أَلْڧَلَيْ 12 - أَتَّوْرَتْ دَ أَنَّبَاوَا

ڢَطَنْ يٜىٰڢْتَادَ مُتَنٜىٰنْ إِڢْرَيِمْ

¹ مُتَنٜىٰنْ إِڢْرَيِمْ سُكَيِ شِرِ دَ كَايَنْ يَاڧِنْسُ؞ سُكَ ڧٜىٰتَرٜىٰ كُواْغِنْ يُواْدَنْ ذُوَا ظَڢُوانْ، سُكَثٜىٰ وَ يٜىٰڢْتَا ‏«‏مٜىٰيَسَا كَڢِتَ يَاڧِ دَ أَمُّواْنَاوَا بَكَ كِرَامُ مُتَڢِے تَرٜىٰبَ؟ تُواْ، ذَامُ ڧُواْنٜىٰكَ دَ غِدَنْكَ!‏»‏

² عَمَّا يٜىٰڢْتَا يَأَمْسَ مُسُ يَثٜىٰ ‏«‏نِے دَ مُتَنٜىٰنَ مُنْ شِغَ ڢَطَ مَيْ ڟَنَنِ دَ أَمُّواْنَاوَا؞ نَكِرَاكُ دُواْمِنْ كُذُواْ كُثٜىٰثٜىٰنِ دَغَ حَنُّنْسُ، عَمَّا كُنْڧِ ذُوَا؞

³ سَعَدَّ نَغَ بَذَاكُ تَيْمَكٜىٰنِبَ، سَيْ نَبَادَ رَيْنَ نَڧٜىٰتَرٜىٰ دُواْمِنْ إِنْيَاڧِ أَمُّواْنَاوَنْ؞ يَهْوٜىٰهْ كُوَ يَبَانِ نَصَرَا عَكَنْسُ؞ يَنْذُ دُوانْمٜىٰ كُكَ هَوْرَ ذُوَا نَنْ كُيِ يَاڧِ دَنِے؟»‏

⁴ يٜىٰڢْتَا كُوَ يَتَتَّارَ دُكَنْ مُتَنٜىٰنْ غِلٜىٰيَدْ؞ سُكَيِ يَاڧِ دَ مُتَنٜىٰنْ إِڢْرَيِمْ؞ سَيْ مُتَنٜىٰنْ غِلٜىٰيَدْ سُكَثِسُ دَ يَاڧِ، سَبُواْدَ مُتَنٜىٰنْ إِڢْرَيِمْ سُنْثٜىٰ ‏«‏كُو مُتَنٜىٰنْ غِلٜىٰيَدْ كُو مَاسُ نٜىٰمَنْ وُرِنْ ٻُيَ نٜىٰ ثِكِنْ يَنْكِنْ إِڢْرَيِمْ دَ مَنَسّٜىٰ!‏»‏

⁵ مُتَنٜىٰنْ غِلٜىٰيَدْ سُكَ كَامَ وُرَارٜىٰنْ دَ مُتَنٜىٰنْ إِڢْرَيِمْ سُكَنْ ڧٜىٰتَرٜىٰ كُواْغِنْ يُواْدَنْ؞ سَعَدَّ وَنِ مُتُمِنْ إِڢْرَيِمْ يَغُدُ يَذُواْ يَڧٜىٰتَرٜىٰ، سَيْ مُتَنٜىٰنْ غِلٜىٰيَدْ سُتَمْبَيٜىٰشِ ‏«‏كَيْ مُتُمِنْ إِڢْرَيِمْ نٜىٰ؟»‏ عِدَنْ يَا ثٜىٰ ‏«‏أَعَ،»‏

⁶ سَيْ سُثٜىٰ مَسَ ‏«‏تُواْ، كَثٜىٰ، ‏‹‏شِبُّواْلٜىٰتْ؞›‏ »‏ عِدَنْ مُتُمِنْ دَغَ إِڢْرَيِمْ نٜىٰ ذَيْثٜىٰ ‏«‏سِبُّواْلٜىٰتْ؞»‏ غَمَا مُتُمِنْ إِڢْرَيِمْ بَذَيْ عِيَ كِرَا كَلْمَرْ نَنْ دَيْدَيْبَ؞ سَيْ سُكَامَشِ أَوُرِنْ سُكَشٜىٰشِ؞ أَ لُواْكَثِنَّنْ عَكَ كَكَّشٜىٰ مُتَنٜىٰنْ إِڢْرَيِمْ دُبُو أَرْبَعِنْ دَ بِيُ؞

⁷ يٜىٰڢْتَا مُتُمِنْ غِلٜىٰيَدْ يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرَا شِدَ؞ سَعَنً يَمُتُ، عَكَ كُوَ بِنّٜىٰشِ أَوَنِ غَرِ أَ غِلٜىٰيَدْ؞

إِبْظَنْ دَ عٜىٰلُوانْ دَ أَبْدُوانْ مَاسُ شَرِيعَ عَ إِسْرَٰٓءِيلَ

⁸ بَايَنْ يٜىٰڢْتَا، سَيْ إِبْظَنْ مُتُمِنْ بَيْتَلَحْمِ يَيِ عَيْكِنْ شَرِيعَ عَ إِسْرَٰٓءِيلَ؞

⁹ يَنَ دَ یَیَ مَظَا تَلَاتِنْ دَ یَیَ مَاتَا تَلَاتِنْ؞ يَبَادَ یَیَنْسَ مَاتَا عَوْرٜىٰ غَ وَنِ دَنْ‌غِ، يَكُمَ عَوْرُواْ وَ یَیَنْسَ مَظَا یَنْ مَاتَادَغَ وَنِ دَنْ‌غِ؞ إِبْظَنْ يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرَا بَݣَويْ؞

¹⁰ سَعَنً يَمُتُ، عَكَ بِنّٜىٰشِ أَ بَيْتَلَحْمِ؞

¹¹ بَايَنْ إِبْظَنْ، سَيْ عٜىٰلُوانْ مُتُمِنْ ظٜىٰبُلُنْ يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرَا غُواْمَ؞

¹² سَعَنً يَمُتُ، عَكَ بِنّٜىٰشِ أَعَيَلُوانْ عَيَنْكِنْ ظٜىٰبُلُنْ؞

¹³ بَايَنْ عٜىٰلُوانْ، سَيْ أَبْدُوانْ طَنْ هِلّٜىٰلْ، مُتُمِنْ ڢِرَتُوانْ، يَيِ عَيْكِنْ شَرِيعَ عَ إِسْرَٰٓءِيلَ؞

¹⁴ يَنَ دَ یَیَ مَظَا أَرْبَعِنْ دَ جِيكُواْكِ مَظَا تَلَاتِنْ، سُنَ هَوَنْ جَاكُنَ سَبَعِنْ؞ أَبْدُوانْ يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرَا تَݣُوسْ؞

¹⁵ سَعَنً يَمُتُ، عَكَ بِنّٜىٰشِ أَ ڢِرَتُوانْ عَيَنْكِنْ إِڢْرَيِمْ عَيَنْكِنْ تُدَّيْ نَ أَمَلٜىٰكَاوَا؞