاكِنَ؞ مُتَنٜىٰ ذَاسُكُواْمَ غَرٜىٰكَ، بَ كَيْنٜىٰ ذَاكَ كُواْمَ غَرٜىٰسُبَ؞

²⁰ ذَنْ مَيْدَكَيْ كَذَمَ مُسُ كَمَرْ كَتَنْ‌غَرْ تَغُلَّ؞ ذَاسُيِ يَاڧِ دَكَيْ، عَمَّا بَذَاسُيِ نَصَرَا عَكَنْكَبَ؞ غَمَا إِنَ تَرٜىٰدَكَيْ، دُواْمِنْ إِنْثٜىٰثٜىٰكَ إِنْكُمَ كُٻُتَرْ دَكَيْ؞ نِے يَهْوٜىٰهْ نَا ڢَطَا؞

²¹ ذَنْ كُٻُتَرْ دَكَيْ دَغَ حَنُّنْ مُوغَيٜىٰ، إِنْڢَنْشٜىٰكَ دَغَ حَنُّنْ مَرَسَ تَوْسَيِ؞»‏