إِرْمِيَ 13 - أَتَّوْرَتْ دَ أَنَّبَاوَا

ݣُوتَنْثِ نَأَبِنْ طَمَرَ نَلِيلِنْ

¹ سَيْ يَهْوٜىٰهْ يَثٜىٰ مِنِ ‏«‏تَڢِے كَسَيُواْ وَكَنْكَ يَدِنْ لِيلِنْ، كَيِ طَمَرَ دَشِ، عَمَّا كَدَ كَسَ يَتَٻَ ضُوَ؞»‏

² سَيْ نَسَيُواْ يَدِنْ لِيلِنْ كَمَرْ يَدَّ يَهْوٜىٰهْ يَثٜىٰ، نَيِ طَمَرَ دَشِ؞

³ سَيْ يَهْوٜىٰهْ يَسَاكٜىٰيِنْ مَغَنَ دَنِے، سَوْ نَبِيُ يَثٜىٰ،

⁴ ‏«‏كَطَوْكِ يَدِنْ لِيلِنْدَ كَسَيُواْ، وَنْدَ كُمَ كَيِ طَمَرَ دَشِ يَنْذُ، كَتَڢِے كُواْغِنْ يُڢِرٜىٰتِسْ، كَٻُواْيٜىٰشِ أَوُرِنْ عَثِكِنْ كُواْغُوانْ دُوڟٜىٰ؞»‏

⁵ سَيْ نَتَڢِے، نَٻُواْيٜىٰشِ عَكُواْغُواْ كُسَدَ كُواْغِنْ يُڢِرٜىٰتِسْ كَمَرْ يَدَّ يَهْوٜىٰهْ يَعُمَرْثٜىٰنِ؞

⁶ بَايَنْ ݣُونَكِے مَاسُيَوَ، سَيْ يَهْوٜىٰهْ يَثٜىٰ مِنِ ‏«‏تَاشِ، كَتَڢِے يُڢِرٜىٰتِسْ، كَطَوْكُواْ أَبِنْ طَمَرَ وَنْدَ نَعُمَرْثٜىٰكَ كَٻُواْيٜىٰ عَثَنْ؞»‏

⁷ سَيْ نَتَڢِے يُڢِرٜىٰتِسْ، نَڢِتَرْدَ أَبِنْ طَمَرَرْ دَغَ كُواْغُواْ عِنْدَ نَٻُواْيٜىٰشِ؞ عَمَّا يَنْذُ أَبِنْ طَمَرَرْ يَلَلَثٜىٰ، بَاشِ دَ سَوْرَنْ أَمْڢَانِ؞

⁸ سَيْ يَهْوٜىٰهْ يَيِ مَغَنَ دَنِے ثٜىٰوَ

⁹ ‏«‏إِنْجِنِ يَهْوٜىٰهْ، غَا يَدَّ ذَنْ لَلَتَرْدَ تَاڧَمَرْ يَهُودَ دَ يَوَنْ طَغَ كَيْ نَ عُرُوشَلِيمَ؞

¹⁰ مُوغُوَرْ جَمَعَرْ نَنْ تَڧِے جِنْ مَغَنَاتَ؞ تَنَ بِنْ تَوْرِنْ ذُوثِيَارْتَ، حَرْ تَبِے وَطَنْسُ أَلُّواْلِ تَنَ بَوْتَا مُسُ تَنَيِ مُسُ سُجَّدَ؞ ذَاتَ ذَمَ كَمَرْ وَنَّنْ أَبِنْ طَمَرَ، وَنْدَ بَاشِ دَ أَمْڢَانِ؞

¹¹ كَمَرْ يَدَّ أَبِنْ طَمَرَ يَكَنْ مَنّٜىٰوَ غِنْدِنْ مُتُمْ، حَكَمَا نَسَا دُكَنْ غِدَنْ إِسْرَٰٓءِيلَ دَ نَ يَهُودَ سُكَ مَنّٜىٰ مِنِ، دُواْمِنْ سُذَمَ جَمَعَتَ، سُغِرْمَمَ سُونَنَ، سُكَٰوُاْ مِنِ يَبُواْ دَ دَرَجَ، عَمَّا سُنْڧِجِ؞ نِے يَهْوٜىٰهْ نَا ڢَطَا؞»‏

ݣُوتَنْثِ نَتُلُنْ ضُوً إِنَبِے

¹² غَا مَغَنَرْ دَ يَهْوٜىٰهْ يَغَيَ مِنِ إِنْ ثٜىٰمُسُ؞ ‏«‏إِنْجِ يَهْوٜىٰهْ، اللَّهْ نَ إِسْرَٰٓءِيلَ، ‏‹‏عَثِكَ كُواْوَنٜىٰ تُلُ دَ ضُوً إِنَبِے؞›‏ ‏«‏ذَاسُ أَمْسَ مَكَ، ‏‹‏أَيْ، بَاشَكَّ مُنْ سَنِ يَا كَمَاتَ عَثِكَ كُواْوَنٜىٰ تُلُ دَ ضُوً إِنَبِے؞›‏

¹³ ‏«‏سَعَنً سَيْ كَثٜىٰ مُسُ، ‏‹‏إِنْجِنِ يَهْوٜىٰهْ، غَاشِ، ذَنْثِكَ دُكَنْ مَذَوْنَنْ ڧَسَرْ نَنْ دَ ضُوً إِنَبِے حَرْ سُبُغُ، وَتُواْ سَرَاكُنَنْ دَ سُكَ غَاجِ كُجٜىٰرَرْ مُلْكٍ دَاوُدَ دَ ڢِرِسْتُواْثِے دَ أَنَّبَاوَا دَ دُكَنْ مَذَوْنَنْ عُرُوشَلِيمَ؞

¹⁴ ذَنْ ڢَرْڢَسَ كَوُنَنْسُ عَكَنْ جُونَنْسُ، إِيَايٜىٰ مَظَا دَ یَیَ؞ بَذَنْ بَرْ تَوْسَيِ كُواْ حَڧُرِ كُواْ جِنْڧَيْ سُهَنَنِ هَلَّكَرْ دَسُوبَ؞ نِے يَهْوٜىٰهْ نَا ڢَطَا؞›‏ »‏

جَنْ كُنّٜىٰ عَكَنْ غِرْمَنْ كَيْ

¹⁵ كُكَسَ كُنّٜىٰ كُجِ، كَدَ كُيِ غِرْمَنْ كَيْ، غَمَا يَهْوٜىٰهْ يَايِ مَغَنَ؞

¹⁶ كُطَوْكَكَ يَهْوٜىٰهْ اللَّهْ نْكُ، كَاڢِنْ يَكَٰوُاْ دُهُ، كَاڢِنْ كُمَ ڧَڢَاڢُنْكُ سُيِ تُنْتُٻٜىٰ عَكَنْ تُدَّيْ مَاسُ دُهُ، كُنَ ثِكِنْ نٜىٰمَنْ حَصْكٜىٰ، سَيْ يَمَيْدَشِ دُهُ، يَمَيْدَشِ دُهُ بَڧِ ڧِرِنْ؞

¹⁷ عَمَّا عِدَنْ كُكَڧِجِ، ذَنْيِ كُوكَا عَٻُواْيٜىٰ سَبُواْدَ غِرْمَنْ كَنْكُ؞ ذَنْيِ كُوكَا مَيْ ذَاڢِ، عِدَنُونَ ذَاسُ ظُبْدَ هَوَيٜىٰ سُواْسَيْ، غَمَا أَنْݣُوشِ غَرْكٜىٰنْ تُمَكِ نَ يَهْوٜىٰهْ ذُوَا بَوْتَا؞

¹⁸ يَهْوٜىٰهْ يَا غَيَمِنِ إِنْثٜىٰ وَسَرْكِے دَ سَرَوْنِيَ مَامَرْ سَرْكِے، ‏«‏كُڧَسْڧَنْتَرْ دَكَنْكُ، كُسَوْكَ دَغَ كُجٜىٰرُنْكُ نَمُلْكِ دُواْمِنْ أَنْتُوٻٜىٰ هُولَرْ مُلْكِنْكُ مَاسُ دَرَجَ؞»‏

¹⁹ أَنْكٜىٰوَيٜىٰ بِرَنٜىٰنْ نٜىٰغٜىٰبْ دَ يَاڧِ، بَابُ مَيْ تَيْمَكُوانْسُ؞ دُكَنْ مُتَنٜىٰنْ يَهُودَ أَنْ كَيْسُ بَوْتَا، عِ، غَبَاطَيَ أَنْ كَيْسُ بَوْتَا؞

²⁰ ‏«‏كُتَادَ عِدَنُونْكُ، كُدُوبَ!‏ كُغَ وَطَنْدَ سُكٜىٰ ذُوَا دَغَ أَرٜىٰوَ؞ إِنَا غَرْكٜىٰنْ مُتَنٜىٰنْ دَ عَكَ بَاكُ أَمَانَ؟ إِنَا غَرْكٜىٰنَّنْ دَ كُكٜىٰ تَاڧَمَ دَسُو؟

²¹ يَا جَمَعَتَ، مٜىٰ ذَاكِثٜىٰ سَعَدَّ يَهْوٜىٰهْ يَطُواْرَ أَبُواْكَنْ غَابَنْكِ سُشُوغَبَنْثٜىٰكِ، أَبُواْكَنْ غَابَنْدَ كِكٜىٰ ڟَمَّنِ أَبُواْكَيْنٜىٰ؟ أَشٜىٰ، بَذَاكِشَا عَذَابَ إِرِنْ تَمَثٜىٰ مَيْ حَيْڢُوَبَ؟

²² عِدَنْ كِكَثٜىٰ أَ ذُوثِيَارْكِ، ‏‹‏دُوانْمٜىٰ أَبُبُوَنَّنْ سُكَ سَامٜىٰنِ؟›‏ أَيْ، سَبُواْدَ يَوَنْ لَيْڢِنْكِ نٜىٰ عَكَتُوٻٜىٰ مِكِ ذَانِ، عَكَ كُمَ لَلَتَرْدَ بُدُرْثِنْكِ؞

²³ مُتُمِنْ إِتِيُواْڢِيَ ذَيْ عِيَ ثَنْجَ كَلَرْ ڢَتَرْ جِكِنْسَ نٜىٰ؟ كُواْ كُوَ دَامِسَ ذَاتَ عِيَ ثَنْجَ طِغُواْ طِغُوانْ جِكِنْتَ نٜىٰ؟ حَكَ كُو مَا دَ كُكَ سَابَادَيِنْ مُغُنْتَا ذَاكُ عِيَ ثَنْجَ كُيِ أَبُ مَيْݣَوْ؞

²⁴ ذَنْ وَرْوَاڟَرْ دَكُو كَمَرْ دُوسَ، دُوسَرْ دَ إِسْكَرْ هَمَادَ تَكٜىٰ هُورَاوَ؞

²⁵ وَنَّنْ شِينٜىٰ رَبُوانْكِ، رَبُوانْدَ نَأَوْنَ مِكِ، سَبُواْدَ كِنْ مَنْتَادَنِے، كِكَ دُواْغَضَ غَ ڧَضْيَا؞ نِے يَهْوٜىٰهْ نَا ڢَطَا؞

²⁶ نِے دَكَيْنَ ذَنْ طَغَ ذَنٜىٰنْكِ حَرْ يَرُڢٜىٰ ڢُسْكَرْكِ، دُواْمِنْ أَغَ ڟِرَيْثِنْكِ، كِشَا كُنْيَا؞

²⁷ نَغَ أَبُبُوَنْ ڧَظَنْتَرْكِ، وَتُواْ رَايُوَرْكِ تَظِنَ، دَ إِرِنْ كُوكَنْكِ نَنٜىٰمَنْ بَرْبَرَ كَمَرْ دُواْكِ، دَ دَتِّنْ رَايُوَرْ كَارُوَنْثِنْكِ عَكَنْ تُدَّيْ دَ ثِكِنْ ڢِيلَيٜىٰ؞ كَيْتُوانْكِ، يَا عُرُوشَلِيمَ!‏ سَيْ يَوْشٜىٰ ذَاكِ يَرْدَ أَ مَيْدَكٜىٰ مَرَرْ ڧَظَنْتَا؟»‏