أَلْڧَلَيْ 17 - أَتَّوْرَتْ دَ أَنَّبَاوَا

غُمَكَنْ مِيكَ

¹ أَݣَويْ وَنِ مُتُمْ عَيَنْكِنْ تُدَّيْ نَ إِڢْرَيِمْ مَيْ سُونَ مِيكَ؞

² وَتَرَانَ يَثٜىٰ وَمَامَرْسَ ‏«‏سَعَدَّ وَنِ يَسَاثِ أَظُرْڢَا دُبُو طَيَ دَ طَرِے طَيَ دَغَ وُرِنْكِ، نَاجِ كِنْ لَعَنْتَ ٻَرَوُانْ؞ تُواْ، غَاشِ، أَظُرْڢَنْ سُنَ تَرٜىٰدَنِ، نِے نَا طَوْكَ؞»‏ سَيْ مَامَرْسَ تَثٜىٰ ‏«‏بَرِ يَهْوٜىٰهْ يَسَا مَكَ أَلْبَرْكَ، طَانَ!‏»‏

³ دَيَمَيَرْ وَمَامَرْسَ أَظُرْڢَرْتَ، سَيْ تَثٜىٰ ‏«‏دُواْمِنْ كَدَ لَعَنَرْ تَكَامَ طَانَ، إِنَ كٜىٰٻٜىٰ وَطَنَّنْ أَظُرْڢَا غَ يَهْوٜىٰهْ دَ ذُوثِيَا طَيَ؞ أَنَ عِيَ سَسَّڧَ غُنْكِ عَكُمَ شَاڢٜىٰشِ دَ أَظُرْڢَرْ؞ سَبُواْدَ حَكَ ذَنْ مَيَرْ مَكَ؞»‏

⁴ عَمَّا مِيكَ يَمَيَرْ وَمَامَرْسَ أَظُرْڢَرْ؞ سَيْ تَطِبَ أَظُرْڢَا غُدَا طَرِے بِيُ تَبَا مَڧٜىٰرِ؞ شِے كُوَ يَسَسَّڧَ غُنْكِ دَغَ إِتَاثٜىٰ يَكُمَ شَاڢٜىٰشِ دَ أَظُرْڢَا؞ سَيْ عَكَ أَجِيٜىٰ غُنْكِنْ عَثِكِنْ غِدَنْ مِيكَ؞

⁵ مِيكَ كُوَ يَغِنَ غِدَنْ سُجَّدَ، يَيِ عٜىٰڢُوادْ نَنٜىٰمَنْ نُڢِنْ اللَّهْ، يَكُمَيِ غُمَكَ؞ يَكٜىٰٻٜىٰ طَيَ دَغَ ثِكِنْ یَیَنْسَ مَظَا يَذَمَ مَسَ ڢِرِسْتِ؞

⁶ أَوَنَّنْ لُواْكَثِ بَابُ سَرْكِے عَ إِسْرَٰٓءِيلَ، كُواْوَ يَنَ تَيِنْ أَبِنْدَ يَغَ دَامَ؞

⁷ أَ لُواْكَثِنَّنْ كُوَ أَݣَويْ وَنِ سَوْرَيِ دَغَ ذُرِيَرْ لَوِ، وَنْدَ يَكٜىٰ ذَمَ أَ بَيْتَلَحْمِ تَ يَهُودَ؞

⁸ سَوْرَيِنْ يَبَرْ بَيْتَلَحْمِ دُواْمِنْ يَنٜىٰمِ وَنِ وُرِنْ دَ ذَيْ عِيَ ظَوْنَاوَا؞ سَعَدَّ يَكٜىٰ ثِكِنْ تَڢِيَرْسَ سَيْ يَكَيْ غِدَنْ مِيكَ عَيَنْكِنْ تُدَّيْ نَ إِڢْرَيِمْ؞

⁹ مِيكَ يَتَمْبَيٜىٰشِ يَثٜىٰ ‏«‏كَيْ دَغَ إِنَا نٜىٰ كَڢِتُواْ؟»‏ شِے كُوَ يَأَمْسَ مَسَ يَثٜىٰ ‏«‏نِے مُتُمِنْ لَوِ نٜىٰ دَغَ بَيْتَلَحْمِ تَ يَهُودَ؞ إِنَ نٜىٰمَنْ وُرِنْ دَ ذَنْ ذَوْنَ؞»‏

¹⁰ مِيكَ يَثٜىٰ مَسَ ‏«‏كَذَوْنَ تَرٜىٰدَنِ؞ كَذَمَ مِنِ مَيْ بَادَ شَوَرَا دَ كُمَ ڢِرِسْتِ؞ نِے كُوَ ذَنْ دِنْ‌غَ بِيَنْكَ أَظُرْڢَا غُواْمَ عَثِكِنْ شٜىٰكَرَا دَ رِيغُنَ دَ عَبِنْثِ؞»‏

¹¹ سَيْ مُتُمِنْ لَوِنَّنْ يَيَرْدَ يَذَوْنَ تَرٜىٰدَ مِيكَ، يَكُوَ ذَمَ كَمَرْ طَنْسَ؞

¹² مِيكَ يَنَطَ مُتُمِنْ لَوِنَّنْ يَذَمَ ڢِرِسْتِ نَاسَ، يَكُمَ ذَوْنَ أَغِدَنْ مِيكَ؞

¹³ مِيكَ يَثٜىٰ ‏«‏يَنْذُ نَسَنِ يَهْوٜىٰهْ ذَيْسَا إِنْيَلْوَتَ تُنْدَيَكٜىٰ نَسَامِ مُتُمِنْ لَوِ يَذَمَ مِنِ ڢِرِسْتِ؞»‏