أَلْڧَلَيْ 18 - أَتَّوْرَتْ دَ أَنَّبَاوَا

مِيكَ دَ ذُرِيَرْ دَنْ

¹ عَݣُونَكِنْنَنْ كُوَ بَا سَرْكِے عَ إِسْرَٰٓءِيلَ؞ أَوَنَّنْ لُواْكَثِ كُمَ ذُرِيَرْ دَنْ تَنَ نٜىٰمَنْ يَنْكِنْ دَ ذَاتَ مَلَّكَ تَذَوْنَ عَثِكِ؞ غَمَا حَرْ لُواْكَثِنْ بَتَسَامِ نَاتَ غَادُوانْ ڧَسَا بَعَ ثِكِنْ سَوْرَنْ ذُرِيَرْ إِسْرَٰٓءِيلَ؞

² سَيْ مُتَنٜىٰنْ دَنْ سُكَ ذَاٻِ مُتُمْ بِيَرْ مَاسُ ڧَرْڢِنْ ذُوثِيَا دَغَ دَنْ‌غُواْغِنْ ذُرِيَرْسُ؞ عَكَ كُوَ عَيْكٜىٰسُ دَغَ غَرُضُوً ذُواْرَ دَ عٜىٰشْتَوُالْ سُتَڢِے سُلٜىٰڧِ أَسِيرِنْ ڧَسَرْ؞ سَعَدَّ سُكَ إِسُواْ يَنْكِنْ تُدَّيْ نَ إِڢْرَيِمْ، سَيْ سُكَ سَوْكَ أَغِدَنْ مِيكَ؞

³ سَعَدَّ سُكَ إِسُواْ دَبْ دَ غِدَنْ مِيكَ، سَيْ سُكَجِ مُرْيَرْ سَوْرَيِنَّنْ نَظُرِيَرْ لَوِ، سُكَ ڟَيَ وُرِنْسَ سُكَجَا شِ غٜىٰڢٜىٰ سُكَ تَمْبَيٜىٰشِ ‏«‏وَ يَكَٰوُاْكَ أَنَنْ؟ مٜىٰ كُمَ كَكٜىٰيِ أَنَنْ؟ دُوانْمٜىٰ كَكٜىٰ أَنَنْ؟»‏

⁴ شِے كُوَ يَثٜىٰ مُسُ ‏«‏مِيكَ يَيِ مِنِ كَاظَا دَ كَاظَا، يَطَوْكٜىٰنِ هَيَ إِنْيِ مَسَ عَيْكِنْ ڢِرِسْتِ؞»‏

⁵ سَيْ سُكَثٜىٰ مَسَ ‏«‏إِنْ كَا يَرْدَ، بَرِ كَنٜىٰمِ نُڢِنْ اللَّهْ دُواْمِنْ مُسَنِ كُواْ ذَامُيِ نَصَرَا عَثِكِنْ تَڢِيَرْمُ؞»‏

⁶ ڢِرِسْتِ طِنْ كُوَ يَأَمْسَ مُسُ يَثٜىٰ ‏«‏كُيِ تَڢِيَرْكُ ثِكِنْ سَلَمَ، غَمَا يَهْوٜىٰهْ يَنَ تَرٜىٰدَكُو؞»‏

⁷ سَيْ مُتَنٜىٰ بِيَرْ طِنَّنْ سُكَتَاشِ، سُكَ ثِيغَبَدَ تَڢِيَ حَرْ سُكَكَيْ بِرْنِنْ لَيِشْ؞ سُكَ غَ يَدَّ مُتَنٜىٰنْ سُكٜىٰ ذَمَ أَ سَكٜىٰ، كَمَرْ مُتَنٜىٰنْ سِدُوانْ سُكٜىٰيِنْ رَايُوَرْسُ ثِكِنْ ݣُونْثِيَرْ حَنْكَلِ سُكٜىٰ كُمَيِنْ ذَمَنْسُ أَ سَكٜىٰ؞ بَسُ كُوَ رَسَ كُواْمٜىٰبَ عَدُونِيَا، سُنَ تَرٜىٰدَ أَرْزِڧِ؞ سُكَيِ ذَمَنْسُ نٜىٰسَ دَ سِدُوانْ، بَسُ كُمَيِنْ شَعَنِنْ كُواْمٜىٰ دَ كُواْوَبَ؞

⁸ سَعَدَّ مُتَنٜىٰ بِيَرْ طِنَّنْ سُكَ كُواْمَ ذُواْرَ دَ عٜىٰشْتَوُالْ، سَيْ یَنْعُوَنْسُ سُكَ تَمْبَيٜىٰسُ لَابَرِنْ تَڢِيَرْسُ؞

⁹ سُكَ أَمْسَ مُسُ سُكَثٜىٰ ‏«‏كُهَوْرُواْ كَوَيْ، مُجٜىٰ مُڢَاطَ مُسُ!‏ غَمَا مُنْ غَا ڧَسَرْ تأَنَانً دَݣَوْ؞ كَدَ كُذَوْنَ أَنَنْ كُنَ ٻَاتَ لُواْكَثِ، كُيِ سَوْرِ، كُشِغَ كُمَلَّكٜىٰتَ!‏

¹⁰ سَعَدَّ كُكَ إِسُواْ ثَنْ، ذَاكُسَامِ مُتَنٜىٰنْ دَسُكٜىٰيِنْ ذَمَنْسُ أَ سَكٜىٰ؞ ڧَسَرْ كُوَ مَيْ ڢَاطِ ثٜىٰ، تَنَ كُمَ دَ دُكَنْ أَبُبُوَنْ دَ طَنْ أَدَمْ يَكٜىٰ بُڧَاتَ، كُمَ اللَّهْ يَبَادَ عِتَ أَ حَنُّنْكُ؞»‏

¹¹ سَيْ مُتَنٜىٰ طَرِے شِدَ دَغَ ذُرِيَرْ دَنْ سُكَتَاشِ دَغَ ذُواْرَ دَ عٜىٰشْتَوُالْ أَشِرْيٜىٰ دُواْمِنْ يَاڧِ؞

¹² سُكَ هَوْرُواْ سُكَ كَڢَ سَنْسَنِ عَيَمَّثِنْ كِرِيَتْ يٜىٰيَرِمْ عَيَنْكِنْ يَهُودَ؞ شِيَسَا هَرْوَيَوْ عَكٜىٰ كِرَنْ وُرِنْ سَنْسَنِنْ دَنْ؞

¹³ دَغَ ثَنْ سُكَتَاشِ، سُكَ هَوْرُواْ ذُوَا يَنْكِنْ تُدَّيْ نَ إِڢْرَيِمْ، سُكَ إِسُواْ غِدَنْ مِيكَ؞

¹⁴ مُتُمْ بِيَرْ طِنَّنْ وَطَنْدَ دَا سُكَ تَڢِے سُكَيِ لٜىٰڧٜىٰنْ أَسِيرِنْ يَنْكِنْ لَيِشْ سُكَثٜىٰ وَ أَبُواْكَنْسُ ‏«‏كُواْ كُنْ سَنِ ثٜىٰوَ عَثِكِنْ طَيَ دَغَ غِدَاجٜىٰنَّنْ، أَݣَويْ غُنْكِ نَ إِتَاثٜىٰنْ دَ عَكَ شَاڢَ دَ أَظُرْڢَا؟ أَݣَويْ كُمَ وَطَنْسُ غُمَكَ دَ كُمَ عٜىٰڢُوادْ نَنٜىٰمَنْ سَنِنْ نُڢِنْ اللَّهْ؞ مٜىٰ يَا كَمَاتَ مُيِ؟»‏

¹⁵ سَيْ سُكَ جُويَا سُكَ شِغَ ثِكِنْ غِدَنْ مِيكَ، عِنْدَ سَوْرَيِ نَظُرِيَرْ لَوِنَّنْ يَكٜىٰ ذَمَ، سُكَ غَيْشٜىٰشِ؞

¹⁶ سُواْجُواْجِ طَرِے شِدَ دَغَ ذُرِيَرْ دَنْ كُوَ سُكَ ڟَيَ تَرٜىٰدَ كَايَنْ يَاڧِنْسُ عَبَاكِنْ ڧُواْڢَرْ؞

¹⁷ مُتُمْ بِيَرْ طِنَّنْ وَطَنْدَ سُكَيِ لٜىٰڧٜىٰنْ أَسِيرِ سُكَ شِغَ ثِكِ، سُكَ طَوْكِ غُنْكِنَّنْ دَ عَكَ سَسَّڧَ عَكَ شَاڢَ دَ أَظُرْڢَا دَ عٜىٰڢُوادْ نَنٜىٰمَنْ نُڢِنْ اللَّهْ دَ سَوْرَنْ غُمَكَ نَغِدَا؞ ڢِرِسْتِ طِنْ كُوَ يأَنَانً ڟَيٜىٰ عَبَاكِنْ ڧُواْڢَ تَرٜىٰدَ سُواْجُواْجِ طَرِے شِدَنَّنْ دَسُكٜىٰ أَشِرْيٜىٰ دُواْمِنْ يَاڧِ؞

¹⁸ سَعَدَّ مُتَنٜىٰنْ سُكَ شِغَ ثِكِنْ غِدَنْ مِيكَ، سُكَ طَوْكِ غُنْكِنَّنْ دَ عَكَ سَسَّڧَ عَكَ شَاڢَ دَ أَظُرْڢَا دَ عٜىٰڢُوادْ نَنٜىٰمَنْ نُڢِنْ اللَّهْ دَ سَوْرَنْ غُمَكَ؞ سَيْ ڢِرِسْتِ طِنْ يَتَمْبَيٜىٰسُ ‏«‏مٜىٰ كٜىٰنَنْ كُكٜىٰيِ؟»‏

¹⁹ سُكَثٜىٰ مَسَ ‏«‏كَيِ شِضُ، كَكَمٜىٰ بَاكِنْكَ!‏ كَبِيُواْمُ، كَذَمَ مَيْ بَادَ شَوَرَا دَ ڢِرِسْتِ أَغَرٜىٰمُ؞ بَيْڢِے مَكَ كَذَمَ ڢِرِسْتِ نَظُرِيَرْ إِسْرَٰٓءِيلَ غَبَاطَيَ بَ دَاعَثٜىٰ كَذَمَ ڢِرِسْتِ نَغِدَنْ مُتُمْ طَيَ كَوَيْ؟»‏

²⁰ سَيْ ڢِرِسْتِ طِنْ يَيَرْدَ، يَطَوْكِ عٜىٰڢُوادْ نَنٜىٰمَنْ نُڢِنْ اللَّهْ دَ غُمَكَنْ غِدَنْ دَ غُنْكِنْ دَ عَكَ سَسَّڧَ يَتَڢِے تَرٜىٰدَسُو؞

²¹ سَيْ سُكَ جُويَا، سُكَ كَامَ تَڢِيَرْسُ سُكَ تُورَ یَیَنْسُ دَ دَبُّواْبِنْسُ دَ دُكَنْ كَايَنْسُ أَغَبَ؞

²² سَعَدَّ مُتَنٜىٰ دَغَ ذُرِيَرْ طَنْ سُكَيِ تَڢِيَ دَنِيسَ كَطَنْ دَغَ غِدَنْ مِيكَ، سَيْ مِيكَ يَكِرَا مُتَنٜىٰنْ دَسُكٜىٰ ذَمَ كُسَدَشِ؞ سُكَ تَارُ سُكَبِے مُتَنٜىٰنْ دَنْ طِنْ؞

²³ سُكَ طَغَ مُرْيَ سُكَ كِرَا مُتَنٜىٰنْ دَنْ؞ مُتَنٜىٰنْ دَنْ كُوَ سُكَ جُويَا سُكَ تَمْبَيِ مِيكَ ‏«‏مٜىٰكَكٜىٰسُواْ؟ مٜىٰيَسَا كَذُواْ مَنَ دَ مُتَنٜىٰ مَاسُيَوَ حَكَ؟»‏

²⁴ مِيكَ يَأَمْسَ مُسُ يَثٜىٰ ‏«‏مٜىٰكُكٜىٰ نُڢِ دَ مٜىٰ نَكٜىٰسُواْ؟ كُنْ ݣُوشٜىٰ مِنِ دُكَنْ غُمَكَنَ دَ ڢِرِسْتِ طِنْ!‏ مٜىٰ كُمَ يَضَغٜىٰ مِنِ؟»‏

²⁵ سَيْ مُتَنٜىٰنْ دَنْ سُكَثٜىٰ ‏«‏كَلُورَ دَ أَبِنْدَ كَكٜىٰ ڢَطَا!‏ إِنْ بَهَكَبَ ڢَا، وَطَنْسُ مُتَنٜىٰ عَثِكِنْمُ، مَاسُ ذَاڢِنْ رَيْ نٜىٰ، ذَاسُ ڢَاطُواْ مَكَ، كَيْ دَ عِيَلِنْكَ حَرْ كُرَسَ رَايُكَنْكُ؞»‏

²⁶ سَيْ مُتَنٜىٰنْ دَنْ سُكَ ثِيغَبَدَ تَڢِيَرْسُ؞ دَ مِيكَ يَغَ سُنْڢِے ڧَرْڢِنْسَ، سَيْ يَجُويَ يَكُواْمَ غِدَا؞

²⁷ بَايَنْدَ مُتَنٜىٰنْ دَنْ سُكَ طَوْكِ غُمَكَنْ دَ مِيكَ يَيِ، تَرٜىٰدَ ڢِرِسْتِ طِنْ، سَيْ سُكَ تَڢِے بِرْنِنْ لَيِشْ، عِنْدَ مُتَنٜىٰنْ سُكٜىٰ ذَمَنْسُ أَ سَكٜىٰ رَيْ عَݣُونْثٜىٰ؞ سُكَ ڢَاطَ مُسُ دَ يَاڧِ سُكَ كَكَّشٜىٰ دُكَنْ مُتَنٜىٰنْ، سُكَ ڧُواْنٜىٰ بِرْنِنْ ڧُرْمُسْ؞

²⁸ بَا وَنِنْدَ يَ عِيَ ثٜىٰتُوانْ مُتَنٜىٰنْ دَسُكٜىٰ ظَوْنٜىٰ أَ لَيِشْ، غَمَا سُنَ دَنِيسَ دَ سِدُوانْ، كُمَ بَسُ دَ شَعَنِ دَ كُواْوَ؞ بِرْنِنْ كُوَ يَنَ ثِكِنْ ݣُورِ كُسَدَ بٜىٰتْ رٜىٰهُوابْ؞ مُتَنٜىٰنْ دَنْ سُكَسَاكٜىٰ غِنَا بِرْنِنْ، سُكَ ذَوْنَ عَثِكِ؞

²⁹ سُكَ كُوَ ثَنْجَ سُونَنْ بِرْنِنْ دَغَ لَيِشْ ذُوَا دَنْ، بِسَغَ سُونَنْ كَكَنْسُ دَنْ وَنْدَ يَكٜىٰ طَنْ يَعْڧُوبَ؞

³⁰ مُتَنٜىٰنْ دَنْ سُكَ كَڢَ وَنَّنْ غُنْكِنْ دَ عَكَ سَسَّڧَ دُواْمِنْ عَيِ مَسَ سُجَّدَ؞ مُتُمِنْ لَوِنَّنْ، يُواْنَتَنْ طَنْ غٜىٰرْشُوامْ دَغَ ذُرِيَرْ مُوسَٰى، يَذَمَ ڢِرِسْتِ نَاسُ؞ وَنَّنْ عِيَلِ سُنْثِيغَبَدَ ذَمَنْ ڢِرِسْتُواْثِنْ ذُرِيَرْ دَنْ حَرْ لُواْكَثِنْ دَ عَكَ ݣُوشٜىٰسُ ذُوَا ڧَسَرْ بَوْتَا؞

³¹ حَكَ ڢَا ذُرِيَرْ دَنْ سُنَيِ وَ غُنْكِنْ دَ مِيكَ يَيِ سُجَّدَ دُكْ لُواْكَثِنْ دَ تٜىٰنْتِنْ سُجَّدَ نَ يَهْوٜىٰهْ يَكٜىٰ أَ شِلُواْ؞