أَلْڧَلَيْ 9 - أَتَّوْرَتْ دَ أَنَّبَاوَا

مُلْكٍ أَبِمٜىٰلٜىٰكْ

¹ وَتَرَانَ أَبِمٜىٰلٜىٰكْ طَنْ يٜىٰرُبَّعَلْ، وَتُواْ جِدْعَوْنَ، يَتَڢِے شٜىٰكٜىٰمْ، عِنْدَ دَنْ‌غِنْ مَامَرْسَ سُكٜىٰ ذَمَ، يَثٜىٰ مُسُ،

² ‏«‏إِنَ ضُواْڧُوانْكُ، كُيِ مَغَنَ دَ شُوغَبَنِّنْ شٜىٰكٜىٰمْ، كُثٜىٰ مُسُ، ‏‹‏مٜىٰ يَڢِ مُكُ ݣَوْ، عَثٜىٰ دُكَنْ یَیَنْ جِدْعَوْنَ غُدَا سَبَعِنْ طِنَّنْ سُيِ مُلْكِنْكُ، كُواْ كُوَ عَثٜىٰ مُتُمْ طَيَ يَيِ مُلْكِنْكُ؟›‏ عَمَّا كُتُنَ ڢَا نِے نَامَنْكُ دَ جِنِنْكُ نٜىٰ؞»‏

³ سَيْ یَنْعُوَنْ مَامَرْ أَبِمٜىٰلٜىٰكْ سُكَ ڢَطِ دُكَنْ مَغَنَرْ نَنْ غَ شُوغَبَنِّنْ شٜىٰكٜىٰمْ غَمٜىٰدَشِ؞ سَيْ ذُوثِيَارْ شُوغَبَنِّنْ تَكُواْمَ غَ أَبِمٜىٰلٜىٰكْ سُكَثٜىٰ ‏«‏أَيْ، شِ طَنْعُوَنْمُ نٜىٰ؞»‏

⁴ سُكَ بَاشِ أَظُرْڢَا سَبَعِنْ دَغَ ثِكِنْ غِدَنْ غُنْكِنَّنْ بَعَلْ نَيَرْجٜىٰجٜىٰنِيَ؞ دَ وَنَّنْ كُطِنْ أَبِمٜىٰلٜىٰكْ يَيِ هَيَرْ یَنْ إِسْكَ، سُو كُوَ سُكَبِيشِ؞

⁵ يَتَڢِے غِدَنْ بَابَنْسَ عَ عُواڢْرَ؞ أَوُرِنْ يَكَكَّشٜىٰ یَنْعُوَنْسَ یَیَنْ جِدْعَوْنَ دُكَ، مَظَا سَبَعِنْ عَكَنْ وَنِ دُوڟٜىٰ؞ عَمَّا يُواْتَمْ أَوْتَنْ یَیَنْ جِدْعَوْنَ نٜىٰ كَطَيْ بَعَكَشٜىٰبَ غَمَا يَا غُدُ يَٻُيَ؞

⁶ سَيْ دُكَنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ سُكَ تَتَّارُ وَجٜىٰنْ بَبَّنْ إِتَاثٜىٰنْ ڟَاڢِ أَ شٜىٰكٜىٰمْ، أَوُرِنْ نٜىٰ سُكَ نَطَ أَبِمٜىٰلٜىٰكْ سَرْكِے؞

⁷ سَعَدَّ يُواْتَمْ يَجِ وَنَّنْ، سَيْ يَتَڢِے، يَڟَيَ عَكَنْ بَبَّنْ تُدُنْ غٜىٰرِظِمْ، يَيِ كِرَا دَ بَبَّرْ مُرْيَ يَثٜىٰ مُسُ ‏«‏كُسَوْرَرَتَ، يَا كُو شُوغَبَنِّنْ شٜىٰكٜىٰمْ، دُواْمِنْ كُمَ اللَّهْ يَسَوْرَرٜىٰكُ؞

⁸ ‏«‏أَنَانً وَتَرَانَ عِتَتُوَ سُكَ تَتَّارُ دُواْمِنْ سُنَطَ وَكَنْسُ سَرْكِے؞ سَيْ سُكَثٜىٰ وَ إِتَاثٜىٰنْ ظَيْتُنْ، ‏‹‏كَيْ كَذُواْ كَذَمَ سَرْكِنْمُ؞›‏

⁹ ‏«‏عَمَّا إِتَاثٜىٰنْ ظَيْتُنْ يَأَمْسَ مُسُ يَثٜىٰ، ‏‹‏مَيْنَ يَنَ غِرْمَمَ أَلُّواْلِ دَ مُتَنٜىٰ؞ إِنْ دَيْنَ بَادَ مَيْ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›‏

¹⁰ ‏«‏سَيْ عِتَتُوَنْ سُكَثٜىٰ وَ إِتَاثٜىٰنْ ٻَوْرٜىٰ، ‏‹‏كَيْ كَذُواْ كَذَمَ سَرْكِنْمُ؞›‏

¹¹ ‏«‏عَمَّا إِتَاثٜىٰنْ ٻَوْرٜىٰ يَأَمْسَ مُسُ يَثٜىٰ، ‏‹‏یَیَنَ سُنَدَ ݣَوْ، سُنَدَ ذَاڧِ؞ إِنْ دَيْنَ بَادَ یَیَ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›‏

¹² ‏«‏سَيْ عِتَتُوَنْ سُكَثٜىٰ وَ إِتَاثٜىٰنْ إِنَبِے، ‏‹‏كَيْ كَذُواْ كَذَمَ سَرْكِنْمُ؞›‏

¹³ ‏«‏عَمَّا إِتَاثٜىٰنْ إِنَبِنْ يَأَمْسَ مُسُ يَثٜىٰ، ‏‹‏ضُوً إِنَبِنَ يَنَسَا أَلُّواْلِ دَ مُتَنٜىٰ ڢَضٍ ثِكِ؞ إِنْ دَيْنَ بَادَ ضُوً إِنَبِے دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›‏

¹⁴ ‏«‏عَڧَرْشٜىٰ، سَيْ دُكَنْ عِتَتُوَنْ سُكَثٜىٰ وَ إِتَاثٜىٰنْ ڧَيَ نَدَاجِ، ‏‹‏كَيْ كَذُواْ كَذَمَ سَرْكِنْمُ؞›‏

¹⁵ ‏«‏إِتَاثٜىٰنْ ڧَيَ يَأَمْسَ مُسُ يَثٜىٰ، ‏‹‏عِدَنْ دَ غَسْكٜىٰ نٜىٰ كُكٜىٰسُواْ كُنَطَنِ سَرْكِنْكُ، سَيْ كُذُواْ كُذَوْنَ عَثِكِنْ إِنُوَتَ؞ عَمَّا عِدَنْ ڧَضْيَا كُكٜىٰيِ مِنِ، بَرِ وُتَا تَڢِتُواْ دَغَ رَسَّنْ إِتَاثٜىٰنْ ڧَيَ تَثِنْيٜىٰ عِتَتُوَنْ لٜىٰبَنُوانْ؞›‏

¹⁶ ‏«‏يَنْذُ، كُنْ تَبَّتَرْ كُنْيِ غَسْكِيَ كُمَ كُنْيِ دَيْدَيْ دَ كُكَ نَطَ أَبِمٜىٰلٜىٰكْ يَذَمَ سَرْكِنْكُ؟ كُنْيِ وَ يٜىٰرُبَّعَلْ دَ عِيَلِنْسَ كِرْكِ كٜىٰنَنْ؟ كُواْ وَنَّنْ شِينٜىٰ سَكَمَكُوانْ عَيْكِنْسَ؟

¹⁷ كُتُنَ ڢَا بَابَنَ يَيِ يَاڧِ دُواْمِنْكُ؞ يَسَدَوْكَرْ دَ رَنْسَ دُواْمِنْ يَثٜىٰثٜىٰكُ دَغَ حَنُّنْ مِدِيَنَاوَا؞

¹⁸ عَمَّا غَاشِ، يَوْ كُنْ جُويَا كُنَ غَابَادَ غِدَنْ بَابَنَ؞ كُكَ كَكَّشٜىٰ یَیَنْسَ مَظَا سَبَعِنْ عَكَنْ دُوڟٜىٰ طَيَ؞ كُكَ نَطَ طَنْسَ أَبِمٜىٰلٜىٰكْ وَدَّ مَاتَرْ دَ يَأَجِيٜىٰ ثٜىٰ تَحَيْڢٜىٰشِ يَذَمَ سَرْكِنْ شٜىٰكٜىٰمْ، دُواْمِنْ كَوَيْ شِے طَنْعُوَنْكُ نٜىٰ؞

¹⁹ يَنْذُ، عِدَنْ أَبِنْدَ كُكَيِ وَ جِدْعَوْنَ دَ عِيَلِنْسَ دَيْدَيْنٜىٰ، تُواْ، سَيْ كُيِ ڢَضٍ ثِكِ تَرٜىٰدَ أَبِمٜىٰلٜىٰكْ، بَرِ شِيكُمَ يَيِ ڢَضٍ ثِكِ تَرٜىٰدَكُو؞

²⁰ عَمَّا عِدَنْ بَهَكَبَ، بَرِ وُتَا تَڢِتُواْ دَغَ ثِكِنْ أَبِمٜىٰلٜىٰكْ تَڧُواْنٜىٰ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ؞ بَرِ كُمَ وُتَا تَڢِتُواْ دَغَ ثِكِنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ تَڧُواْنٜىٰ أَبِمٜىٰلٜىٰكْ!‏»‏

²¹ سَعَنً يُواْتَمْ يَغُدُ يَتَڢِے يَذَوْنَ أَ بٜىٰيٜىٰرْ، غَمَا يَنَ ڟُواْرُوانْ طَنْعُوَنْسَ أَبِمٜىٰلٜىٰكْ؞

ڢَاطُوَرْ أَبِمٜىٰلٜىٰكْ

²² أَبِمٜىٰلٜىٰكْ كُوَ يَيِ شٜىٰكَرَا عُكُ يَنَ مُلْكٍ مُتَنٜىٰنْ إِسْرَٰٓءِيلَ؞

²³ اللَّهْ كُمَ يَسَا ڧِيَيَّ تَتَاشِ ڟَكَانِنْ أَبِمٜىٰلٜىٰكْ دَ مُتَنٜىٰنْ شٜىٰكٜىٰمْ؞ شُوغَبَنِّنْ كُوَ سُكَ تَيَرْ مَسَ؞

²⁴ وَنَّنْ يَڢَرُ نٜىٰ دُواْمِنْ أَ رَامَ كَشٜىٰوَرْ یَیَ سَبَعِنْ نَ يٜىٰرُبَّعَلْ، كُمَ أَلْحَكِنْ جِنِنْسُ يَكَسَنْثٜىٰ عَكَنْ أَبِمٜىٰلٜىٰكْ دَ كُمَ عَكَنْ شُوغَبَنِّنْ شٜىٰكٜىٰمْ وَطَنْدَ سُكَ تَيْمَكٜىٰشِ يَكَشٜىٰ یَنْعُوَنْسَ؞

²⁵ شُوغَبَنِّنْ شٜىٰكٜىٰمْ، سَبُواْدَ سُنَ غَابَادَ أَبِمٜىٰلٜىٰكْ، سُكَسَا مُتَنٜىٰ سُيِ ݣُونْتُوانْ ٻَوْنَ عَثِكِنْ دُوَڟُو؞ سُكَ يِتَيِ وَدُكْ وَنْدَ يَبِے تَوَنَّنْ حَنْيَ ڢَشِ؞ عَكَ كُوَ ڢَطَا وَ أَبِمٜىٰلٜىٰكْ أَبِنْدَ يَكٜىٰ ڢَرُوَ؞

²⁶ سَيْ غَعَلْ طَنْ عٜىٰبٜىٰدْ يَذُواْ يَذَوْنَ أَ شٜىٰكٜىٰمْ تَرٜىٰدَ یَنْعُوَنْسَ؞ شُوغَبَنِّنْ شٜىٰكٜىٰمْ كُمَ سُكَ أَمِنْثٜىٰ دَشِ؞

²⁷ دُكَنْ مُتَنٜىٰنْ شٜىٰكٜىٰمْ كُوَ سُكَ تَڢِے غُواْنَكِنْسُ دُواْمِنْ غِرْبِے، سُكَ طٜىٰبُواْ یَیَنْ إِنَبِے، سُكَ مَڟٜىٰ ضُوً، سُكَيِ بِكِ أَغِدَنْ غُنْكِنْسُ؞ سُكَثِ سُكَشَا سُكَ ذَاغِ أَبِمٜىٰلٜىٰكْ؞

²⁸ غَعَلْ طَنْ عٜىٰبٜىٰدْ يَثٜىٰ ‏«‏وَنٜىٰنٜىٰ أَبِمٜىٰلٜىٰكْ، حَرْ دَ مُو مُتَنٜىٰنْ شٜىٰكٜىٰمْ ذَامُ بَوْتَا مَسَ؟ بَشِے طَنْ يٜىٰرُبَّعَلْ بَنٜىٰ؟ بَكُمَ ظٜىٰبُلْ مَعَيْكَثِنْسَبَنٜىٰ؟ دُوانْمٜىٰ ذَامُ بَوْتَا مَسَ؟ كُيِ أَمِنْثِ غَ كَكَنْكُ هَمُوارْ تُوشٜىٰنْ ڧَبِيلَرْكُ!‏

²⁹ دَمَا عَثٜىٰنِنٜىٰ نَكٜىٰ شُوغَبَنْثِنْ وَطَنَّنْ مُتَنٜىٰ، أَيْ دَ نَكَوَرْدَ أَبِمٜىٰلٜىٰكْ!‏ دَظَنْثٜىٰ مَسَ، ‏‹‏جٜىٰكَ، كَڧَارَ يَوَنْ سُواْجُواْجِنْكَ كَڢِتُواْ!‏›‏ »‏

³⁰ دَ ظٜىٰبُلْ، شُوغَبَنْ بِرْنِنْ، يَجِ كَلْمُواْمِنْ دَسُكٜىٰ ڢِتُواْوَ دَغَ بَاكِنْ غَعَلْ طَنْ عٜىٰبٜىٰدْ، سَيْ يَثِكَ دَ ڢُشِے؞

³¹ يَتُورَ یَنْ عَيْكَ ذُوَا أَبِمٜىٰلٜىٰكْ أَعَرُمَ يَثٜىٰ ‏«‏غَاشِ ڢَا، غَعَلْ طَنْ عٜىٰبٜىٰدْ دَ یَنْعُوَنْسَ سُنْ ذُواْ شٜىٰكٜىٰمْ، كُمَ سُنَ ذُغَ بِرْنِنْ دُواْمِنْ سُتَيَرْ مَكَ؞

³² يَنْذُ سَيْ كَتَاشِ عَثِكِنْ دَرٜىٰنَّنْ، كَيْ دَ مُتَنٜىٰنْكَ دَسُكٜىٰ تَرٜىٰدَكَيْ، كُذُواْ كُٻُيَ عَثِكِنْ ثِيَوَ أَ ڢِيلَيٜىٰ؞

³³ سَعَنً غُواْبٜىٰ دَ سَڢٜىٰ دَ ڢِتُواْوَرْ رَانَ، كَتَاشِ كَڢَاطَوَ بِرْنِنْ دَ يَاڧِ بَاڟَمَّنِ؞ لُواْكَثِنْ دَ غَعَلْ دَ مُتَنٜىٰنْسَ سُكَ ڢِتُواْ دُواْمِنْ سُيَاڧٜىٰكَ، سَيْ كَبُغٜىٰسُ يَدَّ كَاعِيَ!‏»‏

³⁴ سَيْ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَ دَرٜىٰ، سُكَ ٻُيَ عَثِكِنْ ثِيَوَرْ ڢِيلَيٜىٰنْ شٜىٰكٜىٰمْ، سُكَ رَبَ كَنْسُ ڧُنْ‌غِيَ حُطُ؞

³⁵ غَعَلْ طَنْ عٜىٰبٜىٰدْ كُوَ يَڢِتُواْ يَڟَيَ عَڧُواْڢَرْ بِرْنِ دَيْدَيْ لُواْكَثِنْ دَ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَغَ وُرَارٜىٰنْ ٻُيَنْسُ؞

³⁶ سَعَدَّ غَعَلْ يَغَنْسُ، سَيْيَثٜىٰ وَ ظٜىٰبُلْ ‏«‏دُوبَ!‏ غَا مُتَنٜىٰ سُنَ غَنْ‌غَرُواْوَ دَغَ كَنْ مَنْيَنْ تُدَّيْ!‏»‏ سَيْ ظٜىٰبُلْ يَأَمْسَ مَسَ يَثٜىٰ ‏«‏أَيْ!‏ وَطَنَّنْ بَمُتَنٜىٰ بَنٜىٰ، إِنُوَ ثٜىٰ تَتُدَّيْ كَكٜىٰ غَنِ كَمَرْ مُتَنٜىٰ؞»‏

³⁷ غَعَلْ يَڧَارَ يِنْ مَغَنَ يَثٜىٰ ‏«‏دُوبَ!‏ أَݣَويْ مُتَنٜىٰنْ دَسُكٜىٰ غَنْ‌غَرُواْوَ دَغَ تُدَّيْ، غَا كُمَ ڧُنْ‌غِيَ طَيَ تَنَ ذُوَا تَهَنْيَرْ دَتَبِے دَغَ وَجٜىٰنْ إِتَاثٜىٰنْ ڟَاڢِ؞»‏

³⁸ سَيْ ظٜىٰبُلْ يَثٜىٰ مَسَ ‏«‏يَنْذُ!‏ إِنَا ثِكَاوَرْ مَغَنَرْكَ نَطَغَ كَيْ دَ كَثٜىٰ وَيْ، دُوانْمٜىٰ مُكٜىٰ بَوْتَاوَ وَنَّنْ مُتُمْ أَبِمٜىٰلٜىٰكْ؟ وَطَنَّنْ سُونٜىٰ مُتَنٜىٰنْدَ كَرٜىٰنَ؞ كَڢِتُواْ يَنْذُ كَيَاڧٜىٰسُ مَنَ!‏»‏

³⁹ غَعَلْ كُوَ يَيِ جَغُواْرَنْ مُتَنٜىٰنْ شٜىٰكٜىٰمْ، سُكَ ڢِتَ سُكَ يَاڧِ أَبِمٜىٰلٜىٰكْ؞

⁴⁰ غَعَلْ يَغُدُ، أَبِمٜىٰلٜىٰكْ كُوَ يَبِيشِ؞ عَكَيِ وَمُتَنٜىٰ دَيَوَ رَوْنِ سَعَدَّ سُكٜىٰ غُدُ ذُوَا بَاكِنْ ڧُواْڢَرْ بِرْنِنْ؞

⁴¹ أَبِمٜىٰلٜىٰكْ يَذَوْنَ أَعَرُمَ؞ ظٜىٰبُلْ كُوَ يَكُواْرِ غَعَلْ دَ یَنْعُوَنْسَ دَغَ شٜىٰكٜىٰمْ، غَمَا بَايَسُواْ سُذَوْنَ تَرٜىٰدَسُوبَ؞

⁴² وَشٜىٰغَرِ مُتَنٜىٰنْ شٜىٰكٜىٰمْ ذَاسُ ڢِتَ دَغَ بِرْنِ ذُوَا ڢِيلَيٜىٰ؞ سَيْ عَكَ ڢَطَا وَ أَبِمٜىٰلٜىٰكْ؞

⁴³ سَيْ يَطَوْكِ سُواْجُواْجِنْسَ، يَرَبَسُ ڧُنْ‌غِيَ عُكُ سُكَيِ ݣُونْتُوانْ ٻَوْنَ عَثِكِنْ ثِيَوَ أَ ڢِيلَيٜىٰ؞ دَ يَغَ مُتَنٜىٰ سُنَ ڢِتُواْوَ دَغَ ثِكِنْ بِرْنِنْ، سَيْ أَبِمٜىٰلٜىٰكْ يَڢِتُواْ دَغَ وُرِنْ ٻُيَ دُواْمِنْ يَكَكَّشٜىٰسُ؞

⁴⁴ أَبِمٜىٰلٜىٰكْ دَ مُتَنٜىٰنْسَ سُكَيِ سَوْرِ سُكَشَا غَبَنْسُ سُكَ تَرٜىٰ ڧُواْڢَرْ بِرْنِنْ؞ سَيْ ڧُنْ‌غِيُواْيِ بِيُ طِنَّنْ سُكَ ڢَاطَوَ مُتَنٜىٰنْ دَ يَاڧِ عَثِكِنْ ڢِيلَيٜىٰنْ، سُكَ كَكَّشٜىٰسُ دُكَ؞

⁴⁵ أَبِمٜىٰلٜىٰكْ كُوَ يَثِيغَبَدَ يَاڧِ دَ بِرْنِنْ دُكَنْ يِنِ؞ يَثِ بِرْنِنْ دَيَاڧِ، يَكَكَّشٜىٰ مُتَنٜىٰنْ؞ يَڧُواْنٜىٰ بِرْنِنْ، يَبَظَ مَسَ غِشِرِ كُواْعِنَ؞

⁴⁶ سَعَدَّ دُكَنْ شُوغَبَنِّنْ غِدَنْ غُنْكِ بَعَلْ نَيَرْجٜىٰجٜىٰنِيَ أَ شٜىٰكٜىٰمْ سُكَجِ لَابَرِنْ أَبِنْدَ يَڢَرُ، سَيْ سُكَ غُدُ سُكَ شِغَ وُرِنْ ٻُيَ نَغِدَنْ غُنْكِنْ؞

⁴⁷ عَكَ ڢَطَا وَ أَبِمٜىٰلٜىٰكْ ثٜىٰوَ دُكَنْ شُوغَبَنِّنْ شٜىٰكٜىٰمْ سُنْ تَتَّارُ أَوُرِے طَيَ؞

⁴⁸ سَيْ يَهَوْرَ ذُوَا بَبَّنْ تُدُنْ ظَلْمُوانْ تَرٜىٰدَ سُواْجُواْجِنْسَ؞ سَيْ يَطَوْكِ غَاتَرِ يَسَارٜىٰ رٜىٰشٜىٰنْ إِتَاثٜىٰ يَرِڧٜىٰ عَكَڢَطَ؞ يَڢَطَا وَسُواْجُواْجِنْسَ تَرٜىٰدَشِ سُيِ سَوْرِ سُيِ كَمَرْ يَدَّ شِے يَيِ؞

⁴⁹ سَيْ كُواْوَنٜىٰ مُتُمْ يَجٜىٰ يَسَارٜىٰ رٜىٰشٜىٰنْ إِتَاثٜىٰ؞ سَعَنً سُكَبِے أَبِمٜىٰلٜىٰكْ سُكَ تَارَ عِتَتُوَنْ أَجِكِنْ وُرِنْ ٻُيَ أَغِدَنْ غُنْكِنْ؞ سُكَسَا وُتَا عَكَنْ غِنِنْ تَرٜىٰدَ مُتَنٜىٰنْ عَثِكِ؞ دُكَنْ مُتَنٜىٰنْ دَ سُكَ تَارُ عَثِكِنْ وُرِنْ ٻُيَنَّنْ أَ شٜىٰكٜىٰمْ سُكَ مُتُ غَبَاطَيَ، وَجٜىٰنْ مُتُمْ دُبُو طَيَ مَظَا دَ مَاتَا؞

⁵⁰ سَيْ أَبِمٜىٰلٜىٰكْ يَتَڢِے ذُوَا تٜىٰبٜىٰظْ، يَكٜىٰوَيٜىٰ بِرْنِنْ دَ يَاڧِ يَكُمَثِ نَصَرَا عَكَنْتَ؞

⁵¹ عَثِكِنْ بِرْنِ أَݣَويْ وَتَ حَصُومِيَا مَيْ ڧَرْڢِنْ غَسْكٜىٰ؞ سَيْ دُكَنْ مُتَنٜىٰنْ غَرِنْ مَظَا دَ مَاتَا حَرْ مَا دَ شُوغَبَنِّنْ، سُكَ غُدُ سُكَ شِغَ ثِكِ؞ سُكَ كُلّٜىٰ كَنْسُ عَثِكِ، سُكَ هَوْرَ كَنْ رُڢِنْ حَصُومِيَرْ؞

⁵² أَبِمٜىٰلٜىٰكْ يَذُواْ وُرِنْ حَصُومِيَرْ، يَيِ يَاڧِ يَيِ ڧُواْڧَرِ يَشِغَ؞ يَذُواْ كُسَدَ ڧُواْڢَرْ دُواْمِنْ يَسَا وَحَصُومِيَرْ وُتَا؞

⁵³ عَمَّا وَتَ مَثٜىٰ تَجٜىٰڢِ أَبِمٜىٰلٜىٰكْ دَ طَنْ دُوڟٜىٰنْ نِڧَ عَكَيْ، ڧُواْڧُوانْ كَنْسَ يَڢَرْڢَشٜىٰ؞

⁵⁴ نَنْ دَ نَنْ أَبِمٜىٰلٜىٰكْ يَكِرَا سَوْرَيِ مَيْ رِڧٜىٰ مَسَ كَايَنْ يَاڧِنْسَ، يَعُمَرْثٜىٰشِ ثٜىٰوَ ‏«‏كَظَارٜىٰ تَكُواْبِنْكَ كَكَشٜىٰنِ، دُواْمِنْ بَانَسُواْ عَثٜىٰ وَيْ مَثٜىٰ تَا كَشٜىٰنِ؞»‏ سَيْ سَوْرَيِنْ يَسُواْكِ أَبِمٜىٰلٜىٰكْ، يَمُتُ؞

⁵⁵ دَ دُكَنْ مُتَنٜىٰنْ إِسْرَٰٓءِيلَ سُكَغَ أَبِمٜىٰلٜىٰكْ يَمُتُ، سَيْ كُواْوَ يَكُواْمَ غِدَنْسَ؞

⁵⁶ تَهَكَنٜىٰ اللَّهْ يَمَيَرْ وَ أَبِمٜىٰلٜىٰكْ مُغُنْتَارْ دَ يَيِ وَبَابَنْسَ دَ يَكَكَّشٜىٰ یَنْعُوَنْسَ مَظَا سَبَعِنْ؞

⁵⁷ حَكَكُمَ اللَّهْ يَسَا مُتَنٜىٰنْ شٜىٰكٜىٰمْ سُنْ شَا وَهَلَ سَبُواْدَ مُغُنْتَارْسُ، كَمَرْ يَدَّ يُواْتَمْ أَوْتَنْ جِدْعَوْنَ يَڢَطَا مُسُ لُواْكَثِنْ دَ يَيِ ڢُرْثِنْ لَعَنَ عَكَنْسُ؞