أَلْڧَلَيْ 16 - أَتَّوْرَتْ دَ أَنَّبَاوَا

شَمْشُونَ أَ غَاظَ

¹ وَتَرَانَ كٜىٰنَنْ شَمْشُونَ يَتَڢِے غَاظَ بِرْنِنْ ڢِلِسْتِيَاوَا، عِنْدَ يَسَدُ دَ وَتَ كَارُوَ، يَكُمَ ݣُونَ دَ عِتَ؞

² لَابَرِنْ يَبَظُو أَ غَاظَ ثٜىٰوَ أَيْ، شَمْشُونَ يأَنَانً؞ سَيْ مُتَنٜىٰنْ غَاظَ سُكَ كٜىٰوَيٜىٰ وُرِنْ، سُكَيِ تَجِرَنْسَ دُكَنْ دَرٜىٰ عَبَاكِنْ ڧُواْڢَرْ بِرْنِنْ؞ سُكَيِ شِضُ دُكَنْ دَرٜىٰ سُنَثٜىٰ وَجُونَنْسُ ‏«‏ذَامُ جِرَا حَرْ وَايٜىٰوَرْ غَرِ، سَعَنً ذَامُ كَشٜىٰشِ؞»‏

³ عَمَّا شَمْشُونَ يَيِ بَرْثِنْسَ حَرْ ڟَكَرْ دَرٜىٰ كَوَيْ؞ سَعَنً يَتَاشِ يَجٜىٰ يَكَامَ ڧُواْڢُواْڢِنْ بِرْنِنْ يَجِجِّغَسُ، يَتُمْٻُكٜىٰ دُكَ دَ ڧُواْڢُواْڢِ بِيُنْ طِنْ دَ ڢِرَمْ نَاسُ، دُكْ دَ ڧَرَڢَنْ ڟَرٜىٰ ڧُواْڢُواْڢِنْ، يَطَوْكٜىٰسُ عَكَڢَطَرْسَ يَكَيْسُ كَنْ تُدُنْ دَيَكٜىٰ أَغَبَنْ هٜىٰبْرُوانْ؞

شَمْشُونَ دَ دٜىٰلِلَ

⁴ بَايَنْ وَنَّنْ كُمَ، شَمْشُونَ يَڢَارَ سُوانْ وَتَ مَثٜىٰنْ دَ عَكٜىٰ كِرَنْتَ دٜىٰلِلَ، وَدَّ تَكٜىٰ ذَمَ أَ ݣُورِنْ سُواْرٜىٰكْ؞

⁵ شُوغَبَنِّنْ ڢِلِسْتِيَاوَا سُكَ تَڢِے سُكَ سَامٜىٰتَ سُكَثٜىٰ مَتَ ‏«‏كِلَلَّشِ شَمْشُونَ كُواْ ذَيْ ڢَطَا مِكِ دَلِيلِنْ إِرِنْ ڧَرْڢِنَّنْ نَاسَ دَ كُمَ يَدَّ ذَامُيِ مُشَا كَنْسَ، دُواْمِنْ مُطَوْرٜىٰشِ مُشَا ڧَرْڢِنْسَ؞ كُواْوَنّٜىٰنْمُ ذَيْبَاكِ أَظُرْڢَا دُبُو طَيَ دَ طَرِے طَيَ؞»‏

⁶ سَيْ دٜىٰلِلَ تَثٜىٰ وَ شَمْشُونَ ‏«‏إِنَ ضُواْڧُوانْكَ كَڢَطَا مِنِ أَسِيرِنْ دَلِيلِنْ بَبَّنْ ڧَرْڢِنَّنْ نَاكَ دَ كُمَ يَدَّ إِنْ أَنْطَوْرٜىٰكَ ذَاعَ عِيَ أَ شَا ڧَرْڢِنْكَ؞»‏

⁷ شَمْشُونَ كُوَ يَثٜىٰ مَتَ ‏«‏عِدَنْ أَنْطَوْرٜىٰنِ دَ سَابَبِّنْ إِغِيُواْيِنْ بَكَ غُدَا بَݣَويْ وَطَنْدَ بَسُ بُوشٜىٰبَ، ذَنْ رَسَ ڧَرْڢِينَ إِنْ ذَمَ كَمَرْ كُواْوَ؞»‏

⁸ سَيْ شُوغَبَنِّنْ ڢِلِسْتِيَاوَنْ سُكَ كَٰوُاْوَ دٜىٰلِلَ سَابَبِّنْ إِغِيُواْيِنْ بَكَ وَطَنْدَ بَسُ بُوشٜىٰ بَ، تَا كُوَ طَوْرٜىٰشِ دَسُو؞

⁹ دَا مَا سَعَدَّ تَطَوْرٜىٰ شِ، تَا سَا وَطَنْسُ مُتَنٜىٰ سُكَ ٻُواْيٜىٰ كَنْسُ سُنَ جِرَا أَوَنِ طَاكِ؞ سَيْ تَيِ إِيهُ تَثٜىٰ ‏«‏شَمْشُونَ!‏ غَا ڢِلِسْتِيَاوَا عَكَنْكَ؞»‏ دَجِنْ حَكَ، سَيْ يَڟِنْڟِنْكٜىٰ إِغِيُواْيِنْ كَمَرْ ظَرٜىٰنْ دَ أَنْسَا مَسَ وُتَا؞ بَعَكُوَ سَنْ أَسِيرِنْ ڧَرْڢِنْسَبَ؞

¹⁰ دٜىٰلِلَ تَثٜىٰ وَ شَمْشُونَ ‏«‏كَنَيِ مِنِ بَعَ، بَكَڢَطَا مِنِ غَسْكِيَابَ؞ إِنَ ضُواْڧُوانْكَ، كَڢَطَا مِنِ يَدَّ ذَاعَ طَوْرٜىٰكَ؞»‏

¹¹ يَأَمْسَ مَتَ يَثٜىٰ ‏«‏عِدَنْ أَنْطَوْرٜىٰنِ دَ سَابَبِّنْ إِغِيُواْيِنْ دَ بَعَتَٻَيِنْ أَمْڢَانِ دَسُو بَ، ذَنْ رَسَ ڧَرْڢِينَ إِنْ ذَمَ كَمَرْ كُواْوَ؞»‏

¹² سَيْ دٜىٰلِلَ تَطَوْكِ سَابَبِّنْ إِغِيُواْيِ تَطَوْرٜىٰشِ دَسُو، سَيْ تَيِ إِيهُ تَثٜىٰ ‏«‏شَمْشُونَ!‏ غَا ڢِلِسْتِيَاوَا عَكَنْكَ؞»‏ دَا مَا سَعَدَّ تَطَوْرٜىٰشِ، تَا سَا وَطَنْسُ مُتَنٜىٰ سُكَ ٻُواْيٜىٰ كَنْسُ سُنَ جِرَا أَوَنِ طَاكِ؞ عَمَّا دَ جِنْ وَنَّنْ، سَيْ يَڟِنْڟِنْكٜىٰ إِغِيُواْيِنْ دَ عَكَ طَوْرٜىٰشِ دَسُو كَمَرْ ظَرٜىٰ نٜىٰ كَوَيْ؞

¹³ دٜىٰلِلَ تَثٜىٰ وَ شَمْشُونَ ‏«‏حَرْ يَنْذُ كَنَيِ مِنِ بَعَ، بَكَڢَطَا مِنِ غَسْكِيَابَ؞ كَڢَطَا مِنِ يَدَّ ذَاعَ طَوْرٜىٰكَ؞»‏ سَيْ يَثٜىٰ مَتَ ‏«‏عِدَنْ كِنْ سَاڧَ ڧُنْشِنْ غَاشِنْ كَيْنَ غُدَا بَݣَويْ حَطٜىٰ دَ ظَرٜىٰ، عَكَ طَوْرَ دَ أَبِنْ سَاڧَ، ذَنْ رَسَ ڧَرْڢِينَ، إِنْ ذَمَ كَمَرْ كُواْوَ؞»‏

¹⁴ دٜىٰلِلَ تَا لَلَّشٜىٰشِ يَيِ بَرْثِ؞ سَعَدَّ يَكٜىٰ بَرْثِ سَيْ تَسَاڧَ ڧُنْشِنْ غَاشِنْ كَنْسَ غُدَا بَݣَويْ حَطٜىٰ دَ ظَرٜىٰ، تَا كُوَ طَوْرَ دَ أَبِنْ سَاڧَ؞ سَيْ تَثٜىٰ مَسَ ‏«‏شَمْشُونَ!‏ غَا ڢِلِسْتِيَاوَا عَكَنْكَ!‏»‏ عَمَّا دَ جِنْ حَكَ، يَڢَرْكَ دَغَ بَرْثِ يَتُمْٻُكٜىٰ أَبِنْ سَاڧَ دُكْ دَ ظَرٜىٰنْ؞

¹⁵ سَيْ دٜىٰلِلَ تَا ٻَاتَ ڢُسْكَ تَثٜىٰمَسَ ‏«‏يَيَ ذَاكَثٜىٰ كَنَ ڧَوْنَتَ، سَعَدَّ بَاكَ سُواْنَ أَ ذُوثِيَارْكَ؟ سَوْ عُكُ كٜىٰنَنْ كَمَيْدَنِ أَبِنْ بَعَ!‏ حَرْ يَنْذُ كَاڧِ كَڢَطَا مِنِ أَسِيرِنْ دَلِيلِنْ دَ كَنَدَ ڧَرْڢِے سُواْسَيْ؞»‏

¹⁶ كُواْوَثٜىٰ رَانَ تَنَ تَڢِتِنَرْسَ دَ يَوَنْ مَغَنْ‌غَنُنْتَ، حَرْ مَا ڟَنَنِنْ مَڟِنْ دَ تَيِ مَسَ يَٻَاتَ مَسَ رَيْ ڨُورَيْ كَمَرْ ذَيْ مُتُ؞

¹⁷ عَڧَرْشٜىٰ، شَمْشُونَ يَڢَطَا مَتَ أَسِيرِنْسَ دُكَ، يَثٜىٰ مَتَ ‏«‏بَعَتَٻَيِ مِنِ أَسْكِبَ، غَمَا نِے نَظِرِتْ نٜىٰ، وَتُواْ كٜىٰٻَٻّٜىٰ غَ اللَّهْ، تُنْدَغَ ثِكِنْ ثِكِنْ مَامَاتَ؞ عِدَنْ عَكَ أَسْكٜىٰ غَاشِنْ كَيْنَ، تُواْ، ذَنْ رَسَ ڧَرْڢِينَ، إِنْ ذَمَ كَمَرْ كُواْوَ؞»‏

¹⁸ سَعَدَّ دٜىٰلِلَ تَغَانٜىٰ ثٜىٰوَ لَلَّيْ يَڢَطَا مَتَ عَيْنِحِنْ غَسْكِيَ، سَيْ تَعَيْكَ ذُوَاغَ شُوغَبَنِّنْ ڢِلِسْتِيَاوَا تَثٜىٰ مُسُ ‏«‏كُذُواْ؞ أَوَنَّنْ كَرُواْ كَمْ يَڢَطَا مِنِ دُكَنْ عَيْنِحِنْ غَسْكِيَ؞»‏ سَيْ شُوغَبَنِّنْ ڢِلِسْتِيَاوَنْ سُكَذُواْ وُرِنْتَ دَ كُطِنْ أَ حَنُّنْسُ؞

¹⁹ دٜىٰلِلَ كُوَ تَلَلَّشٜىٰشِ، تَسَاشِ يَيِ بَرْثِ عَكَنْ ثِنْيُواْيِنْتَ، سَيْ تَكِرَا وَنِ مُتُمْ يَذُواْ يَ أَسْكٜىٰ ڧُنْشِنْ غَاشِنْسَ نَنْ بَݣَويْ؞ تَهَكَ تَڢَارَ شَنْ ڧَرْڢِنْسَ، حَرْ ڧَرْڢِنْ يَرَبُ دَشِ؞

²⁰ سَيْ تَيِ إِيهُ تَثٜىٰ ‏«‏شَمْشُونَ!‏ غَا ڢِلِسْتِيَاوَا عَكَنْكَ!‏»‏ سَعَدَّ يَڢَرْكَ، يَنَ ڟَمَّنِ ذَيْتَاشِ دَ ڧَرْڢِے كَمَرْ يَدَّ يَسَابَا يِ؞ أَشٜىٰ بَيْ سَنِ بَ، يَهْوٜىٰهْ يَا رِغَا يَا رَبُ دَشِ؞

²¹ سَيْ ڢِلِسْتِيَاوَنْ سُكَ كَامَ شِ، سُكَ ثِثِّرٜىٰ مَسَ ڨُويَرْ عِدَنُونْسَ؞ سُكَ كَيْ شِ بِرْنِنْ غَاظَ؞ عَكَ طَوْرٜىٰ شِ دَ سَرْڧُواْڧِنْ تَغُلَّ؞ سُكَسَاشِ يَيِ تَنِڧَ عَثِكِنْ كُرْكُكُ؞

²² عَمَّا بَايَنْدَ عَكَيِ مَسَ أَسْكِ، غَاشِنْ كَنْسَ يَسَاكٜىٰ ڢَارَ ڟِرُواْوَ؞

مُتُوَرْ شَمْشُونَ

²³ شُوغَبَنِّنْ ڢِلِسْتِيَاوَا كُوَ سُكَ تَتَّارُ دُواْمِنْ سُيِ بَبَّنْ بِكِ سُكُمَ مِيڧَ بَبَّرْ هَدَايَ غَ اللَّهْ‌نْسُ دَغُوانْ؞ سُكَثٜىٰ ‏«‏اللَّهْ نْمُ يَبَادَ شَمْشُونَ أَبُواْكِنْ غَابَنْمُ أَ حَنُّنْمُ!‏»‏

²⁴ سَعَدَّ مُتَنٜىٰنْ سُكَغَ شَمْشُونَ، سَيْ سُكَ يَبِے اللَّهْ‌نْسُ سُنَ ثٜىٰوَ ‏«‏أَبُواْكِنْ غَابَنْمُ، مَيْ كَكَّشٜىٰ مُتَنٜىٰنْمُ، مَيْ لَلَتَرْدَ ڧَسَرْمُ، اللَّهْ‌نْمُ يَبَامُشِ أَ حَنُّ!‏»‏

²⁵ دَا مَا دَسُكٜىٰ ثِكِنْ ڢَضٍ ثِكِ نَدَاطِنْ بِكِ، سَيْ مُتَنٜىٰنْ سُكَثٜىٰ ‏«‏عَكَٰوُاْ شَمْشُونَ دُواْمِنْ يَيِ مَنَ وَسَ!‏»‏ سَيْ عَكَ كَٰوُاْشِ دَغَ كُرْكُكُ يَيِ مُسُ وَسَ؞ سُكَسَا يَڟَيَ أَڟَكَانِنْ غِنْشِڧَيْ بِيُنْ دَسُكٜىٰ رِڧٜىٰ غِنِنْ؞

²⁶ شَمْشُونَ كُوَ يَثٜىٰ وَيَرُوانْ دَيَكٜىٰ جَغُواْرَنْسَ ‏«‏بَرِ إِنْ تَٻَ غِنْشِڧَنْ دَسُكٜىٰ رِڧٜىٰ دَ وَنَّنْ غِدَا دُواْمِنْ إِنْ جِنْ‌غِنَ عَكَنْسُ؞»‏

²⁷ غِدَنْ كُوَ يَثِكَ دَ مُتَنٜىٰ مَڧِلْ، مَظَا دَ مَاتَا؞ دُكَنْ شُوغَبَنِّنْ ڢِلِسْتِيَاوَا سُنَانَنْ؞ أَݣَويْ كُمَ مَظَا دَ مَاتَا وَجٜىٰنْ دُبُو عُكُ دَسُكٜىٰ ظَوْنٜىٰ أَ رُڢِنْ غِدَنْ، سُنَ كَلُّوانْ شَمْشُونَ سَعَدَّ يَنَ مُسُ وَسَ؞

²⁸ سَيْ شَمْشُونَ يَيِ كِرَا غَ يَهْوٜىٰهْ يَثٜىٰ ‏«‏يَا عُبَنْ‌غِجِ يَهْوٜىٰهْ، بَرِ كَتُنَ دَنِے!‏ إِنَ ضُواْڧُوانْكَ، يَا اللَّهْ، كَسَاكٜىٰ بَانِ ڧَرْڢِے سَوْ طَيَنَّنْ كَوَيْ، دُواْمِنْ إِنْ رَامَ عَكَنْ ڢِلِسْتِيَاوَا سَبُواْدَ عِدُواْنَ بِيُ وَطَنْدَ سُكَ ثِثِّرٜىٰ مِنِ؞»‏

²⁹ شَمْشُونَ كُوَ يَبُوطٜىٰ حَنُّوَنْسَ يَسَا عَكَنْ غِنْشِڧَيْ بِيُنْ دَسُكٜىٰ ڟَكِيَرْ غِدَنْ، حَنُّنْ دَامَ عَكَنْ غِنْشِڧِ طَيَ، حَنُّنْ هَغُ كُمَ عَكَنْ طَيَنْ؞ سَعَنً يَجِنْ‌غِنَ عَكَنْسُ يَتُورَسُ دَ دُكَنْ ڧَرْڢِنْسَ؞

³⁰ يَثٜىٰ ‏«‏بَرِ إِنْ مُتُ دَ ڢِلِسْتِيَاوَنْ!‏»‏ يَتُورَ دَ إِيَاكَرْ ڧَرْڢِنْسَ، غِدَنْ كُوَ يَڢَاطِ عَكَنْ شُوغَبَنِّنْ دَ دُكَنْ مُتَنٜىٰنْ دَسُكٜىٰ ثِكِ؞ تَهَكَ مُتَنٜىٰنْ دَ شَمْشُونَ يَكَشٜىٰ أَ مُتُوَرْسَ سُكَڢِے وَطَنْدَ يَكَشٜىٰ أَ لُواْكَثِنْ دَ يَكٜىٰدَ رَيْ؞

³¹ دَغَ بَايَ یَنْعُوَنْسَ دَ سَوْرَنْ دَنْ‌غِنْ عِيَلِنْسَ سُكَ غَنْ‌غَرُواْ سُكَ طَوْكِ غَاوَرْ جِكِنْسَ، سُكَ كُواْمَرْ دَشِ غِدَا؞ سُكَ بِنّٜىٰشِ عَكَبَرِنْ بَابَنْسَ مَنُواْوَ وَنْدَ يَكٜىٰ أَڟَكَانِنْ ذُواْرَ دَ عٜىٰشْتَوُالْ؞ شَمْشُونَ يَشُوغَبَنْثِ مُتَنٜىٰنْ إِسْرَٰٓءِيلَ شٜىٰكَرَا عَشِرِنْ؞