أَلْڧَلَيْ 15 - أَتَّوْرَتْ دَ أَنَّبَاوَا

شَمْشُونَ يَا يِ رَامُوَا

¹ بَايَنْ یَنْ ݣُونَكِے، أَ لُواْكَثِنْ غِرْبِنْ أَلْكَمَ، شَمْشُونَ يَتَڢِے دُواْمِنْ يَظِيَرْثِ مَاتَرْسَ، يَرِڧٜىٰ طَنْ عَكُيَرْ دَ ذَيْبَاتَ ݣَوْتَا؞ يَثٜىٰ وَبَابَنْتَ ‏«‏إِنَ سُواْ إِنْ شِغَ طَاكِنْ مَاتَتَ؞»‏ عَمَّا بَابَنْتَ بَيْ يَرْدَبَ؞

² سَيْيَثٜىٰ وَ شَمْشُونَ ‏«‏حَڧِيڧَ نَايِ ڟَمَّنِ بَاكَ سُوانْتَ نٜىٰ سَمْ، دُواْمِنْ حَكَ نَا بَادَ عِتَ عَوْرٜىٰ غَ أَبُواْكِنْكَ وَنْدَ يَذَمَ أَبُواْكِنْ أَنْ‌غُواْ؞ أَيْ، یَرْعُوَرْتَ ڧَرَمَرْ تأَنَانً تَمَا ڢِے مَاتَرْكَ ݣَوْ؞ مٜىٰ ذَيْ هَنَكَ كَطَوْكٜىٰتَ أَمَيْمَكُوانْ مَاتَرْكَ؟»‏

³ شَمْشُونَ يَثٜىٰ ‏«‏أَوَنَّنْ لُواْكَثِ، بَذَنْ ذَمَ مَيْ لَيْڢِے سَبُواْدَ ٻَرْنَرْ دَ ذَنْيِ وَ ڢِلِسْتِيَا وَنَّنْ بَ؞»‏

⁴ سَيْ شَمْشُونَ يَتَڢِے يَكَامَ كَرْنُكَنْ دَاجِ غُدَا طَرِے عُكُ؞ يَهَطَسُ بِيُ بِيُ، يَطَوْرٜىٰسُ وُڟِيَ دَ وُڟِيَ، يَهَطَ وُڟِيَرْ نَنْ دَ سَنْدَا مَيْ ثِنْ وُتَا؞

⁵ سَعَدَّ يَسَا وَسَنْدُنَنْ وُتَا، سَيْ يَسَكِ كَرْنُكَنْ دَاجِنْ ذُوَا ثِكِنْ غُواْنَكِنْ حَڟِنْ ڢِلِسْتِيَاوَا؞ تَهَكَنٜىٰ يَڧُواْنٜىٰ حَڟِنْ دَيَكٜىٰ ڟَيٜىٰ أَغُواْنَكِ دَ دَمَّنْ حَڟِنْ دَ عَكَ غِرْبٜىٰ دَ كُمَ غُواْنَكِنْ ظَيْتُنْ؞

⁶ ڢِلِسْتِيَاوَا كُوَ سُكَيِ تَمْبَيَ ‏«‏وَ يَيِ مَنَ وَنَّنْ أَبُ؟»‏ سَيْ عَكَثٜىٰ مُسُ ‏«‏شَمْشُونَ نٜىٰ يَيِ، غَمَا مُتُمِنْ تِمْنَ بَابَنْ مَاتَرْ شَمْشُونَ يَطَوْكِ مَاتَرْسَ يَبَا وَنْدَ يَذَمَ مَسَ أَبُواْكِنْ أَنْ‌غُواْ؞»‏ سَيْ ڢِلِسْتِيَاوَا سُكَ تَڢِے سُكَ ڧُواْنٜىٰ مَاتَرْ دُكْ دَ غِدَنْ بَابَنْتَ ڧُرْمُسْ دَ وُتَا؞

⁷ شَمْشُونَ كُوَ يَثٜىٰ مُسُ ‏«‏وَتُواْ حَكَ كُكَيِ!‏ تُواْ، نَا ضَنْڟٜىٰ، بَذَنْبَرِبَ سَيْ نَارَامَ؞»‏

⁸ شَمْشُونَ كُوَ يَڢَاطَ مُسُ، يَكَكَّشٜىٰسُ دَيَوَ؞ سَعَنً يَتَڢِے يَذَوْنَ عَثِكِنْ مَڢَكَا عَتُدُنْ عٜىٰتَمْ؞

شَمْشُونَ يَا كَشٜىٰ ڢِلِسْتِيَاوَا دُبُو

⁹ سَيْ ڢِلِسْتِيَاوَا سُكَ تَڢِے سُكَ كَڢَ سَنْسَنِ أَ يَهُودَ؞ سُكَ كَيْ يَاڧِ أَغَرِنْ لٜىٰهِ؞

¹⁰ سَيْ مُتَنٜىٰنْ يَهُودَ سُكَثٜىٰ مُسُ ‏«‏مٜىٰيَسَا كُكَ كَٰوُاْ مَنَ يَاڧِ؟»‏ سَيْ ڢِلِسْتِيَاوَنْ سُكَ أَمْسَ سُكَثٜىٰ ‏«‏مُنْ ذُواْ نٜىٰ دُواْمِنْ مُكَامَ شَمْشُونَ، مُيِ مَسَ أَبِنْدَ يَيِ مَنَ؞»‏

¹¹ سَيْ مُتَنٜىٰنْ يَهُودَ دُبُو عُكُ سُكَ غَنْ‌غَرَ ذُوَا كُواْغُواْ عَتُدُنْ عٜىٰتَمْ، سُكَثٜىٰ وَ شَمْشُونَ ‏«‏بَكَسَنْ ثٜىٰوَ ڢِلِسْتِيَاوَا نٜىٰ سُكٜىٰ مُلْكِنْمُ بَ؟ مٜىٰ كٜىٰنَنْ كَايِ مَنَ؟»‏ شَمْشُونَ كُوَ يَأَمْسَ مُسُ، يَثٜىٰ ‏«‏نَايِ مُسُ دَيْدَيْ يَدَّ سُكَيِ مِنِ؞»‏

¹² سُكَثٜىٰ مَسَ ‏«‏مُنْذُواْ نٜىٰ دُواْمِنْ مُطَوْرٜىٰكَ، مُمِيڧَكَ أَ حَنُّنْسُ؞»‏ شَمْشُونَ يَثٜىٰ مُسُ ‏«‏كُرَنْڟٜىٰ مِنِ ثٜىٰوَ كُو دَ كَنْكُ بَذَاكُ كَشٜىٰنِبَ؞»‏

¹³ سَيْ سُكَثٜىٰ مَسَ ‏«‏أَعَ، بَذَامُ كَشٜىٰكَبَ؞ مُو دَيْ مُنْذُواْ نٜىٰ مُطَوْرٜىٰكَ، مُمِيڧَكَ أَ حَنُّنْ ڢِلِسْتِيَاوَا؞»‏ سَيْ سُكَ طَوْرٜىٰشِ دَ سَابَبِّنْ إِغِيُواْيِ بِيُ سُكَ ڢِتَرْ دَشِ دَغَ ثِكِنْ كُواْغُوانْ تُدُنْ؞

¹⁴ سَعَدَّ يَذُواْ لٜىٰهِ، سَيْ ڢِلِسْتِيَاوَا سُكَتَاشِ دَغُدُ سُنَ إِيهُ دُواْمِنْ سُغَمُ دَشِ؞ بَا لَابَرِ سَيْ رُوحٌ يَهْوٜىٰهْ يَسَوْكُواْ عَكَنْسَ يَبَا شِ إِيكُواْ، سَيْ إِغِيُواْيِنْ دَ عَكَ طَوْرَ حَنُّوَنْسَ دَسُو سُكَ ڟِنْڟِنْكٜىٰ كَمَرْ ظَرٜىٰنْدَ يَكَامَ وُتَا؞

¹⁵ سَيْ يَسَامِ سَابُوانْ ڧَشِنْ بَاكِنْ جَاكِنْ دَ بَيْ دَطٜىٰ دَ مُتُوَبَ؞ يَسُنْكُيَ يَطَوْكَ، يَكَشٜىٰ مُتَنٜىٰ دُبُو دَشِ؞

¹⁶ سَعَنً شَمْشُونَ يَرٜىٰرَ وَاڧَا يَثٜىٰ، ‏«‏دَ ڧَشِنْ بَاكِنْ جَاكِ نَكَشٜىٰ مُتَنٜىٰ دُبُو؞ دَ ڧَشِنْ بَاكِنْ جَاكِ نَتَتَّارَ تُلِ عَكَنْ تُلِ؞»‏

¹⁷ دَ يَغَمَ مَغَنَ، يَجٜىٰڢَرْ دَ ڧَشِنْ دَغَ حَنُّنْسَ؞ سَيْ عَكَ كِرَا وَنَّنْ وُرِنْ رَمَتْ لٜىٰهِ، وَتُواْ تُدُنْ ڧَشِنْ بَاكِنْ جَكِ؞

¹⁸ شَمْشُونَ يَجِ ڧِشِنْ ضُوَ ڨُورَيْ، سَيْ يَيِ كِرَا غَ يَهْوٜىٰهْ يَثٜىٰ ‏«‏كَيْ كَا بَانِ وَنَّنْ بَبَّرْ نَصَرَا؞ تُواْ، يَنْذُ ذَنْ مُتُ سَبُواْدَ ڧِشِنْ ضُوَ، إِنْ سَاكٜىٰ ڢَاطُوَ كُمَ أَ حَنُّنْ ڢِلِسْتِيَاوَا مَرَسَ كَاثِيَ؟»‏

¹⁹ اللَّهْ كُوَ يَبُوطٜىٰ وَنِ رَامِ عَڧَسَا أَ لٜىٰهِ، سَيْ ضُوَ يَٻُلُّواْ دَغَ ثِكِ؞ بَايَنْدَ شَمْشُونَ يَشَا ضُوً، سَيْ حَنْكَلِنْسَ يَكُواْمُواْ، ڧَرْڢِنْسَ كُمَ يَدَاوُاْ؞ سَبُواْدَ حَكَنٜىٰ عَكٜىٰ كِرَنْ وُرِنْ هَكُّواْرٜىٰ، وَتُواْ مَيْ كِرَا؞ هَرْوَيَوْ رَامِنْ يأَنَانً أَ لٜىٰهِ؞

²⁰ شَمْشُونَ يَشُوغَبَنْثِ إِسْرَٰٓءِيلَاوَا شٜىٰكَرَا عَشِرِنْ أَ زَامَانِنْ دَ ڢِلِسْتِيَاوَا سُكٜىٰ مُلْكِنْسُ؞