إِرْمِيَ 1 - أَتَّوْرَتْ دَ أَنَّبَاوَا

أَنْ غَبَاتَرْ دَ إِرْمِيَ

¹ أَنَّبِے إِرْمِيَ طَنْ هِلْكِيَ يَڢَطِ مَغَنَرْ دَ يَهْوٜىٰهْ يَغَيَ مَسَ؞ إِرْمِيَ شِينٜىٰ طَيَ دَغَ ثِكِنْ ڢِرِسْتُواْثِنْ دَسُكٜىٰ أَغَرِنْ أَنَتُواتْ ثِكِنْ يَنْكِنْ بِلِيَامِنُ؞

² أَ شٜىٰكَرَا تَغُواْمَشَا عُكُ تَمُلْكٍ سَرْكِے يُواْسِيَا طَنْ أَمُوانْ نَڧَسَرْ يَهُودَ، يَهْوٜىٰهْ يَا يِمَغَنَرْ نَنْ؞

³ يَهْوٜىٰهْ يَثِيغَبَدَ يِنْ مَغَنَ دَ إِرْمِيَ أَ لُواْكَثِنْ مُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ؞ يَيِتَيِ مَسَ مَغَنَ حَرْ ڧَرْشٜىٰنْ شٜىٰكَرَا تَغُواْمَشَا طَيَ تَمُلْكٍ سَرْكِے صَدِڧِيَ طَنْ يُواْسِيَا نَ يَهُودَ، حَرْ ذُوَا لُواْكَثِنْ دَ عَكَ كَيْ مَذَوْنَنْ عُرُوشَلِيمَ ذَمَنْ بَوْتَا أَوَتَ نَبِيَرْ أَ شٜىٰكَرَرْ؞

كِرَنْ إِرْمِيَ

⁴ أَنَانً يَهْوٜىٰهْ يَيِ مَغَنَ دَنِے ثٜىٰوَ

⁵ ‏«‏تُنْ كَاڢِنْ إِنْ صِڢَّتَاكَ عَثِكِنْ ثِكِ، نَسَنْكَ، تُنْ كَاڢِنْ أَحَيْڢٜىٰكَ، نَكٜىٰٻٜىٰكَ؞ نَنَطَكَ أَنَّبِے غَ أَلْعُمَّيْ؞»‏

⁶ سَيْ نَثٜىٰ ‏«‏كَيْ، يَا عُبَنْ‌غِجِ يَهْوٜىٰهْ!‏ غَاشِ، نِے يَرُواْ نٜىٰ، بَنْ سَنْ يَدَّ ذَنْيِ مَغَنَبَ؞»‏

⁷ سَيْ يَهْوٜىٰهْ يَثٜىٰ مِنِ ‏«‏كَدَ كَثٜىٰ كَيْ يَرُواْ نٜىٰ؞ كَيْ دَيْ، كَتَڢِے دُكْ وُرِنْ وَطَنْدَ نَ عَيْكٜىٰكَ، كَكُمَ ڢَطِ دُكْ أَبِنْدَ نَعُمَرْثٜىٰكَ كَڢَطَا مُسُ؞

⁸ كَدَ كَجِڟُواْرُوانْسُ، غَمَا إِنَانَنْ تَرٜىٰدَكَيْ، دُواْمِنْ إِنْ كُٻُتَرْ دَكَيْ؞ نِے يَهْوٜىٰهْ نَا ڢَطَا؞»‏

⁹ سَيْ يَهْوٜىٰهْ يَمِيڧَ حَنُّنْسَ يَتَٻَ بَاكِنَ يَثٜىٰ ‏«‏غَاشِ نَسَا مَغَنَاتَ عَبَاكِنْكَ؞

¹⁰ ‏«‏دُوبَ، يَوْ طِنَّنْ نَابَاكَ إِيكُواْ عَكَنْ أَلْعُمَّيْ دَ مُلْكُواْكِ، دُواْمِنْ كَتُمْٻُكٜىٰ، كَهَلَّكَرْ، كَرُسَرْ، كَكَوَرْ، كَغِنَ، كَدَسَ؞»‏

رُعُيُواْيِ بِيُ

¹¹ يَهْوٜىٰهْ يَايِ مَغَنَ دَنِے ثٜىٰوَ ‏«‏إِرْمِيَ، مٜىٰكَغَنِ؟»‏ سَيْ نَأَمْسَ نَثٜىٰ ‏«‏نَغَ رٜىٰشٜىٰنْ إِتَاثٜىٰنْ أَلْمُوانْ؞»‏

¹² سَيْ يَهْوٜىٰهْ يَثٜىٰ مِنِ ‏«‏عِ، كَا غَنِ دَيْدَيْ، غَمَا إِنَ كَنْ لُورَ دَ مَغَنَاتَ دُواْمِنْ إِنْثِكَتَ؞»‏

¹³ يَهْوٜىٰهْ يَا سَاكٜىٰيِنْ مَغَنَ دَنِے سَوْ نَبِيُ ثٜىٰوَ ‏«‏مٜىٰكَغَنِ؟»‏ سَيْ نَأَمْسَ نَثٜىٰ ‏«‏نَاغَ تُكُنْيَ تَنَ تَڢَسَ عَ أَرٜىٰوَ، بَاكِنْتَ كُمَ يَنَ جُويَاوَا دَغَ أَرٜىٰوَ ذُوَا كُدُ؞»‏

¹⁴ سَيْ يَهْوٜىٰهْ يَثٜىٰ مِنِ، ‏«‏دَغَ أَرٜىٰوَ ذَاعَ ظُبَ مَسِيڢَ عَكَنْ دُكَنْ مَذَوْنَنْ ڧَسَرْ نَنْ!‏

¹⁵ غَاشِ، إِنَ كِرَنْ دُكَنْ ڧَبِيلُنْ مُلْكُواْكِنْ أَرٜىٰوَ؞ ذَاسُيِ غَابَادَ دُكَنْ كَتَنْ‌غَرْتَ، دَ دُكَنْ كَتَنْ‌غَرْ سَوْرَنْ غَرُضُوً يَهُودَ؞ سَرَاكُنَنْسُ ذَاسُذُواْ سُكَڢَ كُجٜىٰرُنْ مُلْكِنْسُ أَوُرِنْ تَارُوَ عَڧُواْڢُواْڢِنْ عُرُوشَلِيمَ؞

¹⁶ ذَنْ سَنَرْدَ شَرِيعَتَ تَغَابَدَ مُتَنٜىٰنَ سَبُواْدَ مُغُنْتَارْسُ تَڧِينَ، دَ تَڧُواْنَ تُرَارٜىٰ غَ وَطَنْسُ أَلُّواْلِ، دَ تَيِنْ سُجَّدَ غَ غُمَكَ، عَيْكِنْ حَنُّوَنْسُ؞

¹⁷ ‏«‏عَمَّا كَيْ إِرْمِيَ، كَيِ طَمَرَ!‏ كَتَاشِ كَغَيَ مُسُ دُكَنْ أَبِنْدَ نَعُمَرْثٜىٰكَ؞ كَدَ كَڢِرْغِتَ سَبُواْدَسُو، دُواْمِنْ كَدَ إِنْڢِرْغِتَرْ دَكَيْ أَغَبَنْسُ؞

¹⁸ نِے كُوَ، غَاشِ، يَوْ نَا مَيْشٜىٰكَ كَمَرْ بِرْنِ مَيْ كَتَنْ‌غَ، كَمَرْ غِنْشِڧِنْ ڧَرْڢٜىٰ، كَمَرْ بَنْ‌غُوانْ ڧَرْڢٜىٰنْ تَغُلَّ؞ نَاسَا كَاعِيَ ڟَيَاوَا غَابَادَ دُكَنْ ڧَسَرْ، غَابَادَ سَرَاكُنَنْ يَهُودَ دَ شُوغَبَنِّنْتَ، غَابَادَ ڢِرِسْتُواْثِنْتَ دَ دُكَنْ مُتَنٜىٰنْ ڧَسَرْ؞

¹⁹ ذَاسُيِ غَابَادَكَيْ، عَمَّا بَذَاسُثِ نَصَرَا عَكَنْكَبَ، غَمَا إِنَ تَرٜىٰدَكَيْ دُواْمِنْ إِنْكُٻُتَرْ دَكَيْ؞ نِے يَهْوٜىٰهْ نَا ڢَطَا؞»‏