أَلْڧَلَيْ 19 - أَتَّوْرَتْ دَ أَنَّبَاوَامُتُمِنْ لَوِ دَ مَثٜىٰنْدَ يَأَجِيٜىٰ 1 عَݣُونَكِنْنَنْ بَابُ سَرْكِے عَ إِسْرَٰٓءِيلَ؞ أَݣَويْ وَنِ مُتُمْ دَغَ ذُرِيَرْ لَوِ يَنَ ذَمَ عَثِكِنْ ڧَوْيٜىٰنْ يَنْكِنْ تُدَّيْ نَ إِڢْرَيِمْ؞ وَتَرَانَ كٜىٰنَنْ يَطَوْكُواْ وَتَ مَثٜىٰ دَغَ بَيْتَلَحْمِ تَ يَهُودَ تَذَمَ مَثٜىٰنْدَ يَأَجِيٜىٰ؞ 2 عَمَّا مَثٜىٰنَّنْ تَايِ رَشِنْ أَمِنْثِ؞ تَا كُواْمَ غِدَنْ بَابَنْتَ أَ بَيْتَلَحْمِ تَ يَهُودَ، تَذَوْنَ عَثَنْ حَرْ وَتَا حُطُ؞ 3 سَعَنً مِجِنْتَ يَتَاشِ تَرٜىٰدَ بَاوَنْسَ دَ جَاكِ بِيُ سُكَ تَڢِے بَيْتَلَحْمِ دُواْمِنْ يَلَلَّشٜىٰتَ تَدَاوُاْ وُرِنْسَ؞ دَ يَ إِسُواْ غِدَنْ بَابَنْتَ، سَيْ تَمَرَبْثٜىٰشِ تَشِغَرْ دَشِ ثِكِنْ غِدَا، بَابَنْتَ كُمَ يَكَرْٻٜىٰشِ دَ ڢَضٍ ثِكِ؞ 4 بَابَنْتَ يَنَاثٜىٰ مَسَ يَذَوْنَ تَرٜىٰدَسُو نَطَنْ لُواْكَثِ؞ شِے كُوَ يَذَوْنَ حَرْ ݣُونَ عُكُ، سُكَثِ سُكَشَا تَرٜىٰ؞ 5 أَ رَانَ تَهُطُ سُكَتَاشِ دَ سَسَّڢٜىٰ سُكَيِ شِرِنْ تَڢِيَ، عَمَّا بَابَنْ مَثٜىٰنْ يَثٜىٰ مَسَ «دَكَتَ كَطَنْ، يَا كَمَاتَ كَثِ عَبِنْثِ كَاڢِنْ كَيِ تَڢِيَرْكَ؞» 6 سَيْ مُتَنٜىٰ بِيُ طِنَّنْ سُكَ ذَوْنَ سُكَثِ سُكَشَا تَرٜىٰ؞ سَعَنً بَابَنْ مَثٜىٰنْ يَثٜىٰ مَسَ «إِنَ ضُواْڧُوانْكَ كَݣُونَ كَجِوَ رَنْكَ دَاطِے؞» 7 مُتُمِنْ يَتَاشِ ذَيْ تَڢِے عَمَّا بَابَنْتَ يَنَاثٜىٰ مَسَ يَذَوْنَ؞ عَڧَرْشٜىٰ يَيَرْدَ يَسَاكٜىٰ ݣُونَ كُمَ؞ 8 دَ سَسَّڢٜىٰ وَشٜىٰغَرِ رَانَ تَبِيَرْ يَتَاشِ ذَيْ تَڢِے، عَمَّا بَابَنْ مَثٜىٰنْ يَثٜىٰ مَسَ «إِنَ ضُواْڧُوانْكَ، كَثِ عَبِنْثِ تُكُنَ، سَعَنً كَيِ تَڢِيَرْكَ أَنْجِمَ ثَنْ إِنْ رَانَ تَايِ سَنْيِ؞» سَيْ سُو بِيُ طِنْ سُكَ ذَوْنَ سُكَثِ عَبِنْثِ تَرٜىٰ؞ 9 سَعَدَّ مُتُمِنْ دَ مَثٜىٰنْ دَ بَاوَنْسَ سُكَتَاشِ دُواْمِنْ سُيِ تَڢِيَرْسُ، سَيْ بَابَنْتَ يَثٜىٰ «دُوبَ، لُواْكَثِ يَتَڢِے، رَانَ تَكُسَنْ ڢَاطُوَ؞ إِنَ ضُواْڧُوانْكَ كَسَاكٜىٰ ݣُونَ كَجِوَ رَنْكَ دَاطِے؞ غُواْبٜىٰ سَيْ كَتَاشِ دَ سَسَّڢٜىٰ كَكَامَ حَنْيَرْكَ ذُوَا غِدَا؞» 10 عَمَّا مُتُمِنْ يَڧِ ݣُونَ كُمَ؞ يَتَاشِ يَكَامَ حَنْيَ يَكَيْ كُسَدَ بِرْنِنْ يٜىٰبُسْ، وَتُواْ عُرُوشَلِيمَ؞ يَنَ تَرٜىٰدَ جَاكُنَنْسَ بِيُ دَ مَثٜىٰنْ؞ 11 رَانَ تَكُسَنْ ڢَاطُوَ سَعَدَّ سُكَيِ كُسَدَ يٜىٰبُسْ؞ سَيْ بَاوَنْسَ يَثٜىٰ «رَنْكَيَدَطٜىٰ، لُواْكَثِ يَڧَارٜىٰ دَ ذَامُ ثِيغَبَدَ تَڢِيَ؞ إِنَ ضُواْڧُوانْكَ مُرَڟٜىٰ ثِكِنْ وَنَّنْ بِرْنِنْ يٜىٰبُسِيَاوَا مُݣُونَ؞» 12 عَمَّا مَيْغِدَنْسَ يَثٜىٰ «أَعَ، بَذَامُ شِغَ بِرْنِنْ بَڧِبَ، وَتُواْ بِرْنِنْ دَ مُتَنٜىٰنْ بَ إِسْرَٰٓءِيلَاوَا بَنٜىٰ؞ ذَامُ وُثٜىٰ ذُوَا غِبٜىٰيَ؞ 13 ذَامُ ڧَارَ طَنْ نِيسَ مُنٜىٰمِ وُرِنْ ݣُونَ أَ غِبٜىٰيَ كُواْ أَ رَمَ؞» 14 سَيْ سُكَ ثِيغَبَدَ تَڢِيَرْسُ، سُكَ وُثٜىٰ يٜىٰبُسْ؞ رَانَ تَڢَاطِ سَعَدَّ سُكَ إِسَ غِبٜىٰيَ عَيَنْكِنْ ذُرِيَرْ بِلِيَامِنُ؞ 15 سُكَ رَڟٜىٰ دُواْمِنْ سُݣُونَ أَ غِبٜىٰيَ؞ دَ سُكَ شِغَ ثِكِنْ غَرِنْ، سُنْ جٜىٰ سُنْ ذَوْنَ أَ ڢِيلِ نَثِكِنْ غَرِنْ، عَمَّا بَابُوَنْدَ يَغَيَّثٜىٰسُ غِدَنْسَ سُݣُونَ؞ 16 ثَنْ دَ دَرٜىٰ يَڢَارَيِ، سَيْغَا وَنِ ڟُواْهُواْ يَنَ دَاوُاْوَ دَغَ غُواْنَرْسَ ذُوَا غِدَا؞ شِ مُتُمِنْ إِڢْرَيِمْ نٜىٰ، عَمَّا يَنَ ذَمَ أَ غِبٜىٰيَ عَيَنْكِنْ ذُرِيَرْ بِلِيَامِنُ؞ 17 دَ ڟُواْهُواْنَّنْ يَدُوبَ سَيْ يَغَ مَاسُ تَڢِيَرْ نَنْ ظَوْنٜىٰ أَ ڢِيلِ نَثِكِنْ غَرِنْ، سَيْ يَتَمْبَيٜىٰسُ يَثٜىٰ «دَغَ إِنَا نٜىٰ كُكَ ذُواْ؟ إِنَا نٜىٰ كُمَ ذَاكُ تَڢِے؟» 18 مُتُمِنْ يَثٜىٰ مَسَ «مُنْ ڢِتُواْ نٜىٰ دَغَ بَيْتَلَحْمِ تَ يَهُودَ، ذَامُ تَڢِے غِدَنْمُ عَڧَوْيٜىٰنْ تُدَّنْ إِڢْرَيِمْ عِنْدَ نَڢِتُواْ؞ نَجٜىٰ بَيْتَلَحْمِ تَ يَهُودَ، يَنْذُ كُوَ إِنَ كُواْمُواْوَ غِدَا؞ بَاوَنْدَ يَبُوطٜىٰ مَنَ غِدَنْسَ دُواْمِنْ مُݣُونَ؞ 19 غَاشِ كُوَ مُنَدَ كُواْمٜىٰ نَامُ، مُنَدَ ثِيَوَ دُواْمِنْ جَاكُنَنْمُ، مُنَدَ غُرَاسَ دَ ضُوً إِنَبِنْمُ؞» 20 ڟُواْهُوانْ يَثٜىٰ «نِے نَا مَرَبْثٜىٰكُ؞ نِے ذَنْبَاكُ أَبِنْدَ كُكٜىٰ بُڧَاتَ؞ عَمَّا كَدَ كُݣُونَ أَ ڢِيلِ نَثِكِنْ غَرِنَّنْ؞» 21 سَيْ يَطَوْكٜىٰسُ يَكَيْسُ غِدَنْسَ، يَثِيَرْدَ جَاكُنَنْسُ؞ بَايَنْدَ عَكَ وَنْكٜىٰ وَبَڧِنْ ڧَڢَاڢُ، سُكَثِ سُكَشَا تَرٜىٰ؞ 22 سَعَدَّ سُكٜىٰجِوَ رَنْسُ دَاطِے، سَيْغَا وَطَنْسُ یَنْ إِسْكَ دَغَ ثِكِنْ غَرِنْ سُكَ كٜىٰوَيٜىٰ غِدَنْ؞ سُكَيِ تَبُبُّغَ ڧُواْڢَرْ؞ سُكَثٜىٰ وَڟُواْهُوانْ، وَتُواْ مَيْغِدَنْ «كَڢِتَرْدَ مُتُمِنَّنْدَ يَشِغَ غِدَنْكَ، دُواْمِنْ مُيِ جِمَاعِ نَمَظَا دَشِ!» 23 ڟُواْهُوانْ كُوَ يَڢِتُواْ وَجٜىٰ يَثٜىٰ مُسُ «أَعَ، یَنْعُوَنَ، كَدَ كُيِ وَنَّنْ مُوغُنْ أَبُ حَكَ! غَمَا وَنَّنْ مُتُمْ بَڧُواْنَ نٜىٰ، كَدَ كُيِ وَنَّنْ ڧَظَامِنْ أَبِنْ كُنْيَا؞ 24 غَا یَتَ بُدُرْوَ دَ كُمَ مَثٜىٰنْ نَاسَ، بَرِ إِنْ ڢِتَرْ مُكُ دَسُو، كُيِ دُكْ أَبِنْدَ كُنْ غَ دَامَ دَسُو؞ عَمَّا كَدَ كُيِ وَنَّنْ ڧَظَامِنْ أَبِنْ كُنْيَا غَ وَنَّنْ مُتُمْ!» 25 عَمَّا یَنْ إِسْكَنْ بَسُ سَوْرَرِ ڟُواْهُواْنَّنْبَ؞ سَيْ مُتُمِنْ لَوِنَّنْ يَڢِتَرْدَ مَثٜىٰنَّنْ غَرٜىٰسُ؞ یَنْ إِسْكَنَّنْ سُكَيِ تَݣُونَ دَ عِتَ عَكَنْ دُواْلٜىٰ، تَشَا وُلَڧَنْثِ دُكَنْ دَرٜىٰ حَرْ كُسَنْ وَايٜىٰوَرْ غَرِ؞ سَعَنً سُكَ بَرْتَ تَتَڢِے؞ 26 دَ غَرِ يَوَايٜىٰ، سَيْ مَثٜىٰنْ تَكُواْمَ غِدَنْ ڟُواْهُواْنَّنْ عِنْدَ مِجِنْتَ يَكٜىٰ، تَڢَاطِ عَبَاكِنْ ڧُواْڢَرْ تَݣُونْتَ أَوُرِنْ حَرْ حَصْكٜىٰ يَيِ؞ 27 سَعَدَّ مِجِنْتَ يَتَاشِ دَ سَڢٜىٰ يَبُوطٜىٰ ڧُواْڢَ دُواْمِنْ يَثِيغَبَدَ تَڢِيَرْسَ، يَتَرَرْ دَ مَثٜىٰنْ عَݣُونْثٜىٰ عَبَاكِنْ ڧُواْڢَرْ غِدَنْ دَ حَنُّوَنْتَ عَكَنْ دَٻٜىٰنْ ڧُواْڢَرْ؞ 28 يَثٜىٰ مَتَ «كِتَاشِ، مُتَڢِے!» عَمَّا بَابُ أَمْسَ؞ سَيْ يَطَوْكِ جِكِنْتَ يَݣُونْتَرْ عَكَنْ جَاكِنْسَ؞ سَعَنً يَكَامَ حَنْيَ ذُوَا غِدَا؞ 29 دَ يَ إِسُواْ غِدَا، يَطَوْكِ وُڧَ يَيَيَّنْكَ جِكِنْ مَثٜىٰنَّنْ سَاشٜىٰ سَاشٜىٰ حَرْ غُواْمَشَا بِيُ؞ سَعَنً يَعَيْكَ دَ كُواْوَنٜىٰ سَاشٜىٰ طَيَ ذُوَا كُواْوَنٜىٰ يَنْكِنْ ذُرِيَرْ إِسْرَٰٓءِيلَ؞ 30 دُكْ وَنْدَ يَغَنِ سَيْيَثٜىٰ «وَنَّنْ إِرِنْ أَبُ بَيْتَٻَ ڢَرُوَبَ؞ بَمُ تَٻَ غَنِنْسَ كُمَبَ تُنْ رَانَرْ دَ مُتَنٜىٰنْ إِسْرَٰٓءِيلَ سُكَ ڢِتُواْ دَغَ ڧَسَرْ مَصَرْ حَرْ ذُوَا يَوْ؞ سَيْ كُيِ تُنَانِ! كُيِ شَوَرَا، كُيِ مَغَنَ مُجِ أَبِنْدَ ذَامُيِ غَمٜىٰدَ وَنَّنْ أَلْعَمَرِ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria