أَلْڧَلَيْ 3 - أَتَّوْرَتْ دَ أَنَّبَاوَا

أَلْعُمَّنْ دَ سُكَ ضَغٜىٰ عَثِكِنْ ڧَسَرْ

¹ وَطَنَّنْ سُونٜىٰ أَلْعُمَّنْ دَ يَهْوٜىٰهْ يَبَرِ دُواْمِنْ يَڠُودَ مُتَنٜىٰنْ إِسْرَٰٓءِيلَ، وَطَنْدَ بَسُ تَٻَ سَنِنْ يَاڧِ أَ كَنْعَنَ بَ؞

² يَيِ حَكَنٜىٰ دُواْمِنْ يَكُواْيَ وَكُواْوَثٜىٰ ڟَارَرْ دَتَكٜىٰ تَاشِ تَیَیَنْ إِسْرَٰٓءِيلَ يَاڧِ، مُسَمَّنْ وَطَنْدَ دَا بَسُ سَنْ كُواْمٜىٰ غَمٜىٰدَ يَاڧِبَ؞

³ وَطَنَّنْ دَ سُكَ ضَغٜىٰ عَثِكِنْ ڧَسَرْ سُونٜىٰ سَرَاكُنَ بِيَرْ نَ ڢِلِسْتِيَاوَا دَ دُكَنْ كَنْعَنِيَاوَا دَ سِدُواْنِيَاوَا دَ هِوِيَاوَنْ دَسُكٜىٰ ظَوْنٜىٰ أَ مَنْيَنْ تُدَّنْ لٜىٰبَنُوانْ، تُنْدَغَ بَبَّنْ تُدُنْ بَعَلْ هَرْمُوانْ حَرْ ذُوَا مَشِغِنْ يَنْكِنْ هَمَتْ؞

⁴ عَكَ بَرْسُ دُواْمِنْ أَڠُودَ مُتَنٜىٰنْ إِسْرَٰٓءِيلَ أَغَنِ، كُواْ ذَاسُ كِيَايٜىٰ عُمَرْنَنْ يَهْوٜىٰهْ، وَطَنْدَ يَبَا كَاكَنِّنْسُ تَبَاكِنْ مُوسَٰى؞

⁵ سَبُواْدَ حَكَ مُتَنٜىٰنْ إِسْرَٰٓءِيلَ سُكَ ذَوْنَ تَرٜىٰدَ كَنْعَنِيَاوَا دَ هِتِّيَاوَا دَ أَمُواْرِيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا؞

⁶ إِسْرَٰٓءِيلَاوَا سُكَ عَوْرِ یَیَنْسُ مَتَ، حَكَ سُو مَا سُكَ بَادَ یَیَنْسُ عَوْرٜىٰ غَ یَیَ مَظَا نَ إِسْرَٰٓءِيلَ، إِسْرَٰٓءِيلَاوَا كُوَ سُكَ بَوْتَاوَ أَلُّواْلِنْ ڧَبِيلُنَّنْ؞

يَهْوٜىٰهْ يَا ثٜىٰثِ إِسْرَٰٓءِيلَ تَهَنُّنْ عُواتْنِيٜىٰلْ

⁷ مُتَنٜىٰنْ إِسْرَٰٓءِيلَ كُوَ سُكَيِ أَبِنْدَ يَكٜىٰ مُوغُ أَعِدُوانْ يَهْوٜىٰهْ، سُكَ مَنْتَادَ يَهْوٜىٰهْ اللَّهْ نْسُ، سُكَيِ وَ أَلُّواْلِنَّنْ بَعَلْ دَ عَشْتُواْرٜىٰتْ سُجَّدَ؞

⁸ دُواْمِنْ حَكَ يَهْوٜىٰهْ يَيِ ڢُشِے دَ مُتَنٜىٰنْ إِسْرَٰٓءِيلَ سُواْسَيْ، يَبَاشٜىٰسُ أَ حَنُّنْ سَرْكِے كُشَنْ رِشَتَيِمْ نَ مٜىٰسُواْڢُواْتَمِيَ؞ مُتَنٜىٰنْ إِسْرَٰٓءِيلَ كُوَ سُكَ بَوْتَا مَسَ شٜىٰكَرَا تَݣُوسْ؞

⁹ عَمَّا سَعَدَّ إِسْرَٰٓءِيلَاوَا سُكَيِ كُوكَا غَ يَهْوٜىٰهْ، سَيْ يَهْوٜىٰهْ يَبَاسُ وَنْدَ ذَيْثٜىٰثٜىٰسُ، وَتُواْ عُواتْنِيٜىٰلْ، طَنْ كٜىٰنَظْ، ڧَنٜىٰنْ كَلٜىٰبْ؞

¹⁰ رُوحٌ يَهْوٜىٰهْ يَسَوْكُواْ مَسَ، دُواْمِنْ يَذَمَ شُوغَبَنْدَ ذَيْ جَغُواْرَنْثِ إِسْرَٰٓءِيلَاوَا؞ عُواتْنِيٜىٰلْ يَجٜىٰ يَيِ يَاڧِ دَ سَرْكِے كُشَنْ رِشَتَيِمْ نَ مٜىٰسُواْڢُواْتَمِيَ، يَهْوٜىٰهْ كُوَ يَبَادَ سَرْكِنْ أَ حَنُّنْ عُواتْنِيٜىٰلْ، يَثِ نَصَرَا عَكَنْ سَرْكِنْ؞

¹¹ ڧَسَرْ كُوَ تَسَامِ هُوتُ شٜىٰكَرَا أَرْبَعِنْ، حَرْ سَيْ دَ عُواتْنِيٜىٰلْ طَنْ كٜىٰنَظْ يَمُتُ؞

يَهْوٜىٰهْ يَا ثٜىٰثِ إِسْرَٰٓءِيلَ تَهَنُّنْ عٜىٰهُدْ

¹² مُتَنٜىٰنْ إِسْرَٰٓءِيلَ كُمَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ؞ سَيْ يَهْوٜىٰهْ يَسَا سَرْكِے عٜىٰغْلُوانْ نَ مُواْوَبْ يَيِ ڧَرْڢِے دُواْمِنْ يَيِ غَابَادَسُو، سَبُواْدَ سُنْيِ أَبِنْدَ يَكٜىٰ مُوغُ؞

¹³ عٜىٰغْلُوانْ يَكِرَا أَمُّواْنَاوَا دَ أَمَلٜىٰكَاوَا سُهَطَكَيْ دَشِ، سَيْ يَجٜىٰ يَثِ إِسْرَٰٓءِيلَاوَا دَ يَاڧِ، يَمَلَّكِ بِرْنِنْ دَبِينُواْ، وَتُواْ يٜىٰرِكُواْ؞

¹⁴ مُتَنٜىٰنْ إِسْرَٰٓءِيلَ سُكَ بَوْتَاوَ سَرْكِے عٜىٰغْلُوانْ نَ مُواْوَبْ شٜىٰكَرَا غُواْمَشَا تَݣُوسْ؞

¹⁵ عَمَّا سَعَدَّ مُتَنٜىٰنْ إِسْرَٰٓءِيلَ سُكَيِ كُوكَا غَ يَهْوٜىٰهْ، سَيْ يَهْوٜىٰهْ يَبَاسُ وَنْدَ ذَيْثٜىٰثٜىٰسُ، وَتُواْ عٜىٰهُدْ طَنْ غٜىٰرَ دَغَ ذُرِيَرْ بِلِيَامِنُ، شِيكُوَ مَيْ عَيْكِ دَ حَنُّنْ هَغُ نٜىٰ؞ مُتَنٜىٰنْ إِسْرَٰٓءِيلَ كُوَ سُكَ عَيْكَ وَ سَرْكِے عٜىٰغْلُوانْ نَ مُواْوَبْ دَ ݣَوْتَيْ تَهَنُّنْ عٜىٰهُدْ؞

¹⁶ كَاڢِنْ يَتَاشِ، سَيْ عٜىٰهُدْ يَڧٜىٰرَ وَنِ تَكُواْبِے مَيْثِ غٜىٰڢٜىٰ بِيُ، ڟَوُانْسَ كُوَ يَا كَيْ ڧَڢَا طَيَ دَ رَبِے؞ سَيْ يَطَوْرَا تَكُواْبِنْ عَثِنْيَرْسَ تَدَمَ، يَرُڢٜىٰ دَ دُواْغُوَرْ رِغَرْسَ؞

¹⁷ سَعَنً يَطَوْكِ ݣَوْتَنْ يَكَيْ وَ سَرْكِے عٜىٰغْلُوانْ نَ مُواْوَبْ؞ عٜىٰغْلُوانْ كُوَ مَيْ ڧِبَنٜىٰ سُواْسَيْ؞

¹⁸ دَ عٜىٰهُدْ يَمِيڧَ مَسَ ݣَوْتَنْ، سَيْ يَسَلَّمِ مُتَنٜىٰنْ دَ سُكَ تَيَ شِ سُكَ طَوْكُواْ ݣَوْتَنْ؞

¹⁹ عَمَّا عٜىٰهُدْ دَ كَنْسَ يَجُويَ وَجٜىٰنْ دُووَڟُنْ دَ عَكَ سَسَّڧَ نَكُسَدَ غِلْغَلْ، يَكُواْمَ وُرِنْ عٜىٰغْلُوانْ يَثٜىٰ ‏«‏رَنْكَيَدَطٜىٰ!‏ يَا سَرْكِے، إِنَدَ سَڧُواْ نَأَسِيرِ دُواْمِنْكَ؞»‏ سَيْ سَرْكِے يَثٜىٰ مَسَ ‏«‏يِشِضُ!‏»‏ يَجُويَ غَ دَتَّاوَنْسَ يَثٜىٰ ‏«‏كُبَامُ وُرِے!‏»‏ دُكَنْسُ كُوَ سُكَ ڢِتَ سُكَ بَرْسُ؞

²⁰ عٜىٰهُدْ كُوَ يَجٜىٰ وُرِنْ سَرْكِنْ أَطَاكِنْسَ مَيْ سَنْيِ أَ رُڢِنْ غِدَنْ، عِنْدَ سَرْكِے يَنَ ظَوْنٜىٰ شِ كَطَيْ؞ سَيْ عٜىٰهُدْ يَثٜىٰ ‏«‏إِنَدَ سَڧُواْ دَغَ وُرِنْ اللَّهْ ذُوَا غَرٜىٰكَ!‏»‏ سَرْكِنْ كُوَ يَمِيڧٜىٰ ڟَيٜىٰ دَغَ عِنْدَ يَكٜىٰ ظَوْنٜىٰ؞

²¹ سَيْ عٜىٰهُدْ يَسَا حَنُّنْ هَغُنْسَ، يَظَرُواْ تَكُواْبِنْدَ يَطَوْرَا أَوَجٜىٰنْ ثِنْيَرْسَ نَدَمَ، يَسُواْكِ سَرْكِے عَثِكِ؞

²² تَكُواْبِنْ يَشِغَ دُكْ دَ ڧُواْتَرْ، كِڟٜىٰ يَرُڢٜىٰ ڧَرْڢٜىٰنْ تَكُواْبِنْ؞ عٜىٰهُدْ بَيْ ثِرٜىٰ تَكُواْبِنْ دَغَ ثِكِنْ سَرْكِنْبَ، كِڟٜىٰ كُمَ يَرُڢٜىٰشِ غَبَاطَيَ؞

²³ سَيْ عٜىٰهُدْ يَڢِتَ، يَرُرُّڢٜىٰ ڧُواْڢُواْڢِنْ طَاكِنْ يَكُكُّلّٜىٰسُ؞

²⁴ بَايَنْدَ يَتَڢِے دَتَّاوَنْ سُكَذُواْ سُكَ تَرَرْ دَ ڧُواْڢُواْڢِنْ طَاكِنْ سُنَ عَكُلّٜىٰ؞ سُكَيِ ڟَمَّنِ كُواْ سَرْكِے يَنَ بَايَنْ غِدَانٜىٰ؞

²⁵ سُكَيِ تَجِرَا حَرْ سُكَ غَجِ؞ دَ سُكَغَ دَيْ بَيْبُوطٜىٰ ڧُواْڢَرْبَ، سَيْ سُكَ طَوْكِ مَبُوطِ سُكَ بُوطٜىٰ؞ سَيْغَا عُبَنْ‌غِجِنْسُ عَݣُونْثٜىٰ عَڧَسَا غَاوَا؞

²⁶ سَعَدَّ سُكٜىٰ ڢَامَرْ جِرَا، عٜىٰهُدْ كُوَ يَا رِغَا يَا غُدُ، يَبِے تَ دُووَڟُنَّنْ دَ عَكَ سَسَّڧَ ذُوَا سٜىٰيِرَ؞

²⁷ دَ يَ إِسَ ثَنْ ثِكِنْ يَنْكِنْ تُدَّيْ نَ إِڢْرَيِمْ، يَبُوسَ ڧَهُوانْ كِرَا مُتَنٜىٰنْ إِسْرَٰٓءِيلَ ذُوَا يَاڧِ؞ سَعَنً يَشُوغَبَنْثٜىٰسُ سُكَ غَنْ‌غَرَ تَرٜىٰدَشِ دَغَ يَنْكِنْ تُدَّيْ؞

²⁸ يَثٜىٰ مُسُ ‏«‏كُبِيُواْ نِے!‏ غَمَا يَهْوٜىٰهْ يَا بَادَ أَبُواْكَنْ غَابَنْكُ مُواْوَبَاوَا أَ حَنُّنْكُ؞»‏ سَيْ سُكَ غَنْ‌غَرَ تَرٜىٰ دَشِ، سُكَ ڨُوثٜىٰ وُرَارٜىٰنْ دَ مُواْوَبَاوَا سُكٜىٰبِے سُڧٜىٰتَرٜىٰ كُواْغِنْ يُواْدَنْ؞ بَسُبَرْ وَنِ يَڧٜىٰتَرٜىٰبَ؞

²⁹ أَوَنَّنْ لُواْكَثِ نٜىٰ، سُكَ كَكَّشٜىٰ سُواْجُواْجِنْ مُواْوَبْ مَڢِيَ عِيَ يَاڧِ، مُتُمْ وَجٜىٰنْ دُبُو غُواْمَ؞ بَابُوَنْدَ يَڟِيرَا؞

³⁰ أَ رَانَرْ نَنْ مُتَنٜىٰنْ إِسْرَٰٓءِيلَ سُكَثِ مُواْوَبَاوَا دَ يَاڧِ؞ ڧَسَرْ كُوَ تَسَامِ هُوتُ شٜىٰكَرَا تَمَٰنِنْ؞

يَهْوٜىٰهْ يَا ثٜىٰثِ إِسْرَٰٓءِيلَ تَهَنُّنْ شَمْغَرْ

³¹ بَايَنْ عٜىٰهُدْ كُمَ، سَيْ شَمْغَرْ طَنْ أَنَتْ؞ شِمَا يَثٜىٰثِ مُتَنٜىٰنْ إِسْرَٰٓءِيلَ؞ يَكَشٜىٰ ڢِلِسْتِيَاوَا طَرِے شِدَ دَ ڧَرَمِنْ سَنْدَا نَكُواْرَرْ شَانُنْ نُواْمَ؞