إِرْمِيَ 11 - أَتَّوْرَتْ دَ أَنَّبَاوَا

يَهُودَ تَكَرْيَ يَرْجٜىٰجٜىٰنِيَرْ يَهْوٜىٰهْ

¹ غَا مَغَنَرْ دَ يَهْوٜىٰهْ يَيِ وَ إِرْمِيَ؞

² ‏«‏كَسَ كُنّٜىٰ غَ كَلْمُواْمِنْ يَرْجٜىٰجٜىٰنِيَرْ نَنْ، سَعَنً كَڢَطَا وَمُتَنٜىٰنْ يَهُودَ دَ مَذَوْنَنْ عُرُوشَلِيمَ؞

³ كَثٜىٰ مُسُ، إِنْجِ يَهْوٜىٰهْ اللَّهْ نَ إِسْرَٰٓءِيلَ، ‏‹‏لَعَنَنّٜىٰ نٜىٰ مُتُمِنْ دَ بَيْيِ بِيَيَّ دَ كَلْمُواْمِنْ يَرْجٜىٰجٜىٰنِيَرْ نَنْبَ؞

⁴ وَنَّنْ يَرْجٜىٰجٜىٰنِيَ نَيِ دَ كَاكَنِّنْكُ أَ لُواْكَثِنْدَ نَڢِتَرْ دَسُو دَغَ ڧَسَرْ مَصَرْ دَغَ ذَاڢِنْ وُتَرْ مَڧٜىٰرَرْ نَنْ؞ نَثٜىٰ مُسُ سُيِ بِيَيَّ دَ مَغَنَاتَ، سُأَيْكَتَ دُكَنْ أَبِنْدَ نَعُمَرْثٜىٰسُ؞ تَهَكَ ذَاسُ ذَمَ جَمَعَتَ، نِے كُوَ إِنْذَمَ اللَّهْ نْسُ؞

⁵ تَهَكَ، ذَنْ ثِكَ ضَنْڟُوَارْدَ نَيِ وَكَاكَنِّنْكُ ثٜىٰوَ ذَنْبَاسُ ڧَسَا مَيْ أَمْڢَانِ سُواْسَيْ، كَمَرْ يَدَّ يَكٜىٰ عَيَوْ؞›‏ »‏ سَيْ نَأَمْسَ ‏«‏أَمِينْ، أَمِينْ، يَا يَهْوٜىٰهْ؞»‏

⁶ يَهْوٜىٰهْ يَاثٜىٰ مِنِ ‏«‏كَيِ شٜىٰلَرْ دُكَنْ وَطَنَّنْ كَلْمُواْمِ أَغَرُضُوً يَهُودَ دَ عَتِيتُنَنْ عُرُوشَلِيمَ؞ كَثٜىٰ سُكَسَ كُنّٜىٰ دَ كَلْمُواْمِنْ يَرْجٜىٰجٜىٰنِيَرْ نَنْ سُكُمَ عَيْكَتَاسُ؞

⁷ غَمَا نَا غَرْغَطِے كَاكَنِّنْكُ سُواْسَيْ، تُنْ لُواْكَثِنْدَ نَڢِتَرْ دَسُو دَغَ ڧَسَرْ مَصَرْ حَرْ ذُوَا يَوْ؞ نَايِ تَغَرْغَطٜىٰسُ عَكَيْ عَكَيْ إِنَ تَثٜىٰوَ ‏‹‏كُيِ بِيَيَّ دَ مُرْيَتَ؞›‏

⁸ دُكْدَهَكَ، سُكَڧِ سُكَسَ كُنّٜىٰ غَ مَغَنَاتَ، بَسُ كُمَ يِمِنِ بِيَيَّبَ؞ كُواْوَ يَيِ تَبِنْ تَوْرِنْ ذُوثِيَارْسَ تَمُغُنْتَا؞ سَبُواْدَ حَكَ نَكَٰوُاْ مُسُ دُكَنْ كَلْمُواْمِنْ لَعَنَ نَوَنَّنْ يَرْجٜىٰجٜىٰنِيَ، غَمَا بَسُيِ أَبِنْدَ نَعُمَرْثٜىٰسُ سُيِبَ؞»‏

⁹ يَهْوٜىٰهْ يَا ثٜىٰ مِنِ ‏«‏أَݣَويْ ڧُلّٜىٰ ڧُلّٜىٰنْ دَ عَكَ غَنُواْ ثِكِنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ؞

¹⁰ سُنْ جُويَا غَ عَيْكَتَ لَيْڢُواْڢِنْ كَاكَنِّنْسُ وَطَنْدَ سُكَڧِ بِيَيَّ دَ مَغَنَاتَ؞ سُو مَا سُكَبِے وَطَنْسُ أَلُّواْلِ سُكَيِ مُسُ سُجَّدَ؞ غِدَنْ إِسْرَٰٓءِيلَ دَ نَ يَهُودَ سُنْ كَرْيَ يَرْجٜىٰجٜىٰنِيَتَ وَدَّ نَيِ دَ كَاكَنِّنْسُ؞

¹¹ إِنْجِنِ يَهْوٜىٰهْ، سَبُواْدَ حَكَ، غَاشِ إِنَ شِرِنْ كَٰوُاْ مُسُ مَسِيڢَرْ دَ بَذَاسُ عِيَ ڟٜىٰرٜىٰ مَتَبَ؞ كُواْ دَمَا سُنْيِ كُوكَا غَرٜىٰنِ، بَذَنْ جِيسُبَ؞

¹² سَعَنً مُتَنٜىٰنْ غَرُضُوً يَهُودَ دَ مَذَوْنَنْ عُرُوشَلِيمَ ذَاسُ تَڢِے سُيِ كُوكَا غَ أَلُّواْلِنْسُ وَطَنْدَ سُكٜىٰ ڧُواْنَ مُسُ تُرَارٜىٰ؞ عَمَّا أَلُّواْلِنْ بَذَاسُ عِيَ ثٜىٰتُوانْسُ أَ لُواْكَثِنْ وَهَلَرْسُبَ؞

¹³ يَا كُو مُتَنٜىٰنْ يَهُودَ، يَوَنْ أَلُّواْلِنْكُ سُنْكَيْ يَوَنْ غَرُرُوَنْكُ؞ يَوَنْ بَغَدَنْ دَ كُكَ كَڢَ دُواْمِنْ كُڧُواْنَ تُرَارٜىٰ غَ أَبِنْ كُنْيَرْ نَنْ، وَتُواْ بَغَدَنْ غُنْكِنَّنْ بَعَلْ، سُنْ كُمَ كَيْ يَوَنْ تِيتُنَنْ عُرُوشَلِيمَ؞»‏

¹⁴ ‏«‏كَيْ كُوَ إِرْمِيَ، كَدَ كَيِ أَدُّعَ دُواْمِنْ مُتَنٜىٰنَّنْ؞ كَدَ كَيِ كُوكَا كُواْ أَدُّعَ أَمَدَدِنْسُ؞ غَمَا نِے بَذَنْ سَوْرَرٜىٰسُ بَ، سَعَدَّ سُكَ كِرَا غَرٜىٰنِ أَ لُواْكَثِنْ وَهَلَرْسُ؞»‏

¹⁵ ‏«‏مٜىٰ يَكَٰوُاْكُ عَثِكِنْ غِدَانَ، يَا كُو مُتَنٜىٰنْ دَ نَكٜىٰ ڧَوْنَ؟ كُنْ عَيْكَتَ أَبُبُوَنْ بَنْ ڨَمَ مَاسُيَوَ!‏ غَاشِ، كُنَ جِنْ دَاطِنْ يِنْ مُغُنْتَا؞ أَغَنِنْكُ، نَامَنْ هَدَايَرْكُ ذَيْ عِيَ كَوَرْدَ مَسِيڢَ نٜىٰ؟

¹⁶ نِے يَهْوٜىٰهْ نَا تَٻَ كِرَنْكُ إِتَاثٜىٰنْ ظَيْتُنْ مَيْ يَلْوَتَ، مَيْݣَوْ، مَيْ بَادَ یَیَ مَاسُ ݣَوْ؞ عَمَّا دَ ڧَارَرْ بَبَّنْ ضُوَ دَ إِسْكَ ذَنْ كُنَّ مَسَ وُتَا، دُكَنْ رَسَّنْسَ كُوَ ذَاسُ ڧُواْنٜىٰ؞

¹⁷ ‏«‏نِے يَهْوٜىٰهْ مَيْ ضُنْدُنَا وَنْدَ نَدَسَكُ، نَيَنْكٜىٰ شَوَرَا ثٜىٰوَ مَسِيڢَ ذَاتَ ڢَاطُواْ مُكُ، سَبُواْدَ مُغُنْتَارْ دَكُكَ عَيْكَتَ، يَا كُو غِدَنْ إِسْرَٰٓءِيلَ دَ نَ يَهُودَ؞ غَمَا كُنْسَا نَيِ ڢُشِے سَبُواْدَ كُنْ ڧُواْنَ تُرَارٜىٰ غَ بَعَلْ؞»‏

ڧُلّٜىٰ ڧُلّٜىٰ دُواْمِنْ عَكَشٜىٰ إِرْمِيَ

¹⁸ يَهْوٜىٰهْ نٜىٰ يَسَنَرْ مِنِ، نَاكُوَ سَنِ، يَنُونَ مِنِ مُوغُنْ شِرِنْ دَ أَبُواْكَنْ غَابَا سُكٜىٰيِ عَكَيْنَ؞

¹⁹ عَمَّا إِنَ كَمَ دَ طَنْ ضَغُواْ مَرَرْ ڢَطَ، وَنْدَ عَكَ كَيْ وُرِنْ يَنْكَ؞ بَنْ سَنِ بَ، أَشٜىٰ عَكَيْنَنٜىٰ سُكٜىٰيِنْ ڧُلّٜىٰ ڧُلّٜىٰ ثٜىٰوَ ‏«‏بَرِ مُهَلَّكَرْ دَ إِتَاثٜىٰنْ دَ یَیَنْسَ، بَرِ مُكَوَرْ دَشِ دَغَ دُونِيَرْ مَاسُ رَيْ، دُواْمِنْ كَدَ أَ سَاكٜىٰ تُنَ دَ سُونَنْسَ؞»‏

²⁰ عَمَّا كَيْ يَا يَهْوٜىٰهْ مَيْ ضُنْدُنَا، كَيْنٜىٰ مَيْيِنْ شَرِيعَرْ غَسْكِيَ، كَيْنٜىٰ مَيْ عَوْنَ ذُوثِيَا دَ تُنَانِنْ مُتُمْ؞ بَرِ إِنْ‌غَا رَامُوَرْكَ دُواْمِنَ عَكَنْسُ، غَمَا أَغَرٜىٰكَ نَكَٰوُاْ ڧَارَتَ؞

²¹ غَا أَبِنْدَ يَهْوٜىٰهْ يَڢَطَا مِنِ غَمٜىٰدَ ڧُلّٜىٰ ڧُلّٜىٰنْ دَ مُتَنٜىٰنْ أَنَتُواتْ سُكٜىٰيِ، وَطَنْدَ سُكٜىٰ نٜىٰمَ سُكَشٜىٰنِ؞ ‏«‏سُنَ ثٜىٰوَ ‏‹‏بَذَاكَيِ أَنَّبْثِ دَ سُونَنْ يَهْوٜىٰهْ بَ؞ إِنْ كَيِ، دَ حَنُّنْمُ ذَامُ كَشٜىٰكَ؞›‏

²² إِنْجِنِ يَهْوٜىٰهْ مَيْ ضُنْدُنَا، سَبُواْدَ حَكَ، غَاشِ، ذَنْ حُكُنْتَسُ؞ سَمَارِنْسُ ذَاسُمُتُ تَوُرِنْ تَكُواْبِنْ يَاڧِ؞ یَیَنْسُ مَظَا دَ مَاتَا، يُنْوَ ذَاتَ كَشٜىٰسُ؞

²³ بَذَاعَ ضَغٜىٰ كُواْ مُتُمْ طَيَبَ؞ غَمَا ذَنْ كَٰوُاْوَ مُتَنٜىٰنْ أَنَتُواتْ مَسِيڢَ أَ شٜىٰكَرَرْ حُكُنْثِنْسُ؞»‏