أَلْڧَلَيْ 13 - أَتَّوْرَتْ دَ أَنَّبَاوَا

حَيْڢُوَرْ شَمْشُونَ

¹ مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ، سَيْ يَهْوٜىٰهْ يَبَادَسُو أَ حَنُّنْ ڢِلِسْتِيَاوَا سُكَشَا ڧَرْڢِنْسُ حَرْ شٜىٰكَرَا أَرْبَعِنْ؞

² عَݣُونَكِنْنَنْ أَݣَويْ وَنِ مُتُمْ مَيْ سُونَ مَنُواْوَ دَغَ دَنْ‌غِنْ ذُواْرَ نَظُرِيَرْ دَنْ؞ مَاتَرْسَ بَاتَحَيْڢُوَ؞

³ سَيْ مَلاَىِٕكَنْ يَهْوٜىٰهْ يَبَيَّنَ غَ مَاتَرْ يَثٜىٰ مَتَ ‏«‏غَاشِ، بَاكِ تَٻَ حَيْڢُوَ بَ، عَمَّا بَدَ دَطٜىٰوَبَ ذَاكِيِ ثِكِ، ذَاكِ كُوَ حَيْڢِ طَا؞

⁴ يَنْذُ كِلُورَ، بَذَاكِ شَا ضُوً إِنَبِے كُواْ أَبِنْ سَا بُغُوَبَ، كُواْ كُمَ كِثِ وَنِ عَبِنْثِ مَيْ ڧَظَنْتَا؞

⁵ غَمَا ذَاكِيِ ثِكِ كِحَيْڢِ طَا؞ بَذَاعَ أَسْكٜىٰ كَنْسَبَ، غَمَا يَرُواْنَّنْ تُنْدَغَ ثِكِنْ ثِكِ ذَيْ ذَمَ كٜىٰٻَٻّٜىٰ نَ اللَّهْ، وَتُواْ نَظِرِتْ؞ شِ ذَيْ ڢَارَ ثٜىٰتُوانْ مُتَنٜىٰنْ إِسْرَٰٓءِيلَ دَغَ حَنُّنْ ڢِلِسْتِيَاوَا؞»‏

⁶ سَيْ مَاتَرْ تَتَڢِے تَڢَطَا وَمِجِنْتَ تَثٜىٰ ‏«‏مُتُمِنْ اللَّهْ يَذُواْ وُرِينَ؞ يَنَ دَ بَنْ ڟُواْرُواْ، كَمَرْ مَلاَىِٕكَنْ اللَّهْ؞ بَنْ تَمْبَيٜىٰشِ كُواْ دَغَ إِنَا يَذُواْ بَ، شِيكُمَ بَيْ ڢَطَا مِنِ سُونَنْسَبَ؞

⁷ عَمَّا يَثٜىٰ مِنِ ذَنْيِ ثِكِ إِنْكُمَ حَيْڢِ طَا؞ دُواْمِنْ حَكَ بَذَنْ شَا ضُوً إِنَبِے كُواْ وَنِ أَبِنْ سَا بُغُوَبَ، كُواْ كُوَ إِنْثِ عَبِنْثِ مَيْ ڧَظَنْتَا، غَمَا يَرُوانْ ذَيْذَمَ نَظِرِتْ، كٜىٰٻَٻّٜىٰ غَ اللَّهْ تُنْدَغَ ثِكِنْ ثِكِ حَرْ إِيَاكَرْ رَايُوَرْسَ؞»‏

⁸ سَيْ مَنُواْوَ يَيِ أَدُّعَ غَ يَهْوٜىٰهْ يَثٜىٰ ‏«‏يَا يَهْوٜىٰهْ، إِنَ ضُواْڧُوانْكَ، كَبَرْ مُتُمِنْ اللَّهْ نَّنْ دَ كَعَيْكَ يَسَاكٜىٰ ذُوَا يَكُواْيَ مَنَ أَبِنْدَ ذَامُيِ دَ يَرُواْنَّنْ دَ ذَاعَ حَيْڢَ؞»‏

⁹ اللَّهْ كُوَ يَجِ ضُواْڧُوانْ مَنُواْوَ، سَيْ مَلاَىِٕكَنْ اللَّهْ يَسَاكٜىٰ ذُوَا وُرِنْ مَاتَرْ، سَعَدَّ تَكٜىٰ أَ ڢِيلِنْ غُواْنَ؞ عَمَّا مِجِنْتَ مَنُواْوَ بَايَ نَنْ تَرٜىٰدَ عِتَ؞

¹⁰ مَاتَرْ كُوَ تَرُوغَ دَ غُدُ ذُوَا وُرِنْ مِجِنْتَ، تَثٜىٰمَسَ ‏«‏أَيْ!‏ مُتُمِنَّنْ دَ يَذُواْ مِنِ رَانَرْ نَنْ، يَسَاكٜىٰ ذُوَا مِنِ كُمَ؞»‏

¹¹ سَيْ مَنُواْوَ يَتَاشِ يَبِے مَاتَرْسَ يَتَڢِے تَرٜىٰدَ عِتَ؞ دَ يَذُواْ وُرِنْ مُتُمِنْ يَثٜىٰمَسَ ‏«‏كَيْ نٜىٰ مُتُمِنْ دَ يَيِ مَغَنَ دَ مَاتَتَ؟»‏ سَيْ مَلاَىِٕكَنْ يَأَمْسَ يَثٜىٰ ‏«‏عِ، نِنٜىٰ؞»‏

¹² سَيْ مَنُواْوَ يَثٜىٰ مَسَ ‏«‏لُواْكَثِنْ دَ مَغَنَرْكَ تَثِكَ، وَنٜىٰ إِرِنْ حَلِ نٜىٰ ذَامُ كُواْيَوَ يَرُوانْ؟ مٜىٰ كُمَ يَرُوانْ ذَيْ يِ أَ رَايُوَرْسَ؟»‏

¹³ مَلاَىِٕكَنْ يَهْوٜىٰهْ يَأَمْسَا وَ مَنُواْوَ يَثٜىٰ ‏«‏سَيْ مَاتَرْكَ تَتَبَّتَرْ تَكِيَايٜىٰ دُكَنْ أَبِنْدَ نَڢَطَا مَتَ؞

¹⁴ بَذَاتَثِ وَنِ أَبِنْدَ يَڢِتُواْ دَغَ ثِكِنْ إِتَاثٜىٰنْ إِنَبِبَ؞ بَ كُوَ ذَاتَشَا ضُوً إِنَبِے، كُواْ أَبِنْسَا بُغُوَ بَ، كُواْ تَثِ وَنِ عَبِنْثِ مَيْ ڧَظَنْتَا؞ دُواْلٜىٰنٜىٰ تَكِيَايٜىٰ دُكَنْ أَبِنْدَ نَعُمَرْثٜىٰتَ؞»‏

¹⁵ مَنُواْوَ يَثٜىٰ وَمَلاَىِٕكَنْ يَهْوٜىٰهْ ‏«‏إِنَ ضُواْڧُوانْكَ، كَدَ كَتَڢِے تُكُنَ، كَجِرَا سَيْمُنْ شِرْيَ مَكَ نَامَنْ طَنْ عَكُيَ؞»‏

¹⁶ مَلاَىِٕكَنْ يَهْوٜىٰهْ يَأَمْسَ مَسَ يَثٜىٰ ‏«‏كُواْ دَ كَتَرٜىٰنِ، بَذَنْثِ عَبِنْثِنْ دَ ذَاكَ شِرْيَ مِنِبَ؞ عَمَّا عِدَنْ ذَاكَ شِرْيَ هَدَايَ تَڧُواْنَاوَا، سَيْ كَمِيڧَتَ غَ يَهْوٜىٰهْ؞»‏ غَمَا مَنُواْوَ بَيْغَانٜىٰ ثٜىٰوَ مُتُمِنْ مَلاَىِٕكَنْ يَهْوٜىٰهْ بَنٜىٰ؞

¹⁷ مَنُواْوَ يَثٜىٰ وَمَلاَىِٕكَنْ يَهْوٜىٰهْ ‏«‏كَڢَطَا مَنَ سُونَنْكَ، دُواْمِنْ لُواْكَثِنْ دَ مَغَنَرْكَ تَثِكَ سَيْ مُغِرْمَمَكَ؞»‏

¹⁸ سَيْ مَلاَىِٕكَنْ يَهْوٜىٰهْ يَثٜىٰ مَسَ ‏«‏دُوانْمٜىٰ كَكٜىٰسُواْ كَسَنْ سُونَنَ؟ يَنَ دَ بَنْ مَامَاكِ نٜىٰ؞»‏

¹⁹ سَيْ مَنُواْوَ يَطَوْكِ طَنْ عَكُيَ تَرٜىٰدَ هَدَايَ تَغَارِنْ حَڟِ، يَمِيڧَ هَدَايَ غَ يَهْوٜىٰهْ عَكَنْ وَنِ دُوڟٜىٰ؞ يَهْوٜىٰهْ كُوَ يَيِ أَبِنْ مَامَاكِ أَوُرِنْ، مَنُواْوَ دَ مَاتَرْسَ سُنَ كَلُّواْ؞

²⁰ سَعَدَّ هَرْشٜىٰنْ وُتَرْ يَكٜىٰ هَوَنْ سَمَ دَغَ بَغَدٜىٰنْ، مَلاَىِٕكَنْ يَهْوٜىٰهْ يَاهَوْ ذُوَا سَمَ تَثِكِنْ هَرْشٜىٰنْ وُتَرْ هَدَايَ؞ دَ مَنُواْوَ دَ مَاتَرْسَ سُنْ غَا حَكَ، سُكَ ڢَاطِ دَ ڢُسْكُواْكِنْسُ حَرْ ڧَسَا؞

²¹ مَلاَىِٕكَنْ بَيْ سَاكٜىٰ بَيَّنَ غَ مَنُواْوَ دَ مَاتَرْسَبَ؞ مَنُواْوَ عَڧَرْشٜىٰ يَغَانٜىٰ، أَشٜىٰ مُتُمِنْ مَلاَىِٕكَنْ يَهْوٜىٰهْ نٜىٰ؞

²² مَنُواْوَ يَثٜىٰ وَمَاتَرْسَ ‏«‏لَلَّيْ ذَامُ مُتُ غَمَا مُنْ‌غَ اللَّهْ!‏»‏

²³ عَمَّا مَاتَرْسَ تَثٜىٰ ‏«‏عِدَنْ يَهْوٜىٰهْ يَا سُواْ يَكَشٜىٰمُ، أَيْ دَ بَيْ كَرْٻِ هَدَايَرْمُ تَڧُواْنَاوَا دَ هَدَايَرْمُ تَهَڟِ بَ، كُواْ كُمَ يَنُونَ مَنَ دُكَنْ وَطَنَّنْ أَبُبُوَ بَ، كُواْ كُوَ يَڢَطَا مَنَ وَطَنَّنْ أَبُبُوَبَ؞»‏

²⁴ مَاتَرْ كُوَ تَحَيْڢِ طَا، تَكُمَ سَا مَسَ سُونَ شَمْشُونَ؞ يَرُوانْ كُوَ يَيِ غِرْمَ يَهْوٜىٰهْ كُمَ يَسَا مَسَ أَلْبَرْكَ؞

²⁵ رُوحٌ يَهْوٜىٰهْ يَا ڢَارَ مُواْڟَشِ، سَعَدَّ يَكٜىٰ أَ ذَنْ‌غُوانْ دَنْ وَنْدَ يَكٜىٰ ڟَكَانِنْ ذُواْرَ دَ عٜىٰشْتَوُالْ؞