أَلْڧَلَيْ 1 - أَتَّوْرَتْ دَ أَنَّبَاوَا

ذُرِيَرْ يَهُودَ دَ سِمٜىٰيُوانْ سُنْثِ أَدُواْنِبٜىٰظٜىٰكْ دَ يَاڧِ

¹ أَنَانً بَايَنْدَ يُواْشُوَ يَمُتُ، مُتَنٜىٰنْ إِسْرَٰٓءِيلَ سُكَ تَمْبَيِ يَهْوٜىٰهْ سُكَثٜىٰ ‏«‏وَثٜىٰ ذُرِيَ ذَاتَ ڢَارَ ڢَاطُواْ وَ كَنْعَنِيَاوَا دَيَاڧِ؟»‏

² سَيْ يَهْوٜىٰهْ يَثٜىٰ ‏«‏ذُرِيَرْ يَهُودَ ثٜىٰ ذَاتَ ڢَارَ كَيْ يَاڧِ، غَاشِ كُوَ نَبَادَ ڧَسَرْ أَ حَنُّنْكُ؞»‏

³ مُتَنٜىٰنْ يَهُودَ سُكَثٜىٰ وَیَنْعُوَنْسُ مُتَنٜىٰنْ ذُرِيَرْ سِمٜىٰيُوانْ ‏«‏كُذُواْ تَرٜىٰدَمُو ذُوَا ثِكِنْ يَنْكِنْ رَبُوانْ غَادُوانْمُ، دُواْمِنْ مُيَاڧِ كَنْعَنِيَاوَنَّنْ؞ حَكَ مُو مَا ذَامُ تَڢِے تَرٜىٰدَكُو ذُوَا ثِكِنْ يَنْكِنْ رَبُوانْ غَادُوانْكُ؞»‏ ذُرِيَرْ سِمٜىٰيُوانْ كُوَ سُكَ تَڢِے تَرٜىٰدَسُو؞

⁴ سَعَدَّ ذُرِيَرْ يَهُودَ سُكَ ڢَارَ يَاڧِ، يَهْوٜىٰهْ كُوَ يَبَادَ كَنْعَنِيَاوَا دَ ڢٜىٰرِظِّيَاوَا أَ حَنُّنْسُ؞ سُكَ كَكَّشٜىٰ مُتُمْ دُبُو غُواْمَ دَغَ ثِكِنْسُ أَ بٜىٰظٜىٰكْ؞

⁵ عَثَنْ سُكَ سَامِ سَرْكِے أَدُواْنِبٜىٰظٜىٰكْ سُكَ يَاڧٜىٰشِ، سُكَ كُمَثِ كَنْعَنِيَاوَا دَ ڢٜىٰرِظِّيَاوَا دَ يَاڧِ؞

⁶ أَدُواْنِبٜىٰظٜىٰكْ يَغُدُ، عَمَّا سُكَبِيشِ، سُكَ كَامَ شِ؞ سُكَ يَيَّنْكٜىٰ مَنْيَنْ يَڟُنْ حَنُّنْسَ دَ نَڧَڢَرْسَ؞

⁷ أَدُواْنِبٜىٰظٜىٰكْ يَثٜىٰ ‏«‏سَرَاكُنَ سَبَعِنْ وَطَنْدَ عَكَ يَيَّنْكٜىٰ مَنْيَنْ يَڟُنْسُ نَهَنُّ دَ نَڧَڢَ، عَڧَرْڧَشِنْ تٜىٰبُرِنَ سُكَيِ كَالَنْ عَبِنْثِنْسُ؞ يَوْ اللَّهْ يَيِ مِنِ كَمَرْ يَدَّ نَيِمُسُ؞»‏ سُكَ كَٰوُاْشِ أَ عُرُوشَلِيمَ أَنَنْ كُوَ يَمُتُ؞

ذُرِيَرْ يَهُودَ سُنْثِ عُرُوشَلِيمَ دَ هٜىٰبْرُوانْ دَ يَاڧِ

⁸ أَنَانً سَيْ مُتَنٜىٰنْ يَهُودَ سُكَ يَاڧِ عُرُوشَلِيمَ، سُكَثِتَ دَ يَاڧِ؞ سُكَ كَكَّشٜىٰ مُتَنٜىٰنْتَ سُكَ كُمَ سَا وَبِرْنِنْ وُتَا؞

⁹ بَايَنْ وَنَّنْ، مُتَنٜىٰنْ يَهُودَ سُكَ غَنْ‌غَرَ دُواْمِنْ سُيَاڧِ كَنْعَنِيَاوَنْ دَسُكٜىٰ ظَوْنٜىٰ عَثِكِنْ يَنْكِنْ تُدَّيْ دَ يَنْكِنْ نٜىٰغٜىٰبْ دَ يَنْكِنْ ڧأَنَانً تُدَّيْ؞

¹⁰ سُكَ كُمَ يَاڧِ كَنْعَنِيَاوَنْ دَسُكٜىٰ ظَوْنٜىٰ عَثِكِنْ هٜىٰبْرُوانْ، وَدَّ دَا عَكٜىٰ كِرَنْتَ دَ سُونَ كِرِيَتْ أَرْبَ؞ سُكَ كَكَّشٜىٰ شٜىٰشَيْ دَ أَهِمَنْ دَ تَلْمَيْ؞

عُواتْنِيٜىٰلْ يَاثِ غَرِنْ دٜىٰبِرْ دَيَاڧِ

¹¹ دَغَ ثَنْ مُتَنٜىٰنْ يَهُودَ سُكَ تَڢِے سُكَ يَاڧِ مَذَوْنَنْ غَرِنْ دٜىٰبِرْ وَدَّ دَا عَكٜىٰ كِرَنْتَ دَ سُونَ كِرِيَتْ سٜىٰڢٜىٰرْ؞

¹² سَيْ كَلٜىٰبْ يَثٜىٰ ‏«‏دُكْ وَنْدَ يَيَاڧِ كِرِيَتْ سٜىٰڢٜىٰرْ يَكُوَ ثِتَ، ذَنْبَاشِ یَتَ عَكْسَ تَذَمَ مَاتَرْسَ؞»‏

¹³ سَيْ عُواتْنِيٜىٰلْ طَنْ كٜىٰنَظْ، ڧَنٜىٰنْ كَلٜىٰبْ يَثِ غَرِنْ دَيَاڧِ، كَلٜىٰبْ كُوَ يَبَا شِ یَرْسَ عَكْسَ تَذَمَ مَاتَرْسَ؞

¹⁴ دَتَذُواْ وُرِنْسَ، سَيْ تَظُغَ عُواتْنِيٜىٰلْ يَضُواْڧِ بَابَنْتَ ڢِيلِنْ غُواْنَ؞ عِتَ كُوَ دَ تَسَوْكَ دَغَ كَنْ جَاكِنْتَ، سَيْ كَلٜىٰبْ يَتَمْبَيٜىٰتَ ‏«‏مٜىٰ كِكٜىٰسُواْ؟»‏

¹⁵ سَيْ تَأَمْسَ مَسَ تَثٜىٰ ‏«‏بَابَ، إِنَ سُواْ كَيِمِنِ أَلْحٜىٰرِ نَمُسَمَّنْ؞ تُنْدَيَكٜىٰ كَا بَانِ ڢِيلِنْ ذَمَ عَثِكِنْ ڧَسَرْ نٜىٰغٜىٰبْ عِنْدَ بَابُ ضُوَ، تُواْ، كَهَطَ مِنِ دَ وُرِنْ مَٻُٻُّغَرْ ضُوَ؞»‏ كَلٜىٰبْ كُوَ يَبَاتَ مَٻُٻُّغَرْ ضُوً دَتَكٜىٰ عَتُدُ دَ تَݣُورِ؞

وُرَرٜىٰنْ دَ ذُرِيَرْ يَهُودَ دَ بِلِيَامِنُ سُكَيِ يَاڧِ

¹⁶ سَيْ مُتَنٜىٰنْ ذُرِيَرْ كٜىٰنِ، بَابَنْ مَاتَرْ مُوسَٰى، سُكَ تَڢِے تَرٜىٰدَ مُتَنٜىٰنْ يَهُودَ دَغَ يٜىٰرِكُواْ، وَتُواْ بِرْنِنْ عِتَتُوَنْ دَبِينُواْ، ذُوَا دَاجِنْ يَهُودَ وَنْدَ يَكٜىٰ عَثِكِنْ نٜىٰغٜىٰبْ كُدُ دَ أَرَدْ؞ عَثَنْ سُكَ ذَوْنَ كُسَدَ أَمَلٜىٰكَاوَا؞

¹⁷ مُتَنٜىٰنْ يَهُودَ تَرٜىٰدَ یَنْعُوَنْسُ مُتَنٜىٰنْ ذُرِيَرْ سِمٜىٰيُوانْ، سُكَ تَڢِے سُكَثِ كَنْعَنِيَاوَنْ دَسُكٜىٰ دَ ذَمَ أَ ظٜىٰڢَتْ دَ يَاڧِ؞ سُكَ كٜىٰٻٜىٰ غَرِنْ دُواْمِنْ هَلَّكَرْوَ، سُكَ هَلَّكَ شِ؞ سَبُواْدَ حَكَنٜىٰ سُكَ ثَنْجَ وَ غَرِنْ سُنَ، سُكَ كِرَا شِ هُوارْمَ، وَتُواْ هَلَّكَرْوَ؞

¹⁸ مُتَنٜىٰنْ يَهُودَ سُكَ كُمَثِ غَاظَ دَ أَشْكٜىٰلُوانْ دَ عٜىٰكْرُوانْ، دُكَنْسُ تَرٜىٰدَ يَنْكُنَنْ دَ سُكَ كٜىٰوَيٜىٰسُ؞

¹⁹ يَهْوٜىٰهْ كُوَ يَنَ تَرٜىٰدَ مُتَنٜىٰنْ يَهُودَ؞ سُو كُوَ سُكَ مَلَّكِ يَنْكِنْ تُدَّيْ، عَمَّا بَسُ عِيَ كُواْرَرْ مَذَوْنَنْ ڢِيلِ بَ، سَبُواْدَ مُتَنٜىٰنْ سُنَدَ كٜىٰكُنَنْ دُواْكِنْ يَاڧِ نَڧَرْڢٜىٰ؞

²⁰ عَكَ بَا كَلٜىٰبْ هٜىٰبْرُوانْ كَمَرْ يَدَّ مُوسَٰى يَيِ مَسَ أَلْڧَوَرِ؞ شِے كُوَ يَكُواْرِ دُكَنْ ذُرِيَرْ یَیَ عُكُ نَ أَنَكْ وَطَنْدَ سُكٜىٰ ذَمَ عَڧَسَرْ؞

²¹ عَمَّا مُتَنٜىٰنْ ذُرِيَرْ بِلِيَامِنُ بَسُ عِيَ كُواْرَرْ يٜىٰبُسِيَاوَنْ دَسُكٜىٰ ظَوْنٜىٰ أَ عُرُوشَلِيمَ بَ؞ سَبُواْدَ حَكَنٜىٰ يٜىٰبُسِيَاوَا سُكَيِ ذَمَنْسُ تَرٜىٰدَ مُتَنٜىٰنْ بِلِيَامِنُ أَ عُرُوشَلِيمَ هَرْوَيَوْ؞

ذُرِيَرْ مَنَسّٜىٰ دَ إِڢْرَيِمْ سُنْثِ بٜىٰتٜىٰلْ دَيَاڧِ

²² مُتَنٜىٰنْ ذُرِيَرْ يُوسُڢَ كُوَ سُكَ هَوْرَ دُواْمِنْ سُكَيْوَ غَرِنْ بٜىٰتٜىٰلْ يَاڧِ؞ يَهْوٜىٰهْ كُوَ يَنَ تَرٜىٰدَسُو؞

²³ سَيْ سُكَ عَيْكَرْ دَ یَنْ لٜىٰڧٜىٰنْ أَسِيرِ ذُوَا بٜىٰتٜىٰلْ، وَدَّ دَا عَكٜىٰ كِرَنْتَ لُظْ؞

²⁴ دَ سُكَذُواْ كُسَدَ بٜىٰتٜىٰلْ، سَيْ یَنْ لٜىٰڧٜىٰنْ أَسِيرِنْ سُكَغَ وَنِ مُتُمْ يَنَ ڢِتُواْوَ دَغَ غَرِنْ، سُكَثٜىٰ مَسَ ‏«‏كَنُونَ مَنَ حَنْيَرْ شِغَ ثِكِنْ وَنَّنْ غَرِ، مُو كُوَ ذَامُيِ مَكَ أَلْحٜىٰرِ؞»‏

²⁵ شِے كُوَ يَنُونَ مُسُ حَنْيَرْ شِغَ بِرْنِنْ، سُكَ شِغَ سُنْ كَكَّشٜىٰ دُكَنْ مُتَنٜىٰنْ غَرِنْ، عَمَّا سُكَبَرْ وَنَّنْ مُتُمْ دَ دُكَنْ عِيَلِنْسَ سُكَ تَڢِے؞

²⁶ سَيْ مُتُمِنْ يَتَڢِے ڧَسَرْ هِتِّيَاوَا عِنْدَ يَغِنَ وَنِ غَرِ، يَسَا مَسَ سُونَ لُظْ؞ حَكَنٜىٰ عَكٜىٰ كِرَنْ غَرِنَّنْ هَرْوَيَوْ؞

مُتَنٜىٰنْدَ إِسْرَٰٓءِيلَاوَا بَسُ ڧَارُونَ دَغَ ڧَسَرْبَ

²⁷ ذُرِيَرْ مَنَسّٜىٰ بَسُ كُواْرِ مَذَوْنَنْ بٜىٰتْ شَنْ دَ نَ تَعَنَكْ دَ نَ دُوارْ دَ نَ إِبْلٜىٰيَمْ دَ نَ مٜىٰغِدُّواْ دَ ڧَوْيُكَنْ دَسُكٜىٰ كٜىٰوَيٜىٰ دَسُوبَ؞ كَنْعَنِيَاوَنْ كُوَ سُكَ نَاثٜىٰ سُذَوْنَ عَثِكِنْ ڧَسَرْ؞

²⁸ سَعَدَّ مُتَنٜىٰنْ إِسْرَٰٓءِيلَ سُكَيِ ڧَرْڢِے، سُكَسَا كَنْعَنِيَاوَا سُيِمُسُ عَيْكِنْ دُواْلٜىٰ كَمَرْ بَايِ، عَمَّا بَسُ كُواْرٜىٰسُبَ؞

²⁹ ذُرِيَرْ إِڢْرَيِمْ كُمَ بَسُ كُواْرِ كَنْعَنِيَاوَنْ دَسُكٜىٰ ظَوْنٜىٰ أَغَرِنْ غٜىٰظٜىٰرْ بَ، عَمَّا كَنْعَنِيَاوَنْ سُكَيِ ذَمَنْسُ تَرٜىٰدَسُو أَ غٜىٰظٜىٰرْ؞

³⁰ ذُرِيَرْ ظٜىٰبُلُنْ كُمَ بَسُ كُواْرِ مَذَوْنَنْ غَرُضُوً كِتْرُوانْ دَ مَذَوْنَنْ نَهَلُوالْ بَ؞ عَمَّا كَنْعَنِيَاوَنْ سُكَيِ ذَمَنْسُ تَرٜىٰدَسُو؞ مُتَنٜىٰنْ ظٜىٰبُلُنْ سُكَسَا سُيِ مُسُ عَيْكِنْ دُواْلٜىٰ كَمَرْ بَايِ؞

³¹ ذُرِيَرْ أَشٜىٰرْ كُمَ بَسُ كُواْرِ مَذَوْنَنْ غَرُضُوً عَكُّواْ دَ سِدُوانْ دَ أَلَبْ دَ عَكْظِبْ دَ هٜىٰلْبَ دَ أَڢٜىٰكْ دَ رٜىٰهُوابْ بَ؞

³² مُتَنٜىٰنْ أَشٜىٰرْ كُوَ سُكَيِ ذَمَنْسُ تَرٜىٰدَ مَذَوْنَنْ ڧَسَرْ كَنْعَنَ، غَمَا بَسُ كُواْرٜىٰسُ دَغَ ڧَسَرْ بَ؞

³³ ذُرِيَرْ نَڢْتَلِ كُمَ بَسُ كُواْرِ مَذَوْنَنْ غَرُضُوً بٜىٰتْ شٜىٰمٜىٰشْ دَ نَ بٜىٰتَنَتْ بَ؞ سُكَيِ ذَمَنْسُ تَرٜىٰدَ مَذَوْنَنْ ڧَسَرْ كَنْعَنَ، عَمَّا سُكَسَا مَذَوْنَنْ بٜىٰتْ شٜىٰمٜىٰشْ دَ نَ بٜىٰتَنَتْ سُيِ مُسُ عَيْكِنْ دُواْلٜىٰ كَمَرْ بَايِ؞

³⁴ أَمُواْرِيَاوَا سُكَ مَڟَا وَمُتَنٜىٰنْ ذُرِيَرْ دَنْ لَمْبَ، سُكَ تُورَسُ ثِكِنْ يَنْكِنْ تُدَّيْ، بَسُ كُوَ يَرْدَ مُسُ سُسَوْكَ سُذَوْنَ عَيَنْكِنْ ڢِيلِ نَڧَسَرْبَ؞

³⁵ أَمُواْرِيَاوَنْ كُوَ سُكَ نَاثٜىٰ سُذَوْنَ أَ هٜىٰرٜىٰسْ دَ أَيَلُوانْ دَ كُمَ ثِكِنْ شَعَلْبِمْ؞ عَمَّا ذُرِيَرْ مَنَسّٜىٰ دَ إِڢْرَيِمْ سُكَ مَلَّكٜىٰسُ ڧَرْڢِے دَ يَجِ، سُكَسَا سُيِمُسُ عَيْكِنْ دُواْلٜىٰ كَمَرْ بَايِ؞

³⁶ إِيَاكَرْ يَنْكِنْ أَمُواْرِيَاوَا تَبِے دَغَ مَشِغِنْ عَكْرَبِّمْ تَوُثٜىٰ غَبَ دَ سٜىٰلَ؞