يَعْڧُوبَ 5 - أَتَّوْرَتْ دَ أَنَّبَاوَا

أَنْ ڟَاوَتَا وَمَاسُ أَرْزِڧِ

¹ تُواْ، كُسَوْرَرَ، كُو مَاسُ أَرْزِڧِ!‏ كُيِ كُوكَا دَ إِيهُ سَبُواْدَ عَذَابَرْ دَتَكٜىٰ ذُوَا عَكَنْكُ؞

² أَرْزِڧِنْكُ دُكَ ضُٻَٻّٜىٰ نٜىٰ، كُمَ ڨُورِ سُنْثِنْيٜىٰ تُڢَاڢِنْكُ؞

³ ظِينَارِيَرْكُ دَ أَظُرْڢَرْكُ سُنْيِ ڟَاڟَا؞ ڟَاڟَرْ نَنْ دَ سُكَيِ عِتَثٜىٰ ذَاتَ ذَمَ شَيْدَ عَكَنْكُ، ذَاتَ كُمَ ثِنْيٜىٰ نَامَنْ جِكِنْكُ كَمَرْ وُتَا؞ كُنْ دَيْ تَارَ وَكَنْكُ دُوكِيَ عَݣُونَكِنْنَنْ نَڧَرْشٜىٰ؞

⁴ غَمَا أَلْبَشِنْ مَعَيْكَتَنْ غُواْنَكِنْكُ، وَطَنْدَ كُكَڧِ بِيَنْسُ سَبُواْدَ حَلِنْ ثُوتَرْكُ، يَنَ كُوكَا غَ اللَّهْ؞ حَكَ نَنْ كُوكَنْ مَاسُ يِمُكُ غِرْبِے أَغُواْنَكِنْكُ يَكَيْ كُنّٜىٰنْ اللَّهْ عُبَنْ‌غِجِ مَيْ ضُنْدُنَا؞

⁵ كُنْيِ ذَمَ عَدُونِيَا ثِكِنْ جِنْ دَاطِے، كُنَثِ دَ شَا نَغَنِنْ دَامَ؞ تُواْ، كُنْيِ وَكَنْكُ كِيوُاْ نٜىٰ كُنَ ذَمَنْ جِضَانْ رَانَرْ يَنْكَ؞

⁶ كُنْ حُكُنْتَ مَرَسَ لَيْڢِے، كُكَ كُمَ كَشٜىٰسُ، بَسُ كُوَيِ غَابَادَكُوبَ؞

حَڧُرِ دَ أَدُّعَ

⁷ سَبُواْدَ وَنَّنْ، یَنْعُوَ، كُيِ ذَمَنْ حَڧُرِ حَرْ سَيْ عُبَنْ‌غِجِ يَدَاوُاْ؞ كُدُوبِے إِرِنْ حَڧُرِنْ دَ مَنُواْمِ يَكَنْيِ لُواْكَثِنْ دَيَكٜىٰ جِرَا غُواْنَرْسَ تَبَادَ أَمْڢَانِ مَيْݣَوْ؞ دَ يَوَنْ حَڧُرِ يَكَنْ جِرَا ضُوً شُوكَ دَ ضُوً ڧَرْشٜىٰ؞

⁸ سَيْ كُو مَا كُكَسَنْثٜىٰ دَ حَڧُرِ؞ كُڧَرْڢَڢَ ذُوثِيَارْكُ، دُواْمِنْ ذُوَانْ عُبَنْ‌غِجِ يَيِ كُسَ؞

⁹ یَنْعُوَ، كَدَ كُيِ غُنَغُنِ دَ جُونَ، دُواْمِنْ كَدَ أَ حُكُنْتَكُ؞ غَاشِ، مَيْ شَرِيعَ يَكُسَنْ ذُوَا، حَرْ يَنَ عَبَاكِنْ ڧُواْڢَ؞

¹⁰ یَنْعُوَ، كُلُورَ دَ أَنَّبَاوَنْ دَ سُكَيِ مَغَنَ دَ سُونَنْ عُبَنْ‌غِجِ؞ كُبِے غُرْبِے نَجِمْرٜىٰوَرْسُ ثِكِنْ وَهَلَ؞

¹¹ غَاشِ، وَطَنْدَ سُكَ جِمْرٜىٰ مُكَنْثٜىٰ دَسُو مَاسُ أَلْبَرْكَ نٜىٰ؞ كُنْ دَيْجِ إِرِنْ جِمْرٜىٰوَرْ دَ أَيُوبَ يَيِ، كُنْ كُمَ سَنْ يَدَّ عُبَنْ‌غِجِ يَ أَلْبَرْكَثٜىٰشِ عَڧَرْشٜىٰ؞ غَمَا عُبَنْ‌غِجِ مَيْ جِنْڧَيْ نٜىٰ، مَيْ يَوَنْ تَوْسَيِ كُمَ؞

¹² ڢِيٜىٰ دَكُواْمٜىٰ دَيْ، یَنْعُوَنَ، كَدَ كُيِ ضَنْڟُوَا كُواْ كَطَنْ؞ كَدَ كُيِ ضَنْڟُوَا دَ سَمَ، كُواْ دَ ڧَسَا، كُواْ عَكَنْ وَنِ أَبُ؞ سَيْ دَيْ كُثٜىٰ ‏«‏عِ»‏ كَوَيْ، كُواْ كُوَ كُثٜىٰ ‏«‏أَعَ»‏ كَوَيْ دُواْمِنْ كَدَ كُشِغَ حُكُنْثِنْ اللَّهْ؞

¹³ كُواْ أَݣَويْ وَنِ مَيْ شَنْ وَهَلَ عَثِكِنْكُ؟ تُواْ، سَيْ يَيِ أَدُّعَ؞ كُواْ أَݣَويْ وَنِ مَيْ مُرْنَ؟ تُواْ، سَيْ يَيِ وَاڧُواْڧِنْ يَبُواْ؞

¹⁴ كُواْ أَݣَويْ وَنِ مَيْ رَشِنْ لَاڢِيَ عَثِكِنْكُ؟ سَيْ يَكِرَا دَتَّاوَنْ جَمَعَرْ مَاسُبِنْ عِيسَىٰ سُيِ مَسَ أَدُّعَ، سُنَ شَاڢٜىٰشِ دَ مَيْ عَثِكِنْ سُونَنْ عُبَنْ‌غِجِ؞

¹⁵ إِرِنْ وَنَّنْ أَدُّعَرْ دَ عَكَيِ ثِكِنْ بَنْ‌غَسْكِيَ، ذَاتَ وَرْكَرْدَ مَرَرْ لَاڢِيَرْ؞ عُبَنْ‌غِجِ كُمَ ذَيْ وَرْكَرْ دَشِ؞ إِنْ كُمَ يَيِ ذُنُوبِ، ذَاعَ غَاڢَرْتَا مَسَ؞

¹⁶ سَبُواْدَ حَكَ كُڢُرْتَ وَجُونَ لَيْڢُواْڢِنْكُ، كُنَيِ وَجُونَ أَدُّعَ دُواْمِنْ أَوَرْكَرْدَكُو؞ أَدُّعَرْ مَيْ أَدَلْثِے تَنَدَ ڧَرْڢِنْ عَيْكِ دَ إِيكُواْ سُواْسَيْ؞

¹⁷ إِلْيَاسُ مُتُمْ نٜىٰ كَمَرْمُ؞ يَنَاثٜىٰ سُواْسَيْ ثِكِنْ أَدُّعَ دُواْمِنْ كَدَ عَيِ ضُوً سَمَ، سَيْ كُوَ بَعَيِ ضُوَ عَڧَسَرْبَ حَرْ شٜىٰكَرَا عُكُ دَ وَتَا شِدَ؞

¹⁸ بَايَنْ حَكَ يَسَاكٜىٰيِنْ أَدُّعَ، سَيْ سَمَ يَبَادَ ضُوَ، ڧَسَا كُمَ تَبَادَ أَمْڢَانِنْتَ؞

¹⁹ یَنْعُوَنَ، عِدَنْ طَيَ دَغَ ثِكِنْكُ يَرَبُ دَ حَنْيَرْ غَسْكِيَ، وَنِنْكُ كُمَ يَدَاوُاْ دَشِ كَنْ حَنْيَ،

²⁰ سَيْ يَسَنِ ڢَا دُكْ وَنْدَ يَدَاوُاْ دَ مَيْ ذُنُوبِ عَكَنْ حَنْيَ يَثٜىٰثِ رَنْ مَيْ ذُنُوبِنْ دَغَ مُتُوَ، كُمَ وَنَّنْ ذَيْ ذَمَ حَنْيَرْ غَاڢَرْتَ ذُنُبَيْ مَاسُ طُمْبُنْ يَوَ؞