إِرْمِيَ 12 - أَتَّوْرَتْ دَ أَنَّبَاوَا

تَمْبَيَرْ إِرْمِيَ غَ يَهْوٜىٰهْ

¹ كَيْ مَيْ أَدَلْثِے نٜىٰ، يَا يَهْوٜىٰهْ، سَعَدَّ نَكَٰوُاْ ڧَارَتَ أَغَرٜىٰكَ؞ عَمَّا بَرِ إِنْ كَٰوُاْ وَتَ ڧَارَ أَغَبَنْكَ؞ مٜىٰيَسَا حَنْيَرْ مُوغَيٜىٰ تَكَنْ يَلْوَتَ؟ مٜىٰيَسَا مَاسُثِنْ أَمَانَ سُنَ ذَمَنْ لَاڢِيَ؟

² كَا دَسَسُ، سُكَ كُوَيِ سَيْوَ، سُكَيِ غِرْمَ، سُكَ بَادَ یَیَ؞ سُونَنْكَ كُلُّمْ يَنَ عَبَاكِنْسُ، عَمَّا يَنَ نٜىٰسَ دَ ذُوثِيَارْسُ؞

³ عَمَّا كَيْ، يَا يَهْوٜىٰهْ، كَسَنِّ، كَنَ غَنِينَ، كَأَوْنَ ذُوثِيَاتَ، تَنَ كُوَ كُسَدَكَيْ؞ وَارٜىٰ مُوغَيٜىٰنَّنْ، كَمَرْ تُمَكِنْ دَ ذَاعَ يَنْكَ، كَكٜىٰٻٜىٰسُ دُواْمِنْ رَانَرْ يَنْكَ؞

⁴ حَرْ يَوْشٜىٰ ڧَسَرْ ذَاتَيِ مَكُواْكِ، ثِيَوَرْ كُواْوَنٜىٰ دَاجِ كُمَ تَبُوشٜىٰ؟ سَبُواْدَ مُغُنْتَارْ مَذَوْنَنْ ڧَسَرْ، دَبُّواْبِے دَ ڟُنْڟَيٜىٰ سُنْ هَلَّكَ؞ بَنْدَ حَكَمَا، مُتَنٜىٰنْ سُنَ ثٜىٰوَ ‏«‏أَيْ، بَذَيْ عِيَ غَنِنْ ڧَرْشٜىٰنْمُبَ؞»‏

أَمْسَرْ يَهْوٜىٰهْ غَ إِرْمِيَ

⁵ يَهْوٜىٰهْ يَاثٜىٰ، ‏«‏عِدَنْ كَيِ ڟٜىٰرٜىٰ دَ مُتَنٜىٰ مَاسُ غُدُ عَڧَڢَ، سُنْ كُوَ سَا كَغَجِ، يَيَ ذَاكَ عِيَيِنْ ڟٜىٰرٜىٰ دَ دَوَكِ؟ عِدَنْ كَڢَاطِ أَ ڢِيلِ مَيْݣَوْ، يَيَ ذَاكَيِ عَكُرْمِ كُسَدَ كُواْغِنْ يُواْدَنْ؟

⁶ غَمَا حَرْ یَنْعُوَنْكَ دَ غِدَنْ مَحَيْڢِنْكَ سُنْثِ أَمَانَرْكَ، سُنَ إِيهُ سُنَ ڢَرَوْتَرْكَ؞ كَدَ كَأَمِنْثٜىٰ دَسُو، كُواْ دَ سُنْيِ مَكَ مَغَنَ مَيْ دَاطِے؞»‏

يَهْوٜىٰهْ يَيِ بَڧِنْ ثِكِ عَكَنْ جَمَعَرْسَ

⁷ ‏«‏نَبَرْ جَمَعَتَ إِسْرَٰٓءِيلَ، نَرَبُ دَ جَمَعَتَ تَغَادُواْ، نَبَادَ عِتَ وَدَّ رَيْنَ يَكٜىٰ ڧَوْنَ أَ حَنُّنْ مَاسُ ڧِنْتَ؞

⁸ جَمَعَتَ تَغَادُواْ تَذَمَ مِنِ كَمَرْ ذَاكِ عَكُرْمِ؞ تَا تَادَ مُرْيَرْ رُورِ غَابَادَنِے، دُواْمِنْ حَكَ نَڧِيتَ؞

⁹ أَشٜىٰ، جَمَعَتَ تَغَادُواْ تَذَمَ مِنِ كَمَرْ كُرَ؟ بَرِ ڟُنْڟَيٜىٰ مَاسُثِنْ نَامَ سُكٜىٰوَيٜىٰتَ!‏ تَڢِے، عَتَتَّارُواْ نَمُواْمِنْ دَاجِ، عَكَٰوُاْسُ سُثِنْيٜىٰتَ؞

¹⁰ مَكِيَايَ دَيَوَ سُنْ لَلَتَرْ دَ غُواْنَرْ إِنَبِنَ إِسْرَٰٓءِيلَ؞ سُنْ تَتَّاكَ یَرْ غُواْنَتَ تَغَادُواْ، سُنْ مَيْدَ ݣَكْݣَوَرْ غُواْنَتَ كُڢَيْ، دَاجِ مَرَرْ أَمْڢَانِ؞

¹¹ سُنْ مَيْدَ عِتَ كُڢَيْ، بَابُ كُواْوَ، تَذَمَ كُڢَيْ، تَنَيِ مِنِ مَكُواْكِ، أَنْ مَيْدَ ڧَسَرْ كُڢَيْ غَبَاطَيَ، عَمَّا بَابُوَنْدَ ذُوثِيَارْسَ تَدَامُ عَكَنْ وَنَّنْ؞

¹² مَاسُ هَلَّكَرْوَ سُنْ ذُواْ، سُنْبِے تَمَنْيَنْ تُدَّيْ أَ هَمَادَ؞ سُونٜىٰ تَكُواْبِنْ يَهْوٜىٰهْ مَيْ ثِنْيٜىٰوَ دَغَ وَنَّنْ إِيَاكَرْ ڧَسَرْ ذُوَا وَنْثَنْ؞ عِ، بَابُ طَنْ أَدَمْ دَ ذَيْ يِذَمَنْ لَاڢِيَ؞

¹³ جَمَعَتَ سُنْ شُوكَ حَڟِنْ أَلْكَمَ، عَمَّا سُنْ غِرْبٜىٰ ڧَيُواْيِ؞ سُنْ غَاجِيَرْ دَ كَنْسُ عَمَّا بَسُ سَامِ أَمْڢَانِنْ عَيْكِنْسُبَ؞ سُنَ شَنْ كُنْيَا دَ إِرِنْ وَنَّنْ غِرْبِے، سَبُواْدَ ذَاڢِنْ ڢُشِنْ يَهْوٜىٰهْ؞»‏

يَهْوٜىٰهْ ذَيْجِے تَوْسَيِنْ سَوْرَنْ أَلْعُمَّيْ

¹⁴ غَا أَبِنْدَ يَهْوٜىٰهْ يَڢَطَا غَمٜىٰدَ مُوغَيٜىٰنْ مَڨُوبْتَنْ مُتَنٜىٰنْسَ، مُتَنٜىٰنْ دَ سُكَ تَٻَ غَادُوانْدَ يَبَا جَمَعَرْسَ إِسْرَٰٓءِيلَ سُغَادَا؞ ‏«‏ذَنْ تُمْٻُكٜىٰسُ دَغَ ڧَسَرْسُ، ذَنْ كُمَ تُمْٻُكٜىٰ غِدَنْ يَهُودَ دَغَ ثِكِنْسُ؞

¹⁵ بَايَنْدَ نَتُمْٻُكٜىٰسُ، ذَنْ سَاكٜىٰجِنْ تَوْسَيِنْسُ، إِنْكُمَ سَاكٜىٰ كُواْمَرْدَ كُواْوَنّٜىٰنْسُ ذُوَا وُرِنْ غَادُوانْسَ، كُواْوَنّٜىٰنْسُ ذُوَا ڧَسَرْسَ؞

¹⁶ دَا مَا سُنْ كُواْيَرْ دَ جَمَعَتَ يَدَّ ذَاسُيِ ضَنْڟُوَا دَ سُونَنْ بَعَلْ؞ عَمَّا عِدَنْ كُوَ سُكَ نَڟُ، سُكَ كُواْيِ حَنْيَرْ رَايُوَرْ جَمَعَتَ، سُنَيِنْ ضَنْڟُوَا دَ سُونَنَ ثٜىٰوَ ‏‹‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ،›‏ تُواْ، سُو مَا ذَاسُ سَامِ رَبُواْ عَثِكِنْ جَمَعَتَ؞

¹⁷ عَمَّا دُكْ أَلْعُمَّرْدَ تَڧِيجِ مَغَنَاتَ، ذَنْ تُمْٻُكٜىٰتَ غَبَاطَيَ إِنْهَلَكَاتَ؞ نِے يَهْوٜىٰهْ نَا ڢَطَا؞»‏