أَلْڧَلَيْ 6 - أَتَّوْرَتْ دَ أَنَّبَاوَا

يَهْوٜىٰهْ يَا حُكُنْتَ إِسْرَٰٓءِيلَاوَا تَوُرِنْ مِدِيَنَاوَا

¹ أَنَانً مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ؞ سَيْ يَهْوٜىٰهْ يَسَا مُتَنٜىٰنْ مَدْيَنَ سُكَ مَلَّكٜىٰسُ شٜىٰكَرَا بَݣَويْ؞

² مِدِيَنَاوَا كُوَ سُكَشَا ڧَرْڢِنْ مُتَنٜىٰنْ إِسْرَٰٓءِيلَ؞ دُواْمِنْ حَكَ مُتَنٜىٰنْ إِسْرَٰٓءِيلَ سُكَ غُدُ سُكَ سَامُواْ وَكَنْسُ وُرَارٜىٰنْ ٻُيَ عَثِكِنْ تُدَّيْ دَ كُواْڠُونِّ دَ رَامُكَ؞

³ دُكْ لُواْكَثِنْ دَ مُتَنٜىٰنْ إِسْرَٰٓءِيلَ سُكَيِ شُوكَ، سَيْ مِدِيَنَاوَا سُذُواْ تَرٜىٰدَ أَمَلٜىٰكَاوَا دَ وَطَنْسُ ڧَبِيلُ دَغَ غَبَسْ سُڢَاطَ مُسُ دَ يَاڧِ؞

⁴ سُكَنْ ذُواْ سُكَڢَ سَنْسَنِنْ يَاڧِ عَڧَسَرْ، سُهَلَّكَرْ دَ أَمْڢَانِنْ غُواْنَكِ نَڧَسَرْ حَرْ ذُوَا يَنْكِنْ غَاظَ عَكُدُ؞ سُكَنْ ݣُوشٜىٰ مُسُ دُكَنْ عَبِنْثِ دَ تُمَكِ دَ شَانُو دَ جَاكُنَ، بَسُ بَرِنْ كُواْمٜىٰ دُواْمِنْ مُتَنٜىٰنْ إِسْرَٰٓءِيلَ، وَنْدَ ذَاسُثِ سُرَايُ؞

⁵ غَمَا مُتَنٜىٰنْ سُكَنْ ذُواْ نٜىٰ تَرٜىٰدَ دَبُّواْبِنْسُ دَ تٜىٰنْتُنَنْسُ دَيَوَ كَمَرْ ڢَارِ؞ سُو دَ رَاڧُمَنْسُ سُنْيِيَوَ يَدَّ بَذَاعَ عِيَ ڧِرْغَسُبَ؞ يَايِنْ دَ سُكَ شِغُواْ ڧَسَرْ، سُكَنْ لَلَتَرْدَ عِتَ؞

⁶ مُتَنٜىٰنْ إِسْرَٰٓءِيلَ سُكَ تَلَوْثٜىٰ ڨُورَيْ دَ غَسْكٜىٰ أَ حَنُّنْ مِدِيَنَاوَا؞ سَيْ مُتَنٜىٰنْ إِسْرَٰٓءِيلَ سُكَيِ كُوكَا غَ يَهْوٜىٰهْ دُواْمِنْ نٜىٰمَنْ تَيْمَكُواْ؞

⁷ سَعَدَّ مُتَنٜىٰنْ إِسْرَٰٓءِيلَ سُكَيِكُوكَا، سَبُواْدَ وُلَڧَنْثِنْ دَسُكٜىٰ شَا أَ حَنُّنْ مِدِيَنَاوَا،

⁸ سَيْ يَهْوٜىٰهْ يَعَيْكَ مُسُ دَ أَنَّبِے؞ أَنَّبِنْ كُوَ يَثٜىٰ ‏«‏إِنْجِ يَهْوٜىٰهْ اللَّهْ نَ إِسْرَٰٓءِيلَ، ‏‹‏نِے نَا ڢِتَرْدَكُو دَغَ مَصَرْ، ڧَسَرْ بَوْتَا؞

⁹ نَا ثٜىٰثٜىٰكُ دَغَ حَنُّنْ مَصَرَاوَا دَ كُمَ دَغَ حَنُّنْ وَطَنْدَ سُكٜىٰيِ مُكُ دَنِّيَ عَثِكِنْ وَنَّنْ ڧَسَرْ؞ نَا كُواْرٜىٰسُ دَغَ غَبَنْكُ، نَا كُوَ بَاكُ ڧَسَرْسُ؞

¹⁰ نَا كُمَ غَيَ مُكُ ثٜىٰوَ نِنٜىٰ يَهْوٜىٰهْ اللَّهْ نْكُ، بَذَاكُيِ سُجَّدَ غَ أَلُّواْلِنْ أَمُواْرِيَاوَنْ دَ كُكٜىٰ ظَوْنٜىٰ عَڧَسَرْسُبَ؞ عَمَّا بَكُيِ بِيَيَّ دَ مَغَنَاتَبَ؞›‏ »‏

يَهْوٜىٰهْ يَا كِرَا جِدْعَوْنَ

¹¹ سَعَنً سَيْ مَلاَىِٕكَنْ يَهْوٜىٰهْ يَذُواْ يَذَوْنَ أَغِنْدِنْ إِتَاثٜىٰ مَرَرْ بُوشٜىٰوَ نَ يُواْوَشْ مُتُمِنْ دَنْ‌غِنْ أَبِيٜىٰظٜىٰرْ عَڧَوْيٜىٰنْ عُواڢْرَ؞ أَ لُواْكَثِنَّنْ جِدْعَوْنَ طَنْ يُواْوَشْ يَنَ بُغُنْ أَلْكَمَ عَٻُواْيٜىٰ أَوُرِنْ مَڟٜىٰوَرْ یَیَنْ إِنَبِے، دُواْمِنْ كَدَ مِدِيَنَاوَا سُغَنْ شِ؞

¹² مَلاَىِٕكَنْ يَهْوٜىٰهْ يَبَيَّنَ غَرٜىٰشِ، يَثٜىٰ ‏«‏كَيْ مَيْ ڧَرْڢِنْ ذُوثِيَا، يَهْوٜىٰهْ يَنَ تَرٜىٰدَكَيْ؞»‏

¹³ سَيْ جِدْعَوْنَ يَثٜىٰ مَسَ ‏«‏عَمَّا يَا مَيْغِرْمَ، عِدَنْ يَهْوٜىٰهْ يَنَ تَرٜىٰدَمُو، مٜىٰيَسَا وَطَنَّنْ أَبُبُوَ سُكَ سَامٜىٰمُ؟ إِنَا كُمَ دُكَنْ أَيُّكَنْ بَنْ مَامَاكِنْ دَ يَكٜىٰيِ أَدَا؟ إِنَا أَيُّكَنْ دَ كَاكَنِّنْمُ سُكَ ڢَطَا مَنَ ثٜىٰوَ ‏‹‏أَيْ يَهْوٜىٰهْ نٜىٰ يَڢِتَرْ دَمُو دَغَ ڧَسَرْ مَصَرْ›‏؟ يَنْذُ يَهْوٜىٰهْ يَيَاشٜىٰمُ، يَبَادَمُو أَ حَنُّنْ مِدِيَنَاوَا!‏»‏

¹⁴ سَيْ يَهْوٜىٰهْ يَجُويَ يَثٜىٰ مَسَ ‏«‏كَتَاشِ دَ دُكَنْ ڧَرْڢِنْكَ، كَثٜىٰثِ إِسْرَٰٓءِيلَ دَغَ حَنُّنْ مِدِيَنَاوَا؞ نِے كَيْنَ نَا عَيْكٜىٰكَ؞»‏

¹⁵ جِدْعَوْنَ يَأَمْسَ يَثٜىٰ ‏«‏يَا يَهْوٜىٰهْ، تَيَيَا ذَنْ ثٜىٰثِ إِسْرَٰٓءِيلَ؟ غَاشِ كُوَ دَنْ‌غِنَ مَرَرْ ڧَرْڢِے نٜىٰ عَثِكِنْ ذُرِيَرْ مَنَسّٜىٰ، نِنٜىٰ كُمَ مَڢِے ڧَنْڧَنْتَ عَثِكِنْ غِدَنْمُ؞»‏

¹⁶ يَهْوٜىٰهْ كُوَ يَأَمْسَ يَثٜىٰ ‏«‏ذَاكَ عِيَ ثٜىٰتُوانْسُ غَمَا ذَنْ كَسَنْثٜىٰ تَرٜىٰدَكَيْ؞ حَڧِيڧَ ذَاكُثِ نَصَرَا عَكَنْ مِدِيَنَاوَا كَمَرْ سُو مُتُمْ طَيَنٜىٰ؞»‏

¹⁷ جِدْعَوْنَ يَأَمْسَ يَثٜىٰ ‏«‏عِدَنْ نَسَامِ ڢَضٍ جِنِ أَغَبَنْكَ، سَيْ كَنُونَ مِنِ عَلَمَرْ دَ ذَيْ تَبَّتَرْ مِنِ كَيْ يَهْوٜىٰهْ كَكٜىٰيِنْ وَنَّنْ مَغَنَ دَنِے؞

¹⁸ إِنَ ضُواْڧُوانْكَ، كَدَ كَتَاشِ دَغَ نَنْ، سَيْ نَا كَٰوُاْ مَكَ هَدَايَ نَا مِيڧَ مَكَ؞»‏ يَثٜىٰ مَسَ ‏«‏ذَنْ جِرَا حَرْ كَا دَاوُاْ؞»‏

¹⁹ سَيْ جِدْعَوْنَ يَتَڢِے غِدَا، يَيَنْكَ طَنْ عَكُيَ، يَدَڢَ؞ يَكُمَ طَوْكِ كِلُواْ غُواْمَ نَغَارِنْ حَڟِ، يَغَسَ غُرَاسَرْ مَرَرْ يِسْتِ دَشِ؞ يَسَا نَامَنْ عَݣُونْدُواْ، رُواْمُوانْ كُمَ يَظُبَ عَثِكِنْ تُكُنْيَ، يَذُواْ يَمِيڧَوَ مَلاَىِٕكَنْ يَهْوٜىٰهْ أَغِنْدِنْ إِتَاثٜىٰ مَرَرْ بُوشٜىٰوَ؞

²⁰ مَلاَىِٕكَنْ اللَّهْ يَعُمَرْثٜىٰشِ يَثٜىٰ ‏«‏كَطَوْكِ نَامَنَّنْ دَ غُرَاسَرْنَنْ مَرَرْ يِسْتِ، كَسَا عَكَنْ دُوڟٜىٰنَّنْ مَيْ ڢَاطِ، سَعَنً كَظُبَ رُواْمُوانْ عَكَيْ؞»‏ جِدْعَوْنَ كُوَ يَيِ حَكَنَنْ؞

²¹ سَيْ مَلاَىِٕكَنْ يَهْوٜىٰهْ يَمِيڧَ كَنْ سَنْدَنْ دَيَكٜىٰ أَ حَنُّنْسَ، يَتَٻَ نَامَ دَ غُرَاسَرْنَنْ دَشِ؞ وُتَا تَڢِتُواْ دَغَ دُوڟٜىٰنْ تَڧُواْنٜىٰ نَامَنْ دَ غُرَاسَرْ؞ سَيْ مَلاَىِٕكَنْ يَهْوٜىٰهْ يَٻَثٜىٰ مَسَ؞

²² سَعَدَّ جِدْعَوْنَ يَغَانٜىٰ ثٜىٰوَ لَلَّيْ يَغَ مَلاَىِٕكَنْ يَهْوٜىٰهْ نٜىٰ، سَيْيَثٜىٰ ‏«‏وَيُّواْ!‏ تَاوَتَاڧَارٜىٰ، يَا عُبَنْ‌غِجِ يَهْوٜىٰهْ!‏ غَمَا نَاغَ مَلاَىِٕكَنْكَ عِدُواْ دَ عِدُواْ!‏»‏

²³ عَمَّا يَهْوٜىٰهْ يَثٜىٰ مَسَ ‏«‏سَلَمَ أَغَرٜىٰكَ!‏ كَدَ كَجِڟُواْرُواْ، بَذَاكَ مُتُبَ؞»‏

²⁴ سَيْ جِدْعَوْنَ يَغِنَ بَغَدٜىٰ غَ يَهْوٜىٰهْ أَوُرِنْ، يَكِرَا بَغَدٜىٰ دَ سُونَ ‏«‏يَهْوٜىٰهْ سَلَمَ نٜىٰ؞»‏ هَرْوَيَوْ بَغَدٜىٰنْ يأَنَانً عَ عُواڢْرَ وَنْدَ يَكٜىٰ نَدَنْ‌غِنْ أَبِيٜىٰظٜىٰرْ؞

²⁵ أَوَنَّنْ دَرٜىٰ يَهْوٜىٰهْ يَثٜىٰ وَ جِدْعَوْنَ ‏«‏كَطَوْكِ بِجِمِ نَبِيُ دَغَ ثِكِنْ غَرْكٜىٰنْ بَابَنْكَ، مَيْ شٜىٰكَرَا بَݣَويْ؞ كَرُشٜىٰ بَغَدٜىٰنْ بَعَلْ نَبَابَنْكَ، كَكُمَ سَسَّارٜىٰ غُنْكِنَّنْ نَ أَشٜىٰرَ وَنْدَ يَكٜىٰ كُسَدَشِ؞

²⁶ سَيْ كَغِنَ إِرِنْ بَغَدٜىٰنْدَ يَدَاثٜىٰ دَ يَهْوٜىٰهْ اللَّهْ نْكَ عَكَنْ وَنَّنْ تُلِنْ ڧَسَا؞ سَعَنً كَطَوْكِ بِجِمِنْ، كَمِيڧَ شِ هَدَايَ تَڧُواْنَاوَا دَ إِتَاثٜىٰنْ غُنْكِ أَشٜىٰرَ وَنْدَ كَسَارٜىٰ؞»‏

²⁷ جِدْعَوْنَ يَطَوْكِ مُتُمْ غُواْمَ دَغَ ثِكِنْ بَايِنْسَ، يَيِ أَبِنْدَ يَهْوٜىٰهْ يَڢَطَا مَسَ؞ عَمَّا سَبُواْدَ يَنَ ڟُواْرُوانْ مُتَنٜىٰنْ غِدَنْسَ دَ كُمَ مُتَنٜىٰنْ غَرِنْ، بَيْيِ دَ رَانَبَ، سَيْ دَ دَرٜىٰ؞

²⁸ سَعَدَّ مُتَنٜىٰنْ غَرِنْ سُكَتَاشِ دَ سَڢٜىٰ، سَيْ سُكَ سَامِ أَنْرُشٜىٰ بَغَدٜىٰنْ بَعَلْ، عَكَ كُمَ سَارٜىٰ غُنْكِنْ أَشٜىٰرَ، كُمَ بِجِمِ نَبِيُ نَبَابَنْ جِدْعَوْنَ أَنْمِيڧَ هَدَايَ تَڧُواْنَاوَا دَشِ عَكَنْ بَغَدٜىٰنْ دَ عَكَ غِنَا؞

²⁹ سَيْ سُكَ تَمْبَيِ جُونَنْسُ ‏«‏وَيَيِ وَنَّنْ؟»‏ سَعَدَّ سُكَيِ بِنْثِكٜىٰ أَ حَنْكَلِ، سَيْ سُكَ تَرَرْ جِدْعَوْنَ طَنْ يُواْوَشْ نٜىٰ يَيِ؞

³⁰ سُكَثٜىٰ وَ يُواْوَشْ ‏«‏كَڢِتُواْ مَنَ دَ طَنْكَ دُواْمِنْ مُكَشٜىٰ، غَمَا يَا رُشٜىٰ بَغَدٜىٰنْ بَعَلْ، يَكُمَ سَارٜىٰ غُنْكِنْ أَشٜىٰرَ وَنْدَ يَكٜىٰ كُسَدَشِ؞»‏

³¹ عَمَّا يُواْوَشْ يَثٜىٰ وَدُكَنْ مُتَنٜىٰنْ دَ سُكَ ڢِتَ سُتَاسَرْ مَسَ ‏«‏ذَاكُيِ ڢَطَ دُواْمِنْ بَعَلْ نٜىٰ؟ كُواْ كُوَ ذَاكُ ڟَيَ مَسَنٜىٰ؟ دُكْ وَنْدَ يَڟَيَ أَنَنْ يَنَ ڢَطَ دُواْمِنْ بَعَلْ، ذَاعَ كَشٜىٰشِ دَ سَڢٜىٰ؞ عِدَنْ بَعَلْ اللَّهْ نٜىٰ تُواْ، بَرِ يَيِ ڢَطَ دُواْمِنْ كَنْسَ؞ غَمَا بَغَدٜىٰنْسَ نٜىٰ عَكَ رُشٜىٰ؞»‏

³² دَغَ وَنَّنْ رَانَ نٜىٰ، عَكَسَاوَ جِدْعَوْنَ سُونَ يٜىٰرُبَّعَلْ، غَمَا بَابَنْسَ يُواْوَشْ يَثٜىٰ ‏«‏بَرِ بَعَلْ يَيِ ڢَطَ دُواْمِنْ كَنْسَ، غَمَا بَغَدٜىٰنْسَ نٜىٰ عَكَ رُشٜىٰ؞»‏

³³ سَيْ دُكَنْ مِدِيَنَاوَا دَ أَمَلٜىٰكَاوَا دَ كُمَ ڧَبِيلُنْ غَبَسْ سُكَ تَتَّارُ؞ سُكَ ڧٜىٰتَرٜىٰ كُواْغِنْ يُواْدَنْ، سُكَ كُمَ كَڢَ سَنْسَنِنْسُ أَ ݣُورِنْ يٜىٰظِرٜىٰيٜىٰلْ؞

³⁴ رُوحٌ يَهْوٜىٰهْ كُوَ يَسَوْكُواْوَ جِدْعَوْنَ، سَيْ يَبُوسَ ڧَهُواْ، مُتَنٜىٰنْ أَبِيٜىٰظٜىٰرْ كُمَ سُكَ تَتَّارُ سُكَبِيشِ؞

³⁵ يَكُمَ تُورَ یَنْ عَيْكَ ذُوَا كُواْعِنَ ثِكِنْ يَنْكِ بِيُ نَ مَنَسّٜىٰ، سَيْ مُتَنٜىٰنْ مَنَسّٜىٰ سُكَ تَتَّارُ سُكَبِيشِ؞ يَكُمَ تُورَ یَنْ عَيْكَ ذُوَا ذُرِيَرْ أَشٜىٰرْ دَ تَ ظٜىٰبُلُنْ دَ تَ نَڢْتَلِ، سُو كُمَ سُكَذُواْ سُكَ حَطَكَيْ تَرٜىٰ دَشِ؞

³⁶ سَيْ جِدْعَوْنَ يَثٜىٰ وَ اللَّهْ ‏«‏عِدَنْ دَ غَسْكٜىٰ ذَاكَ ثٜىٰثِ مُتَنٜىٰنْ إِسْرَٰٓءِيلَ عَتَهَنُّونَ كَمَرْ يَدَّ كَڢَطَا،

³⁷ تُواْ، ذَنْ شِمْڢِطَا ڢَتَرْ تُنْكِيَ مَيْ يَوَنْ غَاشِ أَوُرِنْ دَ عَكٜىٰ بُغُنْ أَلْكَمَ؞ عِدَنْ سَاڢِيَ تَايِ، نَجٜىٰ نَغَ رَٻَ كَطَيْ عَكَنْ ڢَتَرْ نَنْ عَمَّا ڧَسَرْ تَكَسَنْثٜىٰ عَبُوشٜىٰ، سَعَنً ذَنْ سَنِ ثٜىٰوَ ذَاكَيِ أَمْڢَانِ دَنِے كَثٜىٰثِ مُتَنٜىٰنْ إِسْرَٰٓءِيلَ؞»‏

³⁸ حَكَ كُوَ يَكَسَنْثٜىٰ؞ دَ جِدْعَوْنَ يَتَاشِ دَ سَسَّڢٜىٰ، يَمَڟٜىٰ ڢَتَرْ، ضُوً رَٻَرْدَ يَظُبَ يَثِكَ ݣُونُواْ؞

³⁹ سَيْ جِدْعَوْنَ يَثٜىٰ وَ اللَّهْ ‏«‏كَدَ كَيِ ڢُشِے دَنِے، بَرِ إِنْ ڧَارَ يِنْ مَغَنَ سَوْ طَيَ تَكْ؞ إِنَ ضُواْڧُوانْكَ، بَرِ إِنْ ڧَارَ يِنْ وَنِ ڠُوجِ كُمَ دَ ڢَتَرْ نَنْ؞ أَوَنَّنْ لُواْكَثِ كَسَا ڢَتَرْ تَبُوشٜىٰ، عَمَّا ڧَسَرْ تَجِڧٜىٰ دَ رَٻَ؞»‏

⁴⁰ عَثِكِنْ دَرٜىٰنْ اللَّهْ كُوَ يَيِ حَكَنَنْ؞ دَ سَاڢِيَ تَيِ، ڢَتَرْ نَنْ تَكَسَنْثٜىٰ عَبُوشٜىٰ، عَمَّا ڧَسَرْ تَجِڧٜىٰ دَ رَٻَ؞