أَلْڧَلَيْ 5 - أَتَّوْرَتْ دَ أَنَّبَاوَا

وَاڧَرْ دٜىٰبُواْرَ دَ بَرَكْ

¹ أَوَنَّنْ رَانَ دٜىٰبُواْرَ دَ بَرَكْ طَنْ أَبِنُواْوَمْ سُكَ رٜىٰرَ وَنَّنْ وَاڧَا،

² ‏«‏يَبُواْ يَتَبَّتَا غَ يَهْوٜىٰهْ!‏ دَ شُوغَبَنِّ سُنْ طَوْكِ مَڟَيِنْسُ عَثِكِنْ إِسْرَٰٓءِيلَ، مُتَنٜىٰنْ إِسْرَٰٓءِيلَ سُكَ بَادَ كَنْسُ دَ يَرْدَرْ رَنْسُ؞

³ ‏«‏كُكَسَ كُنّٜىٰنْكُ، يَا كُو سَرَاكُنَ!‏ كُجِ ڢَا، يَا كُو مَاسُ مُلْكِ!‏ ذَنْ رٜىٰرَ وَاڧَا غَ يَهْوٜىٰهْ، إِنْ رٜىٰرَ وَاڧَرْ يَبُواْ غَ يَهْوٜىٰهْ اللَّهْ نَ إِسْرَٰٓءِيلَ؞

⁴ ‏«‏يَا يَهْوٜىٰهْ، سَعَدَّ كَبَرْ يَنْكِنْ سٜىٰيِرْ، دَ كَڢِتُواْ دَغَ يَنْكِنْ عٜىٰدُوامْ، ڧَسَا تَغِرْغِظَ، ضُوَ يَظُبُواْ دَغَ سَمَ، عِ، غِذَغِظَيْ سُكَ ظُبَرْدَ ضُوَ؞

⁵ مَنْيَنْ تُدَّيْ سُكَ غِرْغِظَ دَ ذُوَانْ يَهْوٜىٰهْ نَ سِنَيْ، دَ ذُوَانْ يَهْوٜىٰهْ، اللَّهْ نَ إِسْرَٰٓءِيلَ؞

⁶ ‏«‏أَ زَامَانِنْ شَمْغَرْ طَنْ أَنَتْ، عَݣُونَكِنْ يَيٜىٰلْ، أَنْدَيْنَ بِنْ هَنْيُواْيِ مَاسُ ݣَوْ، مَاسُ تَڢِيَ سُكَنْ شِغَ بِنْ ڧأَنَانً هَنْيُواْيِنْ دَاجِ؞

⁷ غَرُضُوً إِسْرَٰٓءِيلَ سُكَ ذَمَ كُڢَيْ بَابُ مَاسُ نُواْمَ أَ ڢِيلِ، سَيْ لُواْكَثِنْ دَ نِے دٜىٰبُواْرَ نَتَاشِ، نَتَاشِ كَمَرْ مَامَا غَ إِسْرَٰٓءِيلَ؞

⁸ دَ إِسْرَٰٓءِيلَاوَا سُكَ ذَاٻِ سَابَبِّنْ أَلُّواْلِ، سَيْغَا يَاڧِ عَڧُواْڢَرْ بِرْنِنْسُ؞ بَابُ كُمَ مَيْ غَرْكُوَ كُواْ مَاشِ، عَثِكِنْ مُتُمْ دُبُو أَرْبَعِنْ نَ إِسْرَٰٓءِيلَ؞

⁹ ذُوثِيَاتَ تَنَ وَجٜىٰنْ شُوغَبَنِّنْ يَاڧِنْ إِسْرَٰٓءِيلَ، دَ مُتَنٜىٰ مَاسُ بَادَ كَنْسُ دَ يَرْدَرْ رَيْ؞ يَبُواْ يَتَبَّتَا غَ يَهْوٜىٰهْ!‏

¹⁰ ‏«‏دُكَنْكُ كُبَادَ لَابَرِنْ، كُو دَ كُكٜىٰ هَوَنْ ڢَرَرٜىٰنْ جَاكُنَ، كُو دَ كُكٜىٰ ظَوْنٜىٰ أَ شِمْڢِطُ مَاسُ ڟَادَ، كُو دَ دُواْلٜىٰ كُكٜىٰ تَڢِيَ دَ ڧَڢَا؞

¹¹ كُكَسَ كُنّٜىٰ!‏ غَا مُرْيَرْ مَوَاڧَ عَبَاكِنْ رِجِيُواْيِ سُنَ بَادَ لَابَرِنْ نَصَرَرْ يَهْوٜىٰهْ، دَ نَصَرَرْ مُتَنٜىٰنْسَ إِسْرَٰٓءِيلَ!‏ ‏«‏سَيْ مُتَنٜىٰنْ يَهْوٜىٰهْ سُكَ غَنْ‌غَرَ ذُوَا وُرِنْ ڧُواْڢُواْڢِنْ بِرْنِنْسُ سُكَثٜىٰ،

¹² ‏‹‏كِتَاشِ، يَا كٜىٰ دٜىٰبُواْرَ، كِتَاشِ!‏ كِتَاشِ!‏ كِرٜىٰرَ وَاڧَا، كِتَاشِ؞ كَتَاشِ، يَا كَيْ بَرَكْ!‏ كَامَ مَاسُ كَامَكَ، يَا طَنْ أَبِنُواْوَمْ؞›‏

¹³ ‏«‏سَعَنً مَاسُ أَمِنْثِنْ دَسُكَ ضَغٜىٰ سُكَ غَنْ‌غَرُواْ وُرِنْ شُوغَبَنِّنْسُ، مُتَنٜىٰنْ يَهْوٜىٰهْ سُكَ غَنْ‌غَرُواْ أَوُرِينَ أَشِرْيٜىٰ دُواْمِنْ يَاڧِ؞

¹⁴ دَغَ إِڢْرَيِمْ سُكَ غَنْ‌غَرُواْ ذُوَا ݣُورِ، تَرٜىٰدَ ذُرِيَرْ بِلِيَامِنُ دَ مُتَنٜىٰنْتَ؞ دَغَ مَكِرْ شُوغَبَنِّنْ سُواْجُواْجِ سُكَ غَنْ‌غَرُواْ، مَنْيَنْ سُواْجُواْجِ سُكَذُواْ دَغَ ظٜىٰبُلُنْ؞

¹⁵ شُوغَبَنِّنْ إِسَّكَرْ سُنَ تَرٜىٰدَ دٜىٰبُواْرَ، عِ، إِسَّكَرْ مَاسُ أَمِنْثِ سُنْ ذُواْ غَ بَرَكْ، أَغُجٜىٰ سُكَبِے بَايَنْسَ ذُوَا ثِكِنْ ݣُورِ؞ عَمَّا ذُرِيَرْ رَعُبَيْنُ تَ رَرَّبُ بَسُ يَنْكٜىٰ شَوَرَا سُذُوابَ؞

¹⁶ دُوانْمٜىٰ سُكَ ڟَيَ دَغَ بَايَ تَرٜىٰدَ تُمَكِ؟ دُوانْ سُجِ بُوسَ نَكِرَنْ غَرْكُنَنْ نٜىٰ؟ عِ، ذُرِيَرْ رَعُبَيْنُ تَرَرَّبُ، بَسُ يَنْكٜىٰ شَوَرَا سُذُوابَ؞

¹⁷ ذُرِيَرْ غَدْ تَڟَيَ أَغَبَشِنْ يُواْدَنْ؞ ذُرِيَرْ دَنْ كُمَ، دُوانْمٜىٰ تَڟَيَ دَ جِضَاغٜىٰنْ ضُوَ؟ ذُرِيَرْ أَشٜىٰرْ تَذَوْنَ عَبَاكِنْ تٜىٰكُ، سُنْ ذَوْنَ عَتَشَرْ جِضْغٍ ضُوَ؞

¹⁸ مُتَنٜىٰنْ ظٜىٰبُلُنْ سُكَ سَدَوْكَرْ دَ رَنْسُ، حَكَمَا مُتَنٜىٰنْ نَڢْتَلِ أَ ڢِيلِنْ يَاڧِ؞

¹⁹ ‏«‏أَ تَعَنَكْ وَجٜىٰنْ رَاڢِنْ مٜىٰغِدُّواْ، سَرَاكُنَ سُكَذُواْ سُكَيِ يَاڧِ؞ سَرَاكُنَنْ كَنْعَنِيَاوَا سُكَيِ يَاڧِ، عَمَّا بَسُ ݣُوشِ أَظُرْڢَابَ؞

²⁰ دَغَ سَمَ، تَوْرَرِ سُنْيِ يَاڧِ، ثِكِنْ هَنْيُواْيِنْسُ أَسَرَرِنْ سَمَ، سُنْيِ يَاڧِ دَ سِسٜىٰرَ؞

²¹ أَمْبَلِيَرْ ضُوً كِشُوانْ تَݣُوشٜىٰسُ، وَتُواْ ڟُواْهُوانْ كُواْغِنَّنْ نَ كِشُوانْ؞ ‏«‏يَرَيْنَ، يِغَبَ، دَ ڧَرْڢِنْ ذُوثِيَا، يِغَبَ!‏

²² ‏«‏سَيْ دَوَكِنْ سِسٜىٰرَ سُنَ غُدُ، أَنَ جِنْ ڧَارَرْ تَاكَاوَرْ تَڢِنْ ڧَڢَرْسُ عَڧَسَا؞

²³ ‏«‏مَلاَىِٕكَنْ يَهْوٜىٰهْ يَثٜىٰ، ‏‹‏كَلَعَنْتَ غَرِنْ مٜىٰرُواظْ، كَلَعَنْتَ مَذَوْنَنْتَ دَ ذَاڢِ؞ غَمَا بَسُ ذُواْ تَيْمَكُوانْ يَهْوٜىٰهْ بَ، بَسُ ذُواْ سُيَاڧِ مَاسُ غَابَادَشِيبَ؞›‏

²⁴ ‏«‏مَڢِے أَلْبَرْكَثٜىٰ ثِكِنْ مَاتَا، يَيٜىٰلْ، مَاتَرْ هٜىٰبٜىٰرْ مُتُمِنْ كٜىٰنِ، وَدَّ تَڢِے كُواْوَ أَلْبَرْكَ ثِكِنْ مَاتَا مَاسُ ذَمَ عَتٜىٰنْتُنَ؞

²⁵ سِسٜىٰرَ يَضُواْڧِ ضُوً شَا، سَيْ تَبَاشِ مَدَرَ؞ ثِكِنْ ڨُورْيَ مَيْݣَوْ، تَكَٰوُاْ مَسَ كِنْدِرْمُواْ؞

²⁶ تَمِيڧَ حَنُّنْتَ تَطَوْكِ ڧُوسَرْ تٜىٰنْتِ، دَ دَامَنْتَ تَرِڧٜىٰ غُدُمَ، تَبُغِ سِسٜىٰرَ، تَڢَشٜىٰ كَنْسَ، تَهُودَ ڧَشِنْ كَنْسَ؞

²⁷ عَڧَڢَاڢُنْتَ نُمْڢَشِنْسَ يَڧَارٜىٰ، يَڢَاطِ ڧَسَا، أَوُرِنْ يَݣُونْتَ؞ عَڧَڢَاڢُنْتَ نُمْڢَشِنْسَ يَڧَارٜىٰ، أَوُرِنْ نٜىٰ يَڢَاطِ مَتَثّٜىٰ؞

²⁸ ‏«‏مَامَرْ سِسٜىٰرَ تَا لٜىٰڧَ تَتَغَ تَا دُوبَ تَتَغَ تَيِ كُوكَا، تَثٜىٰ، ‏‹‏دُوانْمٜىٰ كٜىٰكٜىٰنْ دُواْكِنْسَ يَدَطٜىٰ بَيْ ذُوابَ؟ دُوانْمٜىٰ دَوَكِنْسَ بَسُ دَاوُاْ دَوُرِبَ؟›‏

²⁹ یَنْ مَاتَنْتَ مَڢِے حِكِمَ سُكَ أَمْسَ مَتَ، عِ، عِتَ دَكَنْتَ تَنَانَتَ ثٜىٰوَ

³⁰ ‏‹‏سُنَ نٜىٰمَنْ كَايَنْ دَ ذَاسُ رَبَ، كَايَنْ دَ عَكَ ڨُوثٜىٰ عَيَاڧِنٜىٰ، يَارِنْيَ طَيَ كُواْ بِيُ دُواْمِنْ كُواْوَنٜىٰ سُواْجَ، رِيغُنَ مَاسُ أَدُواْ دُواْمِنْ سِسٜىٰرَ، كَايَنْ سَا وَمَاسُ ݣَوْ نَأَدُواْ كَايَنْ سَرَوْنِيَ دُواْمِنْ إِنْسَا؞›‏

³¹ ‏«‏يَا يَهْوٜىٰهْ!‏ كَمَرْ سِسٜىٰرَ، بَرِ دُكَنْ مَاسُ غَابَنْكَ سُهَلَّكَ!‏ عَمَّا بَرِ مَاسُ ڧَوْنَرْكَ سُحَصْكَكَ كَمَرْ ڢِتُواْوَرْ رَانَ!‏»‏ بَايَنْ حَكَ ڧَسَرْ تَسَامِ هُوتُ شٜىٰكَرَا أَرْبَعِنْ؞