أَلْڧَلَيْ 14 - أَتَّوْرَتْ دَ أَنَّبَاوَا

شَمْشُونَ دَ مَثٜىٰ دَغَ تِمْنَ

¹ أَنَانً وَتَرَانَ سَيْ شَمْشُونَ يَغَنْ‌غَرَ ذُوَا تِمْنَ، عِنْدَ يَغَ وَتَ يَارِنْيَ عَثِكِنْ یَنْ مَاتَانْ ڢِلِسْتِيَاوَا؞

² دَ يَدَاوُاْ غِدَا، سَيْ يَڢَطَا وَ إِيَايٜىٰنْسَ يَثٜىٰ ‏«‏نَغَ وَتَ مَثٜىٰ عَثِكِنْ یَنْ مَاتَانْ ڢِلِسْتِيَاوَا عَثَنْ تِمْنَ، تَشِغَ مِنِ رَيْ، إِنَ سُواْ كُعَوْرُواْ مِنِ عِتَ؞»‏

³ عَمَّا إِيَايٜىٰنْسَ سُكَ تَمْبَيٜىٰشِ ‏«‏كَرَسَ يَارِنْيَرْ دَ ذَاكَ عَوْرَ عَثِكِنْ یَنْ مَاتَانْ دَنْ‌غِنْكَ، كُواْ عَثِكِنْ دُكَنْ مُتَنٜىٰنْمُ؟ دُوانْمٜىٰ ذَاكَ تَڢِے كَاعَوْرِ مَثٜىٰ دَغَ ثِكِنْ ڢِلِسْتِيَاوَا أَرْنَ مَرَسَ كَاثِيَ؟»‏ عَمَّا شَمْشُونَ يَثٜىٰ وَبَابَنْسَ ‏«‏عِتَ ثٜىٰ وَدَّ نَكٜىٰسُواْ كَاعَوْرُواْ مِنِ عِتَ؞ إِنَ سُوانْتَ؞»‏

⁴ إِيَايٜىٰنْسَ كُوَ بَسُ سَنْ ثٜىٰوَ اللَّهْ نٜىٰ يَكٜىٰبِدَ شَمْشُونَ دُواْمِنْ يَيِ حَكَبَ؞ غَمَا يَهْوٜىٰهْ يَنَ نٜىٰمَنْ حَنْيَرْ دَ ذَيْ حُكُنْتَ ڢِلِسْتِيَاوَا؞ غَمَا أَ لُواْكَثِنْ ڢِلِسْتِيَاوَا نٜىٰ سُكٜىٰ مُلْكٍ مُتَنٜىٰنْ إِسْرَٰٓءِيلَ؞

⁵ سَيْ شَمْشُونَ يَغَنْ‌غَرَ تَرٜىٰدَ إِيَايٜىٰنْسَ ذُوَا تِمْنَ؞ دَ سُكٜىٰ ثِكِنْ تَڢِيَ سُكَ إِسُواْ غُواْنَكِنْ إِنَبِنْ تِمْنَ، سَيْغَا وَنِ ذَاكِ مَيْ ڧَرْڢِے يَتَاسُواْ مَسَ دَ رُورِ؞

⁶ نَنْ دَ نَنْ إِيكُوانْ رُوحٌ يَهْوٜىٰهْ يَسَوْكُواْوَ شَمْشُونَ، سَيْ يَكَامَ ذَاكِنْ دَ حَنُّ يَيَاغَ شِ كَمَرْ طَنْ عَكُيَ؞ عَمَّا بَيْ ڢَطَا وَ إِيَايٜىٰنْسَ أَبِنْدَ يَيِبَ؞

⁷ سَيْ يَغَنْ‌غَرَ يَيِ مَغَنَ دَ يَارِنْيَرْ، تَا كُوَ غَمْشٜىٰشِ؞

⁸ بَايَنْ یَنْ ݣُونَكِے شَمْشُونَ يَكُواْمَ دُواْمِنْ يَ عَوْرٜىٰتَ؞ يَرَڟٜىٰ دَغَ كَنْ حَنْيَ دُواْمِنْ يَدُوبَ غَاوَرْ ذَاكِنْ دَ دَا يَكَشٜىٰ؞ سَيْ يَتَرَرْ دَ ڧُدَنْ ظُمَ عَثِكِنْ غَاوَرْ، حَرْ دَ كَكِنْ ظُمَ مَيْ ضُوَ؞

⁹ يَطٜىٰبِے ظُمَنْ أَ حَنُّنْسَ، يَنَ تَڢِيَ يَنَ شَا، حَرْ يَكَيْ وُرِنْ إِيَايٜىٰنْسَ، يَبَاسُ، سُكَ كُوَ شَا؞ عَمَّا شَمْشُونَ بَيْ ڢَطَا مُسُ يَطِبَ دَغَ ثِكِنْ غَاوَرْ ذَاكِبَ؞

¹⁰ بَابَنْسَ يَتَڢِے غِدَنْ إِيَايٜىٰنْ يَارِنْيَرْ؞ شَمْشُونَ كُوَ يَشِرْيَ بِكِ أَوُرِنْ، غَمَا حَكَ سَمَارِ سُكَ سَابَايِ؞

¹¹ دَ ڢِلِسْتِيَاوَا سُكَ غَنْ شِ، سُكَ عَيْكَ مَسَ دَ سَمَارِ تَلَاتِنْ سُذَوْنَ تَرٜىٰ دَشِ؞

¹² شَمْشُونَ كُوَ يَثٜىٰ مُسُ ‏«‏بَرِ إِنْسَا مُكُ وَتَ كَثِثِ كَثِثِ؞ عِدَنْ وَنِ يَ عِيَ ڢَطَا مِنِ مَعَنَرْ عَثِكِنْ ݣُونَ بَݣَويْ نَبِكِنَّنْ، تُواْ، نِے ذَنْبَاشِ رِيغُنَنْ لِيلِنْ تَلَاتِنْ دَ كُمَ وَطَنْسُ رِيغُنَ تَلَاتِنْ مَاسُ أَدُواْ؞

¹³ عَمَّا عِدَنْ بَكُ عِيَ ڢَطَا مِنِ مَعَنَرْ أَبِنْدَ نَڢَطَا بَ، كُو ذَاكُبَانِ رِيغُنَنْ لِيلِنْ تَلَاتِنْ دَ كُمَ وَطَنْسُ رِيغُنَنْ تَلَاتِنْ مَاسُ أَدُواْ؞»‏ سَيْ سُكَثٜىٰ ‏«‏تُواْ!‏ كَڢَطَا مَنَ كَثِثِ كَثِثِنْكَ مُجِ؞»‏

¹⁴ سَيْ يَثٜىٰ، ‏«‏دَغَ مَيْثِ، عَبِنْثِ يَڢِتُواْ؞ دَغَ كُمَ مَيْ ڧَرْڢِے، أَبِنْ ذَاڧِ يَڢِتُواْ؞»‏ عَمَّا بَسُ عِيَ بَادَ مَعَنَرْ كَثِثِ كَثِثِنْبَ حَرْ ݣُونَ عُكُ؞

¹⁵ أَ رَانَ تَهُطُ سُكَثٜىٰ وَمَاتَرْ شَمْشُونَ ‏«‏كِيِ دَبَرَ، كِلَلَّشِ مِجِنْكِ، يَڢَطَا مَنَ مَعَنَرْ كَثِثِ كَثِثِنْ؞ عِدَنْ كُوَ بَاكِ يِبَ، ذَامُ ڧُواْنَكِ دَ غِدَنْ بَابَنْكِ ڧُرْمُسْ دَ وُتَا؞ كُنْ غَيَّثٜىٰمُ دُواْمِنْ كُيِ مَنَ سَاتَا نٜىٰ؟»‏

¹⁶ سَيْ مَاتَرْ شَمْشُونَ تَتَاشِ دَ كُوكَا تَذُواْ غَبَنْسَ تَثٜىٰ ‏«‏كَيْ دَيْ بَاكَ ڧَوْنَتَ!‏ شَمْشُونَ، كَنَ ڧِينَ؞ كَا ڢَطَا وَمُتَنٜىٰنَ كَثِثِ كَثِثِ، عَمَّا بَكَڢَطَا مِنِ مَعَنَرْبَ؞»‏ سَيْ يَأَمْسَ مَتَ يَثٜىٰ ‏«‏كُواْ إِيَايٜىٰنَ مَا بَنْ ڢَطَا مُسُ مَعَنَرْ بَ، دُوانْمٜىٰ ذَنْ ڢَطَا مِكِ؟»‏

¹⁷ تَا يِتَكُوكَا أَغَبَنْسَ حَرْ سَوْرَنْ ݣُونَكِے بَݣَويْ نَبِكٍ؞ عَمَّا أَ رَانَ تَبَݣَويْ طِنْ سَبُواْدَ ڟَنَنِنْ ڢِتِنَرْتَ، سَيْ يَڢَطَا مَتَ مَعَنَرْ كَثِثِ كَثِثِنْ؞ عِتَ كُوَ تَجٜىٰ تَڢَطَا وَمُتَنٜىٰنْتَ ڢِلِسْتِيَاوَا مَعَنَرْ؞

¹⁸ أَ رَانَ تَبَݣَويْ طِنْ كَاڢِنْ رَانَ تَڢَاطِ، سَيْ مُتَنٜىٰنْ غَرِنْ سُكَذُواْ وُرِنْ شَمْشُونَ سُكَثٜىٰ مَسَ، ‏«‏مٜىٰ يَڢِ ظُمَ ذَاڧِ؟ مٜىٰ يَڢِ ذَاكِ ڧَرْڢِے؟»‏ شَمْشُونَ كُوَ يَأَمْسَ مُسُ يَثٜىٰ، ‏«‏دَبَدُوانْ كُنْيِ نُواْمَ دَ سَانِيَتَبَ، دَ بَكُ تُواْنَ أَسِيرِنْ كَثِثِ كَثِثِنَبَ؞»‏

¹⁹ بَا لَابَرِ سَيْ إِيكُوانْ رُوحٌ يَهْوٜىٰهْ يَسَوْكُواْ مَسَ؞ سَيْ يَغَنْ‌غَرَ ذُوَا أَشْكٜىٰلُوانْ عِنْدَ يَكَشٜىٰ مُتَنٜىٰ تَلَاتِنْ، يَݣُوشِ غَنِمَرْ رِيغُنَنْسُ مَاسُ ݣَوْ نَأَدُواْ يَبَا مُتَنٜىٰنْ دَ سُكَ بَاشِ مَعَنَرْ كَثِثِ كَثِثِنْ؞ يَكُواْمَ غِدَا دَ ڢُشِے مَيْ ذَاڢِ غَمٜىٰدَ أَبِنْدَ يَڢَرُ؞

²⁰ سَيْ عَكَ طَوْكِ مَاتَرْ شَمْشُونَ عَكَبَا أَبُواْكِنْسَ وَنْدَ يَذَمَ أَبُواْكِنْ أَنْ‌غُواْ؞